Sonder (已搬遷) 新店位置

肥妹仔今晚去完尖沙咀度買嘢，約咗個朋友食飯。聽聞呢一間樓上酒吧又有得食，又有得玩，又有得bbq添，於是就上去試下。肥妹仔上到去嘅時候，戶外bbq嘅地方已經full booking，所以肥妹仔就喺室內嗰度食飯。室內入面除咗普通食飯之外，仲有得玩飛鏢 ，beer pong ，真係好多選擇㗎，一啲都唔怕悶親!避風塘魷魚鬚  $98唔好講笑，肥妹仔一嚟就叫咗呢一個非常香口嘅避風塘魷魚鬚，超多蒜，超級惹味!魷魚鬚嘅份量超多，肥妹仔嘅朋友直頭連埋啲蒜一齊食 。佢嘅魷魚酥炸到非常香口，不過肥妹仔就略然有啲油膩，如果少啲油就好好多。黑松露菠菜雞肉闊條麵  $98呢一個菠菜雞肉條面冇乜特別，但係最特別嘅係佢嘅黑松露醬好多，撈勻嚟食真係好香黑松露醬味，超正。炭燒羊架  $138呢一個炭燒羊架肥妹仔真係見到佢係戶外嘅地方即場燒，好香炭燒味。而且佢嘅羊架非常之新鮮，羊騷味唔濃，係肥妹仔接受到嘅程度。佢嘅肉質非常之嫩滑，好好食。fruit punch $68lemonade $68

好耐冇同過朋友飲野，趁放工同朋友去咗附近chill下。依間樓上鋪個場都幾大，適合一大班朋友去聚會。而且有唱k、飛標等娛樂。嚟到一定要飲返杯。cocktail 種類選擇多，價錢適中。朋友點嘅grasshopper 我自己就點咗杯pina colada. 酒味唔重，甜甜地幾啱女仔飲。除咗飲酒我地仲叫咗少少野食墊底。首先點咗個黑松露菠菜忌廉雞肉闊條麵($98). 面頭嘅黑松露勁多，見到都開心。松露味好香。整體嚟講依個價錢食到個黑松露意粉都唔錯。另外我哋叫咗個避風塘鴨舌。平時勁少機會可以食到鴨舌，今次仲要係避風塘風味。個鴨舌炸得好好食，而且份量都算多，送酒一流。

酒吧都幾大架啵，裝修以黑色為主，有indoor 同outdoor位置，又有vip獨立房，可以鏢掟同哩K添架🤩，露天座位比較清靜，仲有嗰有蓋既露台位置，可以欣賞夜境，好浪漫🥰🥰打開餐牌，有驚喜啵真係，鬧市中既酒吧都有避風塘系列既小食❤️ 除左小食，重有好多主食架，唔驚會唔夠飽，價錢出乎意料好吸引添❤️炭燒牛肋骨 🐂 好得，上枱好大份，漂來陣陣香味，燒得岩岩好，肉質嫩滑，唔會話overcook，而且已經切好曬，夠方便，好細心❤️❤️香脆炸雞翼有7隻中雞翼，啖啖肉質，油温控制得好好，炸到嗰雞皮脆卜卜，重點雞肉仲keep到juicy同好嫩滑🥰🥰❤️碳燒豬肉腸份量好多啵，用碳燒方式烤腸果然味道唔啲，因為碳烤得有香氣，還蠻好吃的，重點嗰皮好脆口😋❤️碳燒雞扒😍 雞扒烤得恰到好處，一咬落去去，甜美既肉汁加上炭燒的香味，真是 o-i-shi😝

經過老闆一日嘅折磨，放工緊係想搵間有好嘢食又有靚景睇嘅餐廳同朋友仔chill吓，但要呢類質素嘅餐廳最起碼都成7百幾8百蚊起跳。今日經朋友介紹，竟然起尖沙咀搵到呢間又平又有靚景嘅小酒吧，仲要食物質素都唔差先係重點。呢度空間幾大，d位坐落都幾舒服，而呢度有分室內同室外嘅座位，今日早咗嚟所以可以揀戶外位，望住個景食晚飯。呢度室內都有d娛樂設施，可以比人玩下飛鏢或者坐下bar枱食下嘢同d朋友傾吓計，最重要仲有4間獨立房可以比一班朋友仔唱吓K、傾吓偈。我哋入去睇吓d獨立房嘅時候發現，獨立房出面仲有個露台仔可以比客人燒嘢食，下次可以約埋三五知己嚟BBQ。呢度嘢食嘅價錢算平，今晚我哋兩個人叫咗炸魚薯條、避風塘軟殼蟹、黑松露菠菜忌廉雞肉闊條麵同杯Lemonade，埋單都係4百蚊左右。個炸魚薯條同避風塘軟殼蟹即叫即炸，味道唔錯，配嘢飲一流；個闊條麵多汁夠味，上面鋪滿黑松露香料，每啖都有濃濃嘅黑松露味，價錢又抵，唔飲嘢好似我哋咁齋食嘢同睇景都好滿足。最後杯Lemonade唔會太酸，易入口，岩晒鍾意飲特飲嘅我。

#尖沙咀 sonder 樓上酒吧🍻🍺 沒想到那裡算是多功能的，因為酒吧除了有的標機、beer pong外，還有包箱房間 party room 一班人聚會超正！我比較喜歡戶外zone, 有美景😀😀更有店員代客人燒烤👍👍🔹香脆炸雞翼 $78 有7隻中雞翼，皮脆肉嫩、香口惹味😋😋😋🔹避風塘墨魚咀 $78 炸蒜做得超脆口，墨魚咀都脆卜卜，讓人吃不停口，佐酒小食都一流😍😍😍🔹黑松露菠菜忌廉雞肉闊條麵 $98 都好多黑松露，所以勁香松露味。不錯😊😊😊🔹牛油香蒜娃娃菜 $68 這款菜推薦，以燒烤型式烹調，用錫箔紙包娃娃菜加大量蒜泥牛油，烤後超級蒜香，娃菜菜又鮮甜，好味😋😋😋 Sonder地址: 尖沙咀加拿芬道25-31號（河內道） Bcc build., 14/F全層

星期五要同朋友去輕鬆一下，朋友帶咗我去尖沙咀呢間酒吧飲嘢，上到去見到有飛鏢機，而且仲有室外露台，有BBQ任食， $250燒四個鐘頭仲包無酒精飲品，食物當然就唔係啲咩特別，不過大家傾吓計，都係一個唔錯嘅選擇，如果想飲有酒精飲品，加多$100就可以啦。。BBQ就要下一次先試，今晚我哋就嗌左一個小食配酒。避風塘墨魚咀 $78黑松露菠菜忌廉雞肉闊條麵 $98Signature cocktail Joe’s $108Draught beer Kronenbourg 1664 blanc $88。呢度嘅避風塘食物炒得幾香口，而且墨魚仔嘅份量都唔少，送酒一流，闊條麵嘅麵條就唔算太過好食，不過黑松露就超級香，仲要熱辣辣。飲品嘅選擇都幾多，cocktail幾兒入口，顏色又靚如果下次同朋友飲嘢，都可以考慮呢一度呢。

Sonder 是位於尖沙咀，地址是 : 尖沙咀加拿分道25-31號國際商業信貸銀行大廈 (BCC) 14樓，K11附近，交通十分方面，港鐵尖沙咀/尖東站 N2 出口，步行不需要1分鐘。餐廳裝修以黑色為主，有4間私人VIP獨立房，私隱度極高，最小的VIP房，可以容納10至15人，而其中有一間最大的，甚至可以容納25至30人。每間VIP房，當然有唱 Karaoke的設備，還有獨立的露台，可以約晒成班朋友一齊 BBQ。喜歡 BBQ的朋友，但又不想自己落手落腳去燒的話，絕對無問題，因為可以選擇餐廳有一個很窩心的服務，就是有專人服侍，幫你燒野食。餐廳外還有一個有帪蓬的露台位置，分別提供４人檯及10至12人檯各2張，喜歡看夜境、吹吹風的朋友，選擇坐室外也是一個不錯的選擇。大廳空間闊落，有電視、可以唱 K、日本飛鏢機、骰盅、還有美國至潮遊戲Beer Pong枱。叫了兩個無酒精 Mocktail的飲品 : Lemonade 及 Cinderella，清新兼開胃。還叫了 “炭燒雞泡魚” 及 “酥炸去骨原隻豬手”炭燒雞泡魚，是一款值得推薦的小食，本人就食到不停口，有炭燒的香味，再加上沙拉醬一起食，簡直是一

當你處身於尖沙咀 時間尚早好想飲杯嘢但又飯都未食的話 點樣可以一次過滿足食飯飲嘢兩個願望嘅？朋友介紹咗我嚟sonder, 餐廳空間感都幾大 仲有幾間vip獨立房 有鏢掟🎯有k唱🎤之餘 仲有個有蓋天台 而家天氣凍咗咁多 啱晒成班人一齊任食bbq☺蜜汁燒豬頸肉燒得好香口，唔會燒到好乾身，蜜汁好香，豬頸肉燒到脆脆地，非常juicy！炭燒牛肋骨推薦！好大份，燒得岩岩好，唔會話太老好難咬，嫩滑好香牛味，仲有上既時候已經切好曬，好方便！牛油蒜蓉娃娃菜好香既牛油同蒜蓉味，聞到已經好開胃，娃娃菜剛好，整體好食！卡邦尼闊條麵濃濃既芝士加蛋香味，忌廉味好出，口感好creamy，份量唔算大，岩岩好！

今晚老闆攪聚會，想了解一下同事們工作情況，但又唔想在公司開會咁死板，所以請我哋去尖沙咀Sonder。位於14樓高層的餐廳分室內和室外，室外有蓋露台可以觀賞到尖沙咀街道的景色，又可以BBQ。室內設有私人獨立房。集玩樂、消遣、美食於一身。食物即叫即做，新鮮美味！炸魚薯條：份量不少，炸得脆度剛剛好，不會過火，香脆可口。香脆炸雞翼：呢個值得一讚，雞翼唔單止入味，外層炸至微焦好香脆，肉質保持鮮嫩多汁，非常好味！美式炸薯角：大大份好抵不食，炸得外面脆卜卜，裡面鬆軟，加了少許調味，不需點茄汁都好惹味！白酒汁蜆肉意粉：有蒜香和白酒配意大利粉很適合，加埋蜆肉的鮮味，令整碟意粉更美味。美酒佳餚！當然要啤啤佢！

哇 見到甘多人話BBQ加環境優美，$250+10% 不包酒精飲品，幾個人收工咪諗住試吓和傾下計，點知原來係陷阱，一坐低寫咗order,點知坐咗接近2hrs就只有2碟雞翼1碟唔熱嘅雜丸類和金菇菜娃娃菜各1，其他未見過，第一次追單多春魚和火雞腎時，個waitress話等多陣就有，又20mins後再追問，另一waitress話無哂，唔係啩19:30到達已即時order，第一round 嘅order未齊過，在2hrs後同我講無哂食物，後來有個男仕出嚟問仲有咩未到，除咗雞翼雜丸金茹菜娃娃菜，其他一律欠奉🤬佢話會follow，點知仲嬲，佢比左碟雜扒，原全唔係燒，只係烚肉，茄子仲驚嚇，原全係油浸！$250-完全食風和垃圾，仲要order邊樣無邊樣，仲要一個爐負責燒哂咁多枱，無咁嘅設備，食物和服務就唔好吹咁大🤬🤬🤬

劣評🤬🤬🤬🤬$250 任飲任食 4小時 露天BBQ坐左兩個鐘 除左風食得最多 就只係出過兩碟雞翼 一碟丸 一包金菇菜 仲要唔咪好熱既 全場只見一個爐 得一個人燒 （辛苦靚仔一個人燒咁多臺客）多春魚呀 扒呀 鴨腎未見過 追過一次多春魚 話要耐少少 坐左兩個鐘 由暖坐到震 忍唔住再追 竟然同我講冇晒 仲要話叫我重新畫過晒單 你冇病呀 火都黎埋 跟著燒野哥哥即刻話幫我地跟左先 入面廚房隊一大碟肉出黎 hea我嗎？唔咪燒 唔咪煎 連微波爐焗都唔係 似烚熟囉 除左燒烤哥哥燒果幾包菜係食得 其他跟本係垃圾 咁樣做生意 即刻埋單走老闆你話今晚人多 唔好意思？ 人唔多你關門大吉啦 咁人多就咁樣 客唔會有下次 都係關門大吉 咁你點開舖呀？我開開心心黎同fd慶祝生日 你要落deposit 我都即刻落 換黎既係咁既質素

同下朋友飲下野吹下水， 緊係要搵d舒服又坐得耐d既地方呢到有室內室外， 有私人室內房，又有bbq,滿足到消遣玩樂於一身當然我一黎到已經喜歡露台位❤️我同朋友簡單叫了一些⋯避風塘墨魚🦑咀（$78）好野味， 炸到脆脆的又香口勁like好有咬口白酒汁蜆肉意粉（$78）份量剛好， 意粉好夠味， 吸收哂白酒香味， 與外香草的香味好夾牛油蒜蓉娃娃菜（$68）真好似食緊bbq咁，用了石紙包黎煮👍🏻美式炸薯條🍟（$88）份量好多當然唔小得酒😂叫了一杯1664（$88）一杯Cinderella ($78)

朋友介紹我去河內道一間酒吧餐廳過一個Happy Friday, 餐廳名稱叫「Sonder」,是一間有得唱K, 有game玩，有酒飲同好西餐美食的好地方。我很喜歡餐廳有outdoor位置，可以吹吹風同朋友高談闊論，十分享受。今次點了炸魚薯條$88，炸魚及薯條即叫即炸，很香口及熱辣辣，是粗薯條可以食到啖啖薯肉，很不錯。碳燒牛助骨$128，上抬時已經切開一件件，牛助骨 嫩淋鬆化，有牛肉香。Gunner $68(Ginger Beer/Ginger Ale/Angostura Bitters /Lime) 薑味濃郁，入口非常清新。 juice Virgin Mojito $88(Fresh Lime / Syrup / Mint/Soda Water ) 呢杯都係好fresh，而且薄荷葉都好多，飲完令人很爽快。

會嚟呢度某程度上係比佢嘅夜景吸引左，見朋友影相好靚呀！打卡一流呀！原來佢仲有私人獨立房，可任BBQ，有集玩樂,消遣,美食於一身有蓋的露台位置!!!而家開始轉涼，坐喺度飲嘢食嘢吹下涼風真係唔錯～店員推介特色雜扒拼盤$228有雙丸、薯條、豬扒、牛扒、豬頸肉、雞翼，即叫即燒，夠晒香口Pina Colada $88椰奶味的cocktail~甜甜的好易入口Lemonade $68檸檬汁有氣梳打～唔飲酒嘅好選擇！！

這間位於尖沙咀的酒吧，除了有酒飲之外，還有正餐的意粉及多款小食及燒物等供應。餐廳有室外的露天座位，可以BBQ，亦有獨立房間，私隱度高，另外酒吧唔少得既鏢靶及骰盅等。黑松露菠菜忌廉雞肉闊條麵闊條麵用了大量的橄欖油拌勻，黑松露份量頗多，雜菌香氣撲鼻，麵質都算煙韌，不過雞肉較少。酥炸去骨原隻豬手豬手已去骨切件，外皮香脆，肉質又不會太乾，入口有彈性且不會太咸。炸魚薯條炸魚粉漿不厚又脆，魚肉嫩滑，炸粗薯份量多又香脆。