SOFFEE (T.O.P This is Our Place) (已結業)

今日去到TOP樓上既診所驗眼仲未夠鐘，就係旺角中心一帶想搵個地方Hea下，搵左好耐，終於就係TOP地面果層搵到一個比較舒適既地方坐，原本唸住去一芳買杯野飲，但係又無位坐，點知發現對面開左黎間餐廳Soffee，未行到入去已經比佢地D蛋糕吸引住….點解可以咁靚架D蛋糕！唸都無唸就買左件最特別既牛油果蛋糕同一杯凍抹茶拿鐵！本人係超級牛油果🥑Fans！暫時未見識過牛油果蛋糕，第一次見到有得賣，食完就覺得自己既選擇係無錯！好享受每一啖牛油果蛋糕同抹茶拿鐵！人生觀突然比件蛋糕同拿鐵改變左，短短半個鐘時間，學識咩叫品賞食物！

很久也沒出旺角，行到旺角中心一期附近，肚子有點餓，想坐低吃點東西refresh一吓，走到對面TOP商場，地面商場內有幾家食店，剛巧在彌敦道入口旁有一家新開的小餐廳，裡面不太多人，都幾清雅舒適，於是走了入去試試。一走進去，即時被甜品櫃吸引咗，點呢？無理由一嚟就甜品，於是先睇吓餐牌有甚麼好吃。餐牌有些特色小吃、意大利麵、All Day Breakfast、各類咖啡、果茶和 Milkshake，於是我和朋友兩人先各自點了一個大蝦意粉和帶子意粉，大蝦意粉配番茄醬，帶子意粉配白汁，入口一試，咦，熱度夠喎，口感軟硬適中，醬不太杰，好味，我朋友同時點了百香果茶，新鮮百香果口感酸酸，略嫌甜味差少少。吃完意粉我已急不及待去去甜品櫃睇蛋糕，有整個裝也有件裝，口味不算太多，但外觀實在精巧、吸引，有日式抹茶、雜莓、芝士蛋糕、Dark Chocolate、牛油果同埋榴連，我就選了雜霉同芝士蛋糕，仲配埋一杯黑糖latte，可是好味得滯，所以再放任一點，叫埋個小食拼盤，炸的，有魚柳、魷魚同埋雞肉，有少少辣，但非常香口，最終飽飽地滿意離開。

黎間餐廳D蛋糕又有內涵又有外貌！超正！好食過好多知名品牌！出乎意料之外😋 榴蓮蛋糕同芝士蛋糕都無得頂！下次會試埋牛油果蛋糕同抹茶麻糬蛋糕！牛油果聽聞全部都係用澳洲牛油果去做，奶昔都係！我係超鐘意榴蓮同牛油果！可以同時滿足曬我所有要求😋主食黑松露虎蝦飯同蟹肉意粉好好食！雞翼特別推薦！仲有芝士奶蓋茶同焦糖拿鐵都好好飲！點解咁遲先發現呢間隱世餐廳🥲我係附近翻工都係今日先發現！太低調啦！好驚喜旺角有咁舒服又好食既餐廳，以後會成日黎幫襯！希望下次唔洗排隊啦！😋😋😋😋😋