Simplylife Bakery Cafe

營業中

休息中

Simplylife 整體都好，但不知為何枱要做得那麼細，但主菜的碟又很大，兩個人用餐，兩個主菜是剛好放得落枱上，有時湯/沙律未食完，主菜便要上，說放不下他們也硬要放在枱上，而兩個主菜碟是凸出枱外的，食時也要自己去就位，覺得這樣食飯很不舒服！

九龍塘的simply life本來實在不需我多作介紹，每次經過必見人龍，入內次次滿座。因為人多，平常如果光顧都要有心理準備排隊一段時間，但最近發現可用app遙距拎飛（可能已經不算新聞？），咁就大大不同了！拎定飛再慢慢行街，輕輕鬆鬆就食到。餐牌不常更換，因為喜愛手工意粉，以前每次黎都食蜆肉辣肉腸扁意，但今日見到有個海鮮意粉，仲要係辣茄汁，馬上點菜！原本我都冇諗過我會因為一碟意粉而寫食評，但意粉真是有驚喜！鱸魚皮脆肉嫩，魷魚鬚微微焦香，青口肉結實，辣茄汁更令我意粉一口接一口，停不下來！結果，我當天吃完後，第二日因事再出又一城，毫不猶豫地，再去simply life 翻尋味。PS 同場加映友人點的煙三文魚薄餅，從來不敢點薄餅的我（因為吃不完），非常喜歡sour cream， 紫洋蔥及煙三文魚的組合，濃郁卻又不膩，可以一試。

依傢先知原來Simply Life中文名係星美樂...自從九龍灣果間執左之後就無食過好掛住佢地d麵包同牛扒!仲有我最鐘意飲既水果茶^^本身想食food court架，但揀唔岩見到隔離有，就入左去~門口個帶位都幾cool...我同朋友都叫左set +$42 (有湯/Salad揀 & drinks)我就當然係叫水果茶^^佢就加左$6要House RedRib Eye Steak $288 好似係全部set入面最貴但我覺得最好食(以前)今次食少失望，扒少un太熟其他配菜又唔夠熱...Mushin Fettucc $138完全無乜特別...好漏樓上cafe水準最後食完main就到甜品+$36有件cake!揀左抹茶千層蛋糕係好食既唔差可試味道: 3/5環境: 4/5服務: 3/5衛生: 4/5抵食: 2/5人均: $3xx

今日去又一城睇戲，順便個午餐，見到gulu可以攞飛，又好耐無食，所以就選擇佢食個happy lunch.去到等左一陣就有位，餐牌好多選擇，我地2個人share食，叫左1個pizza同埋1個寬條麵，餐附送餐湯，飲品選擇左餐廳特飲，我印象之前係西柚特飲，不過今次轉左紅梅，好快餐飲及餐湯，包已經到，特飲轉左，比較甜，如果知道唔係之前個款，我應該唔會order 佢，餐湯係南瓜湯配法式餐包，我地2人都覺得餐包非常好食，不過餐廳出面個麵包店無得買，有d可適。Pizza係薄片好食，又脆口，相反個黑松露寛條麵一般，味道較淡，如果可以加少許煙肉之類會好好多。總括黎講都可以，希望餐廳既麵包店有埋個隻餐包賣就好啦。

星期日去食啦，1點20分到。1:35 入座，1:40 order, 叫左chicken pizza and Parma ham pasta, pasta 好快到，5分鐘內。好香，但味道一般。問題就係我地食完pasta，份pizza仲未到，最後等左半個鐘。以為可以食啦，一來到塊餅切到鬼五馬六感。薄餅邊唔脆。失望Overall very average at best. 快餐店係咁知道你忙，但係唔好咁求其好唔好。環境搭救，大家唔介意味道的話，呢間適合醫肚

每次去又一城，我都一定幫襯，食咗好多年，價錢每年都加，食物質素每況愈下！由杯冰茶開始，以前橙味冰茶好正！現在係紅色冰茶，吾好飲！今次連餐湯附送嘅麵包，連牛油都沒有！換咗黑醋，我又吾覺得係高級咗！窮到連牛油都唔提供！聽到隔離枱位靚女投訴無牛油，職員叫佢打去客戶服務部投訴處理，我懶得打！今日叫煎魚鯷魚沙律，條魚無味！沙律無鯷魚鹹香味！吾好食！個牛扒三文治係梳打粉牛扒！好難食！極度中伏！座位安排坐得好迫！兩個人兩個位，仲要抱住個袋嚟食！室內有位都吾開放！貼錢買難受！成功趕走我，我吾會再食。拜拜！題外話，之前睇早場，都會嚟食早餐，佢杯mocha如果唔係男職員沖，極度難飲！中伏兩次係，從此唔再喺度食早餐！

我係好夜入座，我都有自知之名，但佢既然講得仲有半個鐘先last order，咁就仲算係打開門。我好快就落order,佢基本上menu都收埋曬，搵唔到比我，只係得個set menu比我。都唔緊要啦，反正有野食就得照舊有麵包食先，揀左沙律唔要湯，野飲得凍野無熱野飲，都只好叫果汁當時隔離左右都仲有人食完坐左喺到，居然喺呢個時候，個staff喺到掃地，我仲食緊沙律，佢無唸過掃到d塵會上黎我d野食到，又一句野都無同我講就直接伸支掃把黎我隻腳嗰度掃。正餐黎左呢個豬扒，賣相只可以講還可以，但個肉非常之乾！！！乾到我要無一淡肉要餸一淡果汁先食得落……唯一最ok係個薯蓉食完呢次，覺得完全無食用環境／服務，當時9：30 last order都未到 你就開始咁樣掃，好似無當我係顧客咁，掃之前仲要無單聲，直接掃埋黎我腳嗰邊，好無禮貌，好似趕住收工咁，我寧願你直接同我講close左好過令我有咁唔愉快嘅經歷以後唔會再黎

食物款式少，一個沙律百六蚊，味道極普通，意粉份量少，服務超級差，埋單時個waitress 連句多謝都冇，夜晚8點明明冇客等緊，都趕客走咁款，一食完就即刻收走d碟同餐具，加杯冰紅茶要四十幾蚊，完全唔值，食物冇質素，服務差，絶對不推薦，不會再去!

我一直係又一城simplelife 鐵粉，好多年前開始去，基本上諗唔到食乜就去依間，一話食simplelife朋友都有d 怕左😅😅😅🤣🤣🤣試過幾間simplelife ，都係最中意又一城個間，因為樓底高，景觀開揚，有個屋內露台，有得涼冷氣又有露台feel🤩，又可以望住個溜冰場，好療癒。☺️☺️☺️☺️我今次試左個洋甘菊茶，同咸牛肉蛋三文治😛，估唔到simplylife 會有依個茶餐廳名物🤣🤣🤣fusion

又係嘆早餐嘅時候，想慢慢食早餐，唔使俾人趕，喺又一城，Simplylife 都係一個好選擇。選擇了ham mustard roll 和一柸Mocha. 這份早餐份量剛剛好，陣間可以同小朋友一齊食午餐。兩樣加埋$36，可以慢慢坐，都算優惠。Mocha偏甜，下一次會選擇其他咖啡。麵包都香麥味，有機會會再食。

行過又一城見到間靚靚既麵包店💜💜望落好多麵包都好似好好食😋😋😋😋😋遠處仲已經聞到好香既麵包香🍞🍞🍞🍞其中蘋果丹麥酥($22)真係一眼相中望落好靚 好鬆脆個樣仲好似蜂巢🍯其他都好靚好想試😍😍😍😍😍食落真係好香好鬆👍唔會好甜中間有空洞 上層係格格既蘇皮足足56層酥脆口感下層係滿滿蘋果醬同果肉💕🍎🍎買走店員仲會每個麵包獨立包起👍#foodie_aki #yum_yum

又一城長期排晒長龍的餐廳 平時都係買麵包多，今次朋友想食 就等咗好耐位入去坐吓，唔算係坐得好舒服，但望住溜冰場食lunch又真係幾chill 哈哈 🤣🤣食物味道都幾好，牛肉漢堡同糙米飯都幾好食🤣🤣有質素嘅西餐感 haha~ 💸💸Set lunch配冰茶車打芝士牛肉漢堡 配 牛油果蓉 $115野菌黑松露忌廉有機糙米飯 $115餐湯另加$10 📍Simplylife Bakery Cafe 九龍塘又一城L2樓 L2-30號鋪

好耐冇去Simply Life，咁啱今日去睇戲，食飯前就先食個lunch 慢慢等。今日都幾特別，特別在 lunch hour 都無太多人等位。照舊 Menu 上都有好多選擇，All Day Breakfast、漢堡等都係我地一向嘅首選，今次點了車打芝士煙肉漢堡、蜆肉意粉。南瓜湯有點淡，加了鹽、胡椒後，味道好一點蜆肉意粉，蜆肉有海鮮鮮味，配搭精心調製的醬汁，都不錯。漢堡入面嘅肉質鮮嫩多汁，車打芝士香味極濃郁😍作為睇戲前的用餐，Simplylife 都係一個好選擇!

好適合同朋友慢慢傾偈嘅地方餐廳嘅位置好闊落仲有可能見到整麵包／糕點嘅過程好治癒🤩✨煎鰽魚，炒雜菜，香草燒薯，芥未籽汁 $102鰽魚煮得剛好色澤金黃食到煎香嘅味道🤪蔬菜仲保持住爽脆口感同埋香草燒薯薯仔好嫩最後再配上芥未籽汁口感豐富✨車打芝士牛肉漢堡配牛油果蓉$102漢堡內的牛肉肉質鮮嫩多汁😍配上車打芝士的香味十分濃郁夾埋牛油果蓉好香滑如果你唔鍾意牛油果可以試下加煙肉🙈總括而言呢個餐廳CP值好高又好好食

Festival walk 除咗樓下百佳之外，好似都冇邊間俾Bakery Store. 食lunch 經過見到佢開左Bakery 就試下佢！ 之前有聽人講過 Simplylife 啲包好好食，試左果無花果丹麥酥，ain’t bad! Below $30 係Mall 店算係fair, crunchy and caramelised skin! 入面係creamy like custard. 唔錯！