Simply Bread (已結業)

多謝姐姐買左好好味o既生日蛋糕同我賀生日呀~雪嶺仙子-- 檸檬白朱古力mousse cake, 分三層, 頂層係朱古力海綿蛋糕, 中間係檸檬餡, 底層係榛子餅, 外層仲包住忌廉同白朱古力脆皮. 好好味呢!食完後心想事成!

未幫襯過simply bread，經過便入去買了半個合桃包($10)試一試。不便宜當然有所期望，可惜質地不算很軟熟，皮不脆亦不煙韌，欠香味，只是普通水準而已。

昨晚我發現有麵包店想去麵包店擇吃朱古力香蕉船$9-吃得朱古力,我不喜歡~~香蕉吃得好味,船見到黃醬+酥咬得黃醬好像芝士,但難吃!我別得一半扔下垃圾下次我想試下吃三文魚包和三文魚沙律酥^^

31 July 2006 (Mon) - 小吃買咗$10四個包仔，兩個芝士麻糬波，一個芝麻麻糬波，同一個迷你牛角包！自從食過一次麻糬之後，我真係愛上咗食呢種嘢，雖然今次個麻糬唔夠匠味工房既好味，但係我都覺得唔錯，食咗芝士同芝麻麻糬，留返另一個芝士同牛角包聽朝做早餐！我覺得芝麻比起芝士好味啲！下次買就買芝麻先！最值得一讚既係嗰度啲女sales，笑容非常好，可能有人會覺得假，但係我覺得都令人好開心！！

見佢三送一咁咪走左去買, $6一個, 不貴也不算平啦,蛋白撻個撻皮ok的,但個蛋白唔夠滑, 所以真係要扣分, 蛋黃撻的蛋味唔夠重...都係唔得. 唔覺得佢service係特別好, 一般啦, 值得一讚的係佢個包裝袋, 真係好精美, 不過羊毛都係出自羊身上的

上次經過門口，見到有Macaroon賣，好想入去，但因拖住隻狗唔方便，故沒有買。今次一心入去買Macaroon，但見到個size好細，仲賣好貴，諗左一陣，改買蛋撻，$6/件，有蛋白及蛋黃兩款，買三送一，雖然都係貴，但點都要幫襯試下。試食後，size比一般蛋撻大(因為方型)，味道一般，餅皮唔得，覺得pie & tart好食d。

續上回。黑糖紅豆包賣相精美，黑糖製作夠健康，紅豆蓉薄薄一重充滿在每一口麵包之中，甜而不膩，非常好吃。

對佢地d包無咩特別喜愛普通又貴. 有一天入見到三文魚牛角包($7)又平個樣都幾吸引, 咁就買一個來試下. 估唔到幾好味...又有菜夾在中間個牛角包又好香牛油味...正正.宜家只會去此店為了買這個包.

甫進店舖即時受到眾人熱情招呼，兩店員貼身招待，殷勤得令人有點吃不消。最感動的是買黑糖紅豆包等大包會主動問你要不要切開，相當細心。買了皇甘鬆($9)、芝忌芝皮、火腿芝士牛角包、巧克力香蕉酥餅（忘了名稱）和用特價十二元買黑糖紅豆包。皇甘鬆比Breadtalk的鬆鬆大，裡頭沒有油膩的沙律油，造得較乾身，肉鬆也較多，也好味，各有千秋。喜歡吃芝忌芝皮，最愛包面那特意烤得微焦的芝士皮和裡頭軟滑的mozzarella，妙品。火腿芝士牛角包最好趁熱吃、巧克力香蕉酥餅當甜品較好。未吃黑糖紅豆包，容後再談。

佢地d服務真係好正, 皇后餅店d售餅員真係要學習下. 這些才叫服務.今晚令願行多幾步都唔再去皇后買包, 去左simple bread選包食, 夾左個又燒酥/牛肉酥回家(仲有買三送一)咁我夾既又燒酥個皮爤左, 個姐姐即刻話幫我夾個新俾我, d態度又nice, 真係唔錯.值得一讚.

非常友善的待客之道! the ladies even offered to help you pick the bread when they saw you carrying baggages.especially like the cream cheese bread ($8) and the cake-chocolate-bread mix (3 pieces in a pack) ($15)

呢排為左工作日日愁眉苦臉, 爸爸知道, 今日去開銅鑼灣飲茶經過simply bread就買左件靚靚聖誕蛋糕氹我開心>.< 好感動呀!閃耀聖誕-- 焦糖朱古力慕思脆米蛋糕, 焦糖朱古力慕思好香濃, 配埋底部o既脆米, 好o岩我口味! 而且外型都好靚-- 高高圓柱型, 似一枝聖誕蠟燭. 加上爸爸o既心意, 食完真係甜到入心呀! 多謝爸爸!

奶奶生日, 未上酒樓之前, 想買個蛋糕. 正在想附近只有東海堂及starbucks, 前者唔好食, 後者好貴時, 見到救星simply bread.Tiramisu蛋糕, $138一磅裝, 分量足8人吃, 更有得即加生日朱古力牌, 底盤是銀色, 外表已經幾吸引!飽餐後吃, 太美味~~~ 老人家都鍾意. 最欣賞上面的脆皮朱古力, 好有特色.

家中開party, 買左個strawberry cheesecake回家同家人分享. 一打開個盒...嘩... 好多士多啤梨呀.食落口....嘩..個cheese cake好軟呀...正呀.以上就係我地一家人對此蛋糕的評語.這間d蛋糕真係做得不錯, 好多strawberry係面, d cheese cake食落口又不覺膩. 開心的一晚.可能唔係個蛋糕起作用, 而係一家人有大有細一起聚聚產生化學作用令所有食物都變得好美味.

波斯富街店新開張，位置在么鳳附近。曾路過金馬倫道店，覺得貴得無道理所以沒有惠顧。現在於波斯富街開分店，很明顯競爭對手是時代廣場的Little mermaid bakery 和C'est mieux。價錢也與他們看齊。甫入內即有一個女職員殷勤招呼(硬銷)，櫃檯內的人也落力推介，不勝其擾。無意買麵包，看甜品。有些款式甚至和C'est mieux的差不多，裝飾感覺有點俗。我還要過海看人體奧妙展才回家，所以不打算買。她們超強力推銷芝士條，只有檸檬夾心餅的大小賣$16，只得一種味道，比Italian Tomato的還要少款式還要貴四元，吃了曉飛乎？最後買了一千零一盒，一盒四件的鮮果芭芙（$25），比拳頭更小，用透明膠盒盛著，沒有生命力，思疑其新鮮程度，她們說每日在工場新鮮製造，姑且信一次。相當好吃，吉士不膩，水果算新，廿五元四件有點那個。Macaroon一盒五件賣$38，有五種味道，一口吃完。不知Le Gouter Bemardaud的是怎樣，總之Simply bread的出品只令我聯想脆口雞蛋仔，中間有些差不多乾透的果醬而已，咖啡味最好，但不會有下次。