SHY Xpress (已結業)

細細個已經睇文生哥哥主持的兒童節目，今日經過呢間佢開的小店緊係要入去試一試啦店面不大，只有大約10個座位，食物選擇比較少，以三文治和蛋包飯為主。由於咁啱係下午茶時間，友人點了一份下午茶餐a5，迷你蛋牛治配雞堡，配熱飲$28，友人說雞堡味道不錯，配酸辣醬食好夾。至於我就單叫咗一份招牌蛋牛治 $24，烘底要加$2，份量不是很多，但算足料，很多牛肉，與蛋配搭得很好，牛肉加上蛋汁味道一流。

之前食過幾次，都不過不失，但今日再來，叫了一個牛肉咖哩蛋包飯，一個雞扒燒汁蛋包飯，全完不是咖喱味道，牛肉無味汁又(杰)，雞扒完全無味，連飲品都唔得唔怪得繁忙時間只有一個客!!!

黎到葵芳，好食嘅小食多不勝數。友人提議食呢間，話出名蛋牛治，好似仲係藝人開😂黎到間舖，發現舖頭細細，但係都好多人叫外賣。我地叫左蛋牛治加雞翼同薯角，仲連野飲。下午茶黎講又幾抵食喎😚烘底嘅蛋牛治令到成件事更正，牛油味重但唔會太多，碎肉都算多肉汁，整體黎講都抵食。

店鋪雖小，但終於不用跑到深水埗才能吃到堅記的蛋牛治。必點的是招牌蛋牛治，它的蛋牛治和堅記的一樣用上鮮牛碎而不是罐頭咸牛肉，所以吃起來口感更好，但份量上似乎比堅記少了一點。還點了個燒汁魚柳蛋包飯，燒汁魚柳味道正常，沒有什麼驚喜，反而蛋包飯味道不錯，雖然不是厚厚的滑蛋，但也絶不是一塊蛋皮，更驚喜的是配上西炒飯，讓人一口接一口把飯吃完。

招牌蛋牛餐 $28 (烘底+$2)Signature Scrambled Egg & Beef Sandwishes無想像中好味. 牛肉香味不足, 炒蛋偏少唔夠滑. toast 唔夠脆又乾另外order 奶茶唔比糖, 問左店員n 次試比呢個價錢唔平, 試一次咩都夠哂

俾蛋牛治吸引下 去了葵芳覓食！為了滿足吃貨既肚量，點了超級蛋牛治$33，有厚厚午餐肉、蛋牛治加芝士，仲要烘底。即叫即制，熱辣辣的，真系無得輸食完飽足滿足，下次可以再番兜

早前於大角咀分店吃過招牌蛋牛治，是次到葵芳店堂食“超級蛋牛治”及“鮮牛治”，而鮮牛治的牛肉如果能多一點肉汁會更好哦……超級治吃過後，真的有點飽呀……（份量超足）還是蛋牛治最好。

好鍾意食蛋包飯，有名嘅蛋包飯店都差不多試過晒，仲有呢間未試。今日要過嚟葵芳，於是就試吓先蛋牛治烘底烘得脆脆嘅麵包夾住厚厚嘅鮮牛肉煎蛋，賣相非常吸引，當其他地方都係用罐頭牛肉嘅時候，呢度用牛肉絲又真係幾吸引嘅！肉汁豐富加埋條邊好脆嘅煎蛋，口感真係非常好燒雞扒蛋包飯 ($39)好大個蛋包飯呀！旁邊有沾滿燒汁嘅雞扒，雞扒比較薄而且冇乜味，其實都係靠點燒汁先有味道，不過燒汁好杰，點完都覺得係普普通通咁；反而蛋包飯比較出色，半熟嘅蛋皮非常滑溜，充滿蛋香，入面包住嘅係粒粒分明嘅西炒飯，不過入面冇其他配料喎，得好少磨菇，如果有腸仔、洋蔥等會更加可口。不過咁嘅價錢有咁大碟，可以接受啦！紅豆冰唔算好甜，而且紅豆量多，蛋包飯配紅豆冰，有趣嘅配搭

琴日去左葵芳掃街，亦順道去埋呢間我想試下的蛋牛治餐廳。 超級蛋牛治 $33好 大 份 呀！揀左烘底，入面夾有芝士，餐肉，仲有厚厚的滑蛋牛肉！好多牛肉，都幾嫩滑，仲有肉汁的！幾層咬落去口感好豐富，值得一試！👍🏼 估吾到仲有蛋包飯！$40 好抵食呀！！有五款揀我揀左A.美式牛扒蛋包飯 （配牛扒汁），原來有得揀幾成熟🤔我揀左六成熟啦，肉質比想像中嫩，（價錢咁平要求吾到咁多）都吾細塊，個蛋幾滑，好食呀！個飯可以揀醬汁，我揀左燒汁，味道幾好，吾會太咸，份量夠飽😁店內得12 個座位，比較細🙈

平日小妹都好喜愛食哩間有名既蛋牛治，雖然真係唔係好近我公司，但我都會特登去買黎當早餐食，係我等外賣早餐既時候，比我發現原來有做埋中午套餐，仲要係我至愛既蛋包飯，所以第日我就決定黎試下佢有好幾款蛋包飯選擇，我揀左雞扒配照燒汁既蛋包飯，等左五至十分鐘左右就到啦，賣相好吸引，但塊雞扒好似比起想像中細塊切完食兩啖就無左，雞扒薄同好似煎得乾左D，無乜肉汁，真係要靠個汁黎調味。個蛋整得好滑，蛋內係配西炒飯，估唔到噤足料，有腸仔，蛋碎，火腿，洋蔥粒同埋飯既份量都幾多，真係唔洗食個雞扒，淨食蛋包飯都飽左。整體上味道都可以，如果雞扒厚D就更好啦

葵芳區一直都是有數之不盡吃不完的食店，加上愈開愈多，包括人氣文青Cafe，馳名蛋牛治等等。幸好我上班就係此區，只係每天諗食咩都已經諗到頭都爆 最近食午飯經過哩間蛋牛治店，竟然比我發現係深水埗非常有名既蛋牛治新店，我已決定做我聽日既早餐。本人上班時間比較晏，所以早上去到店鋪完全係無人等，可能開門無耐，噤早無咩客都好正常早餐有套餐連飲品，二話不說叫左份蛋牛治烘底同凍咖啡外賣，等左十分鐘左右，係我等既時候，店員告知我原來可以預先打電話到店鋪或What's app形式落單，噤黎到店就可以比錢即刻拎走，果然唔錯，下次我都會醒D外賣拎返公司食，首先飲啖凍咖啡，飲落幾似咖啡店個種味道，唔似一般茶餐廳既咖啡，我都幾鍾意，而蛋牛治一打開包裝紙，好厚既蛋牛碎配埋烘底，正！早餐黎講都幾大份同真係好飽，值得既。

印象中在大角咀見過SHY Xpress，但在博文街食店眾多，對其並沒特別留思。原來在葵芳開了分店，試過附近的食臺，友人試了旁邊的Toolss，是時候拜訪SHY Xpress。小店只有10來個座位，不到1時坐得滿滿的，門外還有等位的隊，頗受歡迎。兩頁餐牌有三文治、蛋包飯、飲品和小食。谷古可可粉濃如家裡用100％可可粉沖製一樣，下得慷慨。自行下糖，甜度高低，悉隨尊便。超級蛋牛治不甘於蛋牛治的友人選了添加芝士和餐肉的超級蛋牛治。蛋牛治多士烘成淡淡的金黃，夾著厚厚的餡料，有新鮮牛肉碎煎蛋、半溶的芝士和煎香的餐肉，賣相無懈可擊。只見友人由第一口開始，便讚口不絕。邊吃邊滴出肉汁，狀甚美味。從＄33的蛋牛治裡所得到的滿足感，可以媲美近百元的和牛漢堡，性價比極高。瑞士煙鴨胸蛋包飯 咖喱汁看著他吃得如此滋味，終於等到我的蛋包飯。可選燒汁或咖喱汁。鴨胸是普通貨色，蛋包飯才是焦點所在。即使擠了茄汁，也清楚見到蛋濕潤得帶光澤。煎得如此薄又同時半熟。店員看起來年輕得只有20來歲的，深藏不露的抺巧實在值得佩服。蛋包著茄汁炒飯，飯濕潤而沒有變腍，保持一粒一粒的，帶茄汁的甜和微酸。蛋汁跟咖喱汁混在一起，再伴著飯起，口

好味呀！特意來找吱吱鼠的 可惜吱吱鼠不在😅試了蛋牛治和雞扒蛋包飯 好味👍🏼👍🏼😋奶茶和咖啡也算不錯👍🏼雖然店面比較迷你 坐位較小但如果食物好味 還是選擇支持小店！ 🙌🏼🙌🏼

同個friend去食下午茶，試左呢間新開既小食店，叫左個招牌蛋牛治，同超級蛋牛治，超級原來係加左芝士同餐肉。先試左超級蛋牛治先，好多肉，亦夠汁，食落芝士味同免治牛肉味幾突出，但不會覺得“漏”。另一款普通蛋牛治都ok，兩款都值得試下。仲有兩款三文治，下次再搵埋friend去試。

今朝去食早餐，知道屋企附近開咗新版「新香園」，所以去試下佢地嘅「蛋牛治」。點知食落去真係麻麻地，d牛肉好似用梳打粉醃過，食落去用好涸喉，一d都唔似新鮮牛肉，又無乜汁。。。唉不過好在杯咖啡還可以，真的好似大排檔咖啡咁。