Shelly Cake Express

營業中

休息中

同男朋友入去南丫島 見到網上面好多人話好好食冇睇Menu就入咗去試吓 諗住都唔會貴得去邊 點知一入去 嚇死我 78件蛋糕 可以買到Lady M 咁我以為會好大件同埋好好味啦細件都算 豆腐芝士蛋糕冇豆腐味冇芝士味 玫瑰烏龍芝士蛋糕 整到成個巴斯克咁 仲要話最低消費係$90 話好人唔收我哋 跟住就開始佢嘅人生課程 吚吚哦哦鵝到停佢唔到 最後俾咗$158 食咗兩嚿唔知乜嘢 同埋嘥咗好多口水 講啲嘢又九唔搭八 冇咩事都唔會再去搵佢 早啲退休都可以🙏🏻

到達南丫島後 上OpenRice看看附近有什麼甜品咖啡店好去 看到這間好評如潮經過看到不用排隊就進去進去之後好有家居的感覺 位置不多 就像在朋友家作客一樣 看到價錢牌$78 1件蛋糕 心想應該幾好食先會係一個咁樣嘅環境定呢個價位 最後叫咗一件$78嘅豆腐芝士蛋糕 一杯$40 lady Grey 從一杯$68自家製雪糕新地豆腐芝士蛋糕嚟到賣相都OK 第一啖食落去只有失望豆腐芝士蛋糕太甜豆腐味係有，但係唔香濃芝士味完全搵唔到蛋糕質地完全冇口感餅底完全冇牛油香味同埋超級散覺得自己整嘅，應該會好食啲雪糕新地揀咗荔枝味 超級甜同埋有大量假嘅荔枝香精味質地就係雪葩冇咩特別覺得有啲Over price 總括而言就係太貴，唔好食環境亦都唔適宜坐好耐個人嚟講應該唔會再去

中秋節假期熱辣辣，行到頂唔順入去坐，叫咗三款蛋糕，期望最低係豆腐味，但竟然最好味係豆腐！唔膩，杏仁豆腐感覺。天氣熱一流。另外叫咗Oreo味，但細路仔兩下食晒，我都唔知咩味道。斑蘭蛋糕，幾特別啦！不過都係豆腐驚喜啲。另外叫咗杯美式，有果酸香，唔係星巴克嗰種死苦。飲完唔夠喉叫第二杯。有心機做的小店格局，好細間，但坐得好舒服，唔會覺得俾人趕，寧靜地享受小島風情。總括嚟講幾滿意，價錢唔算平，但以咁嘅味道，咁嘅環境，我又覺得唔貴。下次都會再幫襯。

之前一去南丫島就一定會去買一件他們的signature豆腐芝士蛋糕帶回租住的地方，現在他們在太古城誠品有Pop up Store趁機買多一件，除了豆腐芝士蛋糕還有他們的斑蘭芝士蛋糕。豆腐芝士蛋糕一定好食，豆腐味重一點都不膩，斑蘭芝士蛋糕有驚喜，更好食，味道濃郁，好香斑蘭味，趁他們還在太古城，一定要多試試不同口味。

生日前就plan 定去南丫島 見到雜誌介紹都好想去睇下食下好在天公作美 都算好天 無落好大雨先去得成食飽左就行去店食甜品見小店都係得三張枱 所以都明白點解要寫明最低消費 小店生意難做難得一場黎到一定要食招牌豆腐cheesecake 不用配coffee 都好夠味 又不太甜 好豆腐 軟綿綿 必食 老闆娘介紹餐牌 建議我地由淡味食到濃味 由上至下咁睇menu 忘記了影cake menu 呢個Oreo cheesecake 一睇都知足料 就咁食係偏甜 因為有焦糖醬 所以係要配coffee 一甜一苦 好鬼夾 男朋友都不知不覺間食左好多 平時他不好甜吃 Drink menu 老闆娘recommend Americano 先嘗試到豆既味 我地就先叫左一杯try try 果然係要叫多一杯 配cake 真係有配搭過既原來二人共256 元 沒有限時 可以傾吓 食下cake 嘆吓咖啡 人生樂事 同老闆娘傾計 原來小店做左十幾年 真係不容易呢

這裡是南丫島其中一間有文青特色的小店，細心看店內外的裝飾、文字，可以知道店主的認真和用心 。我們一行4人點了4杯飲品（全是梳打因為天氣實在太熱了）和4件蛋糕 。我飲的是熱情果梳打，味道清新不太甜，解渴之選 。裡面加了藍莓和薄荷葉，整個造型連匙羹都不馬虎 ，依家香港都少見了，成杯飲品好靚 。😍店主建議由豆腐芝士蛋糕開始食，質感特別，這不是一般的芝士蛋糕質地，有點豆腐的質感，很香很香的豆味👍🏻然後食柚子乳酪芝士蛋糕，完全不是我想像中的韓式柚子醬味道，而是有粒粒的紅柚，清香 。不知道餅底是否不同，我食到個餅底有特別的味道，似係某種果仁的味？呢個我印象最深刻 。😋跟住係芒果芝士蛋糕，都好香芒果味，不會太甜 ，食得出用料新鮮。最後到炭燒烏龍焦香蛋糕，係我最期待的 。茶味似我平日喜歡飲炭焙烏龍奶茶的味道😍，而且很有質感，食完飽飽滿足，果然冇揀錯 。店主一人包辦製作和店面，十分不容易，值得支持✊🏻熱latte, 好可愛的拉花

講真，今次食既經驗真係一試難忘！首先，個「招牌豆腐芝士旦糕」，外表唔係嘩嘩聲但味道勁正，豆腐嘅清香巧妙咁同芝士嘅濃郁混合，一啖落去，口感滑溜至極，仲有一種意想不到嘅清新，鬼佬嘅蛋糕點解會同豆腐咁夾呢？🍰然後我試咗個「原味巴斯克半熟芝士旦糕」，啲芝士綿密得令人心花怒放，係嗰種入口即溶嘅那種，簡直係creamy到爆炸！加上個巴斯克特有嘅輕微烤香味，呢款真係一個字—正！👍雪糕當然唔少得，食「香蕉船」真係啱晒分享。三球雪糕擺得好似藝術品咁樣，每款味道都清新得嚟又唔會太甜膩。特別係紫薯味，我以為會好heavy，點知清香得嚟仲有淡淡嘅自然甜味，真係食完仲想再食！🍦最後，一口美式咖啡洗涮下味蕾，簡直係享受嘅collect moment。在呢度飲食，唔單止係填飽肚子咁簡單，而係一次味覺嘅探險同發現啊！要話形容今日嘅食物，就係港式粵語形容詞嚟講就係"正"、"掂"、"曬嘢"啦！下次搵食，記得唔好錯過這家店噃！

放假同屋企人入去南丫島玩，天氣炎熱，勁想搵間caffe坐低飲杯嘢，啱見到呢一間店，感覺平平無奇，但抱住消暑心態入去休息下。入到去餐廳佈置簡單整潔，每張枱都一張別具特色嘅台布。見到其他客人食嘅蛋糕🍰都好精緻，已經對餐廳充滿期望。坐低咗之後，即刻準備嗌嘢，店員都好好不斷推介一些特色食物。蛋糕送到嚟嘅時候令人眼前一亮，佢哋用咗一啲好特別嘅餐具盛載，令到蛋糕睇起上嚟更層次。味道正！又唔會好（漏)！加埋杯飲品🍸好享受！大家行開都可以去試下

豆腐芝士蛋糕無一般芝士蛋糕食落好流既感覺，食落好清新，配埋花瓣，味道進一步提升。oreo芝士蛋糕，絕對落足料，淡淡都係oreo味道。同場加映:之後仲買左2條手工雪條，同一般雪條水狀唔同，味道好實同埋好濃，大家可以試下。

漫遊南丫島 • 漫活人生是日到離島郊遊發現有間精緻蛋糕小店作為甜品控嘅小妹當然要入去試試看🤭蛋糕🍰🍰🍰人氣招牌豆腐芝士蛋糕 $78 班蘭巴斯克芝士蛋糕 $82 飲品☕️🍵🍹Passion Fruit Soda $53Earl Grey Tea $40濃濃豆香配上淡淡芝士，味道獨特清新，果然係招牌蛋糕👍👍👍，另一款班蘭巴斯克芝士蛋糕同樣出色🌟🌟🌟，表面烤至焦糖色澤，香濃班蘭味，芝士蛋糕柔軟細膩，入口即化。店舖仲有售賣手工雪糕、雪條，原創口味，優質材料，仲係低糖添，到南丫島郊遊嘅朋友們，有機會一定要試試唷

相約兩個為食朋友去行山食得太多做下運動啦點知我哋都係食🫣本身我哋諗住由榕樹灣行去索罟灣我哋食完個晏晝，之後行過見到呢間嘢未開我哋打算放棄點知兩個位為食朋友行到三分之二，其實我哋已經見到索罟灣架喇富貴朋友提議返轉頭食豆腐芝士餅為食一號同我當然舉腳贊成😂然後我哋又再行回頭路不過呢度寫明小店經營每人要點一個蛋糕及一杯飲品我覺得都值得支持因為個蛋糕真係超級好食豆腐味唔搶芝士味，又唔係實的的個隻芝士蛋糕🤭真係好食到要叫兩個杯士多啤梨奶昔都好飲好怕佢太甜，原來唔係班蘭蛋糕係新出嘅，我地試左我都係覺得豆腐芝士好食好多真係非一般的美味

一直都想試下這小店的豆腐芝士蛋糕，可惜來了南丫島數次，還遇不到。今日，再次來到南了島，緣份終於來了！立即買了一件招牌豆腐芝士蛋糕外賣。 回到酒店後試食 ，果然名不虛傳！ 濃濃的豆香， 加上少許玫瑰花， 感覺十分清新。 希望下次再來南丫島，可以有緣再品嚐到這件蛋糕!

南丫島人氣熱門蛋糕店Shelly Cake Express 📍南丫島榕樹灣後街21號地下C舖➰嚟到南丫島一日遊，做資料搜集果陣見到依間Cafe嘅蛋糕好出名。✥招牌豆腐芝士蛋糕 💲65 ⭐️4.2/5⭐️芝士蛋糕擺盤賣相精緻，雪白豆腐蛋糕之上仲有食用玫瑰花，吸睛程度一流，入口味道豆腐味濃郁，唔會太甜，配埋脆皮餅底層次感豐富，整體上都好出色➿➿➿

店主從市區毅然前往南丫島創業追夢，至今已十七載。餐廳設每人最低消費1個套餐 (蛋糕+飲品)，即每人$100起，到底是否值得光顧？🔺 招牌豆腐芝士蛋糕 ($108 套餐連紅茶)以香濃豆腐味為主軸，芝士味並不突出，甜度剛好，口味較淡。蛋糕表面灑上玫瑰花瓣作點綴，視覺上更好看，感覺蠻受女生歡迎。回頭率：🌕🌕🌕🌕🌗🔺 巴斯克焦香芝士蛋糕 ($108 套餐連紅茶)芝士味十分濃郁，入口軟熟creamy，卻不帶一絲膩感，與豆腐芝士蛋糕完全相反。如果自認是芝士蛋糕fans的話，強烈推薦要嚐這款。回頭率：🌕🌕🌕🌕🌗美味軟熟的蛋糕，香濃而不帶苦澀的紅茶，加上店主熱情招待和17年的堅持，我下次再去南丫島的話，定會再次光顧。注意，店主每週也會「逆流」從離島到市區，逢週二、三關門休息。

南丫島小店～ 老闆娘自家製蛋糕，設每人最低消費： 1 set (1個蛋糕+1杯野），即係每人$100起。以一個蛋糕set 黎講唔平，只係一件蛋糕配一杯茶，但係離島（運輸貴）又自家製既小店，可以理解的。當日係平日又係lunch time, 所以都係得我地一枱客，老闆娘仲好熱情同我地傾計。叫左兩set, 都係跟伯爵茶，雖然只係茶包😂但又覺得好好飲，唔知係沖既手法定茶包有精心挑選，茶好香又唔澀☝🏻招牌豆腐芝士蛋糕：超香超濃豆腐味，芝士味比豆腐味弱☝🏻葡萄柚芝士蛋糕：食到一粒粒果肉係入邊，依款餅底厚d，夾埋個正正餅底好好食另外，仲有手工曲奇同雪糕，款式比想像中多❤️