SHAKE SHACK (新城市廣場一期)

營業中

休息中

Shake Shack 嘅薯條係我最愛！！！熱辣辣，外脆內軟，鹹味適中。我諗Cheese Burger 嘅Double Size 嘅份量對男仔黎講應該啱啱好，舊肉一咬落去會食到肉汁，再配埋佢杯生啤就簡直一流。

一直都去唔同地方試Burger，冇理由唔試Shake Shack架？雖然好多人話唔值去，但最後都係去左。叫左Shack Burger $54，Cheese Fries $36。首先Burger個size大約係M記普通漢堡包咁大（即係好細）；個漢堡好薄但又唔係一塊完整肉餅而係碎濕濕但又唔散嗰種。齋食個肉係冇味（冇肉味又冇調味）而且略鞋、冇肉汁，雖然已經唔係全熟；個醬正常ok；個包，竟然仲細過塊肉，偏薄，係淋唔係軟，唔知係濕哂定本身咬落已經係咁，唔似包嘅質感，可能有少少pancake質地添。第一啖咬哂成個Burger就可以忽略頭先嘅缺點，因為啲醬有味，補番肉嘅冇味同乾鞋。到薯條，我竟然仲嘥錢叫左cheese。首先我就咁試一條冇掂到醬，唔香，好乾，微脆（脆度可接受），再試埋連醬，都係起唔到作用。個醬好似超市買嘅罐裝芝士醬咁，係膏狀唔係流動嘅，掛唔住啲薯條。一路食，個感覺就好似喺舊式茶餐廳賣嗰啲炸薯條咁，吹兩吹已經凍哂，更加難食。整體而言，喺美國唔知係咪好食好多，如果唔係，呢個價好多間Burger店都好食好多倍。唔怪得成間野入坐率得1成。

沙田新城市廣場，人流集中地，食飯時間水洩不通，pizza、burger..Pizza express 要等太耐，唯有得呢間美式burger全自助式直入自己搵位最快，買完坐低食，呢度得幾款包，選擇唔多!波浪芝士薯條$36冇乜特別太少醬，好似撻塊芝士焗熔甘得🥺芝士漢堡shack burger$54最穩陣、Double 要$77其餘Shroom Burger大菇$67。Smokeshack $65辣煙肉漢堡芝士太重口味吾識欣賞😜杯啤酒🍻$65冇泡以為蜜桃汁😂Vanilla milkshake $42 比併之下，隔離Starbucks 杯雲呢拿冰星樂勝一籌。呢間價錢偏貴，怪不得易搵位！

一直都好想試下呢間野係米真係咁好食，今日終於試左佢嘅薯條🤣，而且係外賣，本身好擔心佢D薯條會淋矖好似x記咁，點知攞到翻屋企好驚喜，佢只係涼左，吾係淋到難食咁，而且佢嘅芝士醬外賣係勁多，下次可以試下當食😊

唔知係咪我平時食開m記，搞到我身邊嘅朋友已經開始好抗拒食，所以佢地就帶咗我去沙田食呢一間burger la🤩🤩從間店嘅外型望入去都知係貴價嘢，比起m記，價錢一定貴好多倍啦💸💸不過，入咗去就知，個價錢就唔係貴好多，但係嘢食質素就高好多，真係唔同㗎。😚😚呢度嘅薯條係厚切薯條，係厚切，係厚切，要講三次。真係比起m記，超級好味。😎😎之後我就越食越滋味，變咗薯條先係我嘅主要食物，而唔係burger。完全係值得俾多少少錢去食🥲🥲

沙田shake shack係沙田有時d野食都真係幾貴今次就黎食間算係評價野啦- burger好多人都講five guys 一齊評論但我覺得2間都各有特色 2間都好食今次我叫做芝士薯條🍟🍟🍟 蘑菇漢堡🍔🍔🍔辣雞漢堡🍔🍔🍔我自己最鍾意食蘑菇漢堡🍄🍔呢個真係唔錯因為個蘑菇餡係炸過嘅蘑菇炸之前係有層粉炸完好似食緊天婦羅🍤咁 口感脆卜卜 加上熱辣辣上下個包夾住 餡同埋d 沙律醬都唔會漏曬出黎另外個頭薯條🍟都直得一讚就係我次次食 都係好厚切唔係好似平時過d薯條咁 水準參次

原本唸住食IKEA點知勁大雨, 正當同阿仔換好片片, 唸緊一個人推住阿仔可以食d咩？就喺靚靚育嬰室隔離咪有間Shakeshack嚕, 而且入面唔係太多人, 地方又大, gogo.🍔Menu都係個幾味: Burger/ fries/ milkshake- 我食齊3樣!!! FING埋d消費券, 3款食物一共$124, 餵埋阿仔食粥仔, 等一陣就有得拎.🍔想講我有無盲到咁, 幾經辛苦餵完阿仔壺粥仔先見到4張highchair喺正我1點方向😑.🍔ShackBurger塊patty好味, 但配料(醬, 菜, 蕃茄…..會唔會每樣得一片咁手緊?!), 好處大概係唔會食到滿手messy吧, 薯條over炸左好多條都係硬脆唔食得.🍔最正最正一定係我杯Caramel Milkshake! 好rich好正好好飲又大杯.

今日嚟到沙田搵到呢間Shake shack我叫咗呢個Shack Burger🍔$54之前食過一次，我對於burger同薯條都麻麻地不過之前食過一次真係覺得：嘩點解有咁好食嘅Burger😋呢個係我心目中排行榜第一名嘅Burger🙈個包真係好好味😚個皮軟軟地真係好正～入邊夾嘅蔬菜🥬都好新鮮😋Yummy!另外仲叫多一份Fries 薯條🍟$28係人都知我唔鍾意食薯條😂薯餅等等之類不過呢個薯條係波浪薯條🍟點茄汁食都唔錯架😙只不過今日冇位我都係外賣出去食😛

Shake Shack 位於沙田新城市廣場，不用等位，座位距離分隔不錯，寬敞舒適的，裝修是快餐店風格，店內有洗手機好方便👍🏻，價錢唔算平，不過食完之後係覺得值得呢個價錢，全部沒有套餐，全部都係散叫，店面都乾淨嘅，服務員收銀都有耐性，也有禮貌。 牛肉漢堡做得唔錯，有香濃牛肉味，包身軟熟好味，如果蕃茄可以再切厚身少少口感會更好。 薯條炸過火乾咗少少同埋如果粗身啲口感會更佳。去沙田行街都可以值得一試👍🏻

近依幾年香港越來越多美國連所burger專門店嚟香港開設店鋪，而Shake Shack香港嘅特許經營權係由美心攞到嘅，先唔講佢黃定藍背景先，Shake Shack嘅burger 我係美國食過好幾次，水準同服務都係中上水平嘅，而Shake Shack係沙田開分店又係點呢，就等我同大家分享一下。Smoke Shack Double ($87)先講講個面包先，係好鬆軟果隻包底嚟，可以好似海綿咁吸啲肉汁醬汁嘅，有烘底，但唔夠脆，我諗係為咗更好咁吸汁所以固意唔烘都咁脆邊嘅，牛肉肉味好濃生熟程度剛好還有好澎湃的肉汁，車打芝士同樣味道較濃，非常美式口味，煙肉好乾身脆口，咬落會帶點靭，食到煙肉鹹香味，而櫻桃辣椒粒係一個神來之筆，把成個Burger食味升華，變得有層次，從一開始咬落一個鬆軟面包，到爆汁的漢堡牛肉至脆口到有咬口嘅煙肉，口感已經相當豐富，到食味由鹹，辣，濃郁調和，整體好balance，好食。Shack Burger Double ($77)依個就係無咗煙肉改為配生菜同蕃茄，食味就無Smoke Shack 咁複雜，有啲單調，但就清新一啲嘅，我個人就覺得Smoke Shack 好食好多，因為Sm

Wasn't in the mood to eat a lot today but it was a hot day so I drank 2 drinks at this mall. This was my second one after my shopping trip. I had always wanted to try their milkshakes. I love peanut butter but it was not available so I tried the Hong Kong exclusive Milk Tea Shake. Sadly, for a hefty $42, all I could taste was sugar and the tea flavor was totally suppressed by the overwhelming sweetness. I cannot imagine the other flavors since Tea Flavor should already be a less sweet option. Ho

而家一家大細要坐低食要揾C區唔容易Shake shack 係其中一個選擇而小朋友又一致贊成👍🏻店內淨得兩張大枱，原來餐廳歡迎進行商業活動，其中有兩位女士係度簽AXX保單，人來人往悠然從容，其間幾個家庭排隊苦等不果，其中有老有嫩有輪椅🦽，搞咗個幾鐘先輕輕的離去。shake shack 咁人性化麥路人多一個選擇食物一如既往的啱口味，大人細路滿口福，其中新出Dark Meat Hot Chick’n 外脆內嫩，尤其出色。

最近啲餐廳唔興套餐，好多都是單點，上次食過這間的大啡菇漢堡唔錯，今次試吓肉類，叫咗👇🏽煙燻雙層漢堡$87個包幾軟熟，唔錯👍🏻雙層牛肉加埋溶溶哋嘅芝士一齊食🤭好味！話係辣椒粒，但就冇辣味的，炒到好淋，配埋醬汁，唔錯！炸薯條$28薯條係波浪紋的粗薯，口感唔錯，幾重薯仔味！咖啡奶昔$42個味有啲似日本P字頭品牌的罐裝咖啡味，變成奶昔版😆呢間店標榜用優質食材，肉類無添加激素和抗生素，如果係堅，這個價錢可以接受🙂

呢間快餐店真係好好食，極力推介，漢堡包入邊啲肉多汁好味，估唔到今次雞塊都有驚奇，唔似出邊嗰啲咁多粉，真係啖啖肉，薯條依然保持好味，奶茶奶昔估唔到有驚喜，整體值得再試，推薦。

🇺🇸人氣漢堡包，​ 擁有「紐約第一漢堡」之稱，過江龍了一段時間，今時今日先第一次食，起碼唔會大排長龍。落完單店員會交一部機，如果震就表示食物已準備好，可以取餐。*ShackBurger $50呢間店舖的招牌，裹面有全天然安格斯牛肉、芝士、番茄、生菜、特製醬汁。完全估吾到麵包超鬆軟，牛肉多汁無根，醬汁唔算好多，但整體味道好夾。包裝紙亦無多餘油脂，唔會好似其他店鋪的漢堡包咁油淋淋，不過size 偏細，會覺得價錢上比較貴。*Cheese Fries $36採用波浪紋薯條，薯條香脆粉嫩，加入大量熱溶芝士和煙肉碎，鹹鹹地，配埋濃郁芝士味都唔會覺得膩。