SENSU (新城市廣場三期) (已結業)

朋友好鍾意熊本熊，香港竟然有期間限定cafe，一定要去啦！！！😍😍.Sensu x KUMAMON聯乘Café，有好多限定熊本熊嘅精品同埋熊本熊美食呢🥳🥳🥳.🐻牛肉漢堡扒熊本番茄汁蛋包飯：份量十足嘅蛋包飯，蛋汁又多又juicy，勁吸引！加埋有熊本熊加持嘅漢堡扒，牛味十足，大漢足👍🏻👍🏻.🐻SENSU 全日早餐：全日早餐其實時常都係果幾款食材，不過重點係：我影完一輪相先食，份早餐仲係暖笠笠！😍加埋勁可愛嘅熊本熊pancake，食起黎嘅心情都特別好🥳🥳.🐻阿蘇牛乳雞蛋布丁：布丁上面有好可愛嘅「反肚熊」🤣，雞蛋布丁好香滑，配埋香濃嘅焦糖，好好味，下次可以encore😍😍.🐻熊本番茄雜果沙冰 配 阿蘇牛乳布丁：呢杯係超驚喜嘅飲品，酸酸甜甜之餘，仲可以飲到滑嘟嘟嘅布丁，多重口感，超滿意⭐️⭐️⭐️⭐️⭐️.至於熊本熊精品，只要order左熊本熊食物，就免費送一個襟章～～其他精品都好靚丫，我最鍾意保暖杯～

Sensu最近聯乘熊本熊KUMAMON推出期間限定套餐，作為日本控當然要去朝聖！餐廳由即日起到八月尾，供應六款期間限定的熊本熊造型套餐，包括：熊本熊全日早餐、牛肉漢堡扒配熊本番茄汁蛋包飯、穀麥乳酪碗配熊本鮮雜果、阿蘇牛乳雞蛋布丁、熊本番茄雜果沙冰、阿蘇牛乳焙茶朱古力。原本想食熊本熊蛋包飯，可惜六點去到已經賣晒。唯有叫兩份熊本熊全日早餐，另加熊本番茄雜果沙冰，同阿蘇牛乳雞蛋布丁。熊本熊全日早餐全日早餐有雞肉腸、煙燻三文魚、煙肉、炒日本蛋、炒什菌、車厘茄、熱香餅。熱香餅上印有超萌熊本熊大頭，打卡一流！味道方面炒滑蛋味道濃郁，煙肉用新鮮豬肉，煎得好香脆。其他方面味道正常。阿蘇牛乳雞蛋布丁布甸用阿蘇牛奶整成，好香滑。上面放上盞鬼可愛熊本熊裝飾！熊本蕃茄番茄雜果沙冰配阿蘇牛乳布甸沙冰味道有驚喜！用熊本番茄、熱情果同水蜜桃打成，底層係阿蘇牛乳雞蛋布丁，味道清新，層次豐富！估唔到蕃茄同布甸出奇地夾，因為用蕃茄打成，所以唔會太甜。如果有興趣嘅朋友，記得把握時間去食啦！

唔係成日黎新城市 喺門口見到呢間野好似唔錯就入去試下 點知一入去個staff就用睇唔起同不屑既眼神同我地解釋有低消同時限 因為我個frd帶咗一支茶入黎 個staff即刻好緊張咁話呢度唔可以飲外來飲品 但其實支茶都未開 之後跟餐杯冷泡茶超難飲 真係第一次試到難飲嘅茶 有狗糧味 個salad bar冇嘢想食 啲main等咗20分鐘先到 份量幾多但質素真係麻麻 之後我仲未食完最後一啖 個staff已經收咗我啲嘢 我隻匙羹仲未放低 真係呆咗 好似想不停趕我哋走 以後唔會再黎😀

位於沙田一田百貨樓上嘅餐廳呢間西餐 擺盆同埋味道都唔錯👍🏻絕對值得一試今次試咗意粉🍝雞扒同雞翼味道有水準 而且用餐環境舒服😌去開沙田一定要試吓食完就喺仲有商場店舖可以行吓先走不過餐牌定期都有變化 會試到好多唔同嘅嘢

日本A5和牛旋風蛋包飯 $158章魚燒Pizza $138芝士松露薯條 $68👧🏻對比翻半年前, 質素明顯比以前差左😩有少少失望-先講Pizza, 汁同料又唔夠 得個香字同多木魚碎, 如果想食章魚燒Pizza建議食翻牧羊少年咖啡館❗️料又夠汁又多, 一啲都唔孤寒，爭取時間🫶🏻 (戴翻頭盔先,唔肯定牧羊仲有冇🙈大半年冇番過香港)蛋包飯, 冇以前咁驚喜😩以前食完一啖會想接住食, 而家變得好普通😩如果我係第一次食Sensu, 我唔會再想黎食😩(以前係香港 基本上每2星期食一次, 質素真係OK)

2021和22年各光顧過這店1次, 第一次光顧感覺試過便可, 第二次光顧感覺一般, 相隔半年再光顧, 終於達到可回頭的質素。Lunch Set $128 + 10%1) 是日餐湯: 番茄忌廉湯2) 蒲燒鰻魚粒旋風蛋包飯3) 自家製冷泡茶番茄忌廉湯質感creamy, 酸味味, 有助增進食慾。蒲燒鰻魚粒旋風蛋包飯面有芝麻和木魚, 木魚香氣樸鼻, 十分醒神。蛋包飯的蛋有蛋汁, 雖未到滑溜, 但滑的程度已算不錯。鰻魚粒又多又大粒, 飯充滿鰻魚醬汁, 味道香甜味美, 唯蔬菜不足, 未能達至均衡飲食。冷泡茶冰涼, 適合夏天降溫。洋甘菊的甘味因冰涼而降低, 對於不喜歡洋甘菊的我並不抗拒。

完全不知所謂，居然可以咁cheap我地兩大加一個一歲大的B B，係平日下午4點唔繁忙唔多人的時間，坐底叫左兩個set加埋起碼都$250未加一，我地其中一個仲要係蛋包飯，之後侍應居然走過黎話有最低消費每位要叫最少一様野就算一歲B B都要，我兩個大人點食到三樣野或三杯野呀，完全離哂大普. 從今而後唔會再嚟幫襯never come back again!!!!!!!!!!!!!!!!!!!!!!!!!!!!!!

周不時帶住小朋友與朋友聚會本人搵餐廳食飯一來要環境舒適衞生二來食物又要啱小朋友嘅口味😋上網搜尋發現呢間餐廳舒適得嚟食物又啱哂小朋友嘅口味就同朋友一起去享受下午時光入到去座位空間總算寬敞可能是平日原故環境氣氛感覺良好服務生也很主動幫忙👍今次點選了午市套餐：👉蒲燒鰻魚蛋包飯+沙律🥗+朱古力奶👉卡邦尼亞意粉+龍蝦湯+蘋果荔枝烏龍果茶👉牛油果三色魚籽水波蛋吐司整體食物都很高質，原條鰻魚蛋包飯鰻魚同蛋醬汁一齊食好豐富又美味，小朋友都食指大動😋😋卡邦尼亞意粉水準一般無特別驚喜，反而吐司脆口又有滿足感⋯⋯打卡一流必食推介👍

🇭🇰📍 SensuWeekend同媽媽出下街食下野。係沙田行到有少少攰見到sensu出左新menu。Sensu價位貼地，環境宜人。之前都食過，如果係foodstory會員仲可以用優惠價食佢既套餐。➖➖沙田店的裝修比較樸實, 配上冰藍色的幹花，感覺舒服。➖➖📌 日本 A5 和牛旋風蛋包飯Japanese AS Wagyu. Omelette Rice肉眼上蓋 Rib Eye Cap $198牛肉燒得好靚，淋上肉醬汁，回味無窮。切開蛋包飯，飯香撲鼻而來。呢份餐分量足，兩個女仔share黎食都可以。➖➖📌 烤澳洲 M7 和牛扒（220g）$238大大舊和牛扒，嗌左熟度要medium,口感都算軟稔，唔會好柴。伴碟有沙律菜，好清爽。➖➖地址：沙田沙田正街18號新城市廣場三期2樓A237號舖➖➖人均消費：$250 (10% service charge)好食指數：4/5抵食指數：4/5環境指數：4/5服務指數：4/5回頭指數：4/5

帶住小朋友，基本上成日都要搵d環境好少少既餐廳可以坐得舒服d，又可以食得舒服d有次我地一家四口經過見到呢間新餐廳，就決定入去試試，因為環境比我地感覺很好，睇左menu之後又覺得啱大人小朋友食我地當日食左set lunch，蛋包飯不錯，而且價錢又不算貴。

又貴又難食，鰻魚有魚腥味完全入唔到口，帶子中間仲係冰凍嘅，牛扒又韌完全咬唔入。果青木瓜沙律只係一啲青瓜木絲擺喺沙律菜上面，然後再加兩滴百香果，冇其他沙律汁。唯一可以食嘅就係個薯條，不過都係麥當勞質素。上菜嘅時候踩到我隻腳都係一句對唔住就算。而且價錢又貴完全唔好食。新城市周邊有好多其他西餐可以選擇，依間唔會有下次。手提電話數碼落單，網頁非常之難用，完全冇分類。另外點解要寫滿200個字先至可以比味道嘅評價？唔通難食嘅嘢都要寫篇200個字先至可以話佢難食？

我今個月生日，收到$300減$100嘅coupon，所以又來食我最鍾意嘅sensu!我最鍾意就係食佢哋嘅三文魚凱撒沙律，係我每次嚟都必叫！集合晒我最鍾意嘅材料，煙三文魚，芝士粉，沙律醬，好脆嘅麵包粒同埋煙肉，仲有切好一口份量嘅沙律菜我仲記得我第一次食嘅時候，就係因為好鍾意呢個沙律，所以就鍾意咗呢間餐廳但係近幾次食，都係見到啲黃左嘅沙律菜同埋有時無切好！因為要湊夠$300 ，所以叫多個五香豆腐粒，但係唔好食！層皮硬厚，最後係冇食晒嘅見佢有個期間限定嘅和牛蛋包飯，試吓先！幾好味，下次會再叫啲牛肉真係好嫩滑，有足夠嘅油脂，有種入口就溶化嘅感覺！買單嘅時候話用coupon啦，點知話呢個黃牛蛋包飯係期間限定嘅，唔可以計入去優惠金額，所以我用唔到真心覺得有啲唔抵！早講啦咁我就唔叫嗰個豆腐

同朋友book咗枱 入座後全部自助掃QR code落單.但係版面極難使用 次序排列令到客人好難落單.終於成功落單 但短曲髮女職員 上菜態度極差 張枱細 上菜佢自己唔夠位放食物 竟然叫我朋友拎起啲刀叉 等佢可以放低佢手上嘅食物 最重要係態度好差. 唔知以為佢先係客人...嘢食方面 意粉係好食嘅 但自己叫左個甜品窩夫size份量極細 咁嘅價錢一啲都唔值 兩杯嘢飲正常.今時今日咁嘅服務態度 唔會再幫襯呀 !!!價錢又貴 仲要加一 沙田大把好選擇.

Sensu這家咖啡廳位於沙田市中心第三期，位置不近地鐵站，但氛圍非常舒適，是一個非常適合與朋友聚餐的地方。菜單上的選擇非常豐富，有各種不同的日式料理、甜點及飲品。我和我的朋友點了他們的限定菜式——「和牛蛋包飯」和午市套餐「吉列豬扒定食」。「和牛蛋包飯」非常大份的蛋包飯，100g的和牛已經十分足夠。和牛肥美而且底下有肉醬，蛋夠滑，每一口都充滿了濃郁的肉醬、肉汁和蛋香，讓人不禁垂涎三尺。「吉列豬扒定食配黑松露蛋黃醬」包括了極厚的豬扒、炸雞、炸蠔、麻醬豆腐和黑松露蛋黃醬，還配有冷泡茶。每一道小菜都非常美味，而且份量也十分豐盛，比較適合分享。特別是那個黑松露蛋黃醬，讓整個定食的風味更為豐富，絕對是讓人回味無窮的好滋味。除了食物之外，這家咖啡廳的服務也非常出色。店員非常友善，讓人感到非常舒適和放心。總體來說，Sensu是一家非常值得推薦的日式cafe。他們的菜單非常豐富，而且份量十分大，讓你可以和朋友一起分享美食的樂趣。店內的裝潢和服務也非常出色。如果你正在尋找一家好吃又大份的日式咖啡廳，我強烈推薦你來試試。

已經encore左幾次嘅cafe因為難得沙田新城市廣場搵到坐得舒服嘢食都唔錯又唔算太貴嘅餐廳仲要咁啱嚟幾次都冇乜人坐得唔迫😂同朋友傾計好需要今次又叫海鮮旋風蛋包飯😂真係食咁多次都覺得好好味🤤蛋好滑同個汁好creamy 好夾👍🏻👍🏻不過叫咗明太子意粉略嫌少配料😛食落有d悶冇乜驚喜🫥朋友叫咗栗子焙茶Latte佢話不過不失我繼續抹茶latte控～不錯不錯😌成個環境都坐得幾舒服可以慢慢傾偈🍹