SENSU (太古城中心)

營業中

休息中

第一次試食這間餐廳，午餐份量都不錯，食物可以。坐位、環境及衛生都好好。服務態度甚好。😄👍只可惜食物種類不夠多，咖啡香味不夠濃郁。音樂聲量不太清楚，望能改善。😄

叫左兩個意粉 一個雞翅黑松露雞翅 - 味道好 香口 脆皮 唔錯香蒜蜆肉意粉 - 有點淡 但係都唔錯 係粗意粉 爽口干蕃茄蝦意粉 - 蝦爽口 味道唔錯 推薦叫野飲叫左青蘋果桃梳打 不過不失 可以試其他味道

點了鰻魚飯和卡邦尼意粉，整體水準不錯，鰻魚飯的鰻魚外皮香脆；而卡邦尼意粉麵煮得恰到好處，配料新鮮。餐廳的環境舒適，燈光柔和，座位寬敞，服務人員friendly 值得再來一次！

第一次食，食物唔錯。安格斯西冷記得意，清清地。另外叫咗一個鰻魚飯，原條鰻魚上，質素幾好唔錯，唔錯唔錯。環境亦都不會太過擠迫，坐得很舒服。店員亦都10分有禮貌，推介下次再來。

今次嘗試周年祭原鰻魚蛋包飯牛肉雜菜湯，白桃烏龍冷泡茶整體上蛋夠香滑鰻魚沒有腥味，亦都好腍原條上幾新鮮份量足夠食嘅人或者帶住一個小朋友嘅人嗌一個飯都夠牛肉雜菜湯幾新鮮味道特別最後白土烏龍茶清新可口

Apita買嘢送咗優惠券 估唔到星期日下午過嚟食下午茶都用得✌🏻Pizza好食 都落足料意粉韌度適中 都有好多餸炸雞炸豆腐就正常啦服務都好好 勤力加水 下次幫襯試吓其他食物😊

第一次來此餐廳光顧。餐廳服務員很友善，招呼好好，餐廳環境幽靜寛闊，上食物時間妥當。安格斯西冷配山葵醬油汁好味道。龍蝦尾煙肉蕃茄汁意大利麵也不錯。但自助沙律吧選擇較。

提供小朋友餐具，照顧到小朋友食物敏感問題，環境非常適合家庭或朋友聚會。食物飲品多種選擇，點左個熱水果茶都可以無限添加熱水，非常好既服務另外如果自己沙律吧有更加食物選擇會更好

環境舒服，日系feel，感覺輕鬆。食埋方面，蛋包飯，意大利粉，還有青口都好食。價錢適中，OpenRice訂有折扣，性價比高，所以要比👍👍職員有禮貌，上菜效率高，尚算一間有人情味親切感的食店。我極力推介！

餐廳嘅風乾蕃茄大蝦意大利麵真係好味！意大利麵煮得啱啱好，唔會過軟。風乾蕃茄有好濃郁嘅香氣，同大蝦嘅鮮味相得益彰，令人一口接一口。加埋少少香草，整個味道更加層次分明，絕對值得推介！而且服務生都十分熱情友好。雖然價格略高，但考慮到食材的新鮮度和料理的水準，都值得試一試！另外私心推介Mocha 朱古力同咖啡完美結合，甜而不膩，適合鍾意甜品嘅咖啡愛好者。

D嘢食同埋服務都幾好，小弟都食過好幾次，最深刻係果個羊排，因為我唔食生嘢廚房叫全熟整出嚟一啲都唔銀仲夠哂香，蜆肉意粉都好食，辣辣地幾過癮，私心推介熱水果茶，的確唔錯，如果可以平返少少就好啦😂

Sensu 位於太古城，是一家讓人耳目一新的餐廳。龍蝦味煙肉蕃茄汁意粉，濃郁的龍蝦風味融合了煙肉的鹹香和蕃茄的酸甜，每一口都充滿驚喜。香煎豬鞍配蜜糖芥末醬，豬鞍煎得恰到好處，外皮香脆內裡嫩滑，蜜糖芥末醬則為這道菜增添了甜中帶辣的絕妙風味。至於紐西蘭青口配昆布忌廉汁，青口新鮮多汁，昆布忌廉汁帶有大海的清香，又不失濃郁的口感。自助沙律吧的選擇豐富，新鮮的蔬菜和各種配料讓人眼花繚亂。冷泡茶清香甘甜，是搭配這些豐盛菜餚的絕佳選擇。

整體來說，餐廳好乾淨服務好好，但食物味道一般。餐牌選擇比OpenRice所顯示嘅較少，而且餐牌上的選擇亦不算多。特色位有自助沙律吧，但加錢後並非無限任食，只係自取一次。

要去太古城辦點事，經OpenRice預訂這餐廳食late lunch。見到餐廳門口的推介寫全日餐All Day Menu包餐湯及飲品，主食叫咗香茜青醬雞肉意大利麵及巴馬火腿配水牛芝士披薩，冰熱美式咖啡各一杯。餐湯原來係味噌湯，覺得有點可愛但都夠熱。香茜青醬雞肉意大利麵又夠熱，味道中規中矩。巴馬火腿配水牛芝士披薩🍕，意想不到係薄批，還有水牛芝士少得有點可笑（見圖）讚番係巴馬火腿就比想像中鋪滿個pizza。因芝士少，整個pizza偏鹹，好彩薄批都幾脆加番D分。咖啡就偏酸的，要看看喜歡酸多D定苦多D的客人，熱飲分量偏少（可能係個杯大咗D）。Overall，食物中規中矩。咁嘅價錢，太古城都多選擇。地方簡潔帶日式簡約風，坐得舒服，令人放鬆。服務方面，有讚有改進空間。有個女待應就比較細心，見到差唔多食完，自動遞上牙簽，另叫一杯熱水，最後攞2杯嚟。男的似主管都有禮貌，但比較cool，眼見叫咗食物係兩人分享的，都沒有遞上多一隻碟，要用湯碗代替碟

下午4點幾叫a la carte menu嘅pizza，好難食…我大半日幾乎冇嘢落肚，正常食物應該都會變美食。但係我仍然覺得好難食！parma ham cheese pizza 居然係有甜酸醬。全個menu得一款pizza，我選擇叫，的確係我要交智商稅。pizza擺明係來貨，落d醬唔知係想掩飾咩呢？服務正常。冇影相因為食物外表冇特別，點知越食越嬲，俾錢嗰刻最嬲。嬲到我要寫食評👎👎👎👎👎🚁🚁🚁🚁🚁