Season. Café

營業中

休息中

晚上會在葵興港鐵站附近返聚會，就趁之前的空檔跟朋友先來到KCC的「Season. Cafe」吃頓早鳥晚飯，貪其地點方便，就在地鐵月台上有天橋直接接駁到商場。餐廳環境非常之闊落，一室以木系為主，配以柔和燈光，甚具文青風，加上桌椅相隔很有距離，不會排到很密，所以，很有空間感，令人覺得非常舒服，完全無拘促感。而有一邊全是落地大玻璃，對出雖是邨景，但因為前景無遮擋，所以，景觀很特別，很具本土色彩，而且，感覺極之開揚。 食物選擇方面都有很多，食物分類為前菜、小食、意大利粉、意大利飯、主菜、漢堡、薄餅、甜品、湯品，還有多款咖啡及非咖啡類飲品，不過，來到當然要一試他們的咖啡啦。 先來一客「傳統義式香草雞胸肉羅勒意大利飯」（$118），看看樣子已感覺到十分對辦，因為每粒飯都沾滿汁，顯得夠濕潤，入口飯粒口感煙韌，做出意大利飯的神髓，而這個加了羅勒的醬汁，帶微微香草香，非常好吃，加上飯內有很多雞胸肉、野菌，都令到這整道菜式顯得更加豐富。店員提醒，薄餅需要多一點時間製作，非常細心，這個倒沒有關係，我們就是來享受悠閒時光，不是吃頓快餐。其實，最後我們點了這個「牛油果煙三文魚薄餅」（$128）也不是等了很久的，

今日約咗朋友去葵涌咖啡店chill下，喺KCC 8樓開咗一間新嘅咖啡店Season. Café，仲可以帶寵物，環境亦都唔錯，有室外同埋室內位置，我哋兩個人坐咗喺度四五個鐘，渡過咗一個好好嘅下午🥰🥰叫咗一個香煎鵝肝多士，煙三文魚凱撒沙律，大蝦黑松露雜菌意粉，飲品方面叫咗一杯檸檬薄荷梳打同埋matcha latte。鵝肝多士嚟到打卡一流，鵝肝煎得啱啱好，入邊仲有好香濃嘅肉汁，多士亦都好香脆，配上藍莓果醬，酸酸得來好開胃😋😋煙三文魚凱撒沙律好新鮮，沙律菜好爽口，配上芝士同煙三文魚，做冷盤係一流😋😋不得不讚係大蝦黑松露雜菌意粉，意粉嘅醬汁有好香濃嘅黑松露味，意粉軟硬度亦都適中，唔會淋啤啤，好有咬口😋成個環境好舒服，仲可以帶動物，附近亦都不時有寵物嘅展覽，對有養狗嘅我嚟講，真係好方便😍😍

又到左試新餐廳嘅時侯，最近葵涌KCC開左間森林系Cafe，暖色調加上簡約設計，光線充足又有透明玻璃見到城景，環境非常舒適。BBQ炭燒豬肋骨配薯條 $268選用比較軟身嘅部位，BBQ炭燒到外層變色焦香，肉質唔會粘骨又軟腍，充滿肉香。西班牙海鮮炒飯 $338西班牙海鮮炒飯最重要當然係個飯底，佢地嘅飯粒煙煙韌韌，吸引哂海鮮汁變成橙黃色。另外仲加入左虎蝦、青口和煙肉，味道層次好豐富。香橙燕麥奶茶 $55加入橙汁、燕麥奶和紅茶，充滿茶香又有酸甜味。牛仔很芒 $55英文名叫Jay Chou一睇就知周杰倫fans。芒果嘅鮮甜和牛奶嘅幼滑口味，達到好巧妙嘅平衡。

最近都多咗去遠啲啲覓食，好耐冇過嚟KCC，今次鎖定要去喺8樓新開嘅Season. Café ，店內風格偏向森林木系🪑，牆身仲掛咗幾幅畫🖼️，好似去咗Gallery咁，特別有Feel！而落地玻璃高櫈角落都係個必影打卡位📸！對住藍藍天空同街景，感覺好啱文青們靜靜哋睇吓書、聽吓歌🎧嘆返個Tea Time。不過日頭都幾曬吓，我都係快快趣影幾張相就坐返入去喇！環境夠晒Chill，原來食物質素都OK啵👇🏻👇🏻！🍝黑松露雜菌意粉 $96雖然成日都食呢啲意粉，不過黑松露味嘅嘢真係好香口好好味😌！呢個性價比都幾高，好creamy又好大兜，不過記得要趁熱食！🍔SEASON.經典手打(美國)牛芝士漢堡配薯條沙津菜 $138入面塊牛肉🐮厚切得嚟又夠Juicy，有芝士香味又唔會好漏，成個包都好好味！薯條都係我鍾意食嗰款🍟，仲配埋黑松露醬同茄汁比你點，而沙津菜都係毫不留手咁好大量🥗，成份嘢都勁豐富呀！🪿香煎鵝肝多士 $98呢個小食雖然有啲貴，不過塊鵝肝真係好！厚！切！充滿鴨油香味，好肥美呀😈淺嚐吓都OK！🍹Ice Mocha $45☕️Latte $40 呢度啲咖啡唔錯喎！咖啡味香濃，甜度適中，係我平時鍾意飲嘅味道！

第一次黎呢個KCC商場，都好多野行，餐廳都好多，見到呢間新開cafe，裝修好靚，木系文青feel🤓仲有個大玻璃窗可以望到户外景色，打卡一流。今日夜晚黎，冇特別坐出面，下次中午再黎打個靚卡先😆南美香料炸雞塊$68 南美香料好香，即叫即炸，細細粒，一啖一粒剛剛好😋最正係個芥末醬！好特別好好食！大蝦（2隻）帶子(1隻）龍蝦汁意粉$138意粉係硬身少少，岩晒我😋最怕意粉煮到好淋。淡淡的龍蝦汁，意粉幾掛汁，好多三色椒，好健康😁帶子同大蝦煎得好香，鮮嫩彈牙。傳統意式香草雞胸肉羅勒意大利飯$118 呢個好好食！正宗的意大利飯係口感偏硬，呢個煮得好正宗！好有口感，仲好大碟🤣！香料味好重，醬汁好多好creamy 😍雞胸肉都幾多，好嫩滑，仲有好多蘑菇，好抵食！是日餐湯配蒜香法包$25 蒜香法包超脆，好香蒜味🤤南瓜湯都吾錯，淡淡的南瓜味，配包一流。檸檬薄荷梳打$45呢杯飲品賣相一流💯好夏日🍸😆飲落好多薄荷味，好chill好清涼😆總括來說，呢間cafe 性價比好高，食物質素高，餐廳環境舒服，仲有打卡位😆一定會再黎👍🏻

去葵興kcc附近做野同事介紹8樓cafe換左新店記得呢度風景唔錯就即興吃個early dinner差不多7點入座剛好見到打風前的日落靚景 😍餐廳裝修走小清新風格除了草製的牆身招牌每枱有盆栽擺設 氣氛舒服//是日餐湯配蒜蓉法包 $28//餐湯味道濃郁法包蒜蓉味甚香烘至香脆 令人開胃//香煎鵝肝多士 $98//鵝肝肥美香口，充滿油脂一啖入口油香滲滿味蕾連多士也滿滿油脂 但入口口感不膩//意式肉丸茄茸什菌意粉 $108//看似簡單的茄茸意粉要煮得好食其實一點也不容易呢個意粉我認為最高水準的這個肉丸入口香味同質感比平時食到的更為實在而且入口食到淡淡的香草香氣肉丸跟茄茸醬混合意粉十分掛汁再加上菇的鮮味整個意粉味道酸酸甜甜令人愈食愈多好開胃//牛油果煙三文魚薄餅 $128//炎炎夏日最啱食d清新得黎又有d味道嘅食物煙三文魚帶點煙燻的鹹味配合清新又實在的切粒牛油果就是絕配餐廳落左好多芝士去焗這個pizza滿滿的芝士拿起pizza有拉絲的效果Pizza 是薄批口感鬆脆兩個人食剛剛好

假日到工廠區chill 一chill，在Season. Cafe有如此優雅的景緻，帶上書本做一個下午的文青，倍感輕鬆。餐牌全日通用，飲品除了咖啡，還有特飲很出色。香橙燕麥奶茶$55，看似其貌不揚，其實味道特別得來又很和諧哦！燕麥奶、茶、橙汁拌勻後，有夏日清新香氣，橙汁和茶能消除油膩，吃完午餐來一杯，超清爽的。70%特濃朱古力牛奶熱飲$49，朋田友愛朱古力味，覺得牛奶味很香，蓋過了朱古力的香濃味道，如果要做到特濃的效果，可以減少一點牛奶味。脆炸薯條配黑松露醬$48，薯條炸得軟硬適中，外脆內軟，裡面香軟不乾身的口感，配上黑松露醬，非常開胃！邊吃邊說話，已經吃完了。傳統意式香草雞胸肉羅勒意大利飯$118，意大利飯煙韌的口感，夠飽肚，雞胸肉沒油份，口感結實，伴隨濃稠的白汁，還有主角羅勒的香草味，不需濃濃的調味料，有羅勒已經香氣撲鼻，而且吃下令口腔清新不覺膩。美式bbq黑毛豬絲漢堡$128，特別之處在於黑毛豬絲，不是煎成漢堡扒形狀，而是鬆軟的一團肉球，包皮沒有烤焗過，保持最原始的鬆軟口感，雜菜調和bbq汁的濃香，吃了一個漢堡也不會覺得飽滯。伴碟的薯條也炸得香脆，可到自助調味區添加茄汁、黑椒、鹽等

七月開始是學校試後活動高峰期，亦是演員到校做學校演出最忘碌的日子，八時多要到達學校準備真的很早很眼訓😴隨著暑假開始，我們亦終於捱過每天要大清早起床的日子，當然要約朋友出來吃飯慰勞一下自己。今天來到葵興KCC新開的一間cafe。簡約木系裝潢，採光十足，靠窗位置有高枱。Lunch Menu 有9款，還可以追加餐湯、沙律或小食。蟹肉蘆筍羅勒忌廉汁意粉羅勒忌廉汁頗香頗creamy，加上啖啖蟹肉，調味不錯，蘆筍清新的味道和口感中和了忌廉的油膩感，吃完整碟意粉也不會覺得膩，整體不錯。美式BBQ黑毛豬絲漢堡配薯條包烘得鬆軟，黑毛豬絲頗嫩滑Juicy，BBQ汁味道恰到好處不會過鹹，加上大大塊蕃茄和沙律菜，好fresh 。南美香料炸雞塊雞粒很惹味，配Wasabi 蛋黃醬，有Wasabi的香味但不會辣得攻鼻，吃得放心又過癮。脆炸薯條配黑松露醬適逢前一天是國際薯條日（是個最好的籍口給我這個薯條控呢），當然要追加薯條😁薯條炸香脆，加上黑松露醬，不消一會便KO一整碟

［2023-07］星期六嘅下午兩點左右，人流算少，窗景位仲有好多位可以坐。櫃枱落單直接付款形式。叫左兩杯店鋪推介既飲品--牛仔很忙 ，奶味香滑。另一杯--西柚鮮奶咖啡，微酸口感，開胃好飲嘅咖啡。炸雞細細粒但又好有肉感，咸香酥脆，加埋芥末醬。薯條唔會有油淋淋既感覺，軟硬岩岩好，茄汁唔係好酸果種，食晒兩碟都唔覺熱氣。雙蟹肉特制肉餅--口感軟綿，香味十足，碟內既醬係微甜的。大蝦帶子意粉--意粉係煙韌少少果種，蝦好彈牙，帶子略為細粒，但都好食。埋單$46x

୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧身為荃灣人嘅我，發現kcc到新開左間cafe, 餐廳位於八樓，晚上亦有套餐可以選擇，可以配搭小食同埋飲品，而且最後面仲有一個落地玻璃可以望住出邊，諗到有時過嚟食早餐或者午餐嗰陣時可以望到啲遠景心情都覺得開朗香煎深海大蝦盲曹魚配龍蝦汁$238份量也挺大份，有隻大蝦係上面，淋上龍蝦汁，整體充滿海鮮味，味道濃郁，盲曹魚肉質結實！意大利露絲瑪莉黑醋烤雞 $238我自己就幾鐘意迷迭香的味道，可以除腥味增添鮮美！烤雞加上黑醋味增加開胃！牛仔很芒 $53其實就係牛奶芒果，係味道比較淡嘅飲品新鮮牛奶加芒果汁，組合都幾新鮮抹茶latte $55抹茶選用丸九小山園抹茶粉，味道多層次甘甜回甘 如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️

下午同老婆周圍行，諗住搵間Cafe坐下飲杯野。點知坐多陣就肚餓了，見到Menu又幾吸引，就order埋set dinner，估唔到Cafe都有咁高嘅西餐質素，蒜蓉包同埋菜湯真係不得了，飲品🍹幾有特色。抵讚

係葵興KCC開咗間新cafe餐廳, 係地鐵站沿天橋行過去便可以, 超方便。全餐廳都係木枱木櫈為主, 仲有一幅好大植物牆襯托住店名, 全個環境簡約時尚, 好有文青feel, 好舒服。另一邊有高嘅吧枱全單向落地大玻璃, 透光開揚。Dinner Set ($188)晚餐套餐嘅頭盤我揀咗巴馬火腿凱撒沙律🥗, 份量都幾多, 係開胃嘅好選擇, 新鮮嘅生菜配上凱撒醬, 再配埋巴馬下火腿嘅咸香, 味道好美味。另一個餐嘅頭盤要咗南美香料雞塊, 雞粒炸得口香又熱辣辣, 仲有啲辣香料調味再配埋芥末醬食, 好惹味, 份量又夠多, 抵食。👍🏻👍🏻原先套餐配有餐湯及蒜蓉法包, 但我地食得太飽, 所以冇要。無激素雞肉羅勒忌廉意大利飯呢個飯🍛大大碟, 仲整得好靚, 飯唔會好淋, 食落去係粒粒分明, 每粒飯都吸哂個汁嘅味道; 醬汁係加咗羅勒煮成嘅忌廉汁, 味道特別, 再加埋芝士同飯都非常夾, 芝士🧀仲有拉絲效果, 佢個芝士同個汁又好夾, 係廚師用心烹煮出嚟。配上菇及無激素雞肉, 好味得來又為食客健康都諗埋, 啱哂奄尖想嘅我呀。香煎深海大蝦盲曹魚配龍蝦汁(加$50)魚柳外皮煎到脆卜卜, 鎖住魚嘅肉汁, 兩大件魚柳都非常嫩

大蝦帶子龍蝦汁意粉賣相：🐧🐧🐧🐧🐧味道：🐧🐧🐧🐧🐧意粉外層熟透，中心帶點硬度，口感富有彈性，每條都掛滿龍蝦醬汁，味道濃郁又鮮香，夾雜其中的甜椒粒令意粉多一分清新。大蝦爽口滑彈，鮮甜甘美。帶子煙韌富嚼勁，煎得香口惹味。牛仔很芒賣相：🐧🐧🐧🐧味道：🐧🐧🐧🐧🐧特飲由濃郁奶滑的奶泡，攪拌甜美鮮香的芒果醬調制而成，入口甜而不膩，口感棉滑細緻，清新又解暑，夏日風情之選。🐧❣️職員表示特飲會定期更新，改良製作方法，務求達至最佳滋味，非常有心。環境：🐧🐧🐧🐧🐧餐廳裝橫簡約明亮，採用全木系餐桌地板，每桌都設有小花瓶作點綴，配以綠葉壁飾及自然風畫飾，感覺舒適又和諧。餐廳設有不同款式座位，迎合不同客人需要。其中高枱座直面落地玻璃，能盡瞰一片優美城景，令人心曠神怡，打卡推薦。🐧❤️結語：環境雅緻、景色迷人的優質cafe, 值得一試😋

KCC嘅景觀真係好靚好開陽，喺呢度食午餐心情都好返晒🤭落地玻璃比陽光照射入嚟，啱啱好唔會曬到個人，望住咁靚嘅環境食嘢都開心啲！香煎深海大蝦盲曹魚配龍蝦汁盲曹魚皮煎得香脆，有2大件手板咁大塊☺️🫶🏻一上到嚟已經覺得好靚好吸引，配菜好豐富，有薯塊、黃瓜、青瓜，賣相靚得黎又特別。魚好厚身，皮煎得乾而脆，好香口。魚肉就好滑All Day Breakfast 好豐富，三文魚花花、西班牙火腿花花，黑松露炒蛋勁香滑又大份😎 仲有牛角包、腸仔等等～岩哂選擇困難症嘅我🫶🏻Mocha拉花真係超靚，超靚☺️❤️

葵涌給人感覺是工作區，星期一至五，六是工作日；原來今晚又給我們捐窿捐罅尋美食，又發現新發展點……life@KCC……有令人煥然一新，眼前一亮的感覺。星期天駕車到來葵涌，沒想到有高質的食店林立，泊好車，搭地鐵幾分鐘就到的KCC, 比想像中更新穎……位於8樓的Season. CAFÉ……格調優雅又舒服，座位與座位很寬敞……感覺很寫意。#南美香料炸雞塊 ：一口一啖的雞塊，伴隨著提升口感的芥末醬，芥末醬平衡了酥炸感，吃著吃又吃圓了#南美香料炸雞塊 ：雞塊酥脆可口，香料香口不太搶風頭，味道適中。#蟹肉帶子（1隻）蘆筍羅勒忌廉汁意粉 ：意粉掛著濃郁的蟹肉，口感creamy 得來不太膩……有鮮及爽的蘆筍伴著吃……#牛油果煙三文魚薄餅 ：夏天食番個夏日色彩豐富的pizza， 吸睛又好味道……濃郁的芝士，有拉絲的芝士pizza，我們二人食啱啱好，多人來點多一款可以開心同樂一起享受。Pizza餅脆又薄，正宗的pizza口感，食多件都唔會膩#牛油果煙三文魚薄餅 ：夏天食番個夏日色彩豐富的pizza， 吸睛又好味道……濃郁的芝士，有拉絲的芝士pizza。#70％特濃朱古力奶#Jay Chou 牛仔很芒（Man