School Food (已結業)

去又一城School Food 食過幾次，每次味道都保持一般水準，味道係一般，不過不失，驚喜不大，但不會有落差。環境坐得舒服，適合一家人用膳。炸雞味道一般，同個一樣，脆😏，不過吃完有點口乾。年糕唔算太硬，加卡邦尼醬都不錯，食太多有點溜😑蛋包飯其實唔錯，一個大鐵鍋上，滑蛋蓋在飯上，太快吃了，相已影不到😜花卷味道清爽，夏天吃都好再加個🐂牛骨麵，清淡味道，麵就是少了點。餐廳價格比較大眾化，味道亦一般。

今日約左個朋友仔係又一城食個lunch,周圍都好多人，靜係見到school food唔洗排隊，所以就入左去食。可能我真係好少係school food食lunch,我都唔知佢而家有lunch set，平均都70-80蚊到，包前菜，野飲同甜品。我就見左個左個薯仔波，但都無咩特別，好普通，就咬落去有啲薯仔咁，前菜黎講真係好少，好普通。至於我朋友就簡左，栗米脆脆小食，比起我果個，依個特別啲，香口啲，而且多啲，有三舊😂。之後就到，主菜，我叫左廚師卡邦尼，我朋友就叫左個雞蛋吉烈豬扒飯。對於卡邦尼年糕都係同之前一樣，好creamy,好夠味，不過lunch 食的確好過份，超曬標😂 至於我朋友個飯，真係要講下，我朋友食到好嬲，係咁話八十幾蚊個飯，就係煎隻蛋，整個飯，同叮番1熱個豬扒咁，三樣野好似分開咁，唔好味又唔值依個價！最後到個甜品，原本以係朱古力，滿心歡一，一食落去，原來係苦過dee dee既咖啡味，其實平時我都會飲咖啡但個甜品實在太苦，所以我同朋友都無食曬，我見到好多枱都無食曬🌚總括，食物係超級普通，唔值每人八十幾蚊。。。

因為朋友無食到lunch,所以話睇戲前食個下午茶醫醫肚先。雖然星期日下晝3點幾，但餐廳無咩人，所以唔使等位，已經可以即入。呢度食物選擇幾豐富，好多賣相都幾吸引，好在我地有4個人，可以叫多幾款試下。睇完一輪，最後4個人叫咗6款食物加一樽特飲。青檸凍荔枝艾菲味道好清新，消暑解渴，好適合夏天飲。一樽夠晒一人一杯。沙冷希肉個名好特別，其實係豬手沙律。豬手同燻蹄一樣，幾爽又唔油膩，個汁酸酸甜甜，連埋沙律菜食，都幾開胃。烏卒卒墨魚夠爽口彈牙小彗星飛魚籽咬落卜卜聲，好過癮脆味樂園炸物好香脆，但略嫌乾身卡邦尼年糕辣炒年糕食得多，卡邦尼配年糕配都係第一次試。個汁好creamy,年糕又夠煙韌，兩者味道好夾，必食深海熱浪少少辣，無特別成餐食得好滿足，環境都唔錯，坐得幾舒服，幾適合同朋友食個tea傾下計。

想當年school food 啱啱開嘅時候真係多人到一個點，等位都等到傻，所以佢嘅分店都愈開愈多，但而家多數都唔使點等位！話說有日放工去咗又一城食嘢，唔知食咩好就嚟左School food，其實我好鍾意食佢嘅炸雞沙律，因為本人都幾鍾意食洋蔥大蒽呢類型冇乜人鍾意嘅食物，加上佢炸雞都有幾多件，感覺幾抵！跟住黑色嗰個韓式壽司我就次次都會叫，雖然唔記得佢叫咩名，但我每次都覺得好好食，加埋青檸汁好開胃！雖然佢間唔時都會推出啲新嘢，但我覺得佢個Menu都係時候嚟個大改革，因為好似食咗幾年都係咁， 開始都有啲悶，如果再唔多啲新野，真係會越來越少人食！

星期六要去粉嶺做野對於懶到出汁既奶油包嚟講係一件苦差因為要一早6點就起身係做完野之後朋友約左奶油包係又一城原因係天氣太熱又一城有冷氣又係火車線既其中一站又一城一向俾奶油包既印象係d野食好貴又冇地方行街(因為都係名店)但為左一件事...奶油包同朋友就決定揀又一城咁係做個樣野之前就要醫肚先朋友就推介奶油包試試School Food其實School Food係太古都有間但係奶油包覺得去韓國都有得食就冇係香港食過就襯今次機會...一探School Food既虛實睇School Food既Menu都有幾多款可以揀但因為奶油包同朋友唔係好餓既關係我地只係要左2樣野食佢地分明係烏卒卒同小食拼盤烏卒卒其實即係魷魚紫菜包飯魷魚幾爽口但係有DD辣小食拼盤唔錯排骨同雞亦唔錯但係最好食既係薯條好好好脆而炸魷魚圈又好好味今次真係偶然下發現之好物

香港真係有好多韓國野食。今日同朋友去又一城。。勁多人唔太想排隊。只好放棄food court。就去School Food食。朋友第一次食。叫左拼盤，兩個人食好飽。幾好食。薯條夠脆。如果多幾款醬會更好👍👍👍另外叫左烏卒卒。每次食都必叫。但太餓啦。相機都趕唔切食🙈我地就唔客氣。所以無相。可能我地過左lunch time,人流無甘多。無趕我地走。如果唔係。staff入座講明用餐時間為75分鐘🙈今次食發現個天花佈置都幾靚。有韓國文化既佈置。唔錯。另外今次食個餐牌。增加左好幾款菜式。下次繼續試💪💪不如有一大班朋友就能夠試更多款~

同朋友約o係又一城食lunch，原本想食第二間但係條龍～～～～～～好長，太肚餓就唔等落去喇～ 行過School Food 唔洗等位～就入去食啦～叫左兩個韓花卷同一個飯～原本想試過火爆雞肉鐵鍋炒飯～好想個店員提一提話會幾辣，再望清楚個menu, 有成四個辣椒，好彩冇叫喳好記得之前試過韓國冷麵，得兩個辣椒但辣到不得了，因為本身都唔食得辣野，唔敢再叫menu入面有辣椒ge 野食牛牛鐵窩飯～幾好食～ 夠香，蛋夠滑～烏卒卒～朋友話必叫嘅～ 唔錯，魷魚爽口幾特別紳士先生～之前都食過幾次School Food 覺得正正常常，但今次覺得食物有返水準～幾好

Long weekend 第一日 一朝早起身去又一城睇場戲, 睇完出來都1pm 了岩岩好夠鐘食lunch! 本身想食pizza express 的, 不過見到好多人等緊位於是就去左下一層的school food 的奇蹟地唔洗等位喎仲記得之前佢岩岩開時, 永遠都係大排長龍的由於唔算超肚餓, 所以兩個人點左兩個主菜+一杯野飲算了~~~一人揀一樣, 我揀左卡邦尼炒年糕, 男友就揀左炸雞另外飲品就揀左一杯士多啤梨乳酸飲品 (唔記得咩名了)好味,  少少辣咁同埋好多汁炸雞超好食炸得岩岩好唔會話好油, 又唔會好乾杯野就麻麻地, 得個靚字, 下次唔會再叫總括來講都係幾好的, 連加一埋單兩個人唔洗$300蚊都算係咁啦~~~~

It was a hot sunday and we were taking photos outdoor until 4pm. We came here and found no teaset served. We have 5 and we ordered seafood cold noodle, beetroot rice roll, sweet potato with fried rice, strawberry icecream with mango/ coconut pudding, 2 drinks. I really like the rice roll and the spicy cold noodle! They are korean fusioned , fulfilling my stomach with tasty but light food! Sharing the dishes are good as we can try many different type of food!

睇戲前醫醫肚，school food已進據不少香港大商場，今日就去左又一城商場食個快餐，試左辣味卡邦尼年糕+炸雞翼拼盤+柚子橙味沙冰+薄荷檸蜜。之前已經試過佢個卡邦尼年糕，呢個醬汁的確唔錯配年糕creamy有咬口。今次試左加辣版，係好野味但又好似辣左d再勁飲水呀。講埋個小吃拼盤，炸到比較乾有d失望呀，尤其係個排骨，就算點佢個cheese醬都無乜大幫助。反而兩杯飲品有d驚喜，配辣野同濃味野的確唔錯，refresh下口腔又可以食多d。總括來講都係普普通通啦。hea下坐下都幾好既。

今日放假, 諗著輕輕鬆鬆, 行吓街, 睇吓戲, hea 一吓。 自由行散退後的又一城, 份外令人行得舒服。 今次行吓行吓見到 school food, 吾駛排隊, 而且想食韓國野, 所以入去試試。首先叫咗杯柚子沙冰特飲, 味道清新, 好飲。 跟住叫了特色拼盤, 最出色係個辣味酱汁, 係似介辣味的蛋黃醬。至於豬肉就炸到好乾, 似柴皮一樣, 有啲失色。辣味的 carbonara 年糕, 味道一般, 辣味蓋過了一切。總括嚟講, 無乜期望, 所以無乜失望, 簡單食個下午茶都 ok。

係又一城附近讀大學既我，早已習慣匆匆忙忙喺學校飯堂食午餐有時真係為咗填飽個肚就算，完全冇享受過進食過程。今日見有多啲時間，就走去遠少少又一城食韓國菜啦！其實午市套餐來講，都唔算話好平。但係總抵過散叫嘅。一個套餐包小食同埋飲品，晚市真係食唔到呢個價。我同朋友一人叫左一個餐再share，小食呢我哋分別叫咗薯仔沙律同埋炸餃子。因為薯仔沙律個賣相唔太討好，我就冇影到相啦。但我朋友話個薯仔沙律既味道係好有驚喜嘅。俾大家欣賞下炸餃子個樣啦咬落皮脆，餡就無咩特別，下面有幾塊生菜墊底，規規矩矩啦飲品：是日school food特飲，柚子檸檬茶，冰比較多，味道較淡。主食呢，我哋就叫左美韓佳人 $68同埋花蛋飛魚籽鐵鍋飯 $82美韓佳人外貌滿分紅白色令我食慾大增，即刻影返幾張相先。可惜年糕同埋意粉呢個組合實在太漏啦，個底汁係芝士忌廉汁，非常飽肚花蛋飛魚籽鐵鍋飯個鐵鍋都好吸睛相對就保溫啲！佢個滑蛋整得非常好食，係仲有蛋汁嗰種程度。相信係飯裏面佢哋加左一種叫鯷魚嘅東西，混合埋飛魚籽同埋溫室豆苗，鹹度適中，唔錯較為可惜既係，後尾上網睇先知原來包埋甜品，我地埋完單都無上過甜品吖下次要好好留意一下先得。ps：兩點食

同朋友即興約食午餐 ，今晚平日有lunch set所以我哋四個人就帶咗三個lunch set ,另外帶一個烏卒卒。Lunch set都好似幾抵，$70-80有交易，有一個主菜有小食有飲品同有甜品， 都幾豐富。烏卒卒係我哋四個都好鍾意食嘅一個飯卷，黑色嘅外表好特別，裏面嘅魷魚好爽脆， 點埋佢側邊嘅沙律醬，好味呀!!跟住其他都上齊，有泡菜炒飯，廚師卡邦尼年糕同韓式冷麵。泡菜炒飯:有好多泡菜配埋隻蛋好惹味廚師卡邦尼年糕:好重忌廉味，而且年糕好煙韌韓式冷麵：味道好濃郁，而且冷麵嘅質感好有彈性整體來講， lunch係幾抵食又好味。

都已經好耐冇食過韓國嘢啦，今日放工之後嚟到又一城，見到有呢間鋪頭就忍唔住過去呢個係小彗星，入面有蟹子非常之好味不過加上咗一啲唔知咩菜，食想去嘅味道唔係咁襯而呢個嘅滑蛋超級滑❤️我勁鍾意，再加上佢嘅牛肉嘅味道亦都唔會10分濃所以唔會搶走滑蛋嘅味道😍呢個就全部都係焗或者炸嘅嘢下面嗰個係炸粟米，對我來講覺得幾新鮮，呢一樣野都係第一次食我覺得味道幾好，啲粟米都夠新鮮夠爽口，不過就嫌佢太油膩薯條嘅薯味幾重最上嗰個係年糕，最緊要快啲食，如果唔係凍左就好難咬😂

放工來School food食野 好耐冇食好懷念 見到Menu有新野就叫左一個新嘅芝心漩渦同埋吃一匙比薩 新嘅嘢食都好重口味啲餸一如既往好快到 個芝心漩渦比我想像中細 同埋佢話有米通係上面但係見唔到 唔知係咪溶咗 成個好溜 好Cheesy個菜一燒普普通通好多芝士都幾好味 但係啲菜好似有啲油 個醬汁都幾好味嘅 食咗少少先記得影相烏卒卒都係一如既往最好味嘅一碟餸最後驚唔夠飽又想試新野 就帶埋呢個Pizza 佢個底係番薯來 上面有啲炸麵條係無味嘅同埋有啲炸魷魚同茄醬 整體嚟講都幾好味 值得一試原來兩個人叫四個餸係咁飽架下次都係叫朋友叫少啲 唔好浪費食物