San Aroy

營業中

休息中

行過見到諗住加餸， 叫咗一隻燒雞， 一份魷魚，一個海鮮冬陰功。廚房得一個人，所以都等咗好耐。一路等都好多學生過嚟買外賣雞翼食， 下次要試下。燒雞醃得好好味， 醃料好似有花生醬沙嗲醬香茅等等， 如果新鮮燒起堂食應該好好食。魷魚一份98蚊， 我個人嚟講絕對唔會贊成下次再食， 完全overpriced。冬陰功湯鹹， 好咸， 飲完第一碗唔會想飲第二碗，d材料又冇乜，似開醬煲成。$68下次未必會再嚟啦 就算嚟都可能食下雞類產品， 甜品冇機會試

泰式海南雞飯🐤鮮嫩海南雞，非常入味，🥢雞肉嫩滑，而且有肉汁，食到好彈牙。金邊粉🇹🇭一定係最著名嘅泰國主食，炒到金黃色超級吸引，粉入邊有香檸、🍋芽菜、花生碎等等，撈起身非常豐富。泰式奶茶🧋每天超有奶香，而且都好滑，我覺得比廣式奶茶更加好飲。龍眼冰超多粒新鮮龍眼，🧊飲起身甜甜地，龍眼肉好有口感。泰國風味小店，🦐主打多款泰式外賣，而且更加蝦片等風味小食，🔥好得意，夠滋味。#takeaway

我位於太子的泰國小店，在大馬路的路邊，風味十足，外賣自取，拿回家吃好好品嘗一番。海鮮冬陰功湯，漸趨寒冷的天氣，手心也十分冰冷，暖暖的一碗熱湯卻是暖入心的，酸酸辣辣十分開胃，加上十分足料，由多種不同海鮮熬製而成，鮮味十足。串燒，選用適量香料醃製而成，即叫即製，帶點炭香味，但令我最驚喜的就是他的沙嗲醬汁，由店舖親自調製，花生比例剛剛好，香味十足。最喜愛就是這裏由泰國人主理，在香港也能品嚐得到泰國的風味。

呢間泰式外賣店價錢平，口味又正宗。我間唔中行過都會買埋lunch box。送嘅龍眼水超多龍眼果肉好足料。🤍雞肉串燒 $12/1串雞肉又嫩又多汁，仲醃得好入味。幾鐘意佢地嘅雞肉係連皮，有少少雞皮嘅油香。同埋佢嘅醬汁比起平時食嘅會甜少少，亦都香到不得了。價錢唔貴又好味，會再encore。🤍蟹肉炒飯 $55飯粒炒得粒粒分明，加入蛋花、蔥花，仲有大量蟹肉絲。啖啖都係鮮味又唔會腥。📍San Aroy (太子)太子塘尾道197號好世界洋樓地舖

好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗去完深水埗嘅特色二手書店，諗住睇吓周圍有咩外賣可以食，轉個彎向大角咀方向行，去咗一個 no where 嘅地方見到呢間泰菜小店，見到D 嘢唔係好貴，就決定試吓！呢間小店主要做外賣，有兩張摺檯放響街，有街坊一家大細響度食緊嘢，亦見到有唔少人去買外賣，負責煮嘢食嘅似係泰國人。🍴泰式炸蝦餅（$68）蝦餅有6件（半個1件），應該有1吋半厚，炸到外皮好香脆，炸皮唔厚，蝦膠打得非常煙韌有咬口，好味！🍴冬蔭公海鮮湯（$78）有兩隻青口，蝦，魷魚，用料都幾足，冬蔭公湯好濃郁，酸同辣嘅比例啱啱好。🍴泰式大蝦炒金邊粉（$58）有兩大隻蝦，用料十足，金邊粉炒到一條條好爽口彈牙。🍴泰式酸辣鳳爪（$58）鳳爪好爽口，酸辣汁調較得好好，清爽又開胃！🍴泰式炒通菜（$48）非常有鑊氣，少少辣好惹味，通菜好嫩口。呢間小店泰菜嘅調味做得好好，每樣都恰到好處，惹味得嚟唔會太鹹，酸辣度剛剛好，而且份量都幾大，食得出用心製作，雖然唔係響好旺嘅地方，但值得回頭再食！

炒鮮蝦金邊粉$58金邊粉好香蕃茄味，配料有主角鮮蝦、仲有芽菜、蔥、雞蛋、青檸、花生碎，成個配搭好惹味、好香，次次食親泰國嘢都一定要食嘅金邊粉🤪正所謂越簡單嘅嘢越難做出水準，一碟金邊粉就可以知道間餐廳嘅嘢食好唔好食💯👏🏻串燒雞翼 $15學周星馳話燒雞翼 我鍾意食😻雞翼真係好大隻，肉質好飽滿同埋唔乾，仲配埋沙嗲汁，沙嗲汁仲有好多花生碎，食落口好有口感，而且雞翼冇雪味，燒到金黃色，好靚仔串燒雞肉$18雞肉口感鮮嫩，肉質飽滿，唔霉😽帶點鹹味，唔使加沙嗲汁都好食因為最怕食雞肉就係食啲好林嘅質感，佢地完全唔會叫咗兩杯特飲，龍眼冰同Blue Hawai龍眼冰甜甜地，甜得來又唔會掩蓋左龍眼嘅味道藍色夏威夷有少少似楊桃嘅味道😆

今日天色太差,⛈️大雨天時心情又唔係太好😔，又冇電視好睇📺，於是戇居居落咗街行下🚶，又唔知去邊到好🤔無端端想食下泰國野☺️，行到太子唐尾通🧐見到一間泰國外賣店,見到有2位泰國廚師🧑‍🍳煮緊野,好有鑊氣!香噴噴😋吸引咗過去,咁我叫咗生菜包🥬,肉碎煎蛋🍳飯,泰式奶茶🥤外賣返屋企慢慢食😊生菜包🥬餡料十足,好有份量,有D麻辣感覺😛加埋生菜🥬另有一種層次!肉碎煎蛋🍳飯肉碎好爽口汁料好夾,加埋煎煎蛋🍳好好味!泰式奶茶好特別,好有泰國feel 😊,

食開就想食🤭又見到一間泰國🇹🇭菜外賣店正宗泰國人👩🏾‍🦱主打👩🏿‍🍳地道泰國🇹🇭菜🥢午餐超低👍🏻仲有嘢飲添🥤叫在泰式炒飯😗好夠鑊氣、好足料👍🏻午餐都交足功夫😗😗😗龍眼水巧甜😜夠晒清熱🥰見餐牌有正宗泰式烤魚🐟係我嘅飛佛🤭烤魚聞到陣陣香茅味🤤肉質好嫩😙，而且都算大條。真係拍得住泰國🇹🇭好有風味喎👍🏻👍🏻👍🏻性價比真心高 ，係附近返工既絕對推介！

呢日收工後，經過呢間外賣店，畀佢廚房嘅鑊氣吸引咗🥰，於是就揀兩個性價比高嘅餐外賣。🥢海南雞飯$45去骨海南雞望落肥瘦均勻，肉質嫩滑，皮薄而有光澤，配合秘製醬汁，新清開胃😆。🥢泰式豬頸肉飯 $45一見到就覺得豬頸肉份量多，鋪滿整個飯盒，邊邊位置夠香脆，配合秘製醬汁，惹味可口。👍🏻🥤泰式奶茶自家製奶茶，茶底香滑而清香，甜度剛剛好，樽裝方便。❤️📍San Aroy (太子)太子塘尾道197號好世界洋樓地舖

太子道西雷生春對面開左間泰國菜小店，由泰國🇹🇭人主理，充滿泰國地道風味✨，佢哋有抵食既午餐連飲品只需要$45，非常抵食👍🏻，而且仲有不同款式小菜、小食、飯品等等，非常多選擇。👏🏻泰式豬手飯份量十足既豬手🐷，肥瘦適中👍🏻夠冧得離有口感，啖啖肉好好味😋，再配埋青瓜連白飯十分滿足。蒜蓉炒椰菜苗新鮮爽脆既椰菜苗🥬，蒜苗及辣椒🌶️炒，帶點微辣，非常好味。👍🏻另外龍眼冰十分多龍眼肉，清甜解渴🧋，充滿泰國風味。🇹🇭

太子嘅另一面原來有好多小食店舊區有舊區嘅別緻～泰國菜小店我最鍾意幫襯多數又正又平Lunch $45仲要勁多選擇青木瓜沙律唔算好酸輕怡又開胃即叫即整所以如果想食記住打電話嚟落定先燒豬肉串食落好香口配埋個秘製沙嗲醬食一流其實個豬肉似乎係免治豬肉食落好滑熱辣辣重點咗杯荔枝梳打用咗45 mins 先返到屋企都仲係好夠凍啲芒果大大個好新鮮先係$15仲要又大又新鮮如果晏咗去唔到街市過嚟買都好抵大大個珍寶牛油果🥑$50/3個都好抵

太子區真係比較少泰國菜, 呢間餐廳價錢合理仲要泰國人主理餐廳主要以外賣自取為主, 只有3台係坐街既餐廳有圖又有中文, 包你睇得明而且姐姐係識講廣東話唔會雞同鴨講唯一係等外賣時間比較長食物種類由串燒, PAD THAI, 生菜包, 沙冰特飲, 芒果糯米飯都有平時出街會食既泰菜都應有盡有. 麻雀雖小,五臟俱全 今日叫左燒雞全翼, 鳳爪沙津, 海南雞, 生菜肉碎包, 濕炒河, 炒椰菜苗燒雞全翼時間控制得好好, 肉質唔乾配既沙嗲醬係偏紅色, 而且係偏甜無咩花生味鳳爪沙津酸酸辣辣好醒胃海南雞配油飯, 雞件滑而且而且有雞味生菜肉碎包超惹味, 除左包生菜仲用黎送飯一流

San Aroy (太子)太子塘尾道197號好世界洋樓地舖老豆買外賣返嚟加送，好耐冇食過泰國炒飯同串燒。菠蘿海鮮炒飯地道泰國人主理，就真係會有泰國嘅風味，即叫即炒，非常新鮮熱辣辣，好多蝦球，非常足料，飯質先甜好味，最特別係有提子乾，將個甜味再提升一個層次，香噴噴，真係好開胃。龍眼冰獨立樽裝夠乾淨企理，顏色菊黃，見到大粒龍眼肉，好足料。串燒拼盤燒雞串、燒牛肉串、燒豬肉串、仲有燒雞全翼。佢自家製個辣椒醬一絕，用嚟點餸真係好好食，燒烤技巧不錯，鎖住肉汁，鮮嫩，唔會煙靭攝牙，有炭烤味。

📍San Aroy (太子)👩🏻試試太子嘅泰菜外賣店。泰國人主理，口味正宗又唔貴。兩樣嘢夠晒兩個人share😳。✨乾炒豬肉河粉 $45 送龍眼冰午餐價做到16:30，所以下晝嚟都食到🥰。河粉條條分明，又唔會炒到碎晒，食落唔會油淋淋。豬肉片同蔬菜都唔少。✨芒果糯米飯 $30價錢係平時喺九龍城堂食嘅一半，但都有成個芒果。芒果好熟好甜，糯米飯都夠軟熟。椰漿冇平時食開咁甜，不過都食到椰糖香。📍San Aroy (太子)太子塘尾道197號好世界洋樓地舖

同媽咪喺大角咀學完畫畫經過間泰國外賣小店媽咪話好想飲加辣冬陰功老闆娘問我地要加幾辣我答佢要辣到飛天另外我再嗌咗我最鍾意飲嘅泰式奶茶同龍眼冰話咁快就攞得天氣咁熱我地立即坐的士返屋企飲飛天冬陰功媽咪一打開我就聞到好香酸辣味我地急不及待試咗一啖嘩～好爽丫～真係辣到飛天啊有無發現呢張相少咗杯泰式奶茶係～因為媽咪太辣飲左半杯茶😂😂個湯幾十蚊來講好足料D料仲多過湯～雖然唔係用新鮮蝦不過都有蝦味我個人10分滿意呢一個飛天冬陰功nana支持小店❤️