RUD燒肉 (TKO Gateway西翼)

營業中

休息中

今晚2大3小，7:03 GULU 取票，等咗40分鐘，發現安排叫飛果位呀姐好似miss 咗我哋張飛，因為見到剛剛5分鐘前啱啱攞飛嘅3個人，竟然入座快過我哋，但係明明同樣安排4人枱。我哋即刻問點解唔叫我哋張飛，個帶位阿姐竟然唔識答走咗去，然之後我再叫其他職員搵經理出嚟，經理竟然答覆話嗰個阿姐睇唔到我哋張飛😳明明一直都有叫緊，衰咗唔識答就求其是但up真嬲😤，因為咁，我哋白白等左好耐點解會搵個唔識用叫飛system 嘅人企喺門口,好差

昨天晚上九時後同個仔去试食, 入到裏面叫我哋出去要攞飛, 點知出到去又話冇飛羅, 跟住安排座位我哋坐吧枱已經滿意 , 後來叫嘢食個爐一路食一路自動熄火, 跟住同佢講佢同我調咗位, 結果同個仔再隔多一個位, 好似自己食咁, 都唔似係兩個人食, 之後(男)過嚟同我講仲有十分鐘就一個鐘頭要埋單, 乜餐牌上唔係寫零九點之後唔計時咩?埋單嗰陣就去問收銀員, 收銀員話係喎唔計時㗎, 跟住我話你哋啲服務員对啲服務都唔熟悉, 裏面嗰啲侍應生(男), 尤其是兩位男嘅就同我講要我走, 但係我想加嘢食, 服務認真差!!

星期日11：45 來到，用餐時間一小時，兩大一小點了以下菜式：爸爸：牛舌＋牛胸腹 200g ＋ 茶媽媽：牛胸腹＋牛小排 100g小朋友：牛胸腹＋牛小排 200g ＋紫菜飯 ＋ 蘋果檸檬梳打第一次來用餐，事前跟小朋友說是一人一爐，原來四人檯是二人一爐的，所以小朋友自己燒一個爐，兩個大人共用一爐。自助下單後等了一段時間，餸菜用機械人運到餐桌附近，再由職員問清楚哪份餐要放哪裡，之後上菜。點菜時，茶要$1, 後來才發現有熱水，自助的。上菜時拍了照，之後開始燒便知道擺盤的重要。 最頂的兩塊牛小排油花均勻，但後面的牛胸腹側各人都不同，有些大片有些細片，但都是有40％是脂肪。可能是脂肪太多，所以燒時間中有搶火，整體來說牛小排和牛舌最好食，牛胸腹太肥，白飯有點細碗，椰菜配芝麻醬感覺有點奇怪，但味道還可以，湯則沒什麼特別。由於小朋友不喜歡吃脂肪，一開始便自己把肥肉割下來，當牛油來用。可能是小朋友手腳慢或者吃得慢， 所以一個爐烤200g肉，時間只是剛剛好，但兩個大人用一個爐烤300g肉，卻有充裕的時間。事後研究餐牌，發覺套餐不能單點牛小排，多數都配牛胸腹，豬則只有腩肉，雞也只有一款。小朋友評價：好食，肥瘦

晏晝冇約人食飯，一個人走落去新開嘅RUD燒肉食。12點去到未使排隊，一個人自然被安排坐自閉位，好快趣用QR code 落咗單，叫咗牛之盛盒套餐，有牛小排，牛胸腹同牛Kaxx牛肉片共300g，仲加咗錢轉紫菜飯。問職員三隻牛肉點分，一聽就知佢亂噏當秘笈，聽完就算。鋪頭咁新當然環境比前身momoko 坐得舒服，燒烤爐等用具亦使用方便，自己燒都冇問題。三隻牛肉都幾好味, 300g份量剛剛好。埋單免加一要$154，算低食。下次會再嚟。

🔻🫕食物🫕🔻🥓燒肉拼盤之盛合🥓真心好平 好抵食😝$106有曬牛肉、豚腩肉同雞脾肉個人黎講已經可以食到好飽（不過本人都算細食）另外非常推薦加錢轉紫菜飯！🔻🫕環境🫕🔻一個爐 可以坐到2個人 👭個爐設計都幾得意 未見過爐側邊有個抽風機 將油煙抽走左 就吾會成日供住塊面 無咩煙非常nice👍但衫吾多吾少還是有味的💡溫馨提示 :在晚上9點後 仲可以+1蚊雞加多100g牛肉！沖啊！！🍹飲品🍹玫瑰荔枝冷泡茶都吾錯幾香玫瑰味🌹

晚市6點到唔使排隊，限時60分鐘，點左200g，點知最後店員提醒仲有6分鐘，仲有一盤100g未燒，即係放晒落去😆由於爐不太，一次最多2片燒肉，點200g真係要密密燒😅👅牛胸腹牛舌：牛胸腹比較肥，睇落似肥牛，燒完勁多油，牛味比較香濃。牛舌係薄切，食落唔多筋，唔會咬唔開，之前係另一間食厚切，咬唔爛🥲🥩牛胸腹Karubi：滿心期待Karubi會比牛胸腹好食，佢係比較唔肥，但食落又冇牛胸腹咁香牛味，如果牛胸腹唔係咁肥，其實唔使叫Karubi都OK不過不失，唔差但冇乜興趣再食，牛質素一般，口癢想一人食燒可以考慮下。

RUD燒肉RUD燒肉主打一人日式燒肉店😍❤️‍🔥而且性價比十分高🙌😛😛有不同定食set(豚腩肉、牛胸腹牛舌、牛胸腹、牛の盛合、豚雞の盛合、燒肉拼盤の盛合）😚😚 定食包括日式海苔味噌湯、飯、日式試菜😆😆😆🙌如果唔想食放題燒肉😙可以去RUD燒肉食叫套餐已經夠飽😋😋😋不過爐火力五會太大，都五會太大油煙🥰🥰🥰真係快、靚、正😄📍 RUD燒肉 (TKO Gateway) (將軍澳)將軍澳澳常寧路2號TKO Gateway西翼地下W001-W002號舖❤️‍🔥價錢：8/10❤️‍🔥味道：8/10❤️‍🔥服務：9/10

同朋友係下午茶時間嚟到，可能平日唔多人，我叫左豚腩肉100g（$48）有6片肉，朋友叫左下午茶牛拼豚肉餐（$48）各4片，跟餐另有麵豉湯，椰菜沙律同飯，飯加$6轉左紫菜飯，先講豚肉，一定唔係咩靚貨，但睇落去同食落去都新鮮，唔係放耐左嘅霉肉，點埋枱上面幾款醬汁，生色不少，個人推介蒜蓉汁，另外有款生薑汁都不錯，辣辣哋論環境真係唔錯，坐得舒服張枱又夠大，個網架睇得出係全新，我諗佢每一輪客都會換，亦唔會嗅到油煙味，因為佢嘅抽氣係係枱底我諗我下次一個人黎都可以，見佢都有d專for一人嘅枱

新店是大集團（taste of asia）既分店，主打一人日式無煙燒肉，肉類選擇有牛、豬、雞，切得夠薄，燒的時間不用太耐就可以食，一人一個夾，1-2人一個爐，爐不大但夠用而且夠火力，不會太大油煙；今日只試了牛肉（豬&雞肉未試），可惜是沒多海鮮款式，只有蝦，連魚也沒有，亦沒有貝殼類海鮮。醬油架自助，有辛辣檸檬薑汁：很薑味；燒肉汁:一般正常味道；柚子蒜蓉汁：柚子味較濃，但酸酸地好開胃，我最喜歡這種。另有黑胡椒和海鹽可調味。一人餐內包2盤肉（可自選不同重量的eg 100g 至360g 不等，亦可追加不同肉類），一小碗芝麻沙律醬既耶菜，海苔味噌湯和一碗飯（加$6會加紫菜）。飲品有多款，冷飲為主，熱茶就要加$1一杯，不過近店門口位可自助取熱水；小食有幾款可點；甜品就沒有。新店原為同一集團韓樂店，分了一半做燒肉店。裝修新淨，油煙不算多；店員都有禮貌，設有送餐機械人，用QRcode落單後很快就有飲品和食物。用餐體驗不錯，一個人吃也不錯。