Ruby Tuesday (屯門時代廣場北翼)

營業中

休息中

Ruby Tuesday "was" one of my favourite restaurants some time ago,  but I am using "past tense" which is implying my disappointment when I was having a celebration of  Chinese New Year.   I have ordered a Prime Rib Eyes $458, Shrimp Posto Linguini $288, Garlie Bread and drinks for 2 people, I was expecting the food quality and taste will have surpise as I can tell from the price which is not quite down-to-earth...., eventually, it was just a very standard meal, taste so so, no surprise, I would r

七成肉眼扒好味唔嚡， 今日做promotion 四隻炸蠔48蚊，不過真係超細粒， 認真麻麻地， 原先 對個蟹餅有期待， 因為個個都話好食， 實際真係認真麻麻地， 下次絕對唔會 再食。 再嚟應該要試下佢個漢堡包。 今日我定係 經某個網站 預定有半價無需加入做會員， 網站有同信用卡做promotion食滿500再減100。 咁樣就覺得 抵啲，不過用餐時間只有90分鐘

機緣巧合之下有一張六折嘅優惠券。叫咗一個crab cake, colossal burger and wagyu cheese burger. 望一望個正價，真係幾貴下。對我來講呢一間只不過係高級少少嘅快餐。如果用正價嘅價錢，唔抵。crab cakes 好好味。佢唔係炸嘅。好多蟹肉。有蟹味。Colossal burger 好大個。有震撼性。叫咗medium. 生熟程度啱啱好。好多肉汁。塊漢堡扒好厚。其實可以兩個人食 。漢堡包會跟薯條。薯條外脆內軟。好大條。和牛漢堡，非常之多汁。牛味比colossal prime beef burger 重。都係跟薯條嘅。非常之大個。好飽。服務態度好。職員有耐性解釋餐牌。味道同埋質素都好。上菜速度都可以。如果正價食就冇可能㗎啦。半價就合理好多。

難得今日放假，所以過左巿中心行陣。知道屯門開左間RT，所以過黎試下。因為有半價咭原故，所以食得豐富D。不過坦白講，依家覺得呢度食野都唔平！先叫左杯 Mega size Ruby Refresher, 佢既SIZE 明顯比以前細杯左. 大蝦波菜麵, 味道尚可, 仲感覺較乾身, 好漿口.大蝦爽口既.蟹肉餅真材實料喎, 入面又真係蟹瞉碎骨喎! 特級AGED PRIME 西冷扒連焗薯 肉質都算軟熟, 有牛香味, 煎得唔會overcook, 連孩子都肯食完再食, 再配上一個焗薯, 超級飽肚.最後還是忍唔住叫甜品要雪糕brownie繼續喜歡呢個朱古力brownie, 口感溫暖軟滑, 有少許朱古力漿 (雖然偏甜, 但我很喜歡)上面既忌廉同雪糕, 當然被孩子KO了.整體食物質素可以, 但配上原價既話, 我就未必會選擇黎食了. 因為實在太貴.

It’s seriously overpriced! 服務還算不錯，侍應見我冇order飲品有埋你問我要唔要杯水，好細心，味道一般，已冇咗初開張時覺得好好食，近幾次嚟都有啲失望，冇以前咁好食。今日叫咗個 impossible cheese quesadilla，偏鹹，食唔到有Swiss cheese 嘅香味。重點係比以前細咗一倍。冇誇張。細片咗好多，薄咗，芝士少咗好多。以前一個order可以分兩餐食，依家一餐食得晒，完全冇咗美國餐嘅特色。就算有半價membership都要考慮吓再食唔食 。

Join左佢個會員所以成日都會過嚟食，今次就同朋友過嚟食～我哋兩個人以下呢啲嘢食滋味雞翼拼盤$99兩隻味分別係照燒同水牛城， 個人覺得照燒好味好多～烤羊架$219 烤羊架配上蘑菇醬味道唔錯， 仲有薯蓉配料，分量超大！特色加州墨西哥烤餅$149依個烤餅幾好食，入面有烤雞肉同牛油果，配搭得幾好，感覺好健康～另外仲嗌咗兩杯飲品分別係青檸梳打$34同煥然一新$34 最後我哋兩嗰啲食唔曬～下次可以唔使叫咁多都得如果冇會員，就貴左啲建議經常食嘅話join就著數好多

同小朋友去lunch, 訂位時已 remark 有 kids request highchair, 但入坐後d顔色筆，兒童食具，甚至清水都要叫先逐樣送黎Order 左個兒童餐雞翼併燒排骨，幫小朋友剪開隻雞翼，血淋淋小朋友食左就大件事了……隻雞翼最後就係咁樣俾樓面員工收碟收左去(視若無睹……)小朋友冇雞翼食，只好叫番個 chocolate tall cake補數呢間分店都開左幾個月，初開你話員工未磨合可以理解，但到依家d員工d服務仍然係踢一腳郁一下(叫埋單都未有兩杯水)，實在好令人費解

自從冇做會員之後就好少再幫襯ruby tuesday呢間餐廳,由於我朋友係會員所以早幾日約咗朋友一齊去屯門食,約咗六點半鐘,侍應都好好招呼我哋,叫咗幾款小食,牛扒,西蘭花雞肉長通粉.甜品我哋選擇咗招牌Talkcake.黑松露芝士薯條好好食,份量不算太多🍟我朋友說上次點餐的份量多好多我哋諗,可能係星期五廚房比較忙所以份量細咗,其中有一款小食係好似係黃金蝦,食咗一隻點知(極度咸)即時同餐廳反映咗,好快女侍應走嚟同我哋講黃金蝦嘅調味係用鹹蛋黃所以係會咸少少,已經同廚房師傅反映過ok完全明白哂😅之後我哋即點餐飲可樂及一杯凍檸茶.但係餐飲等咗好耐都未出,我哋已經同待應反映,她好快地幫忙追上,如果唔係我一定咸死🤣特別讚揚女侍應服務態度態度超好👍🏻壓軸出場Talkcake 發覺咁多年嚟都冇變過依然都係咁好食🥰不過老實講如果正價的話一定唔會嚟食,食物質素都唔差,唯獨是個黃金蝦失咗手🤣希望下次嚟食唔會再有咁嘅事情發生啦🥲溫馨提示大家做咗會員一定要check單😏省卻一些不必要嘅麻煩😏

Ruby Tuesday ( Tuen Mun ) 屯門最近多左好多餐廳,連壽司郎都開埋,多左好多連鎖店最近Ruby Tuesday都係屯門時代廣場開了第七間分店之前可以用特價買會藉,再送電子現金券,另有主餐牌優惠等電子券計落都幾抵,朋友JOIN了,最近就約我食飯我地叫左份沙律,一份意大利飯,IMPOSSIBLE素肉烤餅,仲有一份牛肉牛肉可選熟度,伴碟係薯菜,一份薯條和烤蔬菜,醬汁係磨菇汁薯條夠脆,係粗身薯條,食落香口,牛肉熟度合格,唔會煎過熟,切開有肉汁牛肉厚切,切開係粉嫩既紅色,肉汁封住係牛肉內,肉味濃郁而且柔軟肉質沙律有芝士,番茄仔,新鮮沙律菜,食起黎清爽,無醬汁,健康之選烤餅中間放左素肉,口感豐富似真肉,味道偏淡,可以加少少醬汁食就調味意大利飯上面係鵝肝和煎帶子,煎得香口,鵝肝切開全是油脂入口即溶,味道濃,油脂甘香,將鵝肝拌飯食,味道更豐富突出屯門時代廣場北翼地下39-40號舖平均消費 $300評分7/10特色或優點 以相對合理既價錢提供西餐晚餐,鵝肝,牛扒,仲有素食選擇,食物亦有水準,唔係HEA做

新開張，就前來☺️但都多人到要早二星期訂位，幸好有提供網頁。員工有禮貌，order 了3樣(見相），味道好好，個包出奇地好味喎，希望還出多啲款式，pizza多些。今次做埋會員，抵很多。叫大杯juice, 夠3個人飲吖，小朋友非常開心。其實甜品都要多些口味，不是人人愛朱古力。

今日再次黎食晚飯，對比上次lunch 情況好好多，起碼唔會再客走咗仲多張枱冇執。同事方面一樣禮貌招待，只係一幕好笑嘅係d 餐剛放低一陣都未食，有位同事就埋黎問對今晚食品滿唔滿意。因朋友係素食者，之前睇openrice 嘅餐牌係有植物雞，點知原來已改，所以食唔到。我自己就叫咗客肉眼，將薯條改為雜菜，肉質對我黎講算唔錯。因會員嘅價錢同正價都相距成半，計落自己都應該幾接受呢到，所以決定買個最基本會席。原價$1200用恆生卡只需$1000,仲可即時使用。黎緊都會多d 黎食，起碼要食多幾餐先開始真正賺到着數。

晏晝2點幾黎食下嘢，都已經過左繁忙時間，侍應都提用餐時間個半鐘就要交枱我同朋友就叫左個lunch set，朋友叫左個雞卷，我就叫左個墨西哥薄餅（impossible 黎嘅）。然後同朋友再加30蚊叫左雞翼。雞翼CP值好低...30蚊得3隻，仲要細細隻，真係唔加無咁嬲。我就好欣賞個墨西哥薄餅，因為impossible 嘅肉比真肉好食，食落又唔乾。雞卷就大舊得黎乾，但我覺得岩做gym嘅人食嘅。最後侍應都無迫個半鐘交枱嘅...

今日終於係自己區試到ruby Tuesday ,午飯時段唔駛等位。但唔知係咪員工人手唔夠，就算客人已走，都見唔少枱係冇執，包括我自己個張，雖然唔係話咩高級餐廳，但咁樣望落好差。坐低要問先會比水，叫餐後直至食完，杯凍咖啡都未黎，要追先到，仲要比錯熱嘅，不過我都冇要換。食物質素係唔錯，叫咗忌廉波菜鯛魚，魚唔腥，幾好食。餐係話一係沙律，一係湯，其實點解唔會2樣都有呢？員工係有禮貌，只係好似少少亂，總括黎講可接受，因食物真係唔錯，會再去食，但希望以上問題，下次會見到有改善。

好耐無食牛扒啦！一於去Ruby Tuesday滿足下我呢個食肉獸嘅味蕾！-18oz USDA Bone in 肉眼扒我地點咗七成熟，熟度啱啱好，煎得香口帶點炭香味，非常有技巧，咬落好鎖汁又Juicy!!肉質軟腍，牛味好濃郁！我地揀咗蘑菇汁，係有鮮蘑菇肉咖，加埋牛扒口感更豐富。而且18oz都幾大塊又厚身，啱哂同成班fd子share！依家7️⃣七月仲有限定優惠‼️有得無限添飲可口可樂，牛扒加冰凍可樂真係Perfect match!!-拼盤對對碰我地另外點咗個拼盤（大）開心share!幾個人食絕對夠飽！分別揀咗以四款小食：👉🏻薯皮揀咗蘑菇焗薯皮，焗得好香口，加入芝士黎焗，有微微拉絲感，值得一試。👉🏻雞翼照燒雞翼都有水準，外脆內嫩，燒得幾鎖汁。👉🏻炸雞柳唔會太乾，雞柳肉質都幾滑，炸皮好香！而且點兩款醬都幾match!!👉🏻炸蝦炸粉幾薄，蝦肉幾爽口，而且份量都幾多！-甜品篇Apple CrumbleRuby Tuesday嘅甜品都好出名，當然要試試！Apple Crumble 焗得好脆身，牛油味好香，上面仲有一球雲呢嗱雪糕，雪糕好滑又有雪呢嗱香！雪糕同Apple crumble 一冷一熱嘅交融口感不錯

朋友送嚟六折的ruby優惠券,諗住 有優惠 去食一食好西. 去到餐廳兩位， 攞咗 張飛之後先安排坐咗一個 屈質嘅位置 位置，喺玻璃尸門则面十分之 屈質 ，初初我好不想食，就是因為真係坐得好舒服，隔離就是另一個家庭，相隔好近他們傾咩我都聽得好清楚 。 之後 點了一個 西冷牛扒墨西哥薄餅加甜品。 食物質量唔會有太大驚喜， 市中心德國菜和outback可能好食D。全程無咩服務，水都無一杯，調味料叫先提供。折扣後加一三樣野680，兩人都覺得唔值，1,坐得不舒服，2，没有服務 3,食物也不太特別所以不會有下一次