影片
早兩晚咁啱行過筲箕灣，唔熟地頭自然走入出名多好野食既東大街。同行朋友話想食西餐，我都擔心地道既東大街有無西餐食，不過好彩行到中段搵到呢間叫Rico既餐廳。 望入去光燈充足，裝潢簡約，感覺都清新，可能今日係平日，所以人唔算太多。打開menu，都有齊標準既西餐種類，我叫左個法式羊扒，朋友就叫左紐西蘭西冷牛扒：餐湯餐包正常發揮羊扒都唔錯，唔太羶，又大件之後見有個小食叫黑松露鮮雜菌酥盒幾意，叫埋黎試下 反而呢個有啲驚喜，新鮮即製又夠足料，黑松露味香到瀉，配埋個爽口酥皮，一流 今餐總括黎講我都滿意，無意間喺度搵到間西餐，價錢每位都係百幾，有呢個質素都唔算貴。見個menu仲有即焗pizza，下次可以再黎試下！喺openrice見呢間Rico未有食評，唔通呢間野係新開無耐？不過點都好，我都覺得唔錯，值得再試！
繼續閱讀