@Rex Caffe

帶好朋友ＭＡＧＧＩＥ睇物理治療，順便俾保單佢簽收，ＭＡＧＧＩＥ問我知唔知有間餐廳因為拍毛記套「真相」而紅左，叫我去試試。先飲左個菜湯,覺得幾新鮮幾FRESH,都唔錯.CHEEZE PIZZA, 都幾香脆,不過唔係好有濃郁嘅芝士味道,可能我中意濃味嘅CHEEZE所以我覺得只算一般.看報導，可能是晚餐比較吸引，也聽說咖啡不錯，找天再來試試。…查看更多

今日同朋友一齊試下呢間, 我地2個都係第一次嚟, 大家都叫咗set lunch, 佢要薏米清雞湯+Pizza (揀咗mushroom, parma ham & cheese), 我要carrot & tomato soup+Linguini King Prawn。上菜好快, 我個湯少少酸幾開胃, 跟湯既一小塊麵包凍冰冰唔好食 :(飲完湯, 話都冇咁快就已經上main course, 我偷食了朋友的一塊pizza, 唔錯唔錯, 薄薄脆脆的批底, 而且SIZE唔細, 男仔都應該夠飽! 至於我個linguini, 真係好有驚喜!! 一上枱已經聞到好香蝦味, 食咗第一啖意粉真係不得了! 俾咗少少(多D我都唔肯呀!) 我個friend試, 佢都話好得!就係咁, 我一個人鯨吞一碟意粉, 一滴不剩!Set lunch有嘢飲, 叫咗soya cappuccino, OK啦, 不過不失。(Soya milk +$10)呢餐幾滿意, 只係D枱太迫同埋好嘈, 係咁架啦, 中環….…查看更多

路過入去整杯COFFEE叫左個iced latte飲落咖啡味不足,比奶COVER左,但係奶味又突出,咁姐係唔知飲緊D咩.一杯好飲既ICED LATTE應該係要有奶既smooth,咖啡既香濃,奶唔可以COVER左咖啡味.覺得starbxxx 同埋 pacific cxxxxx比它好可能呢度係食野既地方…查看更多

電訊業的界朋友說要找些飲食上意見，IFC碰面都是熟人，附近交適合傾計的地方想起這裡，坐得舒服冷氣夠大，要了公司三文治和伯爵茶，三文治有五層，肉類方面都是「走脂」的雞肉和火腿，不是我喜歡的口味，但健康是真的，埋單$70，也不貴。…查看更多

約了朋友在中環吃lunch，匆匆忙忙的，一向都沒有太大期望。今次朋友話去呢間，我都以為是普通餐廳，去到好多人，座位其實幾迫，睇餐牌，唔係好貴，普通中環食晏價錢。我叫了西冷，朋友叫了羊架。我愛偏生的，要medium，來了的西冷是外熟切開有血水，good！肉質很嫩，真係不錯！可以話lunch吃過最好吃的，因為好多餐廳lunch價錢不可以太貴就將貨就價，高質數的扒都留晚市，午市只用次一或幾級的，但呢度唔係，個西冷真係好味！其實佢地lunch都有澳洲和牛，二百零一個餐，其實唔算貴，但朋友請的lunch，都係要個百零的西冷算了，不過反而喜出望外。朋友話佢的羊架都好得，下次要試下。…查看更多

:) 平安夜晚同朋友去到中環@REX CAFE食飯!!!雖然只可以叫SET DINNER,不過$488 6COURSES(好豐富^^)頭盤~SMOKED SALMON TARTAR W/ COFFEE SCALLOPS + DUCK LIVER SOUP~WINTER SQUASH SOUP(好濃既南瓜味~好CREAME!!) MUSHROOM RISOTTO~(意大利飯煮得剛剛好!!GOOD~) LIME SORBET(食個SORBET可以清下之前野食既味道~試真黎緊MAIN COURSES既味!!)MAIN~ SLOW COOK SHORT RIB(一D都唔"鞋",仲好"林"~) COD FISH FILLETDESSERT~ PUMPKIN PUDDING(好香南瓜味~)餐廳既氣氛真的不錯~燈光暗暗地再+上D音樂,好舒服~STAFF既SERVICE又好!!!今個CHRISTMAS冇揀錯地方食飯^^下次一定會再黎!!!…查看更多

與友人約了這午餐 (其實想見下其中一個女店員~~)點了兩個set lunch,叫了羊鞍, 帶子墨汁飯大家share跟餐的菇湯湯身好濃, 有料之作味道方面個人鐘意西班牙飯多過意大利飯, 但友人說不錯, 軟硬適中, 而羊鞍係我最愛~~ 幾嫩又唔so星期六的下午人客不多, 在外邊看menu時以有店員出來招待.店員不時會來添水, 在上菇湯時細心地提議加黑胡椒、上羊鞍時又主動問要唔要加介辣.…查看更多

約左朋友好耐黎@REX食野~~~ 終於今日黎左啦~~~揀左星期六GE LUNCH 時段黎~~ 因為星期六冇平日咁多人~~可以休休閒閒咁享用食物 =] 加上餐廳暗暗燈光同埋jess音樂,, 坐o係度同朋友傾計好舒服*我地一行三人 一點半到叫左3個 Lunch Set share~~Starter + Main Course + Drinks/ Daily Dessert 價錢由 $98 - $198 頗大眾化2位朋友揀左呢度最好飲o既 Wild Mushroom Soup我就揀左 Caesar Salad主菜選了:1. 西冷牛扒 medium well ~$ 1482. C.I.Y PIZZA $98 : (揀3款toppings: 最鐘意有得選擇=]) 另加一款 add $10 要讚o既係d mushroom,, 用左唔只一款o係裡面 Cheese 略嫌唔夠3. Cuttlefish and Scallop Squid Ink Risotto ~$ 128 可能食得慢,, 食o既時候已經凍左 好少食risotto 所以唔知點比較 個人覺得d墨魚都好"林",, 朋友覺得有少少腥 不過佢地menu每個星期都會轉,, 下次可以試下另一個煮法o既risotto =]最後飲左好味coffee,, --> Latte, Mocha and Maple Latte 3杯都好正, 泡泡好滑 =] 好滿足而staff 有笑容,, 會主動過黎refill水Manager會同客人傾計,, 頗親切下次再黎! …查看更多

我唔係好識寫番出黎, 盡左我能力架LA我!!!!呢間Rexcaffee睇落好似好好好好好高級咁, 原來真係高級野, 至小睇落唔係我呢o的冇咩人工既年青人去食//////不過....去既原因係朋友係間野既新人仔....佢係咁同我講, 一定要搵日去食個pizza,朋友仲同我講星期一去就好大機會唔使等,點知真係一入去即入位,於是我就點左磨姑soup,同一個唔知咩咩ham+cheese pizza(自選pizza黎架),好快,2-3mins 個soup就到左(其實係呢頭落完, 轉頭佢就去左拎個湯俾我, 好好好好好好多.....磨姑 我仲以為係一片片咁,原來係好多磨姑[碎]湯, 好似係將幾斤磨姑搞碎而整成既,不過都好在個味道唔錯(p.s 推介大家+pepper落個soup!!!!!)大約10mins後飲完湯, 呢頭俾人收左個碗, o個頭個pizza就到la!!!!pizza一到,,,,我仲以為我睇錯野,,,,,即刻問個waiter係唔係比錯,,,因為我記得個pizza set lunch 係$98 +10%服, 但係, 小人見開呢個價既地方都係得一個好好好好細既pizza, 點解呢個係咁大既 想像下在一間中環意大利高級restaurant入面,一個約有12cm直徑長既pizza set lunch (一共3樣野,湯/salad, pizza, drink), 你都會覺得一定係$150-200 先走得人la! 點知...我一共只係俾左$110 (tips $3), 仲有大半個pizza拎走個Pizza好好味呀!!!!最後要左個coffee 飲完就俾錢走人。佢桌面有一個個tea time牌同happy hour,個tea time睇落都抵食, happy hour同tea time時間一樣,雖然happy hour 有酒買一送一,但係我一定只去tea time(因為我冇咁多錢, 一飲就飲好多, 加上又有pizza食!!!!! ) 好好好好正面既平分, 星期一我又去la~~到時等我用我部相機仔影一影po埋相先!服務係好,但係.....有o的人好似做野好慢咁, 食緊o個陣周圍都有寫字樓人所以好多公事都盡入耳中:( 但係間restaurant風格真係好好好!!!!!我對佢印像好, 又中2佢高級樣但都會照顧下我呢o的拎人工黎試食下既人...…查看更多

同事之前去過..話間野雖然好嘈但D野食都唔差..於是早幾日打去訂1點鐘啦..點知係惡夢既開始囉..12點50分左右去到..入到去已經好多人係到等位..心諗..嘩.真係好多人食wo..好在我有訂枱姐..點知左搵右搵.都未搵到人幫我囉..一個企係收銀機前面((疑似經理??同其他staff著唔同顏色3既男人))又成條木咁..叫佢幫我佢又一味講::等一等..終於搵到第2個著西裝既男經理..佢又係叫我等..OK..可能我早到左..所以未等下囉..點知一點既時候..佢放緊之前果班人..原來果炸人訂12點9架囉..訂枱都要等成15分鐘!!真係聞所未聞囉..訂枱都要等..訂黎做咩??真係好激氣囉!!等到成1點2先有枱..仲要入到去入面係嘈過街市..同朋友2人連傾計都好似要嘈交咁..眼見隔離有D 3個人既枱同我地一樣坐住2人枱搭多張櫈 ..心諗..嘩..我俾百幾蚊食個咁樣既午餐..不如去翠華食啦..又迫又嘈..仲要等咁耐....真係不可一 不可再..講返食物..友人同我食既野係一樣..佢地果個蘑菇湯真係好好味..好重菇味..好似食胡仔咁..完全係值得一試架 個天使麵就不過不失啦...唔會太多汁..岩岩好..D麵都唔會太硬太林..最怕食D又林又多汁既意粉最後加$飲杯CUPPICANO..咖啡味重..拉花都幾靚:)不過食物好又點丫..環境又嘈..RESERVATION又整到咁差..真係怕怕囉...…查看更多

下午三點幾熱辣辣行開中環真係人都癲....搵間坐得舒服又有強勁冷氣嘆杯咖啡 咖啡都算幾大杯，好抵飲，飲落又幾香滑，而個咖啡拉花又幾靚tim.... 落order時店小二推介佢地"震店"tiramisu，睇到好多臺都有食....本來只想嘆杯咖啡都受唔住引誘叫左杯試下....又真係幾好味....芝士奶味濃....唔會好甜!價錢$42.中環區算OK啦~…查看更多

星期六下午本來去到大坑想試下間CAFE可惜休息 同女朋友決定轉戰中環今次去既CAFE 位置唔係幾顯眼唔係返工或者住附近行過的話 真係唔知有間CAFE 響度CLUB SANDWICH材料有HAM 有雞絲 都叫足料 感覺健康不過食慣烘底 哩份CLUB SANDWICH 味道口感略嫌太寡喇LATTE 都叫滑溜 味道尚算襯得起響金融區做生意既招牌地點方便 坐得舒服唯一要挑剔冷氣太大 間鋪得兩檯客都開到 HUM HUM 聲下次要黎記得帶外套…查看更多

本人在中環返工，聽同事話成日去@Rex 食 lunch, 今日終於有機會試。好彩男朋友幫我一早訂位。眼見成點幾鐘都仲要等位。咁多人，係味咁好食呀.... 可能人太多，server都招呼唔切，不過好快就有人送上menu。set lunch選擇都算幾多，有成十幾樣 main course 揀。男明友提議叫mushroom soup 和 smoked salmon 沙律一齊 share. 個湯好重菇味，不似其他的磨菇湯多cream無菇味。 但不夠鹹，如果鹹少少就perfect..正！而沙律就一般，沙律汁不夠酸，但煙三文魚就好食。主菜叫咗個鴨胸和蝦天使麵，有驚喜！鴨胸煮得好嫩又無乜血水，初初都驚"好鞋" ...配以好似蜜糖橙汁的醬。好似食燒鴨點甜酸醬咁。天使麵的蝦味好重，都幾彈牙。完來加十蚊就有甜品，甜品狂的我當然一定要試。是日甜品是coffee panna cotta. 不錯！以咁嘅價錢來講，是一個很好的選擇。下次要試試晚餐的menu。…查看更多

一入到@Rex就可以見到排蛋糕樻，見到就開心啦...其實每次到@Rex都係貪佢啲set lunch可以揀coffee or cake，當然我就一定揀蛋糕啦…Soups - 如果鍾意較為gravy感嘅湯，咁@Rex通常都唔會令你失望，因為佢啲湯應該係用新鮮材料打磨而做... 我將曾經飲過嘅湯排咗名次：1.Mushroom soup :)- 係@Rex我最鍾意嘅湯，好rich、好heavy、好濃嘅蘑菇味，有好多一粒粒磨碎咗嘅新鮮蘑菇，但係我就有friend話太似糊仔好唔鍾意喎，各人口味唔同啦…2.White bean soup - 亦係較為rich同heavy嘅湯，好濃烈嘅豆味，鍾意豆嘅人應該會滿意，不過佢只係最多排第二。當然，亦係有人話太糊仔啦…3.Pumkin and cream soup – 都唔錯，好有pumkin味4.Celery and potato soup - 亦係較為rich，不過有D celeries 响度，所以就唔會太heavy…Main courses - 佢哋嘅main courses通常都係同一般意大利餐廳咁樣唔會差，但係就一定唔會有驚喜…（排名不分先後）：1.Lamb chop - 真係平平無奇，唔會話好林/好滑，但係就唔會“High” ，肉味一般。反而，焗蕃茄就特別少少，個面係crispy crumbs。2.Prawns with angel hairs - 成碟angel hairs得幾隻蝦，而味道亦是一般cafe都有嘅味（即係olive oil + herb 如rosemary、parsley、etc）…Desserts：1.Raspberry white chocolate cake :)– 酸酸哋嘅cake，好smooth、好soft，分咗幾層，raspberry味好特出，white chocolate嘅味較淡，要分層食先食得出，雖然係咁，但係整體嚟講佢係一件好好味嘅蛋糕，所以我有時都會特登訂嚟做birthday cake。2.Lemon cheese cake :)– 質地同raspberry white chocolate cake好似，一D都唔溜，不過似Lemon mousse cake多D，因為真係食唔出有cheese cake味道，但係如果當佢係Lemon mousse cake嚟食咁就即刻高分咗好多啦！3.Apple crumble :(– 最唔喜愛嘅@Rex甜品，皮身林而無layer... 蘋果只係食到cinnamon...而本身我就比較鍾意D蘋果用syrup加cinnamon一齊整出嚟嘅味道，所以不好此道。:以價錢嚟講，有朋友覺得唔太值，因為感覺D品質係好平凡…不過，我就覺得以中環呢區，一個set lunch有湯、main course同甜品連埋加一約$130，附近有好多質素差唔多或者差過佢，但比起佢仲貴嘅就大有人在啦…但係如果我唔响呢頭返工，我就唔會特登嚟食囉… …查看更多

星期二果日，我親愛的同事話要同食番餐補足情人節同開年飯。於是我地去左公司附近既@Rex Caffe。我地一日前就book位，因為呢度都幾爆。點知去到都要等一陣，咁其實我地book黎做咩呢?幸好staff好好，幫我地order左先，之後有位就得食。我叫左煎羊架配香草汁(羊愛好者)同事叫左出名的帶子意大利飯。餐湯一個係甘荀湯，一個係蘑菇湯。個湯係"杰"左d，但好有菇味。如果個多士再脆口d仲好。之後main course黎到，我個羊架好香，份量岩岩好。特別love佢個焗薯同烤茄子，西椒等。因為本人唔係咁鍾意配薯條同d急凍雜菜。個汁都ok，唔膩。但我同事果個就not ok，個risotto好淡，直頭冇味，帶子都好淡，同事問佢地拿芝士粉，佢地既芝士粉即磨mozzarella cheese，我同事唔鍾意佢個"蘇"味，所以唔好食。:(最後個餐飲一般啦，個latte冇咩特別，冇coffee味。我再加$10食賣個chocolate mousse，雪到好硬:(total: $266食物質素同價錢差好遠，服務好好，親切的笑容:)但我諗我唔會有下一次:(…查看更多