影片
開飯介紹
高質西式扒房，主打美國牛肉，並提供3款醬料讓你享受不同滋味。裝潢中西合璧，如以刻有十二生肖中文字的磚作裝飾，配襯水晶燈等，摩登而不失貴氣。
繼續閱讀
營業時間
*若星期一是公眾假期，照常營業。
星期一
全日休息
星期二至日
12:30 - 15:00
17:00 - 22:00
以上資料只供參考, 請與餐廳確認詳情
週末來一個本地小旅行，愉景灣真係一個好選擇啊！充滿異國風情，而且仲可以帶狗仔，趁着週末同閨蜜嚟到呢一間RAF & Sons，裝修設計典雅，而且落地大玻璃採光一流，光潔明亮，枱與枱之間嘅距離都好遠，充滿空間感～更有室內及室外位置，室外庭園最適合攜帶狗狗嘅朋友呀！加上職員服務非常貼心，除咗認真介紹各種菜式之外，仲主動為狗仔提供水兜🤗一個唔覺意，一個lunch我食咗幾個鐘🫣 Lobster bisque 上碟嘅時候淨係見到Lobster form同埋龍蝦肉再加上parsley oil，職員會即時倒入龍蝦湯同埋黑椒，味道非常之有層次，而且龍蝦味香濃，龍蝦肉亦都紮實爽口彈牙～Surf & turf呢一款海陸雙拼主菜一次過滿足兩個願望❤️先有慢煮angus beef short rib配黑松露汁 ，肉質鮮嫩而且牛味濃郁，海鮮就有波士頓龍蝦配魚子醬汁，食落啖啖肉，好滋味！配菜更有意式燉菜 ，一碟入邊可以試晒兩款菜式，啱晒貪心嘅我🤭Grilled New Zealand Red Snapper Fillet選用紐西蘭紅鯛魚配搭檸檬牛油汁薯蓉及蔬菜🥬魚肉結實唔會散開，冇腥味而且皮脆內嫩滑，醬汁牛油味好香。另外我覺得個薯蓉口感好綿密幼滑，令人忍唔住一啖接一啖食晒佢！Key lime pie 鬆脆嘅蛋撻底，再配上柔滑嘅青檸奶油蛋白霜，甜而不膩，酸酸甜甜咁口味好清爽～Passion Fizzle Cooler飲品我就揀咗百香果特飲，入面有半個新鮮百香果、百香果糖漿、新鮮薄荷同埋蘇打水，坐室外熱熱地就最啱！整體氣氛好休閒寫意，最適合慢慢坐下傾吓計Hea下～下次要再嚟啊🤗
繼續閱讀
星期日去到愉景灣嘅RAF & Sons食晚餐，餐廳位於愉景灣廣場嘅地下，有室內同室外嘅位置，而我哋今次揀咗坐室內，環境寬敞坐得舒適～餐廳提供咗多款唔同嘅美食，而我哋今次揀咗一個沙律，2個main同一個甜品🍮.上菜前店員會送上自家街嘅酸種麵包，麵包外脆內軟，另外有兩款butter: Unsalted french butter同Mushroom butter，個人比軟鐘意Mushroom butter，會有淡淡嘅黑松露味🖤.◽️Chef Special Salad $178（7/10）有機沙律菜種類多，有火箭菜、椰菜、紅蘿蔔等，食落新鮮juicy，另外仲有切咗嘅新鮮嘅士多啤梨同橙；沙律面頭則淋上味道濃郁嘅黑醋十分開胃♪.◽️Kurobuta Pork Chop $350（8/10）用上咗高級嘅黑毛豬，再經慢煮方式烹調，肉汁juicy且肉質彈牙；配埋黑松露忌廉汁同蘋果果蓉，兩種醬汁互相配搭，味道更有層次，真係幾出色🥰.◽️US Prime Grade Rib eye $575（8/10）上菜前店員會俾我地揀選來自世界唔同國家嘅牛扒刀，感覺高級，最後我地揀咗來自日本同法國嘅扒刀 🔪 牛扒係肉眼嘅部位，5成熟，肉地呈微粉紅色，油脂分泌較多，食落較重油脂味同時又不失牛味 🥩另外提供一set6款唔同嘅岩鹽同海鹽加3種醬汁作調味，個人覺得配少許鹽食最正❤️旁邊仲有一碗炸粟米條嘅side dish，味道幾香粟米味幾特別.◽️Key Lime Pie $128（7.5/10）最後以蛋白霜青檸批作結尾，面頭有軟綿香甜嘅蛋白霜cream，配合清新酸甜嘅檸檬批，好食(∩´∀`∩).❥…另外值得一提，店員都好親切友善，會主動介紹食材，常常主動refill水，而且食滿某個金額仲可以redem番搭巴士/船嘅車錢，拎單去CS centre整就可以🚌.
繼續閱讀