R66 旋轉餐廳 (已結業)

野食壽司完全唔拈雪糕頂! 食雀巢!熟食OK唯一可讚的是甜品氹鬼佬, 氹訪港朋友先再黎\"睇夜景\"

今日三點鐘黎到開始食tea buffet, 個景真係一流....真係360度睇哂....講到食物方面真係好麻麻....麻麻的食物動類少...得鯪魚球粥...香腸...炸薯條...腸粉..乾蒸牛肉...炒飯..火煺三文治..少少甜品....另外是冇乜味道可言...尤其是雞翼..表面好似好食...但食落口係冇味道的....總括黎講$88 (未計加一),講食物都係值$20...另外果d係食個景啫...

因為過幾日有朋友生日, 所以今日sunday, 就預先同個朋友喺呢度慶祝.其實耐唔耐都會試下唔同hotel既buffet, 但今次呢間, 夜晚收$328一個人, 野食仲平價過我上次去九龍酒店, lunch $168 果次.先講大家最注重既野食:1. $99蚊位既自助餐都會有既三文魚... 冇, 聽到有人問waiter, 佢話今日賣晒.......刺身得果d 雪藏鮑片2. sushi.........一舊都冇3. 生蠔........冇, 有生蝦, 龍蝦仔, 長腳蟹, 但我覺得一般啦, 其他都係一般ok啦至於service:1. 又係6點半開始, 我地6點20分上到去, 佢話未入得, 清潔緊個地下, 叫我地坐一坐個觀光lift先, 都唔明點解唔俾人早d 入......2. 個朋友將生同熟既野食放埋一碟, 俾個waiter見到, 個waiter好冇禮貌咁話唔可以生同熟放埋一齊, 佢話:"咁樣如果肚痛我地唔會負責, 咁樣我地唔俾攞架"跟住個waiter因為攞住d 野食, 冇手攞我朋友碟野, 跟住佢叫左另外位同事, 都係冇咩禮貌咁將我朋友碟野分返開生同熟, 食過咁多間都未試過咁樣, 我覺得分開

今日見得閑就不如一家人上R66去食lunch buffet，以前都有去食過都ok咁話,so一早book左window side,去到果時11:50 點知門口o個個waiter話:我地12點先開始,你地12點再黎。我地say話可唔可以企門口等,點知佢話:我地門口都要清潔,你地落返去拉哇,十足十趕人走o咁仲要個經理企係個waiter格黎都冇出聲what a good service! 最後佢再三趕我地之下唯有落去等= =點知3分鐘之後我上去佢又比我入la wook到12點入場始終個景真係good! but其他野就...先講食物我自認對食物要求唔高but 佢d野食真係唔得:凍肉:有d怪味仲有人夾左又放落其他凍肉度無眼睇..炸蝦:炸粉超多仲要好多都淋左ge炒飯:超鹹焗seafood:都係超鹹青口:又有怪味一d都唔新鮮綠茶紅豆慕士cake:第一次d綠茶粉超苦佢可能發現左之後換左個but得返個甜字= =芝士cake:昆人ge,1dd芝士都冇仲話係cheese cake今次連泡芙都冇= =雪糕仲係雀巢而且仲要冇refill到d人ge問題la 係果度去就預左要同人搶野食= = 係度ge10個有6-7個

不知多久沒到過旋轉餐廳了。閒日午市自助餐索價一百大圓…已預期到是甚麼點子：過熱的熱葷、過熱的魚生，混亂的餐桌、混亂的場面…還是數數窗外有多少棟新建/翻新的豪宅作罷。66 分鐘，當然不復當年勇，更不復當年富麗華那真真正正富麗堂皇、360 醉人開揚維港美景之緻。

記得小時候曾經與父母來過,其實我記性好差,除非發生了特別的事才會記得,印象中那時我認為自己已經大個女,堅持要自己去洗手間,唔俾媽咪陪,點知因為佢係咁轉而找不到,回頭想找媽咪,又係因為佢係咁轉找了好久也找不到,當時年紀還小的我便放聲大哭,其後怎樣不記得了,不過到現在還是父母的笑柄今次亦是與父母來,想去洗手間時亦給他們取笑一番,但今次我真係大個女喇!!唔好再笑我啦一向唔鍾意食buffet,食物好多都唔合我口味,今次食得最多都是魚生壽司,唔知點解buffet的魚生總是無魚味,壽司飯總是硬硬的食物唔吸引,好在有靚景,一邊坐一邊看轉住的居高臨下的景色,都覺得抵番

倫敦個同事就嚟走,所以想weekend請佢食個飯盡盡地主之宜上次有人提議去咗Aqua,發覺佢哋又係勁冧維港個view,見到合和,就諗起可以去R66估唔到佢個lunch buffet唔係好貴不過原來嘢飲係唔包o既, 加埋一, 變相都係貴咗成百幾蚊一個人...首先我發覺轉一個圈, 好似唔止66分鐘, 係要粒幾兩粒鐘第二, 啲嘢唔係話難食, 但一啲都唔算好食,佢咁有噱頭, 應該可以整得好味啲係甜品可以讚一讚服務我初頭以為有5粒星, 點知係3粒咋...唔通真係因為價錢?! 定係管理o既關係?遊客嚟睇睇景都OK同埋可以坐足2個半鐘, 都算係咁

第一次光顧這裡的自助餐，午市連加一都係一百元多少少一位，算係咁。這店有360度旋轉風景，可想而之用了幾多電。從落地玻璃窗可看到灣仔及近海全景，確實係有一種開懷之感，心情有點舒緩。店內座位設計都不錯，但由於餐廳會自轉，所以有時轉到不知出口及洗手間在那裡。食物方面，午市都有幾多款式，不過又不是樣樣都吸引。熱食方面就不點吸引力也沒有，看上去好像是快餐店食品，什麼吉列豬扒、叉燒、鮮菇菜遠等。刺身方面都不太吸引，主要有三文魚及另一種魚，看見刺身出晒水咁，就不敢多吃，味道是無乜味的。我最喜歡就是海鮮，可惜這裡只有凍蝦及青口，差不多我整餐都是吃蝦為主，因為沒有什麼好選擇。我猜一生人來豪一次不足為過，不過下次我會等人請我先再來。

今次已是本人的第3次光顧。前兩次是食dinner buffet，lunch buffet算是第一次。印象中，之前食dinner buffer，覺得他們的食物幾好，加埋個view簡直「正」。所以今次帶埋亞媽及男朋友來試下lunch buffet。lunch buffet的食物，都有好多熱食選擇，不過d野食唔係好熱；相比起dinner buffet，沒有那麼多海鮮類；而甜品方面，就唔係好得。其實我覺得在buffet裡面，甜品是一個極其重要的環節。他們的甜品，沒有一個好味的cheese cake，亦沒有tiramisu，只有一些普通的mousse cake 及cream cake、布甸等，及一些果撻，沒有太多選擇。不過佢地就有好多三文魚刺身，大大舊，所以已經食到好飽了。因甜品不吸引，所以都無乜點吃！總括而言，以這價錢(lunch buffet)，計埋個view，都算可以的，但他們的服務態度就超級差勁了......。話說該天在賣單時，有位waiter哥哥拿著賣單簿來向我地說要賣單付款，於是，我便問他﹕「有什麼credit card有discount 呢？」他不即時回答我問題，還態度很吋的問我﹕

剛剛原本打算致電R66餐廳問O下母親節O個日有無Lunch Buffet..接電話的是一位女仕..佢好悔氣咁答: 我地日日都有做buffet o架woe.跟住我問佢想book13號5位, 想麻煩佢check check是否有位..佢講o左佢等等之後, 掉底o左個電話成5分鐘..覆我我地只淨番2張細ja woe. 咁我打算穩陣o的問清楚..細坐到幾多個人..佢又再悔氣咁答我: 細咪2至3個人囉. 大佬..雖然話俾錢去食o野唔代表大哂..但係作為服務性行業..點都唔應該咁o既態度掛..我唔清楚先至問多句..咁o既態度..就算幾好食都唔會去.

本身諗住mami生日.1早打去book定好位啦.點知打1.個女接線生d態度差到咩咁!!!!!!!!!佢聽錯日期,差d攪到book錯第2日.之後我話佢攪錯左.佢居然好悔氣咁話:"咁即係要擦哂佢喇喎?"嘩!!!!!!!!!!!!佢有冇離譜d呀仲有幾次佢都好唔耐煩!不過我今次就忍佢1次!!!!!!!我希望果晚去到既service唔係咁令人失望!係咁。

21 April 2007 (Sat) - Birthday Dinner (8)又舊又好既朋友請我黎呢度食飯，細細個時曾經黎過一次，仲要係晏晝時段，今次再黎已經係十多年後既事，環境我覺得好好，氣氛好好，好朋友喺訂位時要求坐高座，我諗真係好啲，因為望出窗外係好睇啲，高啲，而且我哋又坐近個唱歌個台，遠離食物啲！我覺得呢邊既環境靜啲，如果坐近放食物嗰邊，就會好嘈好多人，呢邊真係差天共地！雖然食物質素都只係一般，但環境搭夠！刺身種類都算繁多，雖然冇生蠔食，但係都係長腳蟹！而熱盤中多以海鮮為主，都真係幾好，有扇貝，大蜆，同大螺同大蝦！不過甜品種類就唔係太多，樣樣都唔係非常好食嗰種，本來見到有豆腐花都好開心，但係想畢時己經冇晒．．．最搞笑係因好朋友同我講呢度係66分鐘轉一個圈，所以呢度叫R66，亦因如此，我哋就黎一次計時，點知發現要差唔多兩個鐘先轉到一個圈，我就話可能R66係Rotate Radius66，即係每半個圈66分鐘，一個圈要132分鐘，當然只係我既戲言，不過真係好搞笑，好朋友話可能壞咗，哈哈！由於今個月係我既Birthday Month，waiter同我講我有半價，好朋友就正價，而w

小時候住灣仔，最嚮往來旋轉餐廳食大餐。一小時轉３６０度的設計，當年除了富麗華酒店就只有這裡有，如今該酒店都已重建成商廈，只有這裡仍屹立不倒。後來去了灣仔上班，每當心情好便喜歡來這裡食晏，貪其七十元有一份午餐，兼可欣賞維港景色。但價錢平了當然有代價，那就是多了很多嘈吵的大陸客和吸引了一班吸煙人士來光顧，如今食肆禁煙應可解決部份問題。香港很多食肆的午市和晚市在價錢上有極大距離，這間又是一例。有次和友人在該區食晚飯，我又提議去那兒，結果一坐下看餐牌方發現和日間是兩碼子的事，最平也要三百元下樓，嚇得朋友馬上調頭走。至於食物，午餐的配搭時有新款，大致上都不錯，我通常不想吃太飽都會選魚類。至於晚上有自助餐，但以那價錢我會寧願去酒店吃。為了兒時的情意結綠故，我還是給它一個笑面，但奉勸大家還是日間去幫襯為妙。

為左同男朋友慶祝生日，之前就係依度SEARCH下有咩浪漫的地方可以DINNER，發覺依個地方之後就預早兩星期打電話去book近window位！生日果個仲會有discount架!去到之後，d人的服務真係好好，好nice．知道我男朋友生日仲會同佢講生日快樂！仲幫我地影相^^坐係果度望出去d景真係好正，好靚，個feel好好丫～～～仲有人可以比你點歌～食物方面，我覺得就一般．．．連我本身最愛食的壽司我都覺得味道唔太好！好在果度ｄ甜品都算多，而且都會有少少seafood咁啦～～雖然食物唔可以話好一流，但去到個景咁靚就覺得好值！男朋友同我都覺得好開心！！！

今日男友生日，一心食餐浪漫既晚餐，點知唔記得左睇天氣，潮濕加毛毛雨，最後只得一成視野....食物就真係唔掂：刺身唔新鮮；熟食入面既蟹仔又唔打裂d殼先，麻煩到唔會再拎第二次，熟食整體味道麻麻；甜品款式少；雪糕得雀巢朱古力同雪呢拿；全晚我最有意欲會取第二次既食物係：熱豆腐花~呢一餐其實只值百二蚊到....下次各位去之前記得睇天氣呀~ 如果唔係真係勁蝕！！！