R&B (已結業)

我有個朋友超鍾意食呢間cafe 佢稱之為飯堂🍚約佢食飯十次有九次都提議去呢間 連職員都認得佢🤣朋友每次都講笑話唔想呢間餐廳出名 寶藏餐廳要私藏🙈但係我就話好嘢一定要同大家分享㗎嘛🤣呢度環境舒服 食物有水準 人少清靜💆🏻‍♀️好適合同朋友食下飯飲杯野 傾偈聚下舊 👍🏻餐廳menu主要都係西餐 份量都好大 2個人叫一盤意粉加一個小食 就已經飽到叫救命😂🍝煙肉忌廉蛋汁意粉 ($158)意粉用一大個煎pan直接上枱 🍳打卡靚之餘又保溫 cream sauce唔會咁快凍左結塊醬汁濃稠又香口 包裹住每一條意粉 邪惡又滿足🥰煙肉份量都好generous 唔會得意粉冇餸食🥓Carbonara 最怕太膩 同朋友share就食得曬👍🏻🍟蒜香松露薯條 ($98)薯條可因應個人口味自選粗幼 我哋就揀幼嘅一上枱見到一座薯條山 見到都流晒口水🤤薯條炸得非常香脆 唔太油膩 食落太幸福了🥳仲有三款醬汁附上 有乳酪醬 茄汁 同蛋黃醬🥫有咁多款醬做配搭 不停轉口味 食下食下就清曬😋🍹Arnold Palmer ($38)呢杯係Lemonade + iced tea混合嘅飲品🍋🧉飲落非常清新 中和翻薯條意粉嘅油膩感如果覺得太

影相唔錯，pizza,意粉正常水準但切開burger見到有頭髮，同服務員講有頭髮🤢🤢可否換fish &chips。服務員死撐話是黑椒😦 仲話fish&chips都有黑椒，你睇下你地接唔接受到...

估唔到有間園林景既Cafe位於尖沙咀彌敦道上面，地理位置方便，而且上網睇過好多好靚既打卡相，比個景吸引左就放左入Wish List，某星期六去左食。我提早致電Booking，可以Book枱但不能request坐窗邊位置，當日我就提早到店去排窗邊位置，大約15分鐘有人結帳就入座。如果想打卡既話，得4張窗邊位，入面既位就普通D無咁打卡able。食物方面選擇多，份量適中偏大，但價錢偏貴，味道幾好，但性價比太低，差不多既食物可以有其他Cafe選擇，唔值呢個價。勁少Staff，想搵人落單都勁難，上菜都好慢。Staff忙到不得了。

滿心歡喜見呢間野個景好靚，想同朋友慶祝生日，一早係openrice book左枱，Book枱時要求窗口位，去到話無得要求，仲要比一個勁焗既位我，叫我重新排隊，我直接走左，十分唔建議大家去。

經過重重難關之後最後選擇嚟咗呢間餐廳，因為之前已經食過咁就對佢嘅食物質素都有信心，所以都嚟咗呢度。而且佢有個落地大玻璃可以影吓相打卡都幾靚嘅，前排呢度都幾Hit，都有唔少人為咗黎打卡影相㗎～🍽辣肉腸pizza幾推介呢個辣肉腸pizza，味道我都幾鍾意，而且Pizza勁大塊，而且佢仲會切好咗咁就唔使咁麻煩！同朋友share嘅時候都好方便～🍽雞翼雞翼係單骨，所以食起上黎都幾方便，呢度都幾好我都幾鍾意，側邊有個sauce on side，不過個人來講會鍾意就咁食～

打過比餐廳book位，原來窗口位冇得reserve，要拎飛。於是星期六11：45左右就去餐廳排隊拎飛，唔知係咪打風嘅關係，所以竟然未有人黎排隊，我排第一個。餐廳12點開門，順利安排我坐窗口位～叫咗carbonara pie、燒粟米、蒜香松露薯條野食上枱速度都幾快，三樣野都好好食😋Carbonara pie醬汁好香好濃厚～燒粟米惹味得黎幾清甜，粟米幾新鮮～蒜香松露薯條幾大份，炸得好脆，有三款醬汁，三款都好食!不過我揀咗粗薯條，但睇落似幼薯條😂窗邊座位好闊落，坐得好舒服望住窗外一大片綠意，身心都放鬆～正呀～

好幾次喺山林道附近收工見到呢間都想試試，今日終於入咗去一試😋叫咗炭燒雙層芝士安格斯漢堡配薯角🍟同埋蟹肉意粉🦀嘢飲叫咗菠蘿Mojito🍸個人比較推介漢堡因為肉質軟稔，牛味濃郁，蟹肉意粉味道偏鹹同埋蟹肉比較少同鞋身🥺Mojito 好適合打卡因為會比個杯同埋壺，入面裝住菠蘿冰再慢慢倒落去😛

環境普通，野食偏貴，一個係冷扒都400蚊，龍蝦汁蟹肉意粉份量偏少，炸魚太燶，latte 好似平時飲expresso咁少。現實與期望有落差，份量價錢不成正比，失望不推薦！

喺IG成日見到會出現嘅一間打卡餐廳，R&B.落地大玻璃充滿韓式風格，食嘅卻是西餐。當日與餐廳訂咗枱，下晝2:00去到仍然係有啲太陽，坐喺落地大玻璃隔離非常寫意。當日同朋友一行三人點了Pizza，意粉，雞翼，咖啡。Pizza餅底烤得香脆cheese分量充足，愛食cheese嘅人士可以一試，雞翼方面落咗好多海苔粉喺上面，很有特色。蜆肉意粉有海量嘅蜆肉，分量充足！！咖啡就比較失色喇，應該係採用咖啡膠囊。食物賣相不錯，但係味道略為普通，不過鬧市之中，不失為一個寫意選擇。

係網上見到有人推介呢間，比佢個落地大玻璃樹景吸引左，無訂位，好彩都有窗邊位，窗邊位得4張濃蝦汁蟹肉意粉份量都好多，兩個人食都夠，好香濃蝦汁鮮味ALL DAY BREAKFAST 入面配咩都可以自己簡，質數唔錯係一間有顏值又好食既餐廳，會再黎

除咗棵樹成間嘢都冇咩價值 亦唔會想再去😂野食又係嗰啲普通all day Breakfast, 普通Cafe嗰啲普通嘢味道又係好普通，第未去過嘅女女去搵棵樹打卡囉，但得幾張枱有個棵樹嘅位大家去到為咗嗰度所以要等或要預先留好位

大部分人去呢間餐廳都為o左個 🖤有陽光加埋出面棵大樹係幾舒服嘅🌳平時經過樓下都見唔到呢間cafe上到cafe望到棵大樹同繁忙嘅彌敦道有強烈對比(窗邊位only)🧀 ᴄᴀʀʙᴏɴᴀʀᴀ ᴘɪᴇ🍔 ᴅᴏᴜʙʟᴇ-ɢʀɪʟʟᴇᴅ ᴄʜᴇᴇꜱᴇ ʙᴜʀɢᴇʀ🍍 ᴘɪɴᴇᴀᴘᴘʟᴇ ᴍᴏᴊɪᴛᴏ 食物質素唔錯 👍🏻想試Pizza 但當日餅底賣哂⚠️但座位安排混亂⚠️如果想影打卡位一定要request‼️request咗又唔一定有 都係要排如果前面有人食緊 又有人等緊窗口位你就要等人哋食完 又排到你先到你等嘅時候都可以食住等有可能食完都未排到你仲有金毛男人好無禮貌 ☠️

野食好味，環境舒服，安排了靠窗的位置，但比較多蚊，都影響少少心情咖啡比較細杯，如果係諗住同朋友吹水飲野，可能要叫多兩杯了野食份量足夠，小食選項唔算多，雞翼好味!

先唔講食物環境其實不算大，但係唔會好嘈坐得舒服，咁啱12點book咗中午要求坐窗邊位都可以安排到，十分好。景色一片綠油油勁開心😂。先唔好講食物，侍應全部都好有禮貌特別有一個女仔👍🏻佢會問啲嘢啱唔啱食同埋都會留意你有咩需要👍🏻👍🏻因為去嗰陣時仲未有晚餐堂食，晏晝又有嘢做所以揀咗中午12點黎大刷一餐🤤佢所有嘢都好好食。特別推介個蜆肉意粉。好鍾意。嗰條粟米都好好味😊😊下次一定會再來，同會推介比朋友，其實應該好多人都會睇過呢一個網上有介紹，真心覺得值得去，我都係上網睇到咋😀

上網見到好多女神KOL會去打卡嘅一間餐廳見佢落地玻璃真係幾吸引一直都想試好耐本身都知冇訂位有啲難坐到果幾張落地玻璃枱不過星期日兩個人Lunch都去一試/去到間餐廳都算多人 得返入面比較黑果幾張枱冇人不論安排入座/點餐/埋單時男侍應嘅服務態度好差仲要收加一服務費講真令人失望相反另一位女侍應嘅態度同佢形成強烈對比/叫左一個濃蝦汁蟹肉意粉同鹽燒燒雞胸上菜速度慢到癲咗每樣食物各等左超過20分鐘先上枱20mins->意粉到->20mins->燒雞到/—濃蝦汁蟹肉意粉—蝦汁腥搞到全碟意粉都腥汁多過意粉，食完成個碟都係汁—燒雞—正正常常，有炭燒味/成餐飯經歷麻麻，唔會再試冇服務，食物亦冇驚喜，網上名聲名過其實