PURADAK CHICKEN (金巴利街)

營業中

休息中

我久唔久都會嚟尖沙咀呢條韓食街入返啲雜糧，順便就會喺附近食飯。叫咗原味紫菜飯卷、牛肉大醬湯、海鮮煎餅、炸紫菜粉絲卷、芝士大棒。想講芝士大棒勁好食，將條芝士炸過之後個外層勁香脆，然後中間軟綿綿，有啲似芝心批嘅餡，但係就香濃同煙靭啲，面頭仲灑上甜甜嘅芝士碎同埋粟米片，有驚喜！紫菜粉絲卷食得得多，炸到咁脆口都係第一次食，又OK喎！而且外層夠晒脆，中間嘅粉絲軟綿綿到好似糯米一樣口感，好食過平時喺韓國食嗰啲添！大醬湯同埋海鮮煎餅都OK啦，大醬湯始終韓國口味比較辣，不過口感都非常爽口👍海鮮煎餅落重魷魚，仲有好多蔬菜，感覺都好足料！

今次又嚟到尖沙咀嘅韓國街食韓國嘢，好耐冇食過韓國炸雞啦，聽聞呢間店係炸雞界嘅Prada，就嚟試吓呢度signature嘅青陽辣椒🫑Mayo炸雞，懶人嘅我叫咗無骨版本，唔係好食得辣嘅我都食得到👍👍少少辣有少少甜，個味道夾得都幾唔錯🤭🤭 除咗炸雞呢度仲有好多唔同嘅韓國嘢食嘅，好似有海鮮薄餅或者炒年糕等等，我哋就叫咗個海鮮薄餅同埋一 JAR 🫙 Grapefruit ADE ！一啖炸雞一啖汽水真係好爽！

PURADAK CHICKEN👻最近睇黑白大廚睇到好想食韓國嘢見到啲炸雞即刻好想食今次嚟到呢間韓國嘅炸雞店韓國過江龍係唔同啲啲炸雞真係好出色香港嗰啲冇得比🤣.🔅 半半炸雞 HKD 238紫菜脆脆x瘋狂蒜香揀咗有骨嘅半半炸雞唔想啜骨仲可以揀無骨版啲雞真係做到外脆內嫩紫菜脆脆夠香脆蒜香有包到一層甜甜地嘅蜜糖成個組合冇得輸😛🔅豬肉泡菜湯HKD 138新鮮熱辣辣嘅泡菜湯另外加咗個白飯食泡菜湯配白飯真係好緊要辣但係又夠爽一啖一啖咁食到好開心🤭🔅青蘋果梳打HKD 28🔅西柚梳打HKD 28食炸雞除咗飲啤酒之外飲梳打都一樣好開心青蘋果味都幾fresh又唔會太甜唔錯唔錯😌.整體來講：必食炸雞 蒜香一流😚.🎈 PURADAK CHICKEN (金巴利街) (尖沙咀)尖沙咀金巴利街7號地舖

適逢週末假期，又想食韓國菜，於是相約友人到一間位於尖沙咀主打韓國炸雞的餐廳「PURADAK CHICKEN」品嚐是日晚餐❗餐廳座位寬敞，餐廳內播放著KPOP的音樂，店員殷勤有禮。PURADAK經典炸雞 $188這道經典炸雞外皮酥脆，金黃誘人，每一口都散發著香氣。雞肉鮮嫩多汁，味道層次豐富。韓式烤牛肉石鍋拌飯 $138石鍋的熱度將米飯烘烤得微微焦脆，牛肉鮮嫩且入味，搭配各種新鮮的配菜。拌入特製的韓式辣醬後，味道更加豐富。泡菜煎餅 $118泡菜煎餅外皮酥脆，裡面包裹著香辣的泡菜，泡菜的酸辣與煎餅完美融合，恰到好處。

睇韓劇成日見到佢哋食炸雞喺香港要搵間好食嘅都不容易🥹今次就俾我搵到啦😌Puradak Chicken 有幾間分店~尖沙咀呢間我行過幾次，印象中疫情的時候~都有好多客今次得閒就試吓先**HALF-HALF CHICKEN (Boneless)** 半半炸雞（無骨），選擇了兩個口味：1. **GIMME BASAK / 紫菜脆脆炸雞**炸雞外酥內嫩，雞肉的調味恰到好處，不會覺得油膩，而且紫菜的脆脆口感都好正2. **CORN-SO AMAZING CHICKEN 炸雞**：這個口味的炸雞融合了甜玉米的香甜，雞肉外層裹著香脆的玉米粉，讓每一口都有濃郁的玉米香味，十分美味。甜鹹搭配讓人忍不住一口接一口。 **Gimbap 原味紫菜飯卷**米飯香軟，內餡的配料好豐富~新鮮~**芝士雞蛋卷*雞蛋卷口感柔軟，裡面包裹著濃郁的芝士，口感非常順滑餐廳輕鬆舒適，適合同朋友來~

呢排好想食韓國炸雞，朋友就推介我去左喺尖沙咀、奧海城及將軍澳都有分店嘅「Puradak Chicken」@puradakhk_official,一去到，就見到有個高大靚仔☺️嘅Oppa 店員,好nice咁招呼你🥰，店舖環境都寬敞舒適，見到牆上掛起嘅炸雞海報，已經忍唔住流口水🤤韓國炸雞翼有好多唔同嘅味道選擇，有秘製黑炸雞、瘋狂蒜香炸雞、韓式甜醬炸雞、帕布羅炸雞等等。除咗有主打炸雞之外，仲有好多韓國地道美食例如韓國小食、湯麵、煎餅等等。呢度嘅lunch set,大大份，好抵食👍👏🏻✔️半半炸雞（$238）可以揀兩種口味，雙拼👏🏻🔮紫菜脆脆炸雞（有骨）我一向鍾意食有骨的😋,炸得夠乾身，雞皮酥脆，雞肉juicy,我以為係咸嘅，原來仲帶甜的，加埋紫菜碎，好惹味😋（另外有幾塊炸紫菜，好美味👏🏻）🔮青楊辣椒🌶️Mayo炸雞（無骨）好多沙律醬淋喺炸雞上（本編覺得可以少番D沙律醬），加上無骨，啖啖肉，又唔會嚡，真係十級邪惡👿，味道偏甜，青楊辣椒無想像中咁辣，都yummy 嘅😋✔️海鮮煎餅（$128）剛剛煎好，熱辣辣，煎餅厚薄適中，而且鋪滿好多海鮮餡料，味道偏清淡，啱晒一啲唔係好鍾意食重口味嘅朋友仔。✔️飲品：🍹檸

好掛住韓國呀！冇假冇計，唯有去有香港「韓國街」之稱嘅 金巴利道 食嘢頂住癮先。今次入左一間名牌炸雞店《Puradak Chicken》。《Puradak》 韓文名係《푸라닥》，其發音是 ，與名牌袋 《Prada》嘅發音相似，所以這店又叫 名牌雞店 或 貴族炸雞店。而炸雞無論味道和價錢都會feel到佢係名牌嘅！呢度炸雞以先焗後雞方法煮成，使雞冇咁油膩和更加香脆。同埋，大部份雞都可以選有骨或冇骨上枱，方便小朋友食用，Good!✨️Puradak 經典炸雞 푸라닭 치킨 ($188)招牌原味雞，更能顯出雞肉鮮嫩。雞皮很脆，食落"咯咯"聲。雞皮上仲沾滿香草碎粉，十分惹味。✨️瘋狂蒜香炸雞 매드갈릭 치킨 ($208)濃濃蒜香味，加上香甜蜜味，好味到食過不停，使我一試就能瘋狂愛戀佢。

傳說中炸雞界嘅Prada，雖然我唔知呢個名點嚟，但係覺得好得意，搞到我都好想食Prada雞😂半半炸雞揀咗最出名嘅Corn-so amazing炸雞同紫菜脆脆炸雞🍗 如果鍾意食粟米筒，一定會好鍾意呢啲粟米🌽粉味😍 外面炸得香脆而肉質嫩滑，然後配黑芝芝波爆粟，係爆芝麻糬波波再加粟米粉！大癲！基本上分開我樣樣都愛，合體仲正🧀🌽牛肉紫菜飯卷係韓國嘅味道啊，秘製黑醬炒年糕，啲年糕先炸再炒，黑醬有勁多蒜片🤤蒜爆🧄

✨PURADAK CHICKEN (尖沙咀)朋友話想食韓國菜 就黎試下呢間炸雞界嘅prada☺️韓國人侍應識講廣東話～🐷辣炒豬肉拌飯拌飯熱辣辣 又有飯焦豬肉食起黎好香口調味又夠仲配上一支辣醬 落小小辣醬更惹味～💕傳統辣炒年糕調味甜甜辣辣，年糕煙靭。仲配上魚糕同埋雞蛋🥚🍗半半炸雞（有骨） 簡左青陽辣椒MAYO、羅勒派對呢到嘅炸雞有成10幾種口味選擇🥰炸雞裹滿醬汁 雞皮香脆 肉質滑 唔會好乾 個人覺得青陽辣椒mayo辣辣地甜甜地幾開胃🥤西柚梳打

週末好去處，依家逢星期六、日都會同Lisboy & Lisba周圍搵好野食😍行開尖沙咀，見韓國街有間新開嘅名牌韓國炸雞店好吸引，因為讀音同「Prada」差唔多，所以叫名牌炸雞店，仲有午餐Set同BB凳即刻入嚟試一試😋Baby Friendly🍽️ 黑醬炸雞嚟得名牌炸雞店食韓國野當然一定要試吓佢哋嘅韓國炸雞啦😆🍗呢個獨特嘅黑醬炸雞味道酸酸甜甜，啲炸雞又外脆內有肉汁真係超級好食！ 🍽️ 韓式烤牛肉拌飯話說小Sun媽我最愛在韓國美食，而烤牛肉拌飯係我其中最愛嘅韓國料理之一，除咗牛肉入晒味之外，拌飯仲煮到脆卜卜☺️有飯焦，真係好滋味😝🍽️ 人蔘雞湯飯太耐冇試過人蔘雞湯飯，所以今次叫咗半隻俾埋lisboy送飯食，最估唔到雞燉到軟綿綿，人蔘味濃，入口即溶😋Lisboy食到舔舔脷！🍽️ 炸紫菜粉絲呢個係我好鍾意嘅小食😋紫菜包住啲粉絲炸到脆卜卜，So yummmmyyyy🍽️ 韓式甜醬炸蝦配薯條炸蝦嘅炸粉真係好特別，脆感一流，蝦味鮮，值得一試，估唔到炸蝦配埋韓式甜醬又幾配😆Lisboy食左兩條😋🍽️ 爆粟黑芝芝波呢個真係最有特色嘅小食之一😍估唔到粟米🌽極濃，仲要係流心嘅炸粟米波波😋值得一試！

最近我同朋友行行下尖沙咀，試咗一間由韓國人主理的炸雞店．**瘋狂蒜香炸雞（有骨）呢款炸雞真係好正！外皮脆口，蒜香味十足，吃落去雞肉嫩滑，完全唔膩。每一口都令人想再來一口，絕對係炸雞愛好者不可錯過的選擇！．**韓式烤豬肉石鍋拌飯**：石鍋拌飯熱騰騰，上面鋪滿咗香烤豬肉，味道非常鮮美。配合香噴噴的米飯和新鮮的蔬菜，口感層次豐富，每一口都好滿足！加上少少辣醬，令整個味道更加升華。．**三得利金裝生啤啤酒清爽可口，非常適合搭配炸雞和拌飯，飲落去一口氣就舒服多了，完美解膩！．**炸紫菜粉絲卷（6件）**：呢個小食真係好特別！外脆內軟，紫菜包住粉絲，口感相當有趣。配上醬汁，味道更加出色，作為開胃小食非常合適。．總括來講，呢間餐廳嘅食物質素高，味道正宗，環境舒適，服務態度好。如果你係炸雞同韓國美食的粉絲，絕對值得一試！下次我仲想試多啲其他菜式！

上次已經幫襯過一次，覺得幾好食，甜辣到適中，今日再一次回購，點知中晒大伏，食落去有種蕃茄嘅味道，懷疑落錯醬，年糕仲要煮到過耐，太淋了，可能餐廳太多客人，廚師要趕得切出餐，食物出嚟冇水準，呢個係我食過最難食嘅辣炒年糕。

韓國過江龍炸雞店，食過好多間炸雞，但係呢間真係令我印象深刻，除咗味道選擇多之外，雞件外脆內軟，而且醬汁好惹味！半半炸雞（有骨/無骨）青陽辣椒 Mayo炸雞青陽辣椒係韓國培育的一種辣椒，外表為綠色，細長且尖。相比於一般的韓國辣椒，青陽辣椒較辣。將其切碎後混和咗啲美乃滋，甜甜辣辣，稠杰嘅醬汁，配上外脆內軟嘅雞肉，簡直係絕配，食多幾件都唔會覺得滯！韓式炒粉絲粉絲晶瑩剔透，根根分明，加入咗雞蛋絲，木耳，紅椒絲，蘿蔔絲等等，口感豐富。海鮮薄餅餅底焦香軟糯，加入咗唔同嘅海鮮同埋香蔥段增加口感！

今日嚟尖沙咀呢間韓國天花板炸雞一入到去店員是懂廣東話的靚仔Oppa 哈哈哈………黎炸雞店一定要點炸雞先我就叫咗最巨人氣嘅corn-so amazing 炸雞🍗有啲栗米，正正正還有青陽辣椒🫑Mayo炸雞，有啲小小辣辣地！！當然食韓國嘢唔少得食我喜歡的kimchi 泡菜煎餅！！本身佢有個海鮮煎餅，諗諗吓都係叫呢個：）超好吃的推推！還有牛肉大醬湯加咗個白飯撈飯食，每次食親韓國嘢都會上叫豆腐湯，呢個有埋牛肉！

好多人都話ᴘᴜʀᴀᴅᴀᴋ ᴄʜɪᴄᴋᴇɴ 呢間過江龍係炸雞界嘅ᴘʀᴀᴅᴀ 🤔 香港更加係全球第一間海外分店～好唔好味真係要自己試過先知🤭🔅半半炸雞 （秘製黑炸雞/紫菜脆脆炸雞）第一次食當然貪心想試多啲味，10多種味真係唔知點揀😝點左份無骨啖啖肉🤭 入口有驚喜🤩炸雞沾滿醬汁，雞皮仍然好香脆，唔會太油膩，肉質多汁嫩滑，完全冇雪味～餐廳仲配有酸蘿蔔解油膩～ 個人比較鍾意秘製黑炸雞🍗有陣陣蒜香味🔅烤豬肉石鍋拌飯見到有ʟᴜɴᴄʜ ꜱᴇᴛ又試多個拌飯+紫菜粉絲卷石鍋飯材料十分豐富！熱到「吱吱」聲，有飯焦，夠晒正宗～烤豬肉醃製過，食起嚟好香亦唔柴～ 紫菜粉絲卷外脆內軟幾特別食炸雞梗係要叫啲冰凍飲品先過癮嘛😆點左蘋果梳打和西柚梳打～唔太甜都算唔錯👍