最近又去左元朗尋找好餐廳，依間以工業風設計嘅 "Proton"，色調灰加黑，喜歡這裝修型格路線，以及鍾意食西餐嘅我哋，一於入去潮聖下先～入到餐廳，門口位置擺放張型嘅梳化同埋designer chair，打卡一流！牆上嘅燈光照落水泥牆到，更顯光芒，有創意！睇睇餐牌先，晚餐時段既Dinner Set，有多款手工意粉＆意大利飯及主菜選擇，可另加$配埋前菜、飲品和甜品，款式都幾好。日本蘭王M7和牛海苔手工意大利麵 $168M7和牛肉質鬆軟嫩滑而不鞋口，香濃嘅自家製醬汁完全浸入牛肉內，非常入味，手工意大利麵食起嚟唔錯，質感彈牙，日本蘭王蛋及海苔令整份麵條鮮甜香濃。流心蛋紫菜煙肉芝士卡邦尼手工意大利麵 $158另一款係卡邦尼手工意大利麵，散發陣陣香濃忌廉味，配以焦香嘅煙肉，肉味鹹鹹香香，配合流心蛋、紫菜同芝士好夾，濃郁嘅醬汁與意大利麵煮得好入味，意粉口感煙靭有咬口，意粉好掛汁，越食越好味。24個月巴哈馬火腿蜜瓜田園沙律另加 $ 配兩款沙律 ~ 沙律非常新鮮，蜜瓜爽甜，巴哈馬火腿帶鹹香味，沙律菜爽脆，黑醋汁酸甜開胃，有誠意。蒜香蝦柚子雜果沙律另一款沙律都好開胃前菜，蒜香惹味嘅蝦，加上翠綠鮮爽嘅沙律菜、柚子、雜果，真不錯～蘋果菠蘿石榴羽衣甘藍汁多種蔬果混合，甜度適中，口感爽口，香甜可口，味道清新自然，仲有食得嘅羽衣甘藍同乾果。意大利朱古力依杯飲品真係特濃朱古力味，朱古力愛好者最啱呢，口感幼滑，面層嘅忌廉與朱古力脆脆，好味之餘，令人覺得甜蜜。…查看更多
