Prosit Bar and Restaurant

營業中

休息中

奧地利菜是什麼？我還真的沒吃過，不過這家餐廳的風格有點似西式小酒館，雖然在尖沙咀鬧市上，但坐得很舒服。餐牌上的選擇不多，我看著上面的介紹。。。怎麼都跟德國菜一樣呢？話說以前德國跟奧地利是同一個國家，所以即使分手了，現在她們還是相鄰的國家，所以菜色風格很相像。先上來的是匈牙利牛肉湯，一看就知道不得了，牛肉的份量跟薯仔也是超驚人的多，一看就知道是能量滿滿的湯！湯底也是超濃郁的薯仔味，喝完整個湯，吃完牛肉，已經飽得很！薯仔的份量多得根本吃不完。不得了的沙律，除了大量的青黃椒之外，還有青爪，生洋蔥跟雞蛋，吞拿魚的份量也是非常慷慨，沙律菜的份量反而不算多，還有百搭的：薯仔！一整個沙律大得比主菜還要大份，２個人吃完又是會很飽的菜色！我收回前言，這個真正主菜煙豬脊肉原來更大份，沒有醬汁，不過卻有超大份的煙豬肉跟煮薯仔和西蘭花，焗薯跟四季豆，

Oh 地利@Prosit Bar and Restaurant 食奧地利, bee 我第一次試呢，萬分期待。 一入店似酒bar,來happy hour 都適合架，因在尖沙咀區。其實有點德國菜影子，因有腸仔及豬手，仲有好多啤酒。主菜肉類多配烤薯，很西方風格。先上法包加牛油，包微熱的，牛油抹上去就溶到啦雜豆湯，加了很多豆同腸仔，濃好濃杰身，大大碗飲完都飽啦吞拿魚沙律我最愛，仲有蛋同青瓜洋蔥三色椒薯仔粒，加油醋汁，簡單開胃。主菜德國豬手配酸椰菜及薯仔，切開了起了肉， 脆脆的皮鹹鹹又惹味，大大份。酸菜又夠，酸得來唔會搶喉。仲有水煮西蘭花同紅蘿蔔片，食得平衡點又健康點。基乎每道菜都一定配薯仔，外國人主食是麵的和薯仔。份量大真係外國人食量size，一人一主菜怕食唔曬，兩個人一沙律加主菜已夠飽。

聖誕前夕當然要約啲朋友去gathering喇!!! 德國菜不嬲都係大學學會朋友仔至愛，聖誕老人嘅我為左滿足佢嘅願望，唔怕肥死都陪佢食德國菜!!! 上網見到Prosit bar裝修好有德國當地餐廳feel，一於同朋友仔去回味回味~餐廳位於大廈一樓，格局比較的骰，但都有吧枱位，裝修好有德國feel，好正呀!!!餐牌選擇都唔少~廚師推介除左必點嘅豬手，仲有奧地利菜牛仔肉等等，好吸引呢～啤酒當然唔少得!!! 單單支裝啤酒，都有好多選擇，而且品牌都比較少見。餐前小包揸上牛油好好味，如果熱啲會更好味!!!德國香腸拼盤(細)係朋友仔至愛，香腸好大條，而且腸衣好脆，香草豬肉腸好juicy，而且唔太咸，正呀!!!! 薯條唔好睇小，外脆內粉，差啲俾我食哂!!!!芝士腸非一般正，切開時，芝士流哂出黎，好好味呀!!!德國咸豬手份量非常多呀!!! 我同朋友仔個胃已經被香腸打敗了八成!!! 豬手嘅香氣都引到我地挑戰佢，豬手皮烤得香脆，完全唔油膩，而且仲可以補充骨膠原!!! 豬手肉又唔會太咸，所以我倆都食到唔少!!! 但最後都要店員幫我包起啲豬手，唔好嘥!!!蘋果批係朋友十分堅持下點的，好彩最後有點，真係好好味!!

德國是我喜歡的國家之一，除了欣賞當地的風土民情，德國菜亦是我喜歡的。德菜不是走浪漫驚喜/ 份子料理精雕細琢的路線。德國菜給我的印象是：幾乎每樣都是大大份！飽肚兼實際！所以和一些嚷要減肥/細胃女仔朋友出街食飯，很難要她們陪我吃德國菜呢。今晚約左黑洞朋友，提前慶祝聖誕節🎄。我們一起挑選了這間新開一段時間的餐廳-餐廳位於尖沙咀亞士厘道的樓上店，拉開木門，我和朋友不約而同頓時有種身處歐州旅行的感覺。餐廳面積不大，得數張枱，但小巧換來一種私房浪漫的氣氛。加上餐廳播著柔和音樂，添了聖誕裝飾，令人有種放鬆情懷好好享受一頓豐富的晚餐。-我們點了一份沙律、德國腸細拼盤及脆豬手。最後還點了一份特色甜品。餐廳先奉上餐前包及牛油-♥️Murzzuschlag Salad (Ham & Chicken )奧地利式煙肉火腿雞肉什菜沙律🥗這份沙律的配料相當豐富新鮮：有紅黃綠三色椒、青瓜絲、車釐茄、洋蔥絲及沙律菜。相當的清新健康，但味道不單調。秘製醬汁惹味，酸甜微辣味道偏濃。配上咸香、肉質結實有咬口的火雞肉，口感層次不錯。-♥️Roasted Pork Knucke with Sauerkraut & boiled po

奧地利本身是一個位於的歐洲中部的內陸國家🌍，鄰近匈牙利🇭🇺及德國🇩🇪，飲食自然深受此兩國影響💥，從網路上得知尖沙咀有一家以奧地利菜作招徠的食店😳，一於就跟老公🍋來一個歐陸星期五之夜吧💃。小店位於大廈1樓📍，沿著樓梯緩緩爬升⬆，很快就找到了😊。推開木門甫進餐廳🚪，木系色彩盡入眼簾🌲，柔和的燈光配上了小木屋的設計🏡，感覺置身於異國酒館一樣😍。店內放滿了種種特色小擺設🕰，在等待食物的時候就先慢慢欣賞一下吧😌。🔹Deep Fried Mushrooms w/ Tartar Sauce🍄先來一個餐前小食是常識吧~ 薄薄的金黃炸漿，將磨菇緊緊包裹著，酥脆的外層加上脆嫩的磨菇，醒胃度十足！🔹Mixed Sausage Platter🌭奧地利由於處於內陸地區🏔，長期寒冷的天氣⛄，醃製食品成為其中的一樣主食🍴，香腸拼盤以6種不同的款式組成6⃣，加上了大量薯條🍟及水煮菜🥦作配菜🥗，陣容極其龐大✨，每種款式味道由微辣🌶到濃郁🧀各有不同🤩，絕對是一碟滿足了所有要求💖。🔹Roaster Pork Knuckle w/ Sauerkraut & Boiled Potatoes 🐽粗獷的咸豬手🐖，非常符合德國人『大塊

自從飲用過新鮮既德國啤酒之後，一試難忘。俾嗰一鼓香味深深吸引住。決定反轉香港都要搵佢出黎。今日就黎到尖沙咀。餐廳主打德國、奥地利菜。以木材為主既裝修、家私。作為酒吧，點少得張精緻既吧枱呢！仲有無限量既酒精供應，最怕係你唔飲得。他他汁炸磨菇 $105餐前小食，外層炸到非常脆，入面磨菇仍然好juicy。配埋他他汁既酸酸甜甜，香口得黎仲好開胃。什錦腸拼盤 $248唔知由幾時開始，德國腸變成咗德國菜必食菜式。由五款型狀大小、味道不一既德國腸，配以薯菜而成。個人習慣由淡色(味道較淡) 食到深色(味道較濃)。其實佢唔止係個主菜，用黎餸酒都認真一流！德國香脆咸豬手配酸椰菜及烚薯 $243又一個德國菜必食之選。講係咁講，其實哩個餸好蝦人食，係香港好難搵到間真係煮得好食，哩度就係其中一間。佢既配菜非常非常之多，多到我食唔哂(唔知係好事定係....)。外皮爆脆，假如層皮薄少少就會變成薯片。肉質肥瘦好平均，味道香濃而且非常適中，食哂成隻都唔覺膩。必食！！左：Erdinger hefe $82 / 右：Salitos ice $64如果鐘意飲新鮮德國啤既朋友，揀Erdinger hefe就岩哂。如果唔太飲酒既

朋友話要同我補足生日，但係要我諗食咩喎一向鬼主意多既我，想試吓呢奧地尼餐廳朋友異口同聲都話好呀去試吓！！我哋約咗六點半就食飯，上到嚟餐廳見到好多都係外國人，其實佢哋係點樣搵到呢嘅呢？因為我覺得餐廳位置雖然喺Ashley road，但係要上樓真係唔係人人知既呢度氣氛真係好好，一入到黎我仲以為自己去咗旅行，堅有旅行feel，重點係一個香港人都冇其實呢間餐廳真係好細一眼就可以望哂，打開餐牌發現都好多選擇，話晒喺奧地尼餐廳，梗係要食返啲地道菜式啦，原來奧地尼既style係會配埋薯仔架，有烚薯，炸薯條，炒薯，薯蓉我哋叫咗個奧地利式芝士豬扒，奧地利式煎羊架，再嗌左杯正常嘅lime 梳打同埋芒果汁🍹今晚上嚟食飯果然係長知識，原來奧地利方式整嘅豬扒係將豬扒包着芝士，然後拎去炸，炸到一個圓形⭕️既size，就可以上枱。。。我即刻拎左黎切，忍唔住要即刻食！芝士可是做出拉c嘅感覺，豬扒亦都炸得到好juicy ，配埋炒薯，又幾好味喎！！然後我哋再快咗個羊肩肉，呢碟羊好好味真係好好味唔好以為佢會好鞋口，廚師👩‍🍳煮啲嘅時間真係恰到好處保持到肉嘅肉汁，，真係好難得！至於兩杯嘢飲就冇乜特別，同朋友開開心心咁渡過左一餐

睇食評話呢間野好靜，滿心歡喜諗住同個朋友嚟飲下酒閒聊下。但呢間野俾想像中多人同嘈。環境比想像中細。可能啲相影出嚟好似好大咁。啲服務幾好，啲人幾nice。我地叫左兩樣野一：奥地利式釀芝士火腿豬脊肉睇樣好吸引。好期待佢會切出嚟可以拉（芝士）絲，但冇。一開始好好奇佢點樣釀個芝士火腿入去啲豬肉到。切開就會發現其實佢係兩塊豬扒夾住啲芝士同火腿，好新奇。味道方面就一般。我未食過奥地利菜，但呢佢俾我嘅感覺係冇咩調味。可能佢地都著重翻食物本身嘅味道。佢兩塊豬扒都冇調味，連咸味都冇，要靠芝士同火腿嘅味。肉質方面，覺得煎得較老，唔juicy了，同埋有啲「鞋」。火腿方面呢，唔係平時香港個啲一塊塊薄片嘅火腿，佢係個啲類似火腿扒，但唔係麥當勞個隻。佢係厚啲火腿。其實夾埋一齊食，講得難聽啲，就係三塊豬肉同啲芝士二：他他汁炸磨菇。同上面塊豬扒一樣，粒蘑菇都係冇味嘅。再講多次，我估奥地利野食可能就係好著重食物原有嘅味道掛。咁相比起上面個碟，我覺得呢碟較好食啦。佢入面係一大粒原粒蘑菇，出面炸左，入面啱啱好，都仲好juicy。你完全可以體會到真正嘅蘑菇味，因為除左蘑菇味之外，冇其他味到會distract都你。係幾有趣嘅。

如我沒記錯，這所主打奧地利 / 德國菜的樓上小舖，其前身名為"Weinstube"，同樣是吃德奧菜的地方....不知其幕後掌舵人，又是否同一人呢....由於門面實在太不顯眼及隱蔽，所以要招倈生意，就要靠姨姨在樓下派傳單....但縱是如此，人客仍是十分疏落。坐了一陣子，店內就只得兩檯客而已....來得這一類主打德菜的餐廳，怎能不試試她的鹹豬手 ? 縱使現在是中午，吃豬手對自己的負擔可算是偏重的，而且價錢也不便宜，但還是冒險地點了它....主菜未到，湯與小片麵包就先端來....呈微偏黃的薯仔蓉湯，溫度不夠熱是致命傷，其次是不太夠creamy亦令人失望；麵包拿起上手時是冰冰的，同樣扣了大分數....到主菜鹹豬手，等它上桌，一等便是差不多十五分鐘....初時還以為份量挺多的，但食落又不盡然。皮雖脆但不見十分鬆化；肉偏嚡口略乾但不見得很鹹；伴碟的菜蔬大都是白烚的，其用意在於能去掉豬手的膩滯。相形之下，反而覺得有略經走油炸過的薯仔粒更為吸引，外皮脆口而內裡夠"粉"，鹽度亦調較得剛剛好....不過我要強調一點，我是來吃豬手而非普通炸薯仔的....這碟東西，收費盛惠一六八。說實在，性價比真的甚低...

第一次去到呢間餐廳，才發現原來是行一條樓梯才到，間餐廳整體不大，但原來跟店員傾開計先知道間餐廳唔係新開的，已經係39年時間，裝修了！今晚叫了德國豬手丶Rib eye 丶德國腸雜錦拼盤丶薯仔沙律！每個Rib eye 都會跟一客大薯條🍟，份量都算唔錯！整體服務很好，店員好有禮貌！而呢度嘅啤酒嘅選擇都算OK，反而紅酒白酒選擇比較少！價錢平均$250至$300左右/位！

試新小店要上一層小樓梯happy hour cocktail(前)white russian 上既時候有兩層，好香既咖啡同奶，溝埋好好飲，落足料酒精重，正，女仔必飲(後)long island 好正常既long island試左3樣野匈牙利牛肉湯 冇影到直接飲左，好溫柔既牛湯，牛肉粒好淋，唔錯他他炸磨菇切開會爆汁，磨菇控會鐘意白酒磨菇汁牛仔肉炒薯炒薯好味，好味過平時side個d薯條牛仔肉俾蛋脆漿包住左差d認佢唔到食入口即刻認到，牛味濃，肉軟滑，好味其實豬手先係德國名菜本人怕膠原既口感所以skip左偷望到隔離既點既豬手好多肉，好似好好味坐得好舒服，cocktail好飲，同朋友食飯傾計不限時，會再黎