Pokka Cafe (已結業)

生日慶祝黎到此餐廳，我最喜愛這裡的甜品！最想推介食品：脆香蜜嘜格格伴雪糕：好好味，一次過感受冰火交融既滋味，一啖雪糕一啖熱熱既疑似西多！而且甜品唔會過甜，岩岩好！其他仲有白汁雞肉奄列飯，石頭鍋飯，雞翼等等

到了今天的行程 最後一站就係食晚飯, Pokka 係我的朋友揀, 睇來佢係Pokka 既常客而且仲係member Tim, 果然係忠實fans .嘩! 佢叫左個好Q大既牛扒餐 , 有soup, 有coffee , 佢好似食得好满足咁樣. 見到佢咁樣都好開心 . 我只係叫左個冇咩特別既燒雞扒石頭飯,真係傻仔. 之後我地再加左2個dessert, 一個係唔叫知咩四重奏, 另一個係藍梅雪糕新地, 嘩好飽呀 !!!!!!!!!!!!!!!不過dessert 等左好耐之後先至話原來冇Jelly 轉 fruit, 真係Pokka 吖 !!!

有一段長時間沒有食過 pokka, 地庫這間店裝修不錯, 可惜天花板不斷滴水, 不知與當日有下雨有沒有關係。Set dinner 大約$102-108, 我選了羊柳蛋意粉, 朋友選牛仔骨。羊柳蛋意粉份量不多, 意粉只有一撮, 羊柳不算羶但又不太食出是羊柳喎。 反而湯和餐飲都不錯, 尖咀食晚飯, 一百多元差不多。感覺沒有以前那麼好味道!

大人同好友慶生我都約左我既best frd食晚飯因為2個人都食左late lunch,坐低既時候肚餓度係0最後決定點一份salad一份pasta share食算味道係okay的,個salad好食,個pasta一般不過pokka既野,唔會話難食 keep到的待應都okay,係慢左d(點野食o個陣),時時都有加水.....佢地咁忙,都冇野好complain了下次要book位,因為今次冇book,佢話只可以住個半鐘.....不過somehow最後佢地都冇趕我地走

環境唔錯唔洗等位通常食甜品個主菜就唔好食食主菜既甜品就麻麻不過呢間兩樣都做得唔錯亦好有特色冇叫套餐叫左3個主菜兩個甜品share南瓜汁鮮蝦意粉: 蝦好大隻而且好爽~唔係霉爛個D煎雞意大利飯: 飯好香忌廉味咖哩牛腩飯: 本人唔食牛~冇試過Tiramisu 雪糕多士: 非常特別多士熱雪糕凍,溶為一體味道非常不錯紅豆雪山: 唔錯,幾特別因為朋友有會員卡有8折4個人埋單$325價錢算超值

去過 Pokka Cafe 幾間分店，始終對尖沙咀分店有好感，此店環境優雅，以Pokka Cafe 的價錢，精明選擇當然選尖沙咀分店。有些分店的位置比較人多，好似雅蘭商場的分店，若無窗邊位，要坐大堂位的話，略為息。相比尖沙咀分店，得閒去High Tea 都很舒服。但不知為何Pokka Cafe 的Set Dinner 及會員餐的餐牌不經常更換，連續幾個月都是同款set Dinner, 有不同的是每間分店將隻炸蝦一時配到 A 餐，一時配到 B 餐。若有小朋友食兒童餐，尖沙咀這間分店的兒童餐玩具比較特別，是魔術玩具，其他Pokka Cafe 分店的兒童餐玩具全部都是匙扣，小朋友可以一路食，一路變魔術。食物方面不用多講，有水準。若果有會員折扣比較抵。

看見這麼多食評,終於都自己動手寫一次這家分店2008年開張後,我便一直都有去食飯,並且做埋會員(是要入會費那種),當時入9折會員,費用$188~~入會原因是我時常去,他們服務好的原故老實講,我之前去過銅鑼灣店幾次,印像好一般,絕對不會有入會的衝動.去過尖沙咀店後,覺得食物水準和服務都很好,便入會啦,底D嘛我朋友多,時常要聚會,所以會分別同好多不同性質的朋友去食飯,而差不多每個去過這店的朋友都很滿意,(他們大多都對其他店有不滿的)現在也因為有優惠而都成為會員整體理由是,尖沙咀區又平,又好服務,正~~~~~~

上星期四約了朋友來食lunch點了個set lunch。因為病，所以唔多選擇，只點了魚。點了set lunch可以半價享用餐牌上的湯，因為set lunch有餐湯跟，所以我無另外叫。不過跟餐的餐湯水准認真麻麻，跟普通茶餐廳的無分別。>__<主菜份量只有兩塊魚，覺得分量有點少。總結，餐廳人流不太多，可以靜靜地食lunch， 但set lunch水准就只算ok.

平日細細食的小漏漏，碰到甜品就變成大食怪，途徑Pokka竟完全不能自已。朋友也沒有看住，一個不留神，甜魔就鉆到“恐怖地帶”、開展“恐怖襲擊”了…黑糖拿鐵：賣相雖靚，但味道其實未到預期。本身喜歡黑糖微甘的甜美，然而配上甘苦強勢的咖啡后，黑糖獨有的味道不明顯了，只起到了普通的糖的角色，有些許失望。抹茶拿鐵：賣相依然吸引，抹茶濃度適中，看顏色應該不及Starbucks的出品抹茶味道濃郁；店家還配了一細粒黑芝麻餡糯米糍，伴著包身的黃豆粉一起吃很美味~宇治紅豆凍奶：奶香占了上風，抹茶有點弱勢；低端的紅豆蓉軟身偏甜，個人覺得溝后會損失抹茶本來就不夠濃郁的甘醇，還是分吃、將雙倍的甜美留到最后享用吧~紅豆吉士多士：僅是賣相就已經引死人了！吉士充滿蛋+奶香，質感幼滑甜美；多士又烤得酥脆暖身，是有新意又頗味美的一道甜點。士多啤梨新地：最衰的是身為資深甜魔的我竟然忘記為它影相，還真是第一次…坦白講這作品實在普通，雪糕質素平庸，缺乏草莓的清新感；整體味道都是比較寡，如多謝士多啤梨果醬/生果就會好味很多。新品Apple crumble：與一般的apple crumble不同，這里的出品混合了bread pudd

甜魔實力果然唔好睇小, 食完coco 未盡興, 再戰下場 Pokka Café 白汁雞肉奄列飯 : 我自己最鐘意呢個, 飯帶點白汁cream, 可以食好多 北海渡咖啡冰set : 無試三文魚沙律 set : 不太好沙律, 只小嘗一下, 汁酸酸, 開胃菜卡邦拿意粉 : 比較溜, 唔多喜歡吉列豬扒咖哩飯: 咖哩香口, 豬扒食左一角, 試唔真, 不過好脆 豬軟骨拉麵: 無試綠茶熱奶set : 無試 紅豆夾餅伴綠茶雪糕 : 夾餅唔夠鬆化,紅豆都唔夠 綠茶紅豆雪糕 : 買相令我好開心, 一半紅豆,一半綠茶, 好得紅豆綠茶玉子豆花: 賣相又係引死人, 豆花好滑, 味較淡,可以中和下甜度 Tiramisu 拚香蕉凍餅 : 點解無印象　香蕉格格伴雪糕: 味道一般食左好多有關紅豆同綠茶既甜品, 整體滿意, 一班人仲可以食好多好多野 高談闊論下過左好開心既一晚, 其待下次Gathering

在coco未夠盡興，轉去pokka再繼續。因為要遷就兩位男士，叫了四款鹹食主菜，而主菜可加錢轉set後有沙律及餐飲。Set的三文魚沙律-聽說不錯，沙律菜很新鮮。吉列豬扒咖哩飯-金黃的炸豬扒甘香鬆脆不油膩，肉質很嫩；我只嫌咖哩不夠多來撈飯。白汁雞肉奄列飯-少有是用白汁來做奄列飯，白汁撈飯後好容易會糊口，但這個沒有，效果不錯。Carbonara-有雞肉有登龍椒是傳統carbonara沒有的，而味道亦不是正統。如作為一個白汁忌廉意粉就很出色。豬軟骨湯拉麵-湯底唔夠濃，而來貨的拉麵素質不錯。食完鹹食，我們要求速速上甜品了。紅豆夾餅伴綠茶雪榚-窩夫不夠外脆內軟，有點乾乾硬硬的，紅豆醬又不夠，我們要求額外再添加。以日式餐廳中，我覺得風月堂做得較為出色。綠茶紅豆新地是我最喜歡的，大量的日本紅豆蓉配上綠茶雪榚，是日式甜品無敵的組合。綠茶Tiramisu拼香蕉凍餅-Tiramisu的綠茶味不夠突出，與原味的沒有分別；而香蕉凍餅口感似雪榚外，還有鬆脆的餅底。紅豆綠茶玉子花-玉子花其實是豆腐花，而這個綠茶豆腐花入口很滑溜，有著淡淡的茶香。如果嫌不夠茶味，另附上一小杯濃縮的綠茶，可給客人添加。香蕉格格伴雪榚-

連續3個星期有甜魔飯局，今次輪到型格餅店Coco。然而甜魔抵達cake shop時只剩餘少量餅款，6位甜魔只掃了6件餅，大家當然未飽，於是我們再去甜品款式眾多的Pokka Cafe繼續作戰! 　可惜滯滯、漏漏要先離開，不過龍及T就加入戰圈，六個人也吃了不少食物：　　三文魚田園沙律($42餐x2)-用料新鮮，是個簡單清新的開始~Carbonara ($78)-有Oli在必叫的一味，據專家說配料豐富過頭了，我則只嫌忌廉汁略稀，不過味道都OK!吉列豬扒咖哩飯($88)-大概是全晚最出色的一味：豐腴的厚切豬扒炸至金黃色上檯，外層酥脆得很，裡面卻保持鮮嫩多汁；珍珠米也寧舍飽滿有咬口，有水準! 白汁雞肉奄列飯($78)-飯粒較稔身，反而卻與白汁很匹配，效果不俗得到好評。雖然有點難度，但若外層煎蛋可以再嫩身一點，那就是更加美味了! 豬軟骨湯拉麵($78)-點一個較清淡的麵給生病中的龍。始終不是主打拉麵，很難有傑出水準，只能說味道正常過關!　雖然只剩4位甜魔，我們還是點了不少甜品；唯一不快是我的雪糕quota在深圳用盡了，其實我情願留來吃這餐：　紅豆夾餅伴綠茶雪糕($48)-夾餅較硬身，不及風月堂鬆化

我們都不太肚餓，所以以小吃為主！叫了小食拼盤, 有洋葱圈, 豬仔骨, 同薯皮，洋葱圈同薯皮都好香口又新鮮炸起。沖繩海藻沙律，有三文魚跟蕎麥面，三文魚煎得很香，好清新！百特三文治，比較普通，有火腿芝士。不過個包烘過，所以很香！脆香蜜嘜格格伴雪糕，有媡奶喺底，再點上雪糕（有兩個），好味道，但太多吃不下!

約了多年無見朋友見面,地點定在尖沙咀,去邊度見好呢?尖沙咀餐廳係好多,但消費都幾高,最後揀了北京道百佳咖啡以為預先打電話間清楚餐廳位置,實好易揾,點知去到唔見有百佳咖啡,點解呢?,一早知道此餐 廳不在地面,要下一層,但塹在下雲雲啇舖中,不見百佳咖啡的招牌喎,問人先知,原來入口係在繁忙鬧市中一條不顥眼的樓梯落地廬,真考人幾經撓釀,終於揾倒了....眼前一亮,餐廳環境清幽,坐在卡位中傾偈十分舒服,我們不約而同點了芒菓三文魚,一個係沙律,一個法包,味道不錯,我們一面吃著下午茶餐,一面暢談多年無見的近況,傾呀傾,肚子又餓起起來,不如食埋晚飯先走囉,於是又點了南瓜意粉和魚栁炒飯,一路傾至八時許,係時間要走了,幸好餐廳不多人,故傾偈期間沒有阻人做生意的感覺,另待應小姐不停添水,服務好好,從没想到我們我們在炎熱下午進塲,離去時己是華燈初上,真係一個滿意的相聚

出尖咀本想吃自助餐, 但已冇位, 行經 pokka, 也來試吓先.一落到下面, 發覺裝修幾靚, 又夠光猛.三個人, 媽叫了酥皮焗三文魚伴羊架餐, 我本心思思去重慶, 但去唔成, 所以叫了 日式咖哩雞餐, 加 $40 連個三文魚沙律及餐飲. 女友則"法式情懷", 即係 有龍蝦湯, 牛肉球炸薯波, 香煎石班.她倆都有餐包, 指定要熱的, 冇問題, 幾好食.餐湯不錯,起碼不水. 龍蝦湯夠濃又夠味. 三文魚沙律不太大碟, 係加醋的, 岩晒我呢 d肥人.主菜方面, 酥皮焗三文魚有三件, 不油, 好味. 羊架生熟剛好. 日式咖哩雞都幾大碟, 連埋一塊小薄餅, 提子乾, 棷絲, 切了的蕃茄,青瓜等, 再加上本身少許辣, (menu上兩辣椒) 好印度風味! 汁都撈埋!法式情懷方面, 牛肉球炸薯波略油, 好熱, 好脆~ 石班都算大塊, 岩女友胃口. 煎得不油, 不濃, 不錯了.甜品叫了香蕉雪糕吐絲.要25分鐘才弄起, 咁耐既?~~20分鐘後, 上檯, 吐絲係一吋大的立方體, 可惜有幾粒燶了. 雪糕溶得好快, 馬上食晒了.唔燶的話就好了.服務不錯, 我長氣地問長問短都一一解答晒, 飲晒水, 不用叫, 馬上