Pokka Cafe (已結業)

一到星期五，很多餐廳外都會見到好多人等候食晚飯。見到呢間Pokka Grill Specialist唔駛點排隊，就嚟同老公食晚飯啦。我哋一人叫一個pasta, 我選了蕃茄芝麻汁珍珠帶子parma ham 意粉，個名好吸引噃，點知今次就中伏！開頭食第一啖覺得咸咗啲，點知越食越咸，簡直咸到冇朋友!!  啲珍珠帶子真係名符其實，真係同珍珠一樣咁「大」粒，而且數量亦十分珍貴。仲有，塊parma ham 硬到咬唔開，風乾得咁緊要?! 碟pasta 嚟到時已不熱不再話下，連蕃茄一舊都冇，同menu 幅相有好大出入噃，仲收人約$120 一份，係咪太過份呀!! 我老公碟carbonara 就味道一般。臨埋單時仲夠膽嚟sell 會員咭，真係多謝曬嘞，我哋以後唔會再幫襯呢間嘢，價錢又貴啲食物又冇質素!!

We booked a table at the Pokka Cafe in Tseung Kwan O for dinner yesterday as it was a public holiday and we wanted to dine out.We went into the restaurant and had table by the window. We flipped through the extensive menu. After many rounds of changing minds, we decided to order a Sirloin Steak (200 g) set and a Tenderloin Steak (200 g) set. I asked the waiter serving us whether we would have to cook the Steak ourselves. He said "Yes, but we can cook it ready for you." We asked for them to be co

早幾日喺荃灣食過Pokka唔錯，今次嚟到將軍澳這間分店喺門口見到個Menu好似有些小唔同，跟住就有位職員走出嚟向住我晒口咁介紹一下，原來真係唔同咖，這間分店有好多唔同嘅鐵板餐供應，但可惜我已經食咗Lunch而家只想食甜品，侍應姐姐即刻又打開本Menu比咗D超吸引嘅甜品我睇，比我感覺佢很有誠意，好想我入去幫襯咁，唯有就範啦，同家姐叫咗個Tiramisu格格多士，等咗差不多30分鐘有點不耐煩，於是問侍應姐姐，她回應因為焗爐order比較多所以可能等得耐咗，但她很細心見我好心急就即時幫我去問吓水吧仲要等幾耐，之後回答還要等多5分鐘嘩嚟到原來真係大堆頭啊!好彩叫咗一份姐賣相吸引入口香脆tiramisu醬又味道適中唔會太甜好好味啊雖然係等得耐D但都值得等嘅，最後點都要再飲多杯香噴噴嘅藍山咖啡先入口甘香……正!

昨晚上探朋友関係一個人去了將軍澳，人生路不熟，Pokka cafe grill應該較為安全 ,所以選擇了她，可能夜，所以轉頭就到我。✌️✌️✌️點了一個煎鴨胸+西冷扒SET DINNER，鐡板熱住上。鴨胸嫩口，西冷好有牛味，POKKA的確穩陣👍👍👍👍黍得，最後當然叫Pokka 皇牌---咖啡一定会叫，我自己愛黑啡，可以飲到果酸和聞到咖啡香。真係好正👍👍👍

下午茶時間，這裡的好處是不用等位排隊，而代價是你要明白香港人是十分醒目的。只食了一碗麵，亦簡單幾句：湯似水喉水般清澈；環保煮麵法令麵身堅韌如新；眾裏尋它一片猪，服務周到，可惜無客人讓他服務。另外一碟下午茶，朋友選來豬肉炒意粉。整體體還可以，只是醬汁太甜了一點。 叮噹在不同餐廳試過不少 teriyaki 醬汁，而同一系列餐廳在不同區份的其實也頗有不同「風味」！希望日後在下午茶時段可以穩定一點。爭氣D啦唔該。

Used to like Pokka Cafe, especially their dessert and coffee. Since I happened to be in the proximity, I had decided to go and try it today after such long time.The shop at Popcorn called itself the Grill Specialist but to my disappointment a steak of medium rare was cooked as 70% cooked. As the meat was not juicy, a bit chewy, and the rim of the piece of meat was not hot enough but cooked. I suspected that it was precooked and then put on a grill just to make it "look" authentic. The beef t

每次來到pokka 都想試一下那個方包甜品, 因為吃完套餐後, 都再沒有空間容下, 所以每次都放棄了. 今次再來, 兩人只點了一個焗豬扒飯, 之後再加了一個榛子吉士格格.榛子吉士格格, 份量好大, 因為主要是麵包, 所以好飽肚, 如果有4人以上share會好好多. 今次點了榛子吉士味道, 榛子好香, 吉士也不太甜, 個大大的麵包粒是脆面, 相當可口. 不枉我為它而來pokka!個配角焗豬扒飯都很好, 飯是用上了珍珠米, 以及豬扒份量也不少的, 配料:蕃茄, 青椒, 菠蘿都很多, 好豐富的焗飯!

第一次係Pokka Cafe Grill Specialist食, 知道Popcorn新開左間, 就同阿爸阿媽去左試. 因為去到都六點半, 所以end up都等左大概45分鐘. 個門口裝修得幾靚, 不過個座號電子顯示屏唔work, 要扣分. 入到去第一個感覺就係比其他Pokka Cafe逼(例如九龍灣德福或者銅鑼灣), D檯排得密左d, 不過環境都算舒服. 我地叫左兩個Set A同一個Set B. 所有野都來得頗快, 有D驚喜 個湯ok, 餐包甜甜地, 幾好食. Set A來既時候, 個waiter問牛扒要幾成熟, 我同阿爸都要五成熟, 跟住個waiter就即刻幫我地係鐵板上將生牛扒煮熟. 始終係西冷, 牛扒都有D根, 不過西冷來講都係嫩 味道方面, 牛扒本身無咩味, 要靠個三碟汁, 點左就ok. 珍珠飯幾好味, 黏黏地 Set B就普普通通, 我阿媽食, 佢話汁唔夠. 個餐甜品朱古力味濃, 好食

見到出面嘅餐牌好吸引，又唔使等位，於是試下Grill Specialist嘅Steak有幾好食，本人對Pokka Cafe 已經冇乜期望，諗住Grill Specialist有驚喜。本人叫咗一份鐵板牛扒Set，老公叫咗份羊豬set，朋友叫咗份西冷牛。首先本人份鐵板牛扒Set，份量少，唔夠飽，牛扒只係一般，冇牛味。羊豬set，有湯同包，個湯係香腸紅蘿蔔洋葱湯，配搭簡直係＂騎呢＂，一般都唔會用香腸粒粒嚟整西湯，羊就比較諗同冇＂蘇＂味，豬扒只係一般。朋友個牛扒落單時已經話係5成熟，嚟到10成熟，全熟牛扒唔會好食得去邊啦！最後個餐跟普通甜品，賣相似20年前嘅忌廉蛋糕，見到都唔想食，跟餐嘅飲品叫咗檸樂，但係可樂係冇汽，只係糖水加檸檬一杯。總括我唔會再幫襯，食物份量、質數，價錢、服務都唔值。

小的一向都甚喜歡在同一個品牌的餐廳吃飯,不過POP CORN呢間整體來說都只算得上一般,就以小的至愛加哩牛肉旦包飯而言,相比其他分店都比較又淡又乾,旦包飯內的加哩汁唔多夠,攪到個飯色香味都差了點點,又講下另一個鮮蝦意大利飯,這個飯我在此店吃過兩次,也在另一間分店吃過,SIZE明顯比其他分店較細,食完都好似冇乜食過咁(兩次都係咁) 味道就尚算可以,至少不似頭先講果個旦包飯咁同其他分店差咁遠,感覺好似個廚房功夫未到家...再者,說實在的,該餐廳一向是走較高級的路線,作為消費者都會看看裝潢,這方面而言,此分店真是好一般(相比同集團的分店),昨晚吃飯時,職員更把用完的紙皮箱隨意放在一旁.....似極茶餐廳 ,若是在茶餐廳開餐,個人覺得冇乜問題,不過呢間唔係...

要等15張飛，中途有很多人已放棄，所以20分鐘後就有位。菜牌上的牛扒樣子差不多，要吃一大塊我亦受不了，最後我和焯焯分別選了2個set dinner的鐵板牛扒和雞扒拼羊扒，康康要紐西蘭鐵板牛扒。2份牛扒齊到，2位侍應替我們張牛扒在鐵板上反來反去，我說吃7至8成熟，最後牛扒還是過熟，雖然侍應將已煎好的牛扒放在菜蔬上，但薄牛扒很快已成9成熟。相比set dinner的扒，新紐西蘭牛扒較厚身，因肥膏較多，入口有牛脂香和汁多。跟隨扒有珍珠飯和麵豉湯，湯內有爽口的海帶，裝鐵板的木盤有4小碟醬汁，但我們慣常喜歡下即磨黑椒碎。焯焯說他的雞羊扒不甚好味又不熱，海鮮湯亦不熱，不值$138。Set dinner有甜品和飲品。甜品是美味的荔枝mousse蛋糕，樣子漂亮，如果甜度減輕更好。這餐似乎是貴些，員工服務就值讚，門口員工先問人客有沒有及多少位小朋友，她會安排好小朋友的座位才帶他們入內坐。我們結賬張單是$576.4，簽單後才醒悟為什麼那麼貴，2個set dinner分別是$138和$148再加一個紐西蘭牛扒$148，加一後合共是$477.4，於是對結賬的侍應反應，他check單後說那份是美國300克的牛扒

抱着試試看心情叫了份西冷鐵板扒晚餐, 果然非常失望.超小型珍珠米飯無飯味, 自己買包御X皇米煲重好過佢牛扒食出有鬆肉粉味, 好茶餐廳扒餐 feel牛扒跟三款汁, 橙色燒汁只有顏色, 味道欠缺蔬菜芽菜超少, 乾到好似脫水菜咁, 毫無鮮味 miso soup 好台灣口味, 暖暖的甜品超少型黑糖蛋糕, 似飛機餐甜品好啦, 咖啡可以啦啩, 好淡好淡算啦, 百幾元個 dinner, 當買個教訓, 回家自己煮好過