Pizzaholic (已結業)

之前聽同事講話呢間 Pizzaholic 的批底好正, 佢地已經吃過兩次了, 兩次都話好掂, 昨晚終於忍唔住去買一個 pizza 回家和老公吃, 呢間店個店面裝修頗光鮮"骨子" 的, d 員工都好 young, 好 nice. 我只叫了一個 9" 烤雞 pizza, 材料十足, 有烤雞粒, 菠蘿, 薯蓉, 蘑菇, 粟米, 燈籠椒等. 再舖滿香濃的芝士和燒烤醬, 一個字 "掂". 最抵讚的, 係個批底真的好脆口, 以前食 pizza 通常都只顧有咩材料, 現在才知道原來批底都可以令人咁難忘呢!另外, 原來他們也有少量座位堂食的, 下次可以索性直接在那裡吃, 消費滿$50 仲有一支澳洲的果汁送呢!

今晚同女朋友去咗官塘搵食~去咗一個我覺得都幾隔攝嘅商埸--東廣場，入去行咗個圈都有幾多嘢食，最後我地揀咗哩間Pizza舖。見佢地個餐牌同Pizzahut都好唔同，最後我地叫咗 Cheese & Salami pizza 薄批, 豬仔骨，smoked salmon caesar salad 同 pepperoni 意粉！最驚喜係個pizza！啲芝士好香，個餅底好脆！我GF就覺得個豬仔骨好食，不過我就覺得燶啲就更加好食！意粉同個沙律就正正常常~呀！差啲唔記得個蘑菇湯，個湯好飲，可能我鍾意飲cream soup啦!

某日lunch和同事想試試這間新開的pizza, 開心地order左個6人餐C餐, $270一黎到先打開3個小食盒, 一睇真係火都黎埋!!! 6個人餐既小食, 一盒得4隻小得過份既雞翼, 另一盒雜菜仲過份, 份量得1/4盒, 個樣好似食剩唔要咁!忍唔住打電話比間野問佢點解個雜菜可以得1/4盒, 佢話係咁架喎個份量 另外一個焗薯叫全個餐最好味最正常餐湯 - 不過不失, 普通PIZZA - 個餅底好林, 好似林左既麵包咁, 總之個味好怪, 唔好食全部同事都勁唔滿意, 好難得食PIZZA係搞到咁不歡而散, 又唔係平 希望呢間店會檢討一下個份量同賣相, 因為東廣場有幾間野都幾好食, 佢地咁樣好難生存下去.

店舖位於觀塘廣場隔離的新商場，東廣場。年初二在觀塘行完街，入到東廣場，大部門商店都冇開門，見到有間pizza店，就入去試下。叫了一件pizza，餅底店方話係自己研製，又的確冇某些店咁實同硬。即炸薯角熱辣辣就當然好食蒜蓉包最有驚喜，夠香夠脆下次試埋意粉先由於新年，商場好多店冇開，所以人流唔多。收銀的靚女同靚仔廚師都有同我地傾兩句，好nice