PizzaExpress (青衣城2)

香烤芝士椰菜花 芝士比較少 椰菜花乾實冇香味/意式茄醬焗肉丸 醬汁偏酸 肉丸無肉味/來自香港的星洲米薄餅 有齊星洲米啲味 比較少醬汁乾身/非正宗海南雞薄餅 芫荽香 海南雞冇雞味 比較少醬汁乾身/( ̀⌄ ́)經典Pizza嘅配搭配好啲 有醬有芝士 配搭較乾身嘅餅底 整體會好食過fusion嘅Pizza蘑菇燴長通粉 蘑菇同長通粉味道分離 長通粉冇蘑菇味冇口感/鑊氣沙爹牛意 靈鑊氣 零沙嗲味 意粉沒有口感 牛肉香嫩 整體感覺糊口/焗麵包球配朱古力榛子醬 重麵粉味/西Dough士配牛油 同食麵包差唔多 西多士本人好食啲…查看更多

那天想吃pizza，所以選擇了這家餐廳。我們點了dinner set，包括前菜、主菜和飲料。我們點了burrata cheese 沙律，味道相當不錯，有濃郁的奶香，幾好食。接著，我們品嚐了烤鴨pizza ，味道非常好，醬汁也很出色。最後，蛤蜊意大利麵同樣美味，蒜香都幾好食。服務人員非常周到。當他們注意到pizza已經在桌上放了一段時間，可能變冷了，他們主動幫忙加熱。服務好細心。整體而言，這家餐廳的食物和服務都讓人滿意，我們一定會再來光顧！…查看更多

剛剛點了外賣zucchini lasagna,份量少得非常震撼！但係份量少到，黃瓜得薄薄兩三片，lasagna厚度唔夠1cm... 食過咁多義大利餐廳（貴價），得哩間咁搵笨，有D餐廳140食到傻，哩份餐點重薄過a4紙，直頭係2維度既物品，第三個維度厚度完全無，真係唔知食咩黃瓜又得幾舊都係a4紙厚度，完全係搵笨，食過唔會再試...雖然外賣136折左差唔多118，但係哩個份量真係震撼到，生平未試過食A4紙厚度既食物，完全食唔到lasagna同黃瓜，直頭係稀飯咁。味道公道黎講算ok，但係遠無100+既水平。試過一次唔會再試，希望貴公司改善下餐點既份量，話就話fancy food但係都係太離譜....…查看更多

成班中學friend約咗星期六晚喺PizzaExpress聚舊，店舖喺商場入面，地方夠大，坐得唔迫，啱晒講大聲啲都唔怕。叫咗幾款薄餅同意粉分享，最中意係Smoked Salmon Pizza，塊底薄脆得嚟唔會硬，三文魚片夠新鮮，個醬仲有少少檸檬味，幾清新！Carbonara Pasta都幾有驚喜，唔會太creamy，好易入口😋。有啲朋友飲酒，叫咗杯白酒配pizza，話幾夾🍷。成餐大家講到唔停，好耐冇咁開心過！店員都幾nice，有禮貌又唔會趕人走，俾我哋坐足兩個幾鐘都冇問題。價錢方面唔算平，但人多share就ok。成晚氣氛一流，好地方嚟個friend gathering🍕👯‍♀️！…查看更多

同三五知己想搵個地方食晚飯又可以慢慢傾偈，最後揀咗PizzaExpress。成間餐廳空間感十足，枱與枱之間唔會太迫，坐得舒服🪑。我哋叫咗薄餅二人set，加多款意粉大家share。薄餅出品超水準，餅底香脆唔油，邊位仲有焦香位🍕，配料足夠，茄醬酸甜好開胃。意粉就揀咗Carbonara，奶香味足夠又唔會太漏，炒得啱啱好，食落唔會膩😋。飲品方面有mocktail、茶、啤酒選擇，夠晒多樣性。值得一提係服務員態度好好，有問必答，又會主動幫手影相📷，幾貼心～最後買單分帳都唔麻煩，每人二百左右，算合理。成晚都坐得舒服又食得飽，朋友們都話下次可以再嚟～好適合同朋友慢慢傾偈聚會！✨…查看更多

PizzaExpress 意大利薄餅店 , 由1965年開始, 手工 pizza 選用新鮮食材即點即制 , 深受客人愛戴 ， 已經屹立60年了。青衣城分店 , 佈置簡約舒適， 用餐時， 透過落地大玻璃 , 享用美食之餘， 仲可以欣賞到藍天白雲 , 及藍巴勒漂亮海景， 十分寫意 , 讓人食指大動。60週年二人套餐 $416意式茄醬焗肉丸肉丸鮮味軟嫩， 充滿肉汁， 酸酸甜甜的濃郁番茄醬汁，讓人一口接一口，品嚐到意大利的家常風味。蒜香蜆肉扁意粉意粉煙韌韌順滑，蜆肉挺身鮮美，蒜香撲鼻而來， 每一條意粉掛上誘人的蒜香 ， 惹味十足。雞肉菠菜青醬 Pizza即叫即制的手工 pizza , 香氣十足 , 餅底上面鋪滿了嫩滑的雞肉和新鮮菠菜， 入口香脆之餘 , 滿滿青醬的清新味道，融化後奶酪， 令到披薩既健康又美味，口感好豐富。雪糕兩杯雲呢拿及比利時朱古力雲呢拿雪糕滑溜香甜，口感細膩，淡淡的奶香， 比利時朱古力雪糕 , 濃郁醇厚，令人喜歡。熱情果味氣泡茶60週年特色罐裝飲品 , 熱情果味氣泡茶, 啖啖熱情果的天然酸甜， 口感清新，氣泡還增添了飲用的樂趣，將英式品茶文化融入地道香港風 , 十分爽。黃金焦糖麵包球金剛閃閃60週年特製黃金焦糖麵包球 , 外層金黃酥脆，內裡柔軟，淋上香甜的焦糖，吃上一口後， 便不能停下來。📣溫馨提示： 為了慶祝餐廳60週年 , 最近做緊不同日子有不同著數優惠，記得向店員查詢 !…查看更多

三人行，去青衣城第二期 3樓。四個餐三個人食， 先嚟一個 南瓜湯 ，幾好飲唔錯，不過 都係比較細 碗 ，如果能夠再大些，湯也濃啲就會更好。小麵包伴有青汁做頭盤， 另外一個小沙律 ，兩份口感都唔錯。四色芝士 薄餅今次就普普通通， 麵包嘅口感冇上一次咁好食。另外一個 蕃茄蝦薄餅就幾好，薄薄地但係幾有蝦味， 而且都有少少 juicy更餐兩杯紅酒，雖然係普通 house wine但係味覺都算 ok 㗎長通粉就差啲，因為擺得唔均勻，有啲焗得好硬。 …查看更多

勁鍾意食Pizzaexpress嘅北京烤鴨薄餅，除咗烤鴨薄餅佢哋成日有新搞作😋 From Dough to Doughlicious可以食到到底麵團有幾好食👍🏻超級推介香辣蜜糖麵包球，超出色！而家非酒精飲品第二杯仲有半價，咁就抵好多。香辣蜜糖麵包球熱辣辣嘅鬆軟麵包球，上面鋪上芝士薄片，側邊有香辣蜜糖醬汁，冇諗過會咁好食！蜜糖有種獨特香味唔係死甜，麵包舖嘅火候剛剛好，外脆內軟，有蜜糖嘅甜味同芝士鹹香超好食！雙重美國薄餅美國薄餅入邊有超多辣肉腸😍😍😍啱我呢啲鍾意食肉嘅人，一拎上嚟熱辣辣已經好香好想食，拎上手嘅時候仲係燙香烤雞翼每一隻都烤到皮脆😃😃側邊附有芥末醬，蘸上少許芥末醬令雞翼味道更香。朱古力心太軟熱辣辣嘅心太軟上面放咗一球雲呢拿雪糕，一整村個心太軟朱古力流晒出嚟，好成功😍勁flow，側邊有少少果味糖漿，唔使落都好好食。石榴檸檬特飲平時比較少見石榴飲品，一於試吓先，本身飲品唔算太甜，配上梳打，整體感覺唔錯好清新。PizzaExpress (青衣城2) (青衣)青衣青敬路31-33號青衣城2 3樓325號舖…查看更多

開學前相聚，一行4人…三大一小，所以叫了個4人套餐😋好夠食好飽。我哋每人還+18元無限添飲檸檬茶，當我哋提了一次係無限飲後，侍應很主動添加抵讚👍🏻不過亦有不足的是以下包包配醬汁太好食了，食完後刻意留下醬汁，有個女侍應不厭其煩問了我2次要否，後來到第三次已經冇問直接收走了😒並且連個肉醬芝士茄子還凈下很多肉醬都一拼收走，根本都未食完不知為何咁急做什麼，感覺真的很不爽😠整體這個晩餐不錯，很好吃可惜有點貴，不能常來🤪…查看更多

放假日再次帶爸媽四處走走吃吃🌟媽媽說想吃意粉🤔那今天就來到青衣城的披薩店🤣雖然是主打披薩，但其意粉和其他餐點水準都很不錯♥️見到餐牌好似換新了～看到幾款新口味pizza🌟決定選一款吃看看😍蒜香味香濃，蝦肉爽口新鮮♥️披薩薄脆但不失麵食的口感🌟麵粉味也香香的，好喜歡🔥香香辣辣的蕃茄醬配海鮮真的很搭♥️蝦、蜆肉、八爪魚用料也很足🌟全都新鮮又好吃♥️沙律用料豐富，其中的煙肉不是普通款，而是用了意式的風乾豬面肉🔥風味濃郁♥️小食選了意式肉丸，酸酸甜甜的開胃好吃♥️…查看更多

這間人氣連鎖薄餅店其中一間分店位於青衣城二期，主打即點即製的手工薄餅及西式料理。店內環境寬敞舒適，裝潢以陸歐式為主，開放式廚房能欣賞到食物製作過程。意式肉迷薄餅 - $182源自1965年的傳統意大利餅底，由薄餅師傅現場即製。厚度適中的薄餅帶有飽腹感，邊緣極香脆，愈接近中央愈濕潤柔軟；薄餅底塗滿輕怡的雅枝竹醬，又有半溶化的塔雷吉歐芝士富奶香，黏著油香的意式風乾豬面肉、鬆軟多汁的豬肉丸及香脆的合桃，還有青蔥、鼠尾草及羅勒等調味，充滿異國風情。番茄海鮮扁意粉 - $168煙韌彈牙的扁意粉份量十足，掛滿濃稠的香辣番茄醬，還帶點蒜蓉香；不少爽滑彈牙的蝦肉、鮮甜無渣的蜆肉及煙韌彈牙的八爪魚片，多汁的車厘茄更添清新。意式茄醬焗肉丸 - $72五粒爽滑細膩的烤焗豬肉丸，保留豬肉的天然香氣，彈牙又多汁，鋪滿意式蒜香草辣番茄醬，酸甜帶辣很開胃。烤焗雞翼 - $88六隻雞中翼肥美飽滿，咬開雪白的雞肉嫩滑多汁，蘸上蜜糖芥末醬，香甜而不辣更惹味。凍檸檬茶 - $42每日新鮮沖泡的茶底，清新柔和的錫蘭紅茶好香醇，滋味濃郁飽滿，伴隨酸酸甜甜的檸檬清香，更可以無限添飲。…查看更多

星期日大約12點黎到青衣城2期，人流唔多，可能時間仲早，餐廳都係得一兩枱客。同行帶住個歲半bb，見餐廳有提供木既bb 凳，又好耐冇食pizza express，又懶行返去1期，就決定入去坐低。但睇到menu 就驚覺物價騰貴，定太耐冇食pizza express，唔知佢貴左咁多。因為以前印象食pizza express，$100左右已經食到小食+主菜+飲品既套餐，仲要檸檬茶任飲。但而家既2人餐已經要$388，仲要得1小食+2主菜+飲品。任飲檸檬茶都要加$18。叫左個2人餐小食：蒜蓉包（2件）主食：瑪嘉麗塔皇后薄餅 + 燉牛頰肉配北非小米 (+$38)飲品：可樂蒜蓉包大塊香脆新鮮焗起，應該係用咗蒜油去焗，因為都唔多覺有蒜粒。Margherita pizza 好失望，可能口味關係，覺得basil 得一片，就咁放面做裝飾就完全唔香，最少都放多幾片😥定咁樣先係正宗？但薄餅本體都係熱辣辣，脆口。+$38既couscous 有驚喜其實係第一次食小米，口感上都有d 似椰菜花飯。燉牛頰肉淋滑，有少少肥肉連住都幾香。唔使加錢既飲品就只係得可樂，欣賞佢係玻璃樽版本，再有冰底，但個250ml 就未免少左d，倒落杯連冰都倒唔滿。因為揀既野食有pizza 又有包，滿滿既殿粉充足都好飽肚，亦食唔哂。兩個人埋單都$468，呢個價錢都食到隔離1期個間西餐semi buffet 有突了🤫環境係開揚，落地玻璃採光夠，親子友善都係佢既賣點，但再訪既機會唔高。點零鐘離開既時候餐廳都滿座了。另外一事，帶上小朋友用餐既尷尬，除左佢地有機會坐唔定或者製造嘈音外，就係會食到餐廳地方都污糟，我家小孩冇前面既問題，但就的確食自帶食物令到地下都跌滿食物。餐廳有位似經理級既男士，不下4-5次來回係我小朋友座位後面行黎行去，眼晴直望跌落食物既地下，感覺唔良好。走既時候我有將抺枱既垃圾同小朋友製造既垃圾用一個自帶小膠袋入住，都同左餐廳一位職員道歉整到地方污糟左，希望整到地下有食物碎唔到帶到太大麻煩俾該經理。餐廳送俾小朋友既貼紙遊戲…查看更多

今日妹妹要求要食pizza即刻去青衣城嘅Pizza Express 好好彩唔使等太耐位1家5口叫咗一個焗麵包球一份焗蘑菇一份焗雞翼肉醬千層麵仲有菠蘿夏威夷pizza好豐富麵包球好香口焗蘑菇配香草，夠晒好味全部清晒…查看更多

有時放假冇嘢做就諗住去青衣睇吓戲，咁就順便去附近搵嘢食，咁依間餐廳的其他分店我都有食過，但我覺得不同地方的分店會有少少分別🤔️而青衣這間我就未試過，所以就隨路試吓二人套餐 $388 （包括一款意式小食+兩款主菜+兩杯野飲）蒜蓉包 （2件） 推薦指數🗯️：🌟🌟🌟🌟雖然不是我們平時吃的那種乾身的，但是這種蒜蓉軟包食落又別有一番風味，雖然外觀上不太吸引，但是它的包身會有少少煙靭，需要多咀嚼，而家好且包身吸晒蒜油的味道，所以每一啖都食到很濃的蒜蓉味卡邦尼忌廉意粉 推薦指數🗯️：🌟🌟🌟🌟大人小朋友都會鐘意食的一道意粉；食的時候每一啖都食到芝士和煙肉，還有意粉一定掛滿滿的醬，不過一個人全部食晒就會比較滯少少，適合跟人一齊分享四式芝士薄餅 推薦指數🗯️：🌟🌟🌟唔好以為二人套餐的薄餅不會太多😂他們的薄餅大到如果真係得兩個人食其實會食唔晒，而且他們給的芝士彷彿不用錢般，滿滿的芝士🤤雖然只有芝士食落沒有肉的那麼滿足，而且蕃茄醬太多，不是太食到芝士味，不過整體嚟講都不錯蒜香新豬肉長通粉 $118 推薦指數🗯️：🌟🌟🌟🌟他們這個新豬肉長通粉，係少有我會食的新豬肉，感覺質感真係好似真肉，而且又冇咁膩，另外食落辣辣哋，幾惹味，未試過的可以一試以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。…查看更多

今晚約左朋友在家聚聚，想食好啲又特別的，朋友們提議了pizza express 🤭 「番茄海鮮意粉」濃厚蕃茄口味，重要的是海鮮以大蝦為主，正呀！岩我口味🥰「蜜糖雞翼」無得頂雞翼，蜜糖味而且會另加上秘製茄醬，我自己食了4隻😂🤣「青瓜大蝦薄餅」是清淡口味，重點是羊奶芝士在底部，軟棉棉口感，而且配上青瓜🥒好fresh感👍🏻「Sanpellegrino Sparkling」是有淡淡的果味氣水，我揀了檸檬味，可令更開胃☺️「Peroni 0.0% 無酒精啤酒 」我第一次飲到的啤酒是沒有酒精🤭 但仍有啤酒的味道喔🍻備註：🔺意大利風味套餐，會送啤酒🍻抵！🔺特別地有無酒精啤酒😂🤣🔺主打意大利風味，唔少得是“羊奶芝士 “ 軟棉棉口感🤗…查看更多