Pizza Piazza

營業中

休息中

平時搭車經過荔枝角見到有一間好鮮藍色嘅西餐廳 一直都好想試吓今日星期六就特登出去食啦我餐廳大概有10幾張枱枱上面都跟左一set調味料同水主要係食pizza意粉同埋扒類最抵食嘅就係有set 會跟餐湯同埋飲品最平唔使$100就食到九吋嘅Pizza啦而我就俾佢嘅粗意粉所吸引喇我叫咗黑松露大蝦超粗意粉配上洋蔥湯同熱嘅美式咖啡 另外加錢要左甜品自家製香蕉拖肥批洋蔥湯足料：有好多洋蔥同有少量嘅菇味道就好濃厚嘅，唔會話好稀咁而且一啲都唔會膩 好啱之後食pizza/pasta黑松露大蝦超粗意粉意粉跟咗塊蒜蓉薄餅 可以過一過食pizza嘅口癮，餅底薄，有少少煙韌嘅感覺，食落淡淡蒜蓉味意粉有四隻大蝦，大蝦夠新鮮爽口黑松露醬連埋意粉一齊炒 唔會話食到漿住過口而每一啖意粉都掛晒黑松露汁我比較鍾意食呢類型嘅炒意粉多個俾啲醬汁漿住熱美式咖啡跟嘅係奶泡，非常用心咖啡豆都好香好濃一上枱連相都未影就俾我偷飲左香蕉拖肥批 香蕉係鋪起批面嘅面，面層再有忌廉冚住，初時以為會好甜好膩但食落又唔係喎，忌廉同個批好夾香蕉味亦都好濃郁估唔到荔枝角都有咁高質性價比高嘅西餐廳一個full course 嘅西餐可以為一日叉足電

今日出開附近嘅party Room玩，就睇睇附近有咩西餐廳，搵到呢一間喺香港工業中心對面工廈嘅小店。小店裝修簡約，座位與座位之間有一定空位，都坐得幾舒服。我見星期六下晝都有啲情侶同埋一家大細嚟幫襯。餐廳假日都有套餐， $78就有湯、主菜、飲品，仲可以加$28追加小食添。我叫咗千層麵餐、追加左蒜香芝士雞翼，同叫咗杯熱Cappucino。首先嚟咗一杯跟餐熱湯，係洋蔥黑椒湯，凍冰冰飲呢碗湯都幾暖胃。跟住就嚟咗雞翼，雞翼好香芝士味，表面炸得香脆，就算擺左陣，個皮都係脆✨千層麵亦都比我想像中好，面質地係滑，肉醬夠味，加埋伴碟嘅蕃茄醬，唔會太乾。咖啡就中規中矩。我覺得呢間小店非常之適合行完D2 Place/ 香工，過嚟Hea下✨假日黎食 性價表更高！

成日經過巴士站都見到呢間Pizza店啲野食好吸引，今日lunch 想同朋友放鬆一下，食下好西，作為大家辛苦工作左一個星期嘅獎勵🥰佢哋有Lunch Sets, Pizza Sets 同 A le Carte menus~其實好想試Pizza, 但我哋兩個女仔平時都唔係太食得多，佢個Pizza係9寸size，我哋驚食唔晒，所以今次就冇叫到，下次搵多個fd嚟一定要試下我哋order左蟹肉鮮菇意大利飯同慢煮西班牙黑毛豬肋骨兩個sets🐷🦀😋餐湯係洋蔥磨菇湯～好香嘅牛油，洋蔥同磨菇味🧈🧅🍄🥣蟹肉鮮菇意大利飯~好香嘅白汁味，意大利飯煮到軟硬適中，每粒飯粒都比白汁包圍住，每一啖都食到好香嘅磨菇片同一絲絲好鮮甜蟹肉🦀😋😋好足料🥰🥰慢煮西班牙黑毛豬肋骨🐖配上沙律菜同薯條🥗🍟沙律菜個dressing 係honey mustard 味，好少見但又好夾好開胃😋薯條係幼長嗰隻，炸到好脆，攤耐左食都仲係好脆😋😋主菜豬肋骨慢煮到連黏住骨嗰塊膜都好易食到，豬肉好稔，配上燒烤醬，酸酸哋，微微辣，都幾開胃，唔會覺得膩😋 飲品order左格雷伯爵茶同日本靜岡烤姜焙茶～Earl Grey好香，焙茶薑茶飲落香好薑味，好暖胃，焙

之前已經嚟過呢間餐廳食過幾次，但係今次好似又再好食咗😆🔖黑松露煙肉薄餅💰178呢個Pizza係12吋，一共有8塊🍕一上枱已經聞到香噴噴嘅黑松露味🤤而呢種Pizza係屬於比較薄脆嗰一種，所以就算食晒都唔會覺得話好飽或者好滯😌除咗有黑松露之外，仲有脆脆嘅煙肉🥓同菇🍄味道相當唔錯啊😣💫推薦指數: 8/10🔖蒜香巴馬臣芝士雞翼💰78雞翼一共有8隻，以一個小食嘅份量嚟講真係幾多，夠晒抵食🤩鍾意食雞翼嘅你一定要嗌，因為佢哋嘅雞翼係即叫即炸，上枱嘅時候熱辣辣，脆卜卜💯蒜香味好重，再加上芝士🧀好食到停唔到啊！💫推薦指數: 9/10🔖自家造意大利芝士蛋糕💰48呢到嘅Tiramisu同出邊食到嘅有啲唔同，因為底層會有層餅碎，好似平時食到嘅芝士蛋糕咁樣㗎！整體來講質感都算軟滑，而且唔會好甜🤗💫推薦指數: 7.5/10

去開荔枝角D2 Two行街，梗係去隔離嘅億利搵吓有冇好嘢食啦，之前搭巴士嘅時候都見到佢哋有好多唔同嘅餐廳，見到有間Pizza店，見價錢唔貴於是就入去食啦！環境上係舒服嘅而且都係好乾淨，燈光係好充足嘅，座位都係坐得舒服，一入座店員就會比一大樽水，店員都十分友善。食物方面就真係見佢哋都係專注做Pizza同埋一啲意粉類嘅嘢食，見隔離枱除咗嗌Pizza之外，都有嗌佢哋嘅手工意粉，得一個人食嘅我都諗咗一陣應該揀Pizza定係食意粉好。不過嚟得Pizza店點都應該食Pizza啦，所以就喺度揀應該食乜嘢味道。月頭出糧一於對自己好啲就係最貴嘅Pizza食，不過有兩款味都好想食，見到佢可以半個批半個批都唔同味道所以就揀咗蟹肉大蝦同埋黑松露煙肉。餐具方面店員一知道你係食Pizza之後，就會拎相應嘅餐具俾你，把刀十分之鋒利，係絕對切得開Pizza的。 大概等咗15分鐘之後就上枱啦，見到個批嘅不規則形狀就知道真係人手搓出嚟。一上枱嗰種Pizza嘅香味就撲入個鼻入邊！見黑松露都係比較重口味嘅食物所以就食咗蟹肉大蝦嗰個先，見到有蟹有蝦之外，都有洋蔥，芝士仲識得拉絲。蟹肉相對上就冇咁食得出，但都係有蟹肉嘅質感，蝦就

西式小店💜 餐廳係荔枝角站附近，5分鐘之內就可以行到過去Lunch set 價錢好親民，around $100內有找!小店座位舒適，而且有唔少位，岩曬同朋友gathering 一齊過黎食～我叫左個pizza lunch set會有一個湯+ main + drink~呢個pizza 口味特別d，所以價錢就相對貴少少， ($88+28)Parma 風乾火腿Pizza🍕支持一下小店， Pizza份量其實都算大，兩個人食啱啱好😉皮都叫薄，切開左八塊之後2個人食都覺得好夠岩岩好！🤤佢塊皮有D 脆口，加埋Param Ham 、Basil 食好有層次，口味岩岩好。冇油膩感

餐廳鄰近荔枝角站，行過去都係5分鐘之內。🚶🏻‍♀️🚶🏻‍♀️價格都比較親民，多數$100內有找～主要都係食Pizza同埋意粉。🍕🍕🍝座位都唔會太迫～環境ok~今日得我自己一個食，我就唔叫咁多喇😛黑松露大蝦MANCIN超粗意粉🍝🍝🦐🦐可能好多人會都怕黑松露既味，但呢間嘅黑松露味道會比起出面淡少少，唔會食到大家怕既「氣油」味😂。啲蝦都幾彈牙爽口，唔錯唔錯☺️青檸荔枝梳打🍋🍋味道正正常常

The prices are reasonable, quantity is good. Food quality is okay. not the best western food, but definitely better and value for money as compared to those chainstores. Service is great! The staffs are courteous, responsive, knowledgeable and friendly.The place is clean, decor-wise nothing to shout about.For the prices we were paying, I think the owner is doing a great job.

雖然知荔枝角工廈都有唔少美食，不過喺懶得搵嘅情況咁啱見到大馬路側邊有間西式餐廳，而且餐牌都有唔少選擇，吸引左我幫襯。估唔到嘅係假日嚟到都仲有lunch set提供，飯意粉同pizza都有，而且覺得西餐嚟講價錢都唔算貴，包埋餐湯大概$7-80。部分餐點可能要再額外加錢，今次我揀左個食意粉-意大利煙肉條Mancini超粗意粉($78)。餐湯係洋蔥湯，味道正常而且食到一絲絲嘅洋蔥。主菜意粉嚟到嘅時候聞到芝士嘅味道好香，隔離仲附有麵包條，成個意粉睇落觀感唔錯。佢嘅煙肉係粗條形，加上意粉有返咁上下粗度，食落口感十足，個人幾中意依個texture。而有啲出乎意料嘅係佢番茄醬屬於偏酸，食落覺得幾fresh同埋酸酸地又幾開胃，同平時食開嗰啲唔太一樣，但覺得都幾好食。另外值得一讚嘅係佢啲蒜蓉麵包條，食落蒜香味十足，會令人食上癮，如果有多啲人一齊食嘅話應該會直頭加錢叫依款小食。飲品方面揀左伯爵茶，估唔到係成壺上，可以自己慢慢倒，而且分量唔少仲可以倒到2-3杯。整體嚟講，覺得幾抵食而且食物質素都好好，下次有機會都想一班人嚟試埋佢個pizza。

星期六日及公眾假期都可以嗌到午市套餐$78-$88🫶午市套餐包括湯、主菜同飲品一杯9" Pizza套餐$88包括湯同飲品一杯套餐都可以+$28可以追加小食一碟-💟午市套餐$78🍝意大利煙肉條配Mancini超粗意粉份量大大碟，超粗意粉條條都入晒蕃茄味🫖☕伯爵茶用茶壺上成件事有驚喜，真係好少見而且伯爵茶好香好濃，一整壺岩岩好夠一餐飯飲呀🍗水牛城雞翼4隻雞翼肉質好嫩，水牛城辣道適中，岩晒只食到小小辣既人呀💟9" Pizza套餐$88🍕夏威夷風情Pizza餅底薄而脆，加上菠蘿夠晒juicy一定要至少2個人share先食得晒呀🍟卡津味薯條配藍芝士醬薯條係我最鐘意食既幼身薯條，外脆內軟加埋藍芝士醬好夾既配搭🕴️依到既職員都好nice上菜速度又快，仲會有親切既笑容成餐飯既感覺好良好好舒服呀會再幫襯📍Pizza Piazza🔎荔枝角長沙灣道883號億利工業中心地下1A舖

荔枝角工廈附近挺出名嘅pizza 小店，舖位對住大馬路，唔熟悉呢邊嘅人未必會留意到呢間餐廳🍴店內嘅裝修亦都好簡單。我地叫左二人晚餐$298 ，有1款頭盤、2款主菜、2杯飲品. 份量多，幾抵食，食落有種家庭式嘅味道.🔸頭盤-堅水牛城雞翼 雞翼有8隻咁多！外脆內嫰，醬汁幾開胃，唔辣嘅。🔸是日餐湯 第一次食西餐飲呢款洋蔥湯，洋蔥非常之軟身，略嫌黑椒味偏重，愈飲愈辣。🔸主菜1 - 手工薄餅「夏威夷風情」🍕出奇地薄餅唔係迷你size😳一人分到4件，好彩佢係薄脆餅底無咁容易飽肚，配意大利巴馬火腿、波羅、芝士、茄汁，口味最經典。🔸主菜2-肉醬千層麵大量肉醬同麵皮一層一層疊起，層次分明，配搭蕃茄醬味道香濃。🔸加錢$18要士多啤梨鮮奶奶味重亦飲到淡淡士多啤梨味。

最近在荔枝角附近工作 偶爾有朋友介紹這一區有手工pizza就去試一試餐廳環境闊落坐得好舒服見到有pizza lunch set $88(+$28)就叫左 全肉樂園 Meat Paradise set 連湯同汽水 再加左個$28 卡津味薯條配藍芝士醬洋蔥磨菇湯先上既湯係洋蔥磨菇湯 無加忌廉既磨菇湯更加突出濃郁既磨菇味道 好香好開胃卡津味薯條配藍芝士醬之後係卡津味薯條配藍芝士醬 薯條本身外脆內軟 配埋有獨特香味既藍芝士真係食到停唔到手Meat Paradise pizza而今日既主菜就係Meat Paradise pizza 本來擔心唔夠我食 但大家見到相就知有幾大個 餅底微脆 切成八塊既pizza每塊都啖啖肉依到既pizza款式十分多而且風味地道 絕對唔係平時連鎖店所食得到睇住隔離枱點既其他pizza 我已經預備好下次再去幫襯

由於喺荔枝角番工，呢間都已經食過幾次，不過對上一次食已經年幾前，果陣仲有burger食，都幾食，宜家餐牌已經冇burger可以選擇。最近lunch同同事食飯，嗌左兩個pizza餐，發現有少少不如前。洋蔥湯：個湯好稀，微微嘅洋蔥味，更重嘅係黑椒胡椒味。紅魔鬼pizza：佢哋pizza嘅餅底比較厚，亦整得比較濕，口感係又腍又厚，唔煙韌，唔理想；辣肉腸都ok唔會太咸太硬夏威夷pizza：佢濕濕哋嘅餅底加上菠蘿，更juicy，但唔係理想嘅狀態。煙肉唔太薄，有咬口嘅。牛油雞翼做得比較好少少，好香牛油味，外面好脆，入面都有少少肉汁！

🇭🇰荔枝角午餐超抵食pizza🕛1200-1600 有午餐套餐好抵食～🔴Lunch set (Soup + Main + Drink) $78🥣洋蔥湯夠晒濃味嘅洋蔥湯，足料夠多洋蔥又有冬菇調味，濃得嚟又好夠香味，加埋黑椒配搭，味道更惹味！🍝肉醬千層麵一磚嘅千層麵，餡料同麵都分配得剛剛好，食落去唔會因為千層麵太多好似糊狀咁，每層嘅肉醬都多到一夾就跌出嚟咁，肉醬加埋蕃茄醬味道更鮮更好味，每一啖都夠晒層次分明，一定要撈滿個番茄肉醬再食大大啖！🥤可樂🟠Pizza set (Soup + Pizza + Drink) $88🍕紅魔鬼辣肉腸Pizza，辣度剛剛好大約小辣嘅程度，佢用薄批令到口感更加鬆軟，批邊做到脆口，食落去滿佈住辣肉腸好有滿足感，同埋茄汁底同辣肉腸真係好配合，鬆軟嘅口感加上酸酸辣辣嘅入口，真係會一件一件食唔停口！🥤凍檸檬茶Pizza Piazza (荔枝角)荔枝角長沙灣道883號億利工業中心地下1A舖

星期三打算去荔枝角Aeon 掃平野，所以早少少去長沙灣呢邊啲工廈食lunch,經過呢間Pizza Piazza, 就俾佢價錢吸引左唔使80蚊可以有湯，有main,有飲品,所以即管一試洋蔥餐湯燒大蝦凱撒沙律🥗估唔到份量都唔少，啲蝦好大隻，輕輕燒過先上碟，所以好有風味。另外，啲沙律菜都好新鮮 ，加埋啲汁好開胃，唔覺唔覺我就食到清左碟”堅”水牛城雞翼我本身對水牛城雞翼情有獨鍾，見到叫set可以用28蚊加配，所以都叫左份試下。雞翼煮得剛剛好，唔會overcook, 咬落去好嫩口，辣味適中，啱曬我呢啲食到小小辣既人青檸荔枝梳打由於天氣太熱，所以都係加錢叫左特色飲品，荔枝配青檸感覺好fresh, 正好中和番食左雞翼既膩值得一讚係餐廳員工態度非常好，隔住口罩都feel到佢地笑緊下次再過黎長沙灣要再encore呢間小店