Pink Coffee (已結業)

pink coffee係呢區黎講算係偏貴，五十蚊左右得一個飯或意粉，但係無飲品既。咁如果十蚊內可以加個汔水我係無問題既。但問佢佢話無。佢其實係半西餐廳，咖啡店先係重點。所以逼人最多剩係可以叫佢啲咖啡，一係唔好飲野 啲咖啡閒閒地都廿幾蚊起跳，食個lunch真係唔想用咁多錢飲野。同埋其實食意粉，食咖哩飯，用凍mocha送飯真係唔係好夾，怪怪地。我就食意粉既今日，質素好正常無問題。但係野飲方面，如果有番啲汔水叫下真係好好多。我見佢平時午市都唔係好爆，我諗都係呢個原因?

週末, 唔想去星巴巴或者其他coffeeshop 同人逼～ 所以今次去呢間～ 可能係工業區關係, 到週末, 唔係好多人. 所以覺得好舒服～ 地方比較大,  座位比較寬鬆, 舒服～ 咁其實就嗌jor 一個意粉和雞批.味道總括不錯, 飲品嗌jor 一個紫薯鮮奶 （類似）, 不過就過甜～ 建議要求小甜！ 

食lunch的時候，見平時附近既餐廳都食過行經過pink coffee，覺得佢地內部裝修得唔錯，所以同埋同事一齊入去打算試下新野。餐牌選擇很少，只得三款意粉選擇最後揀左蒜香蝦仁意粉意粉太乾身，所謂既蒜香只係用上李錦記蒜蓉醬碟野用5隻蝦，李錦記，意粉整出來收58蚊 連凍飲收成80蚊環境好舒服，不過食物同飲品真係非常之唔得，無論食物質素同可以選擇的種類都真係非常之有待改善，雖然荔枝角區食野偏貴，姑勿論食物質素，個價錢都唔合理，大貴

今日忙左成個朝早，天氣又麻麻地咁，想心情好d，所以決定lunch食好dd!!! 經過Pink Coffee 見裡面環境唔錯又唔多人就去試下la~ 今次叫左個"雜菌松露醬意粉"，唔算等得太耐，味道不過不失la，無太大驚喜，但個餐唔包飲品 (跟餐飲品減$9) 有d貴low!!! 佢地ge coffee唔算得特別，不過環境係幾唔錯，服務員都nice，係加分ge~~而且有個位置放下相幾有心思arrrr!!!

裝修好舒服嘅地方,又唔太多人,幾個friend傾吓計,歎吓coffee, quite a nice place! 食咗個American breakfast & earl grey....

復活節要返工已經好頹，唸住lunch time特登嚟到呢間Pink cafe可以放鬆下心情，叫左個海蜆卡邦尼意大利粉，我唸係我有史以嚟覺得最難食既一次，卡邦尼意粉真係好難整得難食，你個汁一望就知係白汁，白汁都算，係衰到直情係無味，成碟嘢唔夠熱，啲蜆又有沙簡直不知所謂，你咁既水準收我58蚊？你邊一忽值號？一睇就知碟嘢無heart煮既！唔洗旨意再幫襯！

見完客 , 見到呢間cafe outlook 唔錯, 咪試下lor , 環境都大大地又多坐位選擇 , 有沙發坐就好la , 可惜俾人坐哂 , 我唯有坐硬板橩la , 間cafe要自己order 左野食先 , 都唔平, 咁就$70 ~香港地食餐好d的飯都$60/$70 蚊,真係好難儲錢, 仲玩想買樓真係發下夢中六合彩好過~食完飯好去附近馬會碰碰運氣 。

星期六，天氣晴一個人在荔枝角嘆下午茶，不想去大集團Coffee shop，找到一間工廈附近的cafe， Pink Coffee 環境十分舒適，空間很大，有一點異國情懷，主要工業風的裝修和佈置薄荷朱古力（Grande) $40 , 很濃朱古力味，少少薄荷，都唔錯雜菌松露醬扁意粉 $48，份量適中，賣相都ok, 可惜味道太咸，很失望意粉配飲品平$9 蚊，下午茶黎講，價錢很貴，呢度都係飲野比較好, 食物一般，味道唔太ok, 呢個價錢黎講唔太抵食

由於是日同媽媽食午餐，Lunch break 13:00先去食，周圍都無咩位，媽媽提議試一間Coffee shop，我無意見所以一同前往Pink Coffee。本身一入到去 覺得環境ok，多文青燈，有Classic feel，去到叫野食果到，野食款式唔多，價錢中等，但加飲品及其他極唔抵，人手極不足，只有意粉會送過黎比你，飲品及其他需要自己出去拎，無服務可言。我點左個青芥末忌廉和牛粒意大利粉，味道不過不失，青芥末味略嫌唔夠，牛粒又小又細粒。媽媽則點了烤雞肉沙津，味道也是不過不失，但醬不錯。但這間Coffee shop最大問題是人手不足，雖然環境不錯，但周圍枱面都是垃圾，完全沒有服務員清理，非常影響食慾，不會有下一次！

公司搬咗嚟荔枝角咁耐，去嚟去去都係公司附近果幾間（其實係一間，日日去咁濟，唔洗諗，下次寫番），今日想試吓新嘢...之前bookmark咗荔枝角啲餐廳，今日就由pink coffee開始！喺門口放住A字午餐餐牌架～只有4個選擇，比較局限... 小妹揀咗鴨胸意粉，另加hazelnut latte = $48 + $32 (latte) + $4 (hazelnut syrup) - $9 (跟餐飲品減$9）～我比較早到，好似12半前就點完餐坐低咗喇～因爲時間尚早，餐廳內有好多位，環境好靚好舒服，有木櫈位，梳化位，仲有啲bar枱位，我搵咗個2人位坐低～～Latte好快就有，個意粉大概等咗15分鐘啦～個presentation幾靚～鴨胸塊同蜜桃片伴碟，個汁係茄汁，酸酸甜甜～幾開胃～我俾70分! 而杯hazelnut latte，說實話，小妹唔係好識飲咖啡，俾唔到專業嘅食評，但個人喜好而言，杯latte係好難飲嘅！好苦好澀！應該係個syrup唔啱我 整體而言，$75食咗個70分嘅意粉+唔合格嘅latte，性價比真係非常之低，而且附近有咁多選擇，所以我一定唔會再嚟食！

荔枝角 • Pink Coffee ☕️晏就食個lunch，見到幾靚就入左去明太子大蝦忌廉意粉 個忌廉汁其實幾好食 好creamy 好好食不過如果要飲野就要加錢冇set都幾貴

公眾假期同朋友gathering ,原本去荔枝角另一間餐廳，但係嗰間因為公眾假期所以無開到。好彩有兩手準備，去依一間較地鐵站遠少少嘅餐廳。向荔枝角地鐵站行大概8分鐘左右，就黎到一間門牌未有名嘅餐廳，望咗一陣見到餐牌上邊嘅餐廳名就知道找啱左。間餐廳都好大，可以坐到40人左右。牆上嘅裝飾係一個好大嘅鐘。 可能係公眾假期嘅關係，中午時段只有三個餐可以選擇，價錢大約你40幾至60幾蚊左右，飲品另叫。荔枝蟹柳番茄意粉不過不失，味道唔係太濃，但蟹柳食落口有少少凍，最特別係有我最愛荔枝（三粒罐頭荔枝）。熱榛子朱古力- 同出邊飲到嘅大牌子差唔多，個人覺得太甜，飲到一半已經忍唔住問佢攞左杯熱水飲。可能係新開嘅關係，門口掛住個牌話響Facebook 打卡可以送一款鹹味批或者朱古力榛子批。 有唔使錢嘅嘢一定唔執輸。朱古力榛子批我向食完意粉之後食，尚有一點餘溫，裏面既朱古力醬仲係溶既，朱古力味好重，好好食。但個批完全係敗筆，個批被太霖，一啲都唔脆，好似放咗好耐咁。

Pink Cafe在工廠大廈林立地區，是一種工廈裡的小清新。與友人去了D2的手作市集，收獲不多，友人提議再到美荷樓和賽馬會創意中心再逛逛，路過Pink Cafe又到內走走。因為時間已是下午，意粉沙律已告售罄，所以只簡單點了一件批和一杯咖啡。Pink cafe用的是公平貿易咖啡。叫了一個三文魚露荀批，三文魚味很濃，是三文魚碎入蛋批的。露荀味道卻不太夾，覺得用磨菇代替或者乾脆抽起露荀好一點。蛋批的蛋漿打得很滑，批底不算很脆，但是吃下去也算香口。Masala Latte是一種很少見的Latte，印度香料茶咖啡。打開杯蓋已經有一股香料味，似肉桂又似咖喱。喝下去則似港式茶記的鴛鴦，有茶味又有咖啡味。滑口的感覺是很少在咖啡裡見到的。與其說是一杯咖啡，不如說是一杯鴛鴦，浪子覺得這杯飲品很值得推薦，畢竟能喝到的地方不多，味道也非常不錯。裝璜很有特色，又大又多座位。我想平日下午應該有很多附近工作的人躲在這兒吧？

今日同同事都冇帶飯，又見呢間coffee shop近近地就黎左呢度食。是日午餐：香草蜆肉意大利粉🍝食落香草味都幾香，意大利粉軟硬程度適中但醬汁比較稀整體味道較清。蜆肉食落都幾厚肉，可惜蜆肉數量比較偏少只有數粒。🙁

草莓窩夫 Strawberry waffle $32 & 玫瑰櫻花忌廉品酪冰 Rose Sakura Prappenio $42欣賞strawberry jam 夠酸😗😗,而且waffle 有即焗熱番... Belgian waffle texture 始終不是我的菜(中間似包,偏硬,唔脆)至於杯野飲呢，一開始係比佢少女系粉紅色同limited edition 吸引住,毫不猶豫就order 左佢😂😂見到佢有落足rose/Sakura jam, 但味道似 artificial 花味, 味道偏甜, 而且好假...唔.....不是我的菜+1但值得一贊係cafe 環境好正,特別係露天坐係虅椅上, 好岩同fd 吹水gathering~~ 其實佢pasta set 都係4x-5x 幾抵,下次有機會可以一試