Pepper Lunch Express (朗豪坊)

營業中

休息中

The beef is just so delicious. Worth trying but need to prepare for the long queue.

漢堡扒+雞扒set，set包一碗飯，味道普通，好在有大量芽菜，唔會得肉咖哩黑椒牛肉飯set，友人話比想像中辣，可能係有黑椒啦，而且佢係咖哩粉，唔係汁，會唔同d總結：塊鐵鈑好快就唔熱，好在唔係叫牛，如果唔係都唔知整唔整得熟，味道都唔差既，但唔值咁貴一個set同要等咁耐

去到美食廣場個層, 在近扶手電梯的一個pepper lunch廣告板, 有自取coupon, 買炒飯餐減$5, 買牛排餐平$10, 但不知道優惠期到何時

去到朗豪坊food court，見到好多人排隊，由於好奇心，所以決定一試，不過我覺得沒有什麼特別，而且算貴。我和男友兩人叫了黑椒牛肉飯及肉眼，黑椒牛肉飯真的不好吃，只得一個鹹字，而且都很多油，不知道好食在那裡？肉眼就比較好，不過白飯就非常不好吃，不是日本米，不香不甜，不知道想怎樣，而且沒有什麼配菜，九十多元一個套餐，我覺得算貴呢！雖然叫一份肉眼只須八大多元，但我情願去那些美式餐廳用幾百元吃一份牛扒！

食一塊霜降牛扒加配菜只係$7X配套餐就$83。一拿到手就粒直"git"D 汁一齊燒﹐再倒少少係隻碟仔到。鐵板開始時"支支"聲好似好熱但拿到埋位反一反塊扒就唔熱lu~攪到好擔心會韌架﹐又生!! 點知食落塊牛扒很juicy嫩口﹐又夠香﹐夠牛肉味!!Despite環境唔算好(it's acceptable)﹐亦要同人搭檯...但係第二到要食到咁美味既扒唔止哩個價。我一定會再返黎試試其他野架!! 我覺得foodcourt咁貴係有D令人覺得唔慣同唔抵﹐但係個quality係咁好又keep到既話, 咁以後想食靚牛肉又有好去處喇!!

男朋友呢排對牛扒好有興趣,所以lunch 就揀左由日本過黎的pepper lunch.他order左特選霜降牛扒跟白飯+大氣水($83+$1.5),個鐵板一黎巳經吱吱聲,睇落好熱.但我地個位同拎野食果度好遠,所以他拎過黎果時,塊扒抵果面巳經熟左,噫...有點過熟. 牛扒本身都OK,有牛味,幾厚,但不算嫩,可能煎得老了一點. 牛油有點香味,但不夠濃烈.我覺得幾香的就係黑椒.佢地的黑椒搭牛扒好夾. 可借配菜太少.飯是凍的,不過係味飯黎既,好過白飯嗯.男朋友話OK LA,不過分量少.um umm...

2007年6月16日。晚上另一半看完Premonition在朗豪坊吃Pepper Lunch。可憐另一半排半粒鐘！咖喱黑椒牛肉飯跟百事可樂：好香黑椒和咖喱味，加D蒜蓉汁更香啦。特選霜降牛扒跟白飯和凍檸茶：看上去很吸引，食落都唔錯，有texture又唔韌，D飯幾好食。我無覺得個鐵板唔夠熱，因為D霜降牛扒本來生“歐歐”的，煎兩煎已經熟o西喇，你想要medium rare 都要好快手拎走!唔夠熱又點會熟o西？不過，83元一個set係食food court又好似貴D（個場有D油煙），但好食，唔緊要。我早兩日中環交易廣場One Bar舊牛柳，難食到死啦，高級地方又點，我都無食o西就掉！

終於所有東西都確定了!好有一身輕鬆的感覺!於是滿心歡喜地和男友去朗豪坊食pepper lunch!嘩!真的有很多人在排隊，和當時mos burger一樣!男友排隊+等拿食物都用了多於30mins!我們點了一個黑椒牛肉飯餐和一口牛肉+漢堡扒餐。這店子的好處是可以自己將生牛肉煮熟，自己控制牛的生熟程度。我的黑椒牛肉飯餐的牛肉切得薄，就算是全熟也不會過韌，而且飯有黑椒和粟米，味道好好。男友的一口牛肉+漢堡扒餐的漢堡扒比一口牛肉好味，漢堡扒很juicy，但是一口牛肉即使不是熟透，帶有血水的都比較韌，差了一點。價錢不算便宜，而且環境是food court，多少有點覺得不值。另外鐵板很快就不熱了，因此一口牛肉都不能弄熟，感到差了一點。但是可以自己煮就覺得很有趣，而且我們都想趁著新開張再試試霜降牛扒，希望下次來個鐵板可以改善就完美了!

尋晚同個朋友路過朗豪坊，見到廣告牌介紹有新野開左，係我至愛既"牛"呀，仲有coupon，所以去試一試! 埋到去已經見到有條人龍排緊，唔理咁多，排下冇壞! 排左大概5mins已經買到，不過食物出得比較慢，要等成1X mins先有得食~~賣相: 5分(同MENU中顯示既分別唔大，圓形鐵牌幾特別)味道: 3分(我叫的是"霜降牛扒"，個樣睇落OK，食落就>_<...好老呀舊牛!) 而且鐵牌好快唔熱喇~價錢: 七、八大蚊個SET貴左D! 咁既價錢可以去環境好D、食物好D既地方啦，唔駛坐FOOD COURT同人埋，要自己搵位SERVE自己!不過會再去試下個PEPPER RICE... 四、五十蚊都OK!

其實呢個餐~ 我覺得係考技術~第一次試~ 幾得意~ 但係由拎個一刻~時間係好緊迫架喇~! 哈哈~ 要拿拿林去拎醬料個d~ 唔知係咪因為我夜晚9點幾先去食~ 時間無甘繁忙~ 我個盤好夠熱~ 可惜無睇電視點整~ 整到d牛肉好熟~ 我好懶o甘倒埋碗飯同牛肉牙菜一齊去抄~ d牙菜出水~倒埋d蒜茸醬令d飯有汁~ 效果都ok好食喎~ 不過最衰係我整到d牛肉好un~ 係o甘既環境~價錢有d貴~ 不過都值得試呀~

去日本食過pepper lunch, 佢地係bar 檯型式, d牛扒好熱好正!!近排聽聞hk開分店, 即刻走去試:地方:原來果度係food court,無左bar 檯既feel同埋唔可以好似日本咁睇到果d waiter做緊乜;鐵板:首先塊板初初黎仲出煙,點知原來係假象,我塊特選牛扒整極都係生歐歐咁-_-飯:用碗上,其實用番日本做法用碟咪好囉, 可以將d 牛扒放晌碟連飯一齊食, 碗太細了;汁:日本既係俾客任jit,set set放晌檯面隨意使用,香港的要自己行去,仲要俾d 等緊既客阻住好難拎, 仲有最緊要既係d 汁唔好食!牛扒:由於唔夠熱既關係成個鐵版餐唔成氣候, 好失敗!芽菜:仲以為佢會空運日本既肥白芽菜,原來都只係用香港普通貨式,又一失敗之作;紅蘿蔔:係佢好好味, 又甜.好失望,我諗都未必再去香港呢間分店了.

上朗豪坊搵食,到這新開的店,唔平!!九十幾一個牛扒,不過好得意,用個圓形嘅鐵板,外面用張紙甲圍住...總之!好多花臣!!但係,食落...同所標榜嘅...有唔同...個鐵板好快凍,啲芽菜出水出得好快,牛扒嘅汁被溝淡...另外牛扒較靭...較好味係紅蘿蔔,好甜!只係五十五秒!!

當我黎到時, 大部份人都係食緊呢間野既牛排, 好彩我好快搵到位, 我排隊買時, 人龍只有3人, 到買完野, 人龍去到20多人, 我都算好彩, 我試佐6號/ 特選霜降牛肉套餐$837號/ 特選牛柳套餐$88汽水加大每人$2平常食牛排, 牛排去到你面前已經熟晒, 睇唔到塊牛排係咩質素，但呢度俾塊牛排你時，係生既，當你見到塊牛排佈滿雪花時, 未放入口已經覺得好正, 為怕太熟, 馬上反來反去, 放入口, 發現味道唔錯, 好有肉味, 本人喜歡食生一點既牛排, 真係岩晒我, 因為我想整幾生都得我老公食既霜降牛肉係有根位, 即係肥豬肉個d根位, 因為個鐵板好快唔熱, 令佢未能張美味既根位煮熟黎食, 佢覺得係好可惜同美中不足我食既特選牛柳係一舊好厚好似一個掌頭咁大既物體, 同樣佈滿雪花, 比起霜降牛肉, 我就覺得我舊掌頭咁大既野正好多, 我仲覺得我舊牛柳"淋"過霜降牛肉添套餐即係有跟飯同飲品, 食完碗飯, 食晒鐵板上面既芽菜, 飲晒杯加大佐既汽水, 一d都唔飽, 仲想再食, 點算...., 汽水冰太多, 加大佐都唔夠飲, 飲完杯中仲有三分二係冰因為唔飽, 最後去佐M記買新既雙層魚柳飽......,

一整出黎我都已經覺得有d唔同，塊鐵板都唔夠熱既？？我係日本將d牛油整落塊鐵板度，已經即時”咋咋”聲，但係香港呢？我見好多人都係同我一樣．．無．！！只不過係夠熱整熟舊牛柳，之後好快就熱都唔熱．．我可以用手摸到塊鐵板！！係日本，我好記得塊鐵板熱都痴線．．就算擺左一陣都熱都到飛起，無可能用手摸～！！唉．．唔通d野一黎到香港就一定係差d既？？