Pepper Lunch Express (朗豪坊)

營業中

休息中

好耐冇嚟美食廣場食野,雖然遲啲,但都係我既新嘗試.要個黑椒牛肉飯套餐$45,等足我15分鐘.自己撈既飯,有飯,黑椒牛肉粒,粟米,牛油及醬汁.趁鐵板仲熱,自己撈混啲材料醬汁,跟住趁熱食,冇乜特別,只覺唔抵,寧願正正常常去据扒好過.

除左韓國屋外因為我一心想試呢度朋友仔就黎叫左個羊肉鐵板燒一上檯時煙霧灕漫快快手炒熟羊肉同雜菜加埋醬汁煮好食得肉少菜多但羊肉似足打邊爐o個d唔韌同d汁味道都幾夾跟餐既忌廉粟米湯估唔到又唔錯喎!!!用coupon可以減10蚊就抵d

朋友們約了主人與奴隸獸去『朗豪坊』Food Court 聊天，看見一間教人『攪』食店，覺得幾好玩喎，於是揀兩款食品試試：1. 黑椒牛肉飯套餐配汽水（HK$45）：黑椒味算是濃郁，但牛肉『鞋』及不夠腍，鐵板有紙條圍邊確是好設計，D 汁唔會四圍彈。2. 雞肉沙律（HK$15）：內有烏冬、生菜、木魚絲及芝麻醬。自己搖勻，都幾好味，只售HK$15可謂抵食。總結：味道OK，只勝在好玩。

誰不知打完樓下呢個n耐既食評之後，當晚就黎呢度食了。又食返上次個ｆｄ食左個個黑椒３文魚炒飯。ｒ．．我係唔係記錯．點解咁似白飯？＆～個ｄ三文魚少左咁多既．．．．味道都ｏｋ．不過無上次咁好味．｛唔通真係格離飯香？｝今次連沙律都無食。今次真係可以話:唔會有下次。

而我個FD就叫左黑椒三文魚飯。O!!!漢堡淋PAT PAT.......好似唔實加好細件。我係女仔都唔夠食。我個FD個個反而幾好。D 汁都OK不過加左15蚊一杯既沙律,都係唔抵.點解唔可以跟餐加幾蚊就可以~?而且,都係得個幾條菜,同乾雞絲。我覺得唔係好抵......

霜降牛扒：七十三蚊，轉餐加十皮，有一碗食同一杯飲品好耐無試過食過一餐牛扒餐可以咁滿足！試左霜降牛肉，西冷size咁大件，好腍滑，仲要重牛味，唔似其他餐廳搵梳打"o拿"到件牛無哂牛味，得個腍字。間鋪頭竟然諗到俾塊鐵板個客人自己整，幾多成熟自己話事，熟過頭與人無尤牛肉飯：五十幾蚊...牛肉飯同霜降牛扒一樣，一塊鐵板，一堆飯，一堆牛肉圍住堆飯，靠自己兜到佢變做一個生炒牛肉飯....都係果句，牛肉雖然係細細塊一片片咁圍住堆飯，但係食時都係好重牛肉味！

上次見到部大電視教煎牛扒好似幾得意，今次就點左個霜降牛扒餐，再加個芝麻雞肉沙律。相比起男友那個韓式牛肉粉絲，塊牛扒真係好味好多。不過八十幾蚊，牛扒跟白飯同汽水，貴左d，塊扒都唔係厚喎。另外個沙律唔掂，有生菜、烏冬麵、雞肉同埋木魚碎(燒八爪魚丸上面果d)。木魚有醬整濕之後一舊舊....仲要佢落左好多.....好un呀....雖然我都有牙o者。

下午茶時間突然想食pepper lunch，於是再一次光顧。上次食過黑椒牛肉飯覺得蠻好的，於是又點一次，和男友share。不過這次的黑椒明顯比上一次少了很多，所以沒有那麼香了。男友去拿了一些pepper加上就好一些。是次鐵板有改善，熱力頗夠，可能人流少吧。雖然價錢和份量不成正比，但是偶爾都會想再來食的。

好久沒有到朗豪坊﹐總覺得商店欠缺吸引力﹐不知繼H&M及其他品牌進駐後會否好轉﹖今晚本來另有目的地﹐由於出現了一點狀況後決定轉移陣地﹐碰上了Food Court內的Pepper Lunch。晚飯時間這裡人生人海﹐counter更是大排長龍。Pepper Lunch前身是表哥茶餐廳﹐同一位置生意額竟有如此大分別﹐可見經營手法確是重要﹐包裝及marketing缺一不可。眼見每台都有超過一個或以上的鐵板﹐不得不佩服她的成功。是晚選了“一口牛肉”套餐﹐加沙律一個。等了約10分鐘﹐鐵板出現了﹐是非常非常熱的﹐那個紙圈設計很體貼﹐有防止燙傷的功效。材料都是生的﹐可以按自己喜愛的口味翻弄﹐幾得意。牛肉頗乾﹐幸好有醬汁搭救。反而沙律很好吃﹐用多種新鮮菜混成﹐包括baby spinach (my favorite!), 再用烏東墊底。本人認為一試無妨~

覺得83元一客的肉眼扒太貴, 還是點客73元的霜降扒好了, 再加10元跟餐有白飯及汽水.晚上八點四十幾分, 人仍然很多, 等了差不多廿個冧把先有得食.好處是生熟程度自己話事, 不過因為塊鐵板真的十分熱, 煎扒時還是需要一點技巧, 尤其是霜降扒, 一不小心便很容易攪"wor"左塊扒...感覺用83元在food court吃一頓這樣的鐵板扒餐(白飯+汽水+扒+芽菜/紅蘿蔔)有點兒貴, 食物質素也不覺得特別出色, 食完之後完全沒有想再幫襯的感覺, 玩完這一次就算了, 絕無下次......服務方面, 完本應有2款汁供客人自己拎的tray空了又無refill, 只放了一款唔知咩汁比你拎. 還有, 拎食物程序好混亂, 比完錢等左一排, 佢會先叫一次你個冧把, 跟住你要去埋去show一show你手上張單, 等佢知道你係度, 佢就落order叫廚房整你張單. 如果你miss左/走開左, 咁就要再等下先有得食.態度方面, 沒有一般日本連鎖食店(e.g. 吉野家, MOS Burger)的良好待客態度. 特別是叫冧把個位職員, 自己亂到一頭煙, order又跟唔足, 一句多謝也沒說, 差到連基本的待客態度

見幾特別所以一試，漢堡扒加蛋set lunch，肉唔算差，尚厚，只是芽菜太多。鐵板耐熱還可以，不過只有13-15分鐘，而且一開始放太多汁落鐵板，令鐵板冷卻的更快，建議一開始不要落太多汁。另一點要注意的是朗豪坊food court並沒有叫菜編數顯示牌，只可以靠店員叫號碼，如果坐遠了聽不到叫號而令鐵板冷卻了，後果自負。較舊的食評提及的提取食物與拿醬汁的地方太遠，似乎已有改善，我拿食物的地方只要站著伸手都可以拿到醬汁。服務尚算可以，拿食物時店員會簡單說明食法，算是貼心服務了。不過真的是貴一點，只可以說是有點好玩，不算太美味，玩過一次後就不會想再玩了。

滿心歡喜和同學仔去試這家名聞日本的pepper lunch，好失望，真的好失望!! 鐵板不熱不是問題，因為我吃得慢，所以鮮紅的肉不到五分鐘已經熟哂，最大問題是根本沒有肉味。不會期待是和牛級數但是這個價錢覺得非常不值，話就話霜降但是好多筋，咬不開，反而同學的那個漢堡比我的好味得多。

初頭睇見玩鐵板即燒牛扒，雖然價錢都唔算平(foodcourt黎講，一個鐵板扒竟然收$78-98)，加上老媽子想食，好，就試下佢！行埋去收銀機叫完兩個餐，個收銀靚妹態度一般，un身un勢唔知想點咁，叫完餐問佢可唔可比杯水，都話唔得~_~兩個人食都幫襯左你$150(food court黎講我已經覺得係好好好貴)，唔係連一杯水都慳成咁，好，算數，忍你！拎住張飛等左10分鐘，食物出黎啦，唔知係咪朗豪坊個foodcourt冇裝廣播系統，d職員好似監倉嗌犯咁，扯盡喉嚨黎嗌number，態度就更加唔使講，差！咁我就行埋去拎食物，拎左你張飛，就咩都唔講，就咁隊個餐去你前面，好彩我之前等餐個陣，知道有醬汁可以落，但係d醬汁就係拎餐位既另一邊，但係冇人會叫你去拎汁，更加唔會拎定比你，但係最搞笑既，就係有個女職員捧住一盤醬汁企係拎醬汁位隔離，我兩隻手捧住個餐行埋去，佢任何反應都冇，咁我就好危險咁將個餐「掠」住一邊，騰出一隻手黎拎醬汁，拎完之後，怪事來了，個位女職員就等我拎完醬汁之後，佢就將佢手上既醬汁，加添番落醬汁盤度~_~(點解唔可以見人地兩隻手捧住個餐行埋黎，問下人地想要咩汁，幫下人拎呢？)條氣極度唔順

平日豬頭人對Food Court係非常之抗拒，佢話坐得唔舒服又要食到趕頭趕命，所以佢如非必要，都唔會選擇在此用膳。 星期六下午時間，他忽然話去朗豪坊Food Court食午餐，我心裏覺得非常出奇，佢居然會提議去Food Court，十年難得一見…梗係跟住佢去啦！！ 一去到Food Court，我們就積極搵位，依度人多過mud，好不容易等了成20分鐘，仲要係搭枱 先有位。豬頭人似乎一早已選定目標，佢諗都唔洗諗就去左--- Pepper Lunch ---既櫃位，我就坐係度邊等邊睇教點煮的「教育電視」。 Pepper Lunch標榜自己的「90秒出餐」效率，我一看著手錶，睇下係咪真係90秒，不過由點菜到枱 得，經我的計時係差不多7分鐘，我諗90秒都只係宣傳招數吧！！ 我們分別點了『三文魚炒飯$52』及『霜降牛扒$83』，三文魚炒飯一上䒷 ，我已感受到由一瀨邦夫發明的鐵板發出的熱力，我不停炒動著我面前的飯，再加上那微辣的醬汁、香滑的三文魚、軟硬適中的日本米，味道確不錯。至於豬頭人的霜降牛扒，就確有點奇怪…怪在個鐵板既熱力同我個差好遠，好似無咩力水甘，我個就熱到”沙沙聲”…我好懷疑能否張牛肉煮

前日同老公兩個人去食, 兩個人$160左右, 我要霜降牛扒，老公要一口牛肉加漢堡扒，唉! 鐵扒完全唔熱,我塊扒根本都未熟...重紅噹噹...!都無辦法!重慘過包包超人, 我塊扒我唸得3、4成熟...!我唸住咁生都唔會太老, 點知...佢老個我自己煮, 咬極都咬唔開, 唉!D 扒好多筋, 質素唔太好,我老公o個個重衰, 塊漢堡扒好散, 無肉味, 塊牛扒同我一樣...唔太熟! 以E個質素, 重要平均每人$80消費,我就唔會再幫襯囉! 連我老公咁無要求..都話唔會再幫襯!以我個人睇法, 試一次...就算罷....