Pepper Lunch (新都會廣場)

營業中

休息中

我今日食 Pepper Lunch 食明太子系列😆！明太子黑椒牛肉飯🐮：平時食 Pepper Lunch 我都係嗌黑椒牛肉飯，今次配埋充滿鹹香且濃郁辛辣嘅明太子🔴，愈食愈開胃😋。明太子顆粒細小、口感綿密，同燒牛肉嘅質感好唔同，將整個黑椒牛肉飯🐮錦上添花✨～明太子三文魚意大利麵🐟🍝：辛辣明太子同忌廉意粉原本就好夾，加埋鐵板燒嘅三文魚🐠，魚油嘅香味令到呢個 Pepper Lunch 意粉食香味👃🏻都齊晒🤗。

四人用餐，其中一個是小朋友，由他選擇食店，結果他選了這間Pepper Lunch，這是我第一次光顧。朋友三人都選了黑椒牛肉飯（大盛），我則選了雞肉意粉，另外還點了檸檬茶和水果杯等。黑椒牛肉飯因為是大盛，所以真的分量十足，不過牛肉脂肪太多，未吃已感到很肥膩，而且整個飯味道偏淡，幸好餐桌上有兩瓶醬汁，加入飯中拌勻，才覺得好吃一點。雞肉意粉雖不是大盛，但份量也頗多，不過味道也很淡，加了點鹽才變得好吃一點。檸檬茶茶底一般，水果杯份量不多。由於桌椅之間的距離頗近，進店坐下來後，感覺有點擠迫，至於服務則不錯。

塊牛扒有三分一係肥肉，唔係雪花果隻，而係紅白兩色果隻，真係唔掂。而家D人唔太介意您間舖頭賣嘅野貴，但係就最介意您賣嘅野質數唔得囉！其實唔太關我事，果幾個員工傾計都幾大聲下，佢地喺出餐處，我喺近收銀處，都聽得好清楚佢地講緊乜話提。

葵芳呢間pepper lunch經常都好多人，行過都聞到香噴噴嘅牛肉味。經常都會食佢嘅黑椒牛肉，再加上佢提供d蜜糖汁同蒜汁，好好食！加上食物係鐵板上熱辣辣，岩哂最鐘意食熱野嘅朋友。

平日嚟 Pepper Lunch 為咗避開人流，食晏最好提前至正午12點。疫情下好多食肆因為人流減少咗，食物同服務質素相對都要提高啲吸引客人。以Pepper Lunch 為例，我真心覺得佢比之前好食咗！今日二人行就食得豐富啲Shake Shake 沙律蔬菜新鮮爽脆，有生菜，車厘茄，甘筍絲，顏色艷麗吸引，配日式芝麻沙律醬，異常開胃馬鈴薯蓉滑到不得了，非常 creamy 比KFC 更好味！特選牛肉三拼（跟飯） 所謂三拼即係漢堡扒＋牛柳粒＋牛肉片，絕對滿足各位食肉獸/牛魔王 。漢堡扒好彈口但唔死實，送飯一流。牛柳粒煎熟後要馬上盛起，免得受熱太耐過老。牛肉片同肥牛差唔多，肉多脂肪少，牛味濃郁。唯一缺點係個餐冇汁，無汁不歡嘅我要靠枱上嘅醬汁。日式咖喱牛肉拼漢堡扒飯 同三拼差唔多，只係少咗一拼（牛柳粒）。比三拼好嘅地方係佢有咖哩汁，日式咖哩，甜而不辣，配飯最夾！完美季節甜品（水蜜桃雪糕）必食！Pepper Lunch 嘅雪糕質感超好，軟滑可口，今期係水蜜桃雪糕，水蜜桃味道香濃，味道酸酸甜甜，好想食多一杯呀！

諗住今日試下pepper lunch個外賣自取精彩程度完全超出我想像🙂我㩒到入去見到咖哩黑椒雞肉飯加芝士諗都吾諗就要左個 另外配左個煎蛋⭕️咁外賣自取就寫要30分鐘.結果最終40分鐘先可以拎.都吾緊要. 我當你好忙 鋪頭好好生意.我拎到盒飯 個包裝似我係百佳買20蚊盒既飯都吾緊要.我問你隻煎蛋去左邊.你話叫黑椒雞肉隻蛋係炒埋入去做蛋炒飯.ok可能係我少食我吾識野.但點解個飯只係暖暖地 仲要有少少偏涼既呢？大佬你依個鐵板飯 可吾可以俾番少少誠意阿？我嗌茶記外賣個飯過到黎都仲係熱. 何況你只係係我樓上🙂

人生第三次食 Pepper Lunch! 往往經過聞到好香, 但又驚好大陣油煙味! 近來開會唔駛見人, 所以午飯決定一試!  Food Court 格局, 自行到櫃枱落單, 再由店員送上食品! 日式燒烤牛肉拼漢堡扒 $73 包括汽水及白飯! ~ 白飯都幾軟熟, 汽水大大一杯! 牛肉方面份量都幾足, 漢堡扒有點略咸! 薯蓉唔好食, 粉開的!  $73 免加一算平定貴? 以午餐這質量來說, 加上在新都會商場內算少少貴, 比多少少錢有更多更好選擇, 性價比更高! 註: 不出所料油煙味超勁, 全個人食飽飽步出餐廳, 完全被油煙味包圍, 久久不散! 另, 可能因為鐵板彈油關係, 地板好油好跣! 

從遠處看到Pepper Lunch的大字, 小女已飛快的入店坐下, 拉都拉唔住！點了個黑椒雞肉飯, 很快便上餐了. 飯面頭有一些粟米, 很甜呢, 雞肉不算“鞋”, 加埋枱上調味的醬汁, 撈呀撈, 香味四出, 小朋友十分喜歡. 但吃完定必很口喝, 主要是醬汁味精太重了！不要落太多.原來這裡有學生優惠的, 之前真的不知道呢！早上11至6pm (假日除外), 穿校服或出示學生證, 每款可減$8, 重要有湯或飲品送的, 都幾吸引！這裡地方很大, 坐得不會好侷促. 整體來說, 用餐愉快的！

係門口已經聞到好香！假日Lunch time仲要唔洗等位.好多款式，花多眼亂！一於試吓特別啲！咖喱黑椒牛肉飯加芝士（ $59 ）咖喱已經好重味！仲有黑椒、芝士究竟係咩味道！買相睇落好似得少量咖喱粉，原來飯中間有好多咖喱醬.食落味道出奇地夾！濃淡適中，食到好乾淨連個碟見底！珍寶黑椒牛肉飯加芝士、蛋（$75）珍寶餐真係好多牛肉啊！啱晒食肉獸！仲要比好多芝士碎，粒蛋黃仲要係生嘅可以攞嚟撈飯一流！仲可以加錢轉set餐有埋嘢飲同雪糕！

這個餐在做優惠，美國安格斯牛配飯。份量來說比較大份，一個女子不能吃完。黑椒牛肉飯、黑椒三文魚飯那些吃太多，所以今次作新嘗試！老實說，性價比很高，以這個價錢有這個質數真的很不錯！

味道同其他分店差不多 ，但成間店員工嘅手腳勁慢，繁忙時間收銀都係得一個人，仲要整埋嘢飲，每個step都係得一個慢字，嘢食又要等勁耐，漏單又唔出聲由入座，買嘢食，等嘢食，成餐飯都係不停咁等，明明廚房出面有好多個員工，但個個都勁慢手腳，完全唔知自己要做乜咁。最後要等成個鐘先有嘢食黎，仲耐過係foodcourt食。等嘅途中，隔離好多枱人客已經走左好耐，遲遲無人執枱，唔會再黎如果有好多時間又想hea下可以一試

星期六週末嘅午餐又諗起呢間正牛肉飯嘅舖頭，即刻去咗食， 當然第一時間就去點黑椒牛肉飯啦，黑椒雞肉飯，咖哩芝士牛肉飯，黑椒一口牛柳粒飯，蒜香牛肉意粉。逐一講講每一款嘅味道先，招牌嘅黑椒牛肉飯唔使講超級好味，喺鐵板上面一路燒一路食，到最後仲有飯焦超級正，啲牛肉啱啱熟粟米粒又好好味，就算一口牛柳粒飯蒜香牛肉意粉都同樣超級正，唯一最唔好味原來係黑椒雞肉飯，因為我食嗰時發現有雪味，就算煮熟都遮蓋唔到啲雪味尼個係最失敗另外就係講到嗰個沙律杯，我以前食覺得真係好好味，但係今次好似退步咗，D胡麻醬得好少，幾粒粟米太多菜唔抵食🙄

這天在婆婆家完成包糭、全部烚熟的時候，已是傍晚了。 辛勞了一整天，大伙兒出外吃晚飯，每間餐廳都排長龍，最後選了Pepper Lunch 。選好餐，要自己到櫃臺買票，然後拿著立牌放在自己桌上，店員就會送餐過來。飲品和水果杯可以自己先拿。預先切好的水果放在密封杯內，仍然保持新鮮口味，不錯。大約十多分鐘後，餐食陸續送來，食物在鐵板上吱吱咋咋，香噴噴熱辣辣。婆婆的蒜香海鮮意大利麵，海鮮是冷凍材料，沒有很鮮，整體食味普通。舅舅的蒜香黑椒牛肉飯，味道比較香，而據說味道不錯，每次必點。明太子牛肉意大利麵，味道也香，加上明太子的咸香，不錯吃。黑椒雞肉飯，味道比較普通。壽喜燒牛肉鍋，店員淋上壽喜燒汁，有牛肉、蔬菜、豆腐...等，表弟全吃光，味道應該不錯。 

午餐時段約一點到pepper lunch，店內有大量空位但無人執枱及帶位，故仍需在門外等候約五分鐘。只有一位收銀員同時兼顧點餐及準備飲料，分身不暇，若遇上難纏客人，後面的隊伍更是排至餐廳中央。建議可認真改善點餐流程。等候約15分鐘食物便送上，珍寶牛肉飯份量十足，加了蛋及芝士（$10）亦令餐點更滋味。另外一位點了黑椒一口牛扒飯，但牛扒質量較差，肉質鞋口，又未經醃製調味，其中三分一是整粒肥肉，無法進食。建議食客小心控制生熟程度。

唔知點解以為同荃灣一樣好快有但等左好耐都無得食點解😂💁🏻‍♀️好怪連員工話至少等半個鐘五點咋，都唔係晚餐。。甘我食咩pepper lunch🙄🙄趕時間勿來！！😪