patisserie by sav (已結業)

聞說紅磡SAV酒店的餅店開左，之前經過附近收到他們派的傳單。講左好耐黎試下，今朝早左出門口，就專登行過去買早餐食啦！地方好細，剛好就在酒店外圍的轉角位。他們SET左有沙律餐或三文治餐！當然散叫亦可啦！不過小妹就非常Buy佢杯咖啡啦！見到有咖啡機即時成個醒哂呀！三文治有雞蛋三文治，火腿蛋三文治，烤牛肉三文治及蕃茄生菜三文治。$30-$42不等。沙律亦有幾種選擇，包括雜果沙律，凱撒沙津及田園沙律。另外，仲見有瑞士麥皮。價錢介呼$30-40。仲有，牛角酥，丹麥酥($13/2pcs)及鬆餅($13)。咖啡更加多種類添！這個有些驚喜啊！有分120oz & 160oz，有冷熱飲供應。新開將仲有優惠，消費滿$30有一個印花，儲夠指定印花可以試其他食品。小妹我就買左一個蕃茄生菜三文治，店員問我要唔要叮下佢！我話好呀！ShXt! 一時醒唔起我呢個款式的三文治，不應該叮吧！叮完個菜乾哂！有Ｄ苦苦地！下次我會記得叫雞蛋治先會叫佢叮熱。另外，我叫了一杯榛子咖啡，店員好細心慢慢弄咖啡。濃味十足，咖啡真的勁香濃！我鐘意啊！飲完勁滿足!加埋這個SET都只是$38，抵過去Starbucks啊！咁當然比起我平時去的小食

放工行去火車站，剛好發現有間新開餅店，買幾件同女朋友試下先。買左朱古力冧酒蛋糕，芒果拿破崙，栗子蛋糕，綠茶tiramisu四件試下先！朱古力冧酒蛋糕酒味好香，朱古力好creamy，入面仲要raspberry果醬，食落一啲都唔漏，連唔飲得酒既我都接受到！芒果拿破崙酥皮好脆，吉士忌廉香滑，配埋合時令既芒果，絕配！為一美中不足，吃起來有點狼狽-_-#栗子蛋糕好足料，入面仲有好多栗子粒，唔太甜，啖啖栗子蓉👍🏻👍🏻👍🏻綠茶tiramisu用左京都宇治抹茶粉做，綠茶味超濃，(一睇顔色就知唔係用cheap野!)，綠茶迷必試！