1
0
0
營業時間
星期一至五
11:00 - 16:30
星期六至日
全日休息
以上資料只供參考, 請與餐廳確認詳情
由於新冠肺炎疫情依然嚴峻,所以近排都減少咗出街,改為買外賣返屋企食。早幾日聽朋友講,觀塘新開咗間叫「Pastarian」嘅意粉外賣店。瀏覽過網上資料,原來店舖賣嘅意大利麵係以車仔麵形式供應,客人可自由選擇麵條、醬汁同配料,自己揀、自己發辦,都幾有特色。打去店舖問過,據店員稱,餐廳不設堂食,客人可以透過 whatsapp 或電話落單。依家新張期內,外賣自取更可享九折優惠,店員仲即時 whatsapp 咗張餐單俾我。細心研究過個餐牌,嘩,淨係 Pasta、配料同醬汁,加加埋埋就已經有成廿幾款,另外仲有意粉套餐、小食同飲品等供應,選擇都幾豐富,真係令人花多眼亂。點咗兩個 Pasta Set:溫泉蛋闊條麵、慢煮燒牛肉扁意粉同兩款小食。意大利麵有 120g 或 200g 兩款重量可供選擇,全部都會附送一罐 $10 飲品。溫泉蛋闊條麵配番茄肉醬 ($84/200g):闊條麵賣相很不錯,麵條上有一隻溫泉蛋,把溫泉蛋𠝹開,蛋液慢慢流出,與肉醬混和之後,既濕潤又有光澤。麵條入口充滿彈性,番茄肉醬帶有甜甜微酸的香草芳香,同闊條麵比例亦剛好,撈埋蛋汁一齊食,口感更滑!至於另一款慢煮燒牛肉扁意粉 ($80/200g) 就係店舖嘅是日推介,意粉除了配有溫泉蛋外,還有松露片和松露醬。經過慢煮的燒牛肉,賣相甚佳,不但色澤均勻,而且外層亦燒得很香口,肉質腍滑,拌蛋汁吃更加滑溜。扁意粉味道亦不俗,煮得啱啱好,食落嘅煙韌又有咬口,醬汁充滿松露幽香,加上意粉的熱力讓松露片散發濃郁香氣,惹味油潤。小食點咗芝麻雞翼 ($20) 同章魚燒,雞翼選用了雞全翼,大大隻,雞皮相當肥美,雞肉嫩滑,入口充滿芝麻香氣,為雞翼添上豐富口感。日式章魚燒 ($20) 一客有 5 粒,粒粒都燒到金黃,面頭淋上了日式燒汁和大量木魚碎,賣相好睇。食落粉漿比例恰好,口感軟熟,外脆內軟,裡面的八瓜魚粒帶鮮味且彈牙,入口煙煙韌韌,醬汁不太鹹亦不太甜,配埋木魚碎吃,食味不俗。
繼續閱讀