Pasta Inn (已結業)

鄉下婆又出城啦！來到這附近辦正經事，事情辦好了，當然要吃午飯。上次去高街食泰國菜，唔太滿意，今次朋友話，往下走，大街上開了新餐廳。自從地鐵開到西區，這一帶的食店雨後春筍般開店。午餐時段，我們是early bird，可能是今天第一組客人。餐牌簡簡單單，幾種套餐，食材有別，價位當然有高有低。朋友前菜要沙拉，主菜粉紅蝦直通粉；我要南瓜湯，主菜日式炸豬排飯。兩套午餐都是$68+10%侍應生是位日本太太，跟我們粵語應對，大廚是日本先生，他倆當然是母語溝通啦！店的面積不大，左面是座位，右面是open kitchen，點菜後，聽見食物加工的聲音，不過沒有油煙味，抵讚！話咁快，沙拉、湯都來了，論賣相，朋友的沙拉比我的湯好，滿滿的一碗。因為兩種食物的盛器是一樣的，我的南瓜湯，就顯得好“可憐”了！因為不夠1/2碗，真的份量太少了，如果他們換一個小杯來裝，賣相就會好一點，而且他們的湯比較稀，用杯直接喝，比現在用大勺子舀更合適。而且份量和盛器相配合，不會讓顧客心裡不舒服。味道是不錯的，顏色又漂亮，可能用日本南瓜，成本高，就缩份量。我是節省煮飯婆，南瓜平時買“日本種（讀2聲）大陸種（讀3聲）”的便宜貨，所以我的

在西營盤開了很多餐廳，Pasta Inn是其中之一。 上個月同阿囡來過食晚飯，已覺這餐廳之食品不錯。今晚帶老公來吃晚餐撐枱腳 😊😊同老公每人叫了1個 晚餐 - Spice Pork Pizza及日式豬扒野菜飯 大家一齊食。他要了餐湯，我要了沙拉。味道唔錯，新鮮 👍🏻👍🏻到主菜上場，香氣撲鼻，個豬扒炸得甘香、鬆軟，入口即溶，跟個醬汁很配合，老公咬了一口，目瞪口呆，大讚 👍🏻👍🏻 😋😋😋當個 pizza 端上來時，嘩！嗅到香味，未食已覺好味，食了一口真的很好，個批底應該是廚師自己搓做，厚薄適中且有彈性，餡料新鮮 😋😋😋😋😋😋😋上次來時，不多人。今晚未食完已座無虛席，下次來時記得訂枱 😉😉

裝修切合主題, 燈光稍暗氣氛不錯, 很適合情侶光顧。 服務及介紹到位, 老闆娘奉送笑容, 感覺親切, 西餐里算是不俗!餐湯選了南瓜湯, 味濃而有質感, 溫度也適中。食物方面, 對材質有要求的, 散叫是王道。意粉同pizza都做到水準以上，而價錢來說非常超值。最欣賞的是火箭菜配哈蜜瓜hams，好fresh好開胃，一食難忘，下次可以再試。呢一餐好滿意：）平民價食到有水準既西餐～

星期5打算去中環飲野,同朋友先係西環附近找點吃的..當predrink同填飽個肚..~~餐廳好骨子~唔算好大但係好relaxing..飲野傾計一流..因為唔打算食太多野..所以同友人選擇坐係bar台..bar台係高椅, classic 歐洲餐廳的感覺...而對著既係open kitchen..會睇到老闆兼廚師在準備菜式..好在完全沒有油煙的感覺~薯條炸得剛剛好..也吃得出沒有用千年油那種油抑味道..不過如果可以提供埋cream sauce會比較好..洋蔥圈也不錯吃..但不是很明顯夾著洋蔥的那種...所以也不怕吃完會很大陣洋蔥味道..pizza選了pepperoni..是9吋大的..兩個人來說份量很夠了..配了一杯紅酒..是老闆娘推薦的..BENCHMARK Shiraz $55/glass..係呢一區可以飲到呢個價錢真係好抵了... 

平時同朋友一放假就行到邊食到邊，今次就誤打誤撞下黎咗哩到。附近都幾靜，佢門口好光猛，所以就望下有咩食。門口有個menu ，見d野好似ok，dinner黎講都幾平，就決定試下。鋪頭唔算好大，一眼望哂，可以坐嘅人都唔多，但勝在整齊。仲有個開放式廚房，可以望住個廚煮。題外話：估唔到個廚唔係外國人。我地叫咗個夏威夷pizza $72其實個pizza可以tailor made ，加自己想要嘅料。但今次我地想試原味先。薄皮pizza，唔會有因為個底過厚而攪到飽濟嘅煩惱。好足料，而且焗到岩岩好。然後叫咗個磨菇湯 $38黎個要激讚！香濃好味！仲有田園沙律 $45食得出嘅新鮮，同佢仲有秘製醬料，值得一試。另外仲有粉紅大蝦尖管意粉 $68大廚推介，佢個管意粉真係煮得好好味，仲有大大隻蝦。黎個管意粉必試！

日本野相信大家食得多，刺身、拉麵、定食、shabu shabu……講得出既應有盡有，但係日本人嘅西餐你又食過未？話說今日又係中西區做野，本身諗住去返平時去開嘅餐廳，點知朋友就話附近有間日本人開嘅西餐，唔算好貴，鍾意試新野嘅我當然要去試下。去到門口覺得同一般西式野無咩分別，唔講真係唔會估到係日本人開。入到去，望落整整齊齊，紅色磚牆，開房式廚房，有bar枱，牆上亦裝有酒架，放滿一排排嘅酒。員工都好好禮貌，睇下個menu，lunch set都係60幾至90幾，西餐嚟講真係咁上下。最後我叫咗個北海道鮮帶子卡邦尼意粉，再加個日式沙律。先講下個日式沙律，田園沙律咁，而特別嘅地方在於佢有兩款汁俾你揀，老闆娘仲好用心咁介紹一個係黑醋汁，一個係大廚秘製日本汁，釀咗好耐㗎。咁我當然要試下餐廳特產啦，酸酸甜甜，好開胃，係比黑醋汁更香，更能帶出沙律鮮味。之後就到卡邦尼意粉，個帶子好鮮甜，而個意粉軟硬適中，d汁好香濃，面頭已經加咗芝士碎，唔洗再另外加芝士粉。份量唔多唔少，好岩香港女仔。見個老闊娘咁好傾，就忍唔住問下點解日本人要開西餐，老闆娘話其實日本人好少食刺身，反而係西餐多。而老公本身好鍾意烹任，於是係藍帶學

又到朋友家拜訪，由於上次和pasta inn 的老闆娘太投緣，所以決定再光顧。但這次我們是喝東西為主。我們開了2枝紅酒，選擇不多，但價錢比一般酒吧抵得多！紅酒抖陣氣就飲得，易入口。然後我們點了個巴拿馬生火腿pizza 。都是因為對上次的「一口Parma ham 沙律」念念不忘，但又想試新食物。薄薄的薄餅底配Parma ham 及火箭菜，pizza底又薄又脆，火箭菜還得新鮮，配上Parma ham是絕配，果然還是不令人失望的。然後再點點小吃來送酒。要了薯條和炸洋蔥圈。都是新鮮炸起的。炸洋蔥圈不會太厚粉，而薯條也炸得不油，好吃。後記：我光顧的那天是周五，比起第一次時多了很多人，但興幸不用等太久，而且店員安排適宜。

星期五留肚飲酒是常識吧～個個星期都會同朋友發掘飲酒新地方，最鍾意d有少少野食，又岩傾計嘅～次就嚟咗哩間新餐廳，初頭無咩人，但之後都full house～不過都ok！始終係餐廳關係，所以都唔怕有人醉到攪事，同朋友gathering 傾計真係好岩。我地4個人，叫咗個pizza，薯條同洋蔥圈～pizza 係意大利腊腸，pizza皮好脆，d腸好惹味，讚。薯條同洋蔥圈都有水準。同上食物嘅速度都ok～幾好～至於酒方面真係要讚！雖然無咩野㨂，但質素都唔差。我地開咗枝13年紅酒，都係200零蚊，真係抵飲到笑囉要，真係開多幾枝都仲得

今日lunch同同事試左呢間餐廳，環境一流，服務好好，雖然位唔多但係幾有氣氛！如果係同同事慶祝生日/farewell 非常推薦黎呢間！呢個大蝦通心粉～酸酸甜甜超級開胃～通粉軟硬適中～超級推薦：）題外話：原來老闆係日本人黎～難怪所有野都特別精緻！讚！😝

Happy Friday約左朋友在西環新開的Pasta Inn食晚餐，裝潢也不錯，蠻有格調。餐廳的牆身都懷舊又浪漫的紅磚，不失歐陸式的風格。入到餐廳中有一個開放式的酒吧，再加上微微昏暗的燈光打做了好像一間歐洲中的小型餐館。在這樣環境下享用晚餐，氣氛真是十分浪漫又有情調。餐牌好體貼，有中英對照，價錢以西環區來說十分平民抵食。Caesar Salad with smoked Chicken $48傳統凯撒沙律配雞肉，再灑了芝士伴食。非常醒胃，正好是食正餐前的一道開胃前菜。南瓜湯 Pumpkin Soup $38頗幼滑帶淡淡南瓜甜，味道濃郁。北海道鮮帶子卡邦尼意粉$128：帶子好大隻好新鮮，口感也是彈牙爽口，與忌廉汁共食已經非常滑溜，本身已經偏好卡邦尼意粉的芝士味道，質感煙韌彈牙又挺身，每一口的意粉都是到濃郁的忌廉汁。茄汁海鮮燴飯 $68：米飯中富有濃郁的茄汁味道，再配上一些雜菜及青豆共食，可以減輕下一些肉質的油膩。Prosciutto Pizza $98：一啖咬下餅底時真是感到好夠脆口，餅身真是好薄脆，啖啖有濃厚芝士味，也同時鋪上火箭菜和巴拿馬生火腿，都值得一試此薄餅。服務真是值得大讚，好

係中上環食個晏$4-50走唔甩，雖然成日想草錢，不過要平靚正都幾難。不過又咁講，一個星期總要有一日食好d奬勵下自己。個日試咗pasta inn嘅lunch set，$98，主菜加前菜加飲品，西餐嚟講好抵，好過茶餐廳一個腸仔蛋麵都要收我$40，仲要無質素可言。嚟日食咗個carbonara，帶子勁新鮮彈牙！d白汁都幾好，意粉硬度岩哂香港人口味。沙律同湯都ok，又多一個食堂。

自從港鐵通左去堅尼地城之後，多左同朋友係個邊搵好野食，今次揀左西營盤站。呢間pasta inn 係地鐵站B1出口出，行2-3分鐘就到。裝修同一般西餐廳無咩分別，不過都好乾淨整齊。開放式廚房，估唔到個大廚兼老闆係日本人。  我地叫左個chicken wings..prosciutto pizza..同海鮮risotto..先講下個雞翼，我覺得有d偏咸，不過煮到岩岩好ge，肉質好滑。但我覺得用黎做送酒小食會好d。  之後個pizza，除咗話好味之外我都唔知可以講咩，總之好味！  最後個risotto，超足料！激讚！飯汁香濃，但入口仍然係粒粒飯，好綿。我曾經食過好難食嘅risotto係一pat糊仔，但呢到絕對唔會咁，讚。  

若不是朋友新搬到西營盤，都不會在這一帶出現。幫忙整理好新屋後，我們便在這人生路不熟的地方隨意選一間餐廳吃晚飯，想不到有意外收穫。不知是否平日的關係，餐廳裡人不算太多，但正合我們意，忙了一天可安靜地吃個晚飯。餐牌裡的款式不算多，我們便很快點了個前菜，加pizza 和意粉。原本沒期望，但卻有了個驚喜！先說前菜，是Prosciutto Salad。這個真的值得一讚！平日吃Parma ham 也是要自己卷蜜瓜的，但這裡的大廚先把蜜瓜弄成圓型，再於上面放上Parma ham及火箭菜，用叉一吉便可以放入口，完全看得出大廚的細心。而火箭菜原來和蜜瓜也是絕配。這沙律若改為「一口Parma ham沙律」也貼切。然後是pizza，Pepperoni。我最喜歡它的薄餅底夠薄，而且脆口，多吃幾塊也不會濟。最後是管意粉，味道恰到好處，管意粉煮得剛好，不會太林，有彈牙感覺。酸酸甜甜很開胃，應該會適合大部份女士口味。賣單不用$250，抵！後記：當日我們差不多吃完時，老闆娘（？）非常緊張地問我們味道是否合適。原來餐廳是開張的，所以他們也很緊張每位客人意見，希望做得更好。後來言談間才知大廚兼老闆是日本人，還於藍帶畢業，

屋企附近有間唔知BAR定西餐既野, 開左幾年都無去過, 直到最近放假發現呢區無乜好食.. 高街太貴, 茶仔又食到悶, 心理上去無可去就試下呢間先講環境, 入到去紅磚牆烏絲燈, 一條長吧台, 輕音樂, 唔嘈, 唔錯, 起碼地方乾淨 (最驚喜係個TOLIET 超乾淨, 有事唔使怕污JO), 開放式廚房, 睇得出呢間野有心思, 店主是日本人, 在藍帶畢業, 令我對佢D野食有期望坐底再睇佢個MENU, 1板紙, 全部都係好簡單既野食, 什麼卡幫尼意粉, 肉醬意粉, 意大利飯果D, PIZZA, 沙律,主菜, 小食等等 都係d普通野, 有D失望, 希望唔會入錯店佢地有個SET LUNCH, 湯或沙律+意粉或PIZZA+飲品一杯 $78+10%比茶記貴, 但又唔貴好多, 今時今日算係咁叫左兩個SET, 粉紅大蝦直通粉, 白菌雞肉意大利飯..............先講餐湯, 是日例湯南瓜忌廉湯, 飲得出係好野, 應該係好多南瓜, 薯仔, 洋蔥煮成, 好濃味, 陣陣南瓜既香甜, 曾經去過唔同細餐廳都係白汁麵粉湯加南瓜, 難得呢間有FINE DINNING 級的例湯, 值得一讚是日沙律是田園沙律, 日