P for Pastry (已結業)

又係經過見到賣相都幾吸引下係有D黑點差D🥴香印提子撻香印做到爽口撻係曲奇皮咁都鬆既中間係cream欣賞個cream好有奶味結: $53黎講試一次就夠啦其他味都不太會主動試啦#香印提子撻#pforpastry

買兩件撻八八折！晚上見到呢度嘅撻好靚，加上店員宣傳兩件撻八八折，於是想買幾件嚟試吓。由於有選擇困難症，開心果嘅味道、伯爵茶嘅外貌，同埋想食水果嘅衝動，所以我買三件撻。到比完錢，朋友先發現，原來真係得兩件撻有八八折，第三件賣返原價，我買完之後有啲被欺瞞嘅感覺，早知淨係買兩件來攞咗個優惠就算啦。不過其實個撻食落都麻麻哋，唔會再有下次幫襯。香印提子撻$53- 起初就係比呢個香印提子嘅靚樣吸引到，提子皮有啲苦澀，相比起之前在日本當地食嘅香印提子當然係冇咁大粒同甜啦，不過呢個算係三個撻之中最好味。中間嘅忌廉打得輕盈，撻皮富有牛油香味，有一個弊病三個撻都有嘅，底層撻皮太厚太實，食落去好硬、影響到口感。開心果撻$53- 冇錯，開心果味好濃郁，鹹鹹地。但係口感冇香印提子嘅忌廉咁輕盈，有少少似食緊牛油嘅質地，好濟。伯爵蜜桃撻$48- 呢個同樣個質地都係太實，冇開心果咁濟，味道甜少少，伯爵茶味同蜜桃味兩樣都食得出。所以排名會喺香印提子同開心果之間。

近排好忙好多野做, 一到晏晝就好想食甜野今日經過P for Pastry見到有$120三個撻一於買返幾個同屋企人分享美味<日式焙茶朱古力撻>大食妹最愛火炙過嘅野食, 感覺瞬間好食左個level原來火炙嘅部分係棉花糖, 下面係特濃朱古力同焙茶朱古力, 入口有啲似生朱古力, 配搭nuts同牛油撻皮好食又飽肚<蘋果拖肥撻>蘋果拖肥都唔錯, 又fresh又甜, 一次過滿足你兩個願望<香印撻 及 香印蜜桃茶撻>想食得天然健康少少可以揀香印撻, 最啱鍾意食生果嘅你

有一日行行下商場，見到呢間細細地嘅cake shop，就比佢五花八門嘅手工撻吸引咗❣️平均價錢係$50-$60不等，最後買咗柚子檸檬撻試吓，試完之後真係返唔到轉頭，哈哈。🥧柚子檸檬撻成個撻望落去已經份量十足，我係要用刀切開4份嚟食😂柚子好挺身，甜甜地，再配搭埋酸酸地嘅檸檬，酸酸甜甜好開胃，最鍾意個餅底，好香曲奇味，而且好厚實，餅底嚟講我比較鍾意呢種挺身一啲，唔會一咬就碎晒🤣而家間中會買嚟食，當獎勵吓自己💕

前嗰排去旺角T.O.P行街, 見到IG Shop - P for Pastry係地下開咗個攤位, 雪櫃裏面有好多唔同口味嘅撻, 超吸引一個撻要成50蚊, 價錢有少少貴, 但口味相當特別, 大食妹一於同大家try try<伯爵柚子> P for Pastry嘅撻非常足料餅底係曲奇皮, 伯爵柚子茶味突出, 配搭柚子, 味道清新<楊枝甘露>仲有具有香港特色嘅楊枝甘露口味, 酸酸甜甜, 非常開胃配埋杯熱茶, 就係一份完美嘅下午茶<芒之熱情>屋企人就食咗芒之熱情口味玫瑰花嘅造型, 相信唔少女仔都會鍾意