OVO CAFE

營業中

休息中

唔知大家知唔知道舊灣仔街市係三級歷史建築，經過保育之後而家搖身一變變成一間素食cafe呢 ？之前行過幾次都好好奇，早前終於有機會入去食返個下午茶😋嘩，原來入面靚到Dum一聲!😍佢入面個環境超級靚！佈置到好似一個後花園咁，一入門口已經係花店，再行入少少先至係餐廳，佢嘅樓底非常高，我估有三層樓咁高，同埋種咗好多嘅綠色植物同鮮花，空中又會掛咗好多好有特色嘅植物裝置，藝術感同埋綠色環境並存，等你一邊享受素食嘅時候，一邊置身係一個室內嘅大花園咁，有feel! 💚唔單止環境賞心悅目，連食物都好賞心悅目，佢呢度會推出一啲新派素食，令到素食更加容易被大眾接受，講真我嗰日真係唔係好覺得自己食緊素💚淨係覺得樣樣都好精緻，好好食！佢有分特上套餐同埋輕食餐，💁🏻‍♂️我咁大食梗係揀特上套餐Jumbo Set, 價錢由$138-$158，包咗前菜🥙小食🍟主食🧆甜品🍮同埋飲品☕️💚前菜🥣我揀咗是日餐湯係南瓜粟米湯南瓜同埋粟米嘅味道都好香濃好creamy, 唔會話邊個搶咗邊個!小食🍟我揀咗乾鍋菜花 🥦整得够乾身同埋上面嘅孜然粉好惹味👍主食🧆我揀咗四重芝士impossible meat 肉醬流心蛋扁意粉，佢一嚟我已經覺得

有時出街食飯都會想食得健康啲輕盈啲，早排就同朋友發掘到呢間喺灣仔嘅素食Cafe🌱一入到去已經覺得樓底好高環境好舒適，食物都好有水準，推介大家嚟試下👍🏻我哋兩點去到咁啱有Lunch Set 同Tea Set供應～ Lunch Set ($138) 包前菜、主菜、小食同飲品。前菜係芒果金柚有機沙律🥗 主食韓式拌飯用上泡菜、芽菜、翠玉瓜、秀珍菇、紅蘿蔔絲，配上韓式辣醬，顏色鮮艷吸引，口感亦好豐富，食落清爽非常適合天氣熱嘅時候食🇰🇷 小食鹽酥素雞脾，其實係炸腐皮，腐皮炸到好香脆層次分明，調味亦同恰到好處！我哋仲單點咗忌廉芝士牛肝菌扁意粉 ($128)🍝店員一拎上枱牛肝菌香氣撲鼻，醬汁好creamy扁意粉勁掛汁，仲有好多牛肝菌啖啖都食到，我同朋友都好鍾意！Tea Set ($88)包小食同價值$40嘅飲品，我哋揀咗花枝魚餅配薯條，花枝魚餅好彈牙，係用大豆蛋白整成，口感味道同真嘅花枝魚餅超似😋飲品都好有驚喜！Iced Oat Milk Latte (下午茶套餐+$9) 咖啡味香濃之餘，轉咗燕麥奶多咗燕麥香味，口感亦更醇厚，好好飲👍🏻 朋友叫嘅鮮果冷萃熱情果烏龍茶 (午巿套餐+$23) 清新得嚟亦

香港其實保留左好多歷史古蹟，亦都見證住好多香港人嘅成長，唔知大家有幾得邊啲呢？今次介紹嘅係香港舊灣仔街市，通過保育轉化成一間素食餐廳，餐廳內種滿好多綠色植物同埋鮮花，環境非常舒適。另外店主希望嚟到嘅客人對素食有一個全新嘅理解，其實素食唔止淨係包括齋菜，仲有好多又靚又好味嘅豆類製品。日式咖喱吉列豬扒飯淨係睇個樣同出邊嘅豬扒飯冇乜分別，但係其實佢都係素食嚟㗎。豬扒外皮炸到香脆，估唔到素食都整到同真嘅豬扒一樣味。日式咖喱汁又甜甜地，好適合餸飯。四種芝士Impossible meat肉醬流心蛋扁意粉食到肉醬意粉，表面嘅芝士一定要焗到乾身，佢地就完全跟足哂要求，仲要加咗隻流心蛋。另外肉醬佢哋用咗impossible meat，相信大家都唔陌生，肉香味足又充滿芝香。至於飲品，佢哋都有好多款式。沖繩黑糖鮮奶咖啡依款就係凍咖啡，充滿淡淡黑糖風味。清新水果茶一壺嘅水果茶入面有多款水果，例如菠蘿、西瓜、檸檬和火龍果等等，好適合為呢個炎炎夏日降溫。OVO CAFE (灣仔)灣仔灣仔道1號地下

《重返灣仔舊街市食特色素食》୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧並唔係我哋想像中咁乏味同單調，好似間位於灣仔舊街市環境好有特色嘅素菜，無論你自己本身係食素或者你係食素你想帶啲唔食素嘅朋友，一樣都可以照顧到，因為有時候其中一個人食素，就會好難搵餐廳，一係就係素食選擇好少，一係就係素食唔係好好食，OVO除咗週末都有午餐選擇，亦都有多款主菜可以選擇，絕對係啱晒有食開素嘅朋友或者係想嘗試食素嘅朋友！芝士田園野菜玉米石斑飯依款我就專登問左店員幾次，我話啲魚肉係白色一片片，真係素食咩！？因為肉質有魚肉嫩滑嘅口感，店員好肯定咁答我係。配上芝士同粟米汁，真係幾可亂真。All Day Breakfast依份套餐會有芝士粟米流心蛋大啡菇、紫薯甘粟餅、純素麵包、Impossible meat漢堡、芒果金柚有機沙律和楊枝甘露，實在非常豐富。玫瑰岩鹽鮮奶咖啡好用心拉花嘅咖啡，表面再灑上玫瑰花瓣，帶果仁香味又有少許岩鹽嘅鹹味。芫荽青檸梳打鍾意芫荽嘅朋友唔可以錯過，成杯芫荽加上開胃嘅青檸汁，好健康嘅一款飲品。人均💰200如果唔想錯過其他好介紹，記得follow我呀😘多謝大家！！！∴∵∴ ୨୧ ∴∵∴

終於介紹素食，今次介紹位於三級歷史古蹟——舊灣仔街市入面嘅素食主題餐廳，邊個話素食淨係食菜，配上Impossible Meat一樣咁滋味~🍕 瑪格麗特芝士薄餅 $118瑪格麗特芝士薄餅香脆可口，豐富茄醬，濃烈芝士，每一啖都能夠感受到薄餅酥脆同芝士濃郁。雖然論配菜而言，薄餅略嫌少少單調，但整體而言，薄餅酥脆可口，茄醬同芝士鮮美濃郁，味道不錯。🍝 四重芝士肉醬流心蛋扁意粉 $128四重芝士肉醬流心蛋扁意粉味道非常豐富，Impossible meat味道同真正肉類非常接近，肉醬濃郁，芝士豐富。而且流心蛋部分令人驚艷，蛋黃慢慢流出，與肉醬同意粉融合一齊，令成道菜口感更豐富。🍺 Si L Dan IPA $58比個有趣嘅名吸引，Si L Dan IPA係混合松葉同柑橘手工啤酒。呢款啤酒非常清新同獨特，既帶有柑橘同松葉香氣，亦給予人一種自然同清新感覺，口感非常清爽，帶有微妙的苦味同柑橘味，啤酒味道平衡，唔會太甜亦唔會太苦。

四重芝士Impossible meat 肉醬流心蛋扁意粉（lunch set$148)🍲甘筍粟米湯🍠紫薯甘栗餅🍹菠蘿荔枝梳打（+$21)賣相：🐧🐧🐧🐧🐧味道：🐧🐧🐧🐧🐧lunch set 以特色六角形餐盤送上，並附上木托盤隔熱，十分貼心。肉醬意粉肉醬、芝士量極多，流心蛋熟度剛好，三者與意粉混合效果極佳，濃郁惹味。當中Impossible meat 與真肉粒質感極似，真假難辨，令人驚喜之選。甘筍粟米湯十分清新，甘筍、粟米的甘甜盡現湯中。紫薯餅外層炸皮脆香不油，內裡滿滿的紫薯餡夾雜小粒甘栗，薯香味足，甘甜味美。菠蘿荔枝梳打以大型玻璃酒杯送上，頂端刻意放上一串菠蘿作點綴，別具意思。梳打入口清爽氣足，酸酸甜甜非常開胃，解膩一流。徐伯天貝漢堡配薯條（$120)賣相：🐧🐧🐧🐧味道：🐧🐧🐧🐧🐧漢堡非常巨型，內裡夾了厚厚的特制徐伯天貝漢堡肉，以及其他新鮮的配菜，非常豐富。特制徐伯天貝漢堡肉入口質感似豆蓉，豆香十足，有別於一般肉製漢堡扒，完全零油膩零滯食感，健康推介。當中，漢堡採用了蘋果果醬，酸中帶甜，醒胃提味，更能除去配菜的草青味，非常理想。隨漢堡附上大量粗身波浪薯條，炸得金黃香脆，伴點茄汁同食滋味一

平時同素食朋友慶生，又或者約hightea傾偈，最中意就係去呢間素食Cafe☺️環境真係好舒服，充滿綠色嘅植物同埋光線好好，好岩打卡😆加上素食Menu嘅選擇好多，除咗有唔同特色嘅主菜甜品咖啡水果茶，仲有輕食套餐，百幾蚊就可以一次過由頭盤沙律、主菜、甜品到飲品都有齊，選擇繁多，每個portion嘅份量唔會好大，好適合女仔🥰最近發現佢推出咗一個新嘅天貝漢堡😱🍔係用以前中環人好熟悉嘅徐叔叔天貝做嘅🥹當年徐伯為咗推廣營養素食，喺中環嘅巷仔非常努力經營天貝產品，後來經營太困難加上疫情先至結業🥲今日喺ovo cafe見返呢個天貝包包重現江湖🍔感受到同道中人為咗推廣素食同大眾健康嘅決心，真係好感動🥹同場加映，泰式冬陰功意粉，輕微辣感，濃濃椰香😋 值得一試！

第二次嚟呢間素食cafe💚環境舒服寧靜 食物款式都好多 無論係咪素食人士 都好值得一試‼️今次難得撞正食齋 就試下佢地純素嘅食物🥰.📌乾鍋菜花(含五辛,辣) $52原本含五辛係有辣椒粉 純素ver. 就變左鹽酥椰菜花🧂好驚喜 勁有鑊氣 應該有炸過 雖然好油 但脆脆地 香口又惹味🤤.📌忌廉芝士西蘭花(純素) $62忌廉同芝士都變左純素版 但同真嘅冇分別💕醬汁好香滑 芝士冇怪味 微微鹹香🧀西蘭花爽脆清甜🥦.📌瑪嘉烈特芝士薄餅(12吋) $11812吋真係好大塊 不過比想像中薄好多 所以一個人食都可以🤣批底薄薄一塊 但都食到軟綿口感 批邊就好脆口🍕熱融素芝士(+$30)唔鋪滿批面 仲有一片片喺到 雖然冇拉絲 但食到個鹹香味🧀配埋酸酸甜甜嘅蕃茄醬同蕃茄仔 好夾 清新又開胃🍅啲蕃茄仔飽滿又多汁😍仲有啲羅勒葉 食落更fresh🌿.📌純素Vegan All Day Breakfast $138估唔到純素都整到咁豐富 價錢仲要唔貴🥹大啡菇好厚肉 嫩滑多汁 加埋純素芝士粟米 鹹鹹甜甜 一啖食好滿足🧀🌽純素雞髀用咗雪條棍插住炸腐皮卷 外皮炸得好脆好乾身唔油 面頭加左啲鹽 食落好香口🍗純素麵包係香草吐司 烘到

二訪ovo cafe食晚飯。晚市只可叫晚餐或散叫，晚餐小食同主食嘅選擇都比特上套餐入面嘅少，而且大部分都含五辛。食物質素一般，價錢仲要比特上套餐貴，感覺晚餐性價比低。伴素晚餐1. 鮮果沙律及是日餐湯 (南瓜湯)2. 主食3. 自選小食4. 自選甜品炸石斑菠蘿芝士漢堡 (含蛋奶) ($273)麵包外皮鬆軟香脆，入面夾有生菜、芝士、素魚同菠蘿。芫荽香菜鹽須扁意粉 (含五辛) ($246)意粉冇芫荽味，只有鹹味，似普通炒意粉。黑松露薯條 (含奶)芝士忌廉西蘭花 (含奶)鮮果爺爺 (含奶) (另+$28)雪糕嘅味道同麥記嘅雪糕一模一樣，份量幾多，食完好飽。雪糕底下係生果同椰青味嘅大菜糕，但味道比較淡。朱古力心太軟 配北海道3.6軟雪糕 (含蛋奶) (另+$18)朱古力心太軟嘅外表暖同脆身，但入面嘅朱古力醬味道較苦。

好耐冇黎OVO Cafe ～依家食物嘅選擇變多左好多，中西合璧，有好多純素選擇😍不過今次得兩個人，就叫左兩個晚市套餐🤓純素南瓜紅蘿蔔湯好天然☺️而雜果沙律係用新鮮水果🍉😍 小食簡左南洋炸豆腐（配沙嗲醬同蝦片）同乾鍋菜花😛乾鍋嘅麻辣粉居然係自己炒，超正😍唔太食得辣嘅朋友仲可要求另上🤣如果麻辣粉有獨立賣就好了🥹主菜方面，試左芫荽意大利粉🌿芫荽濃度適中，配上炸蝦卷，不錯不錯😌 另外叫左四重芝士Impossible meat流心蛋扁意粉（轉純素芝士）🍝 味道好濃，勁多肉醬😍 正最後甜品食左杏仁茶☺️☺️新鮮制作 好大碗😆😆🌿🌿🌿🌿唔知大家知唔知道，依度前身係灣仔舊街市活化後成為餐廳，係三級歷史建築物🏡 印象開某都接近十年，呢到一樣咁令，入到黎食嘢好舒服☺️餐廳仲播住一啲褌嘅音樂，希望大家以一個平靜嘅心享受食物☺️感受到餐廳嘅用心💕

最近食咗好多肉，所以都想去啲輕食或素食店食下等腸胃健康啲，所以去咗呢間位於三級歷史建築物，灣仔道1號嘅ovo cafe1. 忌廉芝士牛肝菌扁意粉呢個意粉我可以形容係超水準，好少喺香港可以食到煮得咁出色嘅扁意粉，生熟程度掌握得很好，咬落去有口感，中間仲有啲生生地2. 蘋果肉桂窩夫窩夫價錢唔貴而且份量算好足料，有一種睇完已經飽到上心口嘅感覺，窩夫以肉桂蘋果做底，即叫即製所以做到皮脆内軟，食落有輕微肉桂香，但以肉桂蘋果做主體嚟講就唔夠濃，雪糕就只係正常雲呢拿雪糕冇特別，味道唔錯但唔夠濃肉桂蘋果味，所以仍需要改進

首先我本身係少食多餐個種女仔黎嘅，基本上去親邊度食嘢都會有淨🙈但係同 friend黎呢間食過幾次，大家叫2-3個餐share黎食，仲有Quota可以食甜品🙈夠light我buy之後想講佢個環境好靚，好多花同盆栽，食物啲擺盤好用心，明明只係食個lunch tea，幾碟放埋一齊好似嗰啲港女T 咁，求其影都靚，5似100蚊有找食物選擇都算多同好食，唔係剩係得沙律，反而佢啲甜品好大份，當正餐食都得😂夜晚收工過黎食一份啱啱好美中不足就係個地理位置？因為我同啲 friend唔係灣仔街坊5識路，第一次嚟跟住個google map行左好耐，個門口因為好多植物🙈嗰陣到左仲以為係花店，經過左都5知後尾個到嘅侍應教我灣仔A3出太和街直到，原來10分鐘內都到，下次識行

以前係附近做嘢，成日都會過去ovo cafe食野，無論lunch定dinner都食過好多次，今次放假過到來灣仔，見到ovo重新裝修過，又同其他品牌crossover，打算朝聖下，來到後人流唔多，同比放飯時間來講有點冷清，或者客人未知佢地已經重開呢。今次見到menu比之前更花了點心思，起碼有厚實既封面😄不過好可惜冇咗佢地最signature既位，就係每個星期lunch都唔同，呢個都係當初最吸引我成日去既點，起碼每個星期有新鮮感，不過一場來到都試下佢地既set。- 份量少 價錢貴我揀咗light meal，有3樣嘢跟一杯野飲，我揀咗main係impossible meat意粉，以前試過呢個幾好食。當個餐來到後個份量真係嚇親，個6角型兜真係好迷你，好似我手掌咁細，似係下午茶餐，以為個main會大份d，點知係同前菜小食同一個份量，但價錢係$88😅，個意粉真係3啖食完，成個餐食曬好似冇食過野咁🙃，對比以前$82一個餐跟沙律或者飲品相差太遠，起碼以前係一個正常份量既餐，如果用$88去食呢個”下午茶”餐，同比灣仔其他餐廳真係輸曬，而且$88已經係最平既餐😓 味道方面，同以前唔同，但唔係難食既，普普通

同事介紹話公司附近有新甜品店，睇左同事打咭相lunch 食三式併盤好似好正，疫情過萬之下自己節制吓唔敢堂食，收工去買碗糖水𠱁吓自己，外賣芝麻糊，睇落普通，$32價錢都正常，宵夜時番丁，原來咁大碗，又重芝麻味，童年回憶反晒黎。

真係好多選擇任你mix and match 意粉/飯/沙律/小食/甜品, 可以每樣食少少, 好啱胃食既女仔, D餐重包一杯鮮榨西瓜汁(好似可以揀茶&啡),  咁我當然揀西瓜汁抵D, 鮮榨喎, 試左既甜品 有宇冶金時, 楊枝甘露, 鮮果乳酸, 三款都好正, 甜度好啱我。個menu重有爺爺系列 (即係椰皇), 椰皇入面係果凍, 上面係北海道軟雪糕+鮮果, 不過我會加$10轉乳酪, 因為今次食完愛上左呢度既乳酪, 其實我都鍾意食YO MAMA, 每次路過都要唧番杯, 好似外面好少有乳酪雪榚了, 另外,  問左waitress果凍冇魚膠粉, 適合素食人仕, 不過我唔係素食的。偷聽到隔離話芝麻糊勁足芝麻味, 同對面冇得比, 我下次都要試試, 見到佢個menu 中式糖水重有樹記腐竹薏米, 下次真係要試吓佢D中式野。