Outdark (飛達商業中心)

營業中

休息中

放工同事聚會， 去左旺角間Outdark食韓餐。餐廳環境好有特色。天花吊住好多星星、月亮造型嘅燈飾，仲有大大隻鯨魚同水母裝飾，成個氛圍好夢幻，好似置身星空底下咁。近排佢地仲有個啤酒set推廣， 好優惠禁，但聽日番工所以今次無order酒精😆。叫左個炸醬麵（Jjajang）超掛汁，黑醬鹹香又帶少少甜，入面仲有肉同蔬菜，鋪住兩粒鵪鶉蛋，黑醬濃郁，成個口感層次好豐富。跟住嗰個無骨雞，叫Two Flavours Chicken，有醬油雞同蒜蓉蜂蜜兩種味。雞肉炸到外脆內嫩，咬落仲好多汁，配埋薯條同薯格，薯格脆卜卜，薯條外脆內軟，成個組合真係絕，食到停唔到口。食雞勁開心🥳仲有個DIY飯團都幾好玩，飯有海苔碎同魚子，自己攪勻再捏成飯團，海苔香同魚子嘅鹹鮮味好夾，飯團飽滿又有嚼勁。飲品方面，藍莓乳酪飲料酸酸甜甜，乳酪味好濃，上面有忌廉，飲落好滑，甜味都啱啱好。百香果飲料都幾清新，百香果味好出。總體嚟講，呢度食物味道正，炸雞必點！種類又多，暑假仲有優惠，環境都幾有氛圍，同朋友傾計食飯好適合，下次仲會再嚟試其他嘢。

店名：Outdark地址：旺角彌敦道613號飛達商業中心2樓今日拍拖黎開旺角，朋友推介旺角附近有間好有情調嘅韓國餐廳，一於試試佢，一黎到餐廳好有氣氛，暗暗地有情調，真係好啱情侶，一大班朋友係到吹水，聚會👏👏我哋叫咗三樣菜式1.芝士王國-芝士炒雞$328芝士炒雞冇得輸，夠兩個人食，配料又多又啱打卡，中間一半芝士一半炒雞，放喺爐上加熱，芝士半溶時，店員會過嚟幫手將芝士同雞肉攪拌，芝士配炒雞好邪惡😈，炒雞重要有少少辣，好惹味👍，旁邊仲會有蛋汁，紫菜飯，泡菜等配料混合食用，必食推薦2.碳豚飯卷 $98飯卷好正，配料多好足糙，豚肉嫩，份量足，二個人完全夠吃，每一啖入口都好滿足🤤3.炸醬麵 $118醬汁濃郁惹味，配上彈牙面條，入口好滿足，配料多，有洋蔥，肉片，青瓜，混合上黎好正😋現時Outdark 10週年抽獎活動進行中，用餐後就有抽獎機會，頭奬係來回首爾商務機票，二奬Apple AirPods Max， 三奬Apple iPad mini ，四奬Dyson 風筒及其他豐富禮物。餐廳現時還推出10週年 Special Menu，如果成為會員，更加會有額外美食，積分及現金券回贈。總價連加一 $598

✈️ Outdark 嘆韓食 抽首爾機票！✈️ Outdark 10週年抽獎活動開動❣️用餐就抽獎機會，贏取來回首爾商務機票、Apple AirPods Max、Apple iPad mini 、Dyson 風筒及餐廳美食等豐富禮物。餐廳仲推出左10週年 Special Menu，如果成為會員，更有額外美食、積分及現金券回贈。🐔 芝士炒雞 $328芝士控絕不能錯過的辣炒雞，雞腿肉配上秘製辣椒醬及香濃芝士，加上配菜爐邊蛋、泡菜、紫菜飯及迷你脆皮腸，份量慷慨，在場Oppa還會幫忙熱融芝士，是餐廳內招牌菜式。🐷 烤豬梅頭肉 (鹽味) $198🥬 蔬菜 $20用生菜包住烤得焦香可口的豬梅頭肉，加上金菇、蒜片、辣椒及包飯醬，味道豐富又滋味。🍓🫐 Fresh Yogurt (士多啤梨/藍莓味) $48/杯食辣野推薦大家飲返杯帶有果肉嘅乳酪，清新又解辣。@outdarkhk🍽 餐廳：Outdark (飛達商業中心) 🌐地址: 旺角彌敦道613號飛達商業中心2樓🐮 #cowing吃在旺角#hkigers #hkkol #foodie #hkfoodblogger #igable #旺角美食 #Outdark

好想食炸雞，見到呢間超多好評，就同fd上嚟試試！平日夜晚接近8:00都full晒，要等近15分鐘先入座，下次都係早d訂位。等位期間可以先在店外玩下即影即有相機！雙拼炸雞-醬油味及香蒜蜜糖味，香脆炸雞，每件沾上醬汁。醬油味偏甜，反而香蒜蜜糖味味道更有層次，下次要試埋甜辣醬味！加$38要了腸仔年糕串，年糕外皮夠脆好有驚喜，沾上炸雞醬更惹味辣炒豬肉，配料：大荳芽，蔥，旁邊有腸仔，芝士，泡菜，紫菜飯。我哋另外點了2客生菜盤，有蒜有辣椒，配埋辣炒豬肉食一流！邊爐旁的芝士亦係超級正，尤其在半溶狀態，加落辣炒豬肉或炸雞上都非常對味！海鮮蔥煎餅，大蝦，與其他餐廳不同，有大量蔬菜及大蔥，味道豐富見到人地超大盤炒年糕好吸引，有大大件炸魷魚，下次再嚟食飲品點了梳打系列，我最愛Mojito ，清爽解膩。朋友的芒果梳打及葡萄柚梳打都不錯～埋單時店員俾咗抽獎劵我哋，原來做緊10週年大抽獎，大獎是雙人來回首爾機票，仲要係Business Class!!!! 我們要中獎呢！

呢間韓國野我記得開左好多年，好耐冇食，今日再去環境都幾好。不過變左暗黑系，掛左好多星星。辣炒豬肉 HK$288份量好多，不過比較油少少，辣度唔算好辣，周邊仲有好多配菜，有紫菜飯、芝士，好多樣野，所以好滿足。烤牛肉飯捲 HK$98餡料都好足，味道都不錯，配返D濃味野食就岩岩好。香蒜蜜糖半份炸雞（無骨 250g）HK$138無骨雞最正，啖啖肉，仲有薯條薯格，2個人食已經好飽。Outdark (飛達商業中心)旺角彌敦道613號飛達商業中心2樓

依間屹立係香港十年既韓式餐廳都係朋友間好高人氣,不過我都係第一次食😂同男朋友兩個人點左三樣野都覺得有d多🤣🤣,因為好似每個菜份量都幾多✅BB八爪魚火鍋(HK$288):冇認真數過,但我估至少有15隻~無論配菜定係八爪魚,都比我想像中還要多~ 男朋友都食菜食到飽左😂😂✅海鮮煎餅(HK$138):走軟綿綿路線,好細心切開咗12小份✅烤豬肉(HK$198):對比八爪魚火鍋依個震撼性比較少,顯得性價比冇咁高👀不過都好貼心將啲豬扒切咗小份~最近十周年做緊啤酒Promotion🍻,不過我唔太好🤣唯一小Kick 既地方係餐廳既燈光偏暗,影相可能需要開閃光燈或自行打燈🤣🤣💡💡

唔洗飛韓國都食倒正宗味道，成日同朋友garthering都會揀嘅餐廳。半份香蒜蜜糖炸雞炸雞即叫即炸，上枱熱辣辣！外皮脆到「咔哧」聲，粉漿薄身掛滿香蒜蜜糖醬，蒜香夠晒霸道，蜜糖甜度啱啱好唔會膩。雞肉去晒骨啖啖肉，咬落嫩滑爆汁，完全唔乾柴。配菜有齊波浪薯條、薯角同薯格，全部炸得金黃脆口，邪惡度爆燈！加$28追加嘅Cheese Stick🧀 係驚喜之作，外層炸衣超脆，一拉開澎湃芝士瀑布湧出。豬腳呢碟絕對係重量級！豬腳切到薄片鋪滿成盤，皮燜到超軟糯，肉鬆化入味，醬油鹹香中帶蒜蓉。跟生菜、蒜片同韓式辣醬包住食清爽解膩。必點芒果馬格利酒用傳統大碗上枱，儀式感十足！芒果果蓉配米酒，甜度天然唔假，飲落似芒果乳酪咁清爽。酒精濃度低易入口，配炸雞一流。餐廳佈置超有韓劇feel！滿天星星燈✨、情侶鎖牆🔒平日都勁多人，建議提前訂位。兩個人食晒三樣加飲品埋單約$600，其實份量夠3個人食，係我地貪心嘅，炸雞同豬腳水準超高，環境打卡able，係旺角區高質韓餐之選！

同朋友去旺角，就揀咗呢間韓國嘢食，因為真係由韓國廚師煮，侍應都係韓國人，非常有風味！食品都係自製，好有心思😋😋五花肉炒年糕😋超級大份，份量非常多！辣醬同埋泡菜嘅味道已經炒晒入去五花肉入面，所以每一啖都好香嘅韓式辣醬泡菜味，個底仲墊咗好多年糕，同樣地，每一啖都沾到醬汁，入口非常滿足！😛側邊仲有腸仔、芝士、雞蛋，用嚟點汁嚟食，非常之夾。🤩串串魚糕湯😋同樣地都係好大份，除咗有好多串魚糕之外，佢仲有蘿蔔同埋野菜，蘿蔔吸晒佢嘅湯底，湯底好清甜，而且好好飲，同埋魚糕煮到非常之彈牙，好襟食🥳烤牛肉紫菜飯卷😋飯卷好足料，牛肉嘅份量都好多，好紮實，每一啖都好滿足😝😝配埋兩杯飲品，解渴之餘仲解理，係好滿足嘅餐😋😋

從小看韓劇長大的我，對韓食真的愛得深沉呀～ 今天朋友帶我來的這家韓料店，果然沒讓人失望😌店裡的裝修好戳我！頭頂是浪漫的星空頂🌌，還有韓劇裡常見的鎖牆，掛著好多情侶鎖🔒，氛圍剛剛好～菜品分量很足，味道也很正宗👇✅辣炒豬肉：中間是辣醬炒的豬肉，旁邊圍著芝士、紫菜飯、泡菜、肉腸和菠蘿🍍，搭配起來層次好豐富！底下還有年糕，糯叽叽的很入味～✅泡菜煎餅：餅皮帶著點焦香，每口都能吃到泡菜的酸辣，蘸醬吃更絕🥢✅牛肉飯糰：海苔裹著米飯和牛肉，一口一個很扎實，越嚼越香～對了，在open rice投票能換一杯價值$48的梳打飲品🥤，氣泡滿滿很解膩，超划算～最驚喜的是門口有即影即有相機📸，和朋友拍了張合照留紀念，感覺很青春呢～ 已經列入常去清單啦～

同尖沙咀分店一樣... 好! 多! 人! ...勁多妹子~ book了都要等一陣. 是韓國人哥哥帶位. 今次第二次食. 我唔想叫"一窩嘢"啦, 叫menu上面第一頁的推介. 其實我無見到有人叫. 但我係豬手的愛好者. 點都要試下~ $318一份嘅韓式豬手豬皮滿滿骨膠原✨肥瘦比例剛剛好肉質軟嫩得黎仲有嚼勁韓式醬汁醃得超入底層... 仲鋪滿吸晒精華嘅韓式椰菜! 清甜爽口幫成碟菜加晒分🥬～炸醬麵$118黑嚕嚕嘅醬汁濃郁得黎唔會死鹹 彈牙麵條掛滿醬汁🍜仲有洋蔥、肉片、青瓜增加口感 食完成個超滿足💯～其實豬手都好大份. 要大食的OR 肉食愛好者先會食得曬. 最後我出絕招. 打包~ 第二日仲入味, 一樣咁好食~ 

其實本身諗住係嚟食魚煲湯㗎，但係冇諗過最好食反而係個飯團囉！個飯團真係超級無敵有驚喜，本身以為係一個配菜就會係細細碟好Hea咁樣，但係其實都幾大份。而且呢佢個麻油味係超級無敵重，撈埋一齊食係勁正。魚糕湯份量都有返咁上下，可能因為個價錢都唔係話平。我哋兩個人食好似真係太多，建議可以三至四個人食。可能係因為家族海鮮嘅緣故，覺得佢嘅湯其實係好鮮，如果佢有得俾人另外再加配料會更加正。因為低估咗嘅份量，所以其實我哋係仲叫咗個炸雞㗎，但真係食唔晒囉，好彩佢炸雞有得嗌細粉，如果嗌大份真係搞唔掂。

呢間真係喺香港開咗好多年嘅韓餐！冇記錯嘅話第一次去食應該係4、5年前，同過無數friend去幫襯過！可以話係我心目中香港韓料嘅白月光～食物質素一直keep住水準，出品幾穩定，去咗咁多次基本上未伏過 🍲今次試咗佢哋10週年限定menu嘅韓式燉牛小排，超大份！勁多牛肉🥩同配料，兩個人食到飽晒～個醬汁甜鹹度啱啱好，尾韻有陣梨香，啲牛肉燉到好淋，娃娃菜、粉絲同冬菇索晒啲精華✨真係好好味 🍚每次嚟都必點DIY紫菜飯團！紫菜+麻油+飛魚籽撈落熱辣辣嘅飯度，真係香到爆，又好玩的可以自己搓飯團 🍓士多啤梨米酒真係無得頂！用新鮮水果整，完全冇人造糖精嘅假甜～得返生果嘅天然酸甜同清新，米酒帶氣泡又甜甜哋，酒精味好輕，怕醉嘅姊妹都可以放心飲 🧀🐖其實以前成日會點芝士豬肋排，肋骨捲住拉絲芝士，辣醬混合奶香，真係邪惡到爆，今次發現已經冇得賣，諗起都流口水 🌟真係好適合帶crush或者friend去嘅一間店，一入門口就被啲星星月亮燈✨同天花吊落嚟嘅串燈迷倒，仲有標誌性嘅情侶鎖牆🔒，燈光暗暗哋氣氛一流，成個場景好似韓劇咁～餐廳都好易搵，外牆掛住超大張海報

今日放工同男朋友喺旺角食呢間超高質嘅韓式餐廳！環境好舒服，仲有photo booth，影相一流！📸😍 食物質素真心唔錯，encore左好多次啦👍🏻😋✨炭豚炒粉絲 $108粉絲爽口彈牙，炭豚肉香濃郁，調味啱啱好，食落好惹味，份量都夠二人share！🐖✨串串魚糕湯 $228湯底鮮甜，魚糕軟糯又有咬口，串串設計好有趣，飲完暖笠笠，勁多料，仲有青口金菇等，超滿足！🇰🇷✨半份炸雞（香蒜蜜糖） $138外皮炸得香脆可口，雞肉嫩滑多汁🍗，香蒜蜜糖醬汁甜中帶微蒜香🧄 🍯，味道層次豐富，半份份量啱晒2人share，超值又好味！😋✨芒果米酒 $38芒果味清新，米酒甜而不膩，入口順滑，夏天飲一流！🥭🍹✨蜂蜜米酒 $38蜂蜜香氣突出，米酒味道濃郁又唔會太甜，飲完好relax～🍯🍹

才发现香港也开了outdark⁉️🐷辣炒猪肉🌶️韩餐的辣炒猪肉就没有难吃的吧❗️超级入味的猪肉夹着豆芽洋葱泡菜，再裹上拉丝的玉米芝士🫕 超香🍜辣豆腐汤乌冬🔥配料丰富而且份量真的很大，有嫩豆腐、肉片、香菇、丸子、金针菇等等… 吃一口面再搭一口汤🍹草莓奶昔🍓浓郁香甜～两份主食够至少三个人吃！

韓國海鮮煎餅是一道美味的料理，外皮酥脆，內餡豐富，咬下第一口時，會感受到香脆的口感，隨後是鮮嫩的海鮮味道，蝦、魷魚和貝類，與特製的醬油或辣醬搭配，味道更加鮮明，煎餅的香氣中帶有淡淡的蔥香，增添層次感，吃每一口都令人難以抗拒炸醬麵韓國炸醬麵是一道美食，麵條彈性十足，與濃郁的炸醬完美結合，炸醬由豬肉、鵪鶉蛋等材料製成，味道醇厚，帶有微微的甜味和鹹香，當你將炸醬拌入麵條時，香氣四溢，口感滑順，讓人一口接一口韓國炸雞薯條和番薯芝士條，炸雞外皮酥脆，肉質鮮嫩多汁，香料的調味讓每一口都充滿驚喜。薯條金黃酥脆，內裡軟嫩，帶有淡淡的鹹香，與炸雞相得益彰。番薯芝士條則是另一種享受，表面金黃酥脆，咬下時能感受到番薯的天然甜味和濃郁的芝士香氣，口感滑順，讓人回味無窮