Our Wonderland (已結業)

5月28日同朋友嚟左呢度食生日飯,好彩一早訂左位,原來閒日夜晚都好多人呀!! 我地六個人叫左一個六人套餐都好抵食,800幾蚊有好多樣嘢食的.餐廳好黑,睇唔到嘢咁滯,有餐湯,忌廉湯,都好creamy好味,有些周打魚配料. 蝦沙律隻蝦都新鮮,沙律菜份量都幾多同埋都新鮮爽甜架,菠菜薯蓉,朋友話呢個好好味,我都覺得好香又唔漏,小食拼盤,炸得過火了,好油好熱氣呀,有雞腿,雞塊,蝦,洋蔥圈,墨魚汁飯配蝦,個飯都好味,不過都係油左少少,食完個口黑晒呀!!pizza好薄身,同埋都好足料呀,有蕃茄,菠蘿,芝士,肉碎等,好脆及香口,good呀!!海鮮意粉,呢個都多油左d,配料有魚,菇,等,都幾ok的,不過太油啊.最後甜品係雪糕配朱古力蛋糕,好味,雪糕係雲妮拿味的,小小一件蛋糕唔會太漏.我想講服務真的一流,你去邊都有人guide住你,又叫你小心梯級,上菜收嘢都好快,加手都係呀!!

是日係多年工作同事的生日飯一早上openrice搜尋傾得計的餐廳最後搵左呢間OWL睇左d食評都有d唔錯就book位了由於book左位, 所以去到就有得入坐book位時佢話分時段6-9pm, 我book7點半要9點交台但那天晚上我地傾到成10點都未趕我地走餐廳環境好有情調, 但比較狹窄想傾秘密就要細聲d啦~服務非常之好,加水加得好快而且會講聲先加但就打斷左我地傾計~haha食物方面,試左好少野, 因為都幾貴我地散叫, 唔想食d set好晒的野食左個個名好長的, 只記得叫黑松露芝士忌廉焗千層面$118, 咁上下超好味~~~ ^^ 芝士好香, 黑松露都算多, 但味道又不會過濃炸蘑菇配薯條$98,個蜜糖芥末醬好味~ 但果d蘑菇唔係蘑菇來的我覺得是切左粗條的大啡菇, 好味~水牛芝士pizza(細),$108 都係配蕃茄架喇, 好fresh, 個薄批餅底超脆超好味~ 墨魚汁海鮮意大利飯正宗的少硬意大利飯,但墨魚汁味一般, 海鮮甚少(無咁仔), 隻蝦睇個樣都知咩貨, 要成$108定$118, 覺得唔值,下次會試佢個什菌意大利飯甜品方面,叫左個芒果拿破倫$48都幾好味, 好多吉士cream同芒果,個

聖誕book左TST間【Our Wonderland】的西餐廳~和一班好友兼同學慶祝~上到去人唔算多~都幾靜, 所以搞到我地講野好似好大聲咁~~ 食物方面都唔錯, 價錢以西餐黎講算係中等~~先黎【煙三文魚凱撒沙律】呢個我自己冇食, 不過朋友都話三文魚份量唔少~【炸蘑姑拼薯條】用鐵桶仔裝住, 好西洋化~~蘑姑大大舊好鮮甜~拼埋薯條熱辣一流~我地總共叫左兩個呢!~~【墨西哥卷】味道麻麻, 可能唔多岩我胃口..食落既感覺好普通..平淡的感覺【雜菌意大利飯】忌廉汁好香好cream~~~好快食晒, 想食多啖都冇【蘋果花茶】成四十幾蚊杯..一d都唔特別, 感覺上似一杯淡味道的蘋果茶, 唔明點解可以咁貴【煙肉蛋黃汁意粉】呢個冇影到相, 不過真係好味!!!! 食過返尋味呀..店鋪的食物仲有唔少款式, 有機會想再試下其他意粉甜品等~~另外想encore煙肉蛋黃汁意粉呢 店員的服務態度都唔錯, 我地不停叫佢幫我地影相都話黑面~~~而且環境挺舒適, 都不失為情侶拍拖吃飯的好地方~~

4人思量過散點抵一點還是叫SET, 散點意粉,飯都已經130$左右, 再叫一杯特飲都42$, 點了SET FOR 4, 加一後除加埋特飲除4都是178$, 所以都點了SET...又有DESSERT, SOUP呢, 可以TRY多D 野食...咁整體食物不錯, 除了個ONION 紫菜湯一般外, 其他食物無論份量以至質素都很有水準.... 服務也很友善.... 雖然價錢不是後便宜, 但食物水準令我會覺得值得再次光顧...

由書友仔book 的餐廳....因為我們有14人, 而book 一間房 (唯一) , min charge 係 $3300在上來睇過下食評...都知食物是平平....已有心理準備上到去...原來所謂的房只不過用磚係lift 口前間出來.....無隔音無咩私人....(只用屏風所阻隔)真的值不值收我$3300 咩都無....去到佢地已叫左set , 先來湯.....真的好酸....飽就唔好食...d sause 又唔夠多及無咩味...講真...oliver cafe 個黑醋好食好多之後來一個小食拼盤 , 不特別再上一個波菜薯容...可以係凍d 意粉及飯真的不可一提.....定係佢太意大利a.......我真的食唔出咩叫正宗....飯感覺似冷飯.....唯一我覺好食係個長通粉 (好似係吞那魚)pizza 叫做ok , 因為係簿片 ,由於我地要到$3300明明佢有dessert 我地都每人再叫一客....final 仲要咩多4杯drinks個set 已包每人一杯.....個個都搖頭....hot chocolate 係 good之前有人頂唔順問個waiter d 可樂是否罐...佢明明答係.

是日為朋友的大日子(人生的第???個十年). 之前在網上見到呢度既Comment大多數都吾錯於是晨早打電話來訂位。居然給我頂到　接聽電話既人仲千丁萬足我要ＯＮＴＩＭＥ交台？！ＯＫＯＫ　９點３咩都食晒ＬＡ。。。我明天要返工架！！６：３０ＰＭ　我倆早左少少到。。。因之前食過ＬＡＴＥ下午茶，　跟本吾肚餓，　所以只叫左１個細ＰＩＺＺＡ，　１個三文魚Ｃａｓｅａｒ沙律。ＰＩＺＺＡ　以番茄，水牛奶ＣＨＥＥＳＥ及香草為主，　好似有少少肉粒。　吾記得咩名。　味道ＯＫ既，但不平均，有Ｄ咸有Ｄ又淡。個ＰＩＺＺＡ　ＢＡＳＥ都算薄。　不過ＣＯＮＴＲＯＬ爐火就吾得，個批底好＂朱古力＂下？！我都係鐘意＂銅鑼灣凡高＂　佢個ＰＩＺＺＡ無論味道調較（咸，淡及酸度都好ＭＡＴＣＨ）及批底（非常薄）都好正。又吾會因ＰＩＺＺＡ面既醬汁令批底濕＂立立＂。至於個三文魚凱撒沙律，三文魚既選料吾錯。吾會太咸。油度口感啱啱好。　不過Ｄ醬汁就比出面街既餐廳有Ｄ吾同，呢度偏酸！都幾酸下？！是晚比我地睇到Ｄ好有趣既野。。。我地隔離台有１男１女都係叫左凱撒沙律（雞肉）。　佢地居然＂炎＂Ｄ　ＤＲＥＳＳＩＮＧ吾夠，叫ＷＡＩＴＲＥＳＳ比多Ｄ醬比佢地？！

扮西餐有三個course頭盤 - 無喱頭炸芝士，好有口感，似一舊擦膠。主菜 - 無印象，只記得一pat意粉甜品 - 雪糕，比阿波羅雪糕更難食飲品 - 用宜家傢私ge杯，就sense到是無內涵但扮有格調唔識煮西餐唔好勉強，無好煮出來賣，真羞家

又來到浪漫的tst.今次係食朋友之前一早己推介的呢間意式餐廳.卻叫"owl", 為何abbrev 要係貓頭鷹呢~不過, 都幾可愛吖~ 朋友話要揾, 但其實都不算難找.不過一出電梯己是餐廳內~ 卻有點意外~6點, 仍不多人; 哥哥好快安排了我們坐於窗邊.地方好舒服. 一點都唔迫.仲有daily special最後叫了 caesar salad配雞胸, 藍青口墨魚麵.(自家製),野菌辣肉腸薄餅.當然沙律先上. d 雞係幾瘦的, 好lean, 卻又不韌. freshly grated 的芝士, 好香濃, 配上爽脆的菜.藍青口都不少很新鮮. 湯略濃, 幾似比利時的整法.墨魚麵係自家製, 很好, 睇飲食節目見主持3兩吓就整起d pasta, 自己整卻唔係講笑地難仲要係墨魚汁, 如果真係source 倒鮮墨汁, 真係值得讚. anyway 真係好食.野菌辣肉腸薄餅也是即叫即整, 所以都要等到最後才上, 不過又有誰可resist剛出爐,芝士半溶的pizza?也推介.服務很好, 員工都好友善.走時己好多人. 有水準, 價合理, 當然客似雲來.

一次同事聚會，想在尖沙咀找一個地方，要有質素不俗的食物，也要讓人感覺舒適的地方，OWL這個名字突然出現在腦海裡。型式上與café不同，是一間餐廳的感覺，而且地方也算寬敞，十分適合聚會。雖然格局像一間Cafe，但食物款式卻比較多，專賣薄餅及意粉為主。先以一個口味清新的特式薯仔沙律開始，清新只是沙律的常用詞語，因為這個一點兒也不清新。除了蛋黃醬外，還加入了芥辣及乳酪來增加層次感，味美而帶點刺激，再伴以香脆的煙肉碎，口感也提升了。此外，盛載沙律的器皿是冰過的，誠意可加。好多人也會對這裡的薄餅好評，所以也嘗試了三個。最欣賞的是餅底，香脆而薄身，餡料方面的配搭也好，可是味道比較淡口，蕃茄醬底沒能起到香濃的作用。芒果蟹肉薄餅上的芒果鮮甜，蟹肉還算有蟹味，放在餅底上，本是好的配搭，但味道略嫌不足，濃味一點會更加好。什錦薄餅的餡料是雜腸、芝士及黑欖，味道比芒果蟹肉濃味一點，芝士也做到一絲絲的口感，但都是比一般薄餅店淡味。加州煙三文魚薄餅是最好的，好像食緊Tapas般。薄脆餅底上放有煙三文魚，再放上少許Wasabi及火箭菜，是這晚最香濃的薄餅，因煙三文魚的油香帶有咸味，Wasabi亦帶來刺激，再配上火箭

本來諗住去pizza express但係打去訂位話今晚已full所以去左第二間食意大利野餐廳唔係太難搵 通利琴行對出8:00鐘上到去 即刻有位俾到我地 但係要9:15前走所以下次去記住要訂位我地坐左係窗口前 望到留下既街景點左set dinner for two:一開始都飲到有玫瑰味 但飲耐d就變返普通朱古力snack platter入面個炸芝士最特出 咬一啖會有絲連住 其他兩樣冇咩特別好重番茄味 墨魚麵比較硬身本身諗住唔係太多野食 但到最後俾個pizza KO左 食唔哂不過個pizza真係好好食! 成個set入面最like佢好多芝士 皮夠脆服務方面唔錯 waiter會自動幫客人加水d菜上得幾快 最後我地9:00已經食完埋單

試過好多次打去 一係滿左 一係俾人包場 今次半個月前訂 安排窗口位置 不錯 環境暗暗地 幾舒服 裝修幾有心思 芒果蟹肉沙律壓到有啲似餅 賣相不錯 幾足料三文魚意大利飯有啲咸 卡邦尼意大利面有汁少少濃 但ok

睇concert前席,要係tst搵個地方食下飯先...一打去book台,佢話有分兩個時段,一係就6點至9點,一係就9點後..我話6點幾食,8點我點都走架喇,店員好醒咁問我係咪睇concert,哈哈...見comment好似唔錯,我又鍾意食carbonara....黎試下好唔好食,又可以坐得舒舒服服咁...上到去,見地方都幾大喎,比想像中坐得舒服,5個人都唔想諗食乜,個個都話唔太餓...叫左個4人餐share食算...4人餐香草包,餐前o既包包,我對香草食品都ok o既...但佢比d olive oil同醋我地點,好似想學意大利餐咁,可惜d"醋" 唔知以為係蠔油,杰杰地,都唔知咩黎,好奇怪囉...唔點好過點...仲有d類似牛油定cream o既物體點...麻麻地....南瓜忌廉湯,甜甜地,帶少少酸,唔夠smooth,唔太似南瓜味,似蕃茄味多d,杰左少少啦...一般煙鴨胸沙律, d菜好怪呀...有類似火箭菜o既野,但就帶苦,其他菜都唔覺新鮮,個個都係食少少就唔想食喇...差小食拼盤, 有炸蝦,冇蝦味,好"撩"...炸雞翼,雞膇勁大舊咁...又炸過火,賣相差,我睇見都唔想食,炸洋蔥圈,麻麻.

友人生日揀左OUR WONDERLAND 開PARTY叫左2個套餐，有多款食物仲一人一杯飲品飲品方面揀了 薄荷朱古力味道唔錯，不過冇朱古力味頭盤的法包覺得麻麻落多D牛油就比較好食D煙鴨胸沙律都唔錯鴨胸好厚切，味道仲唔錯添飯就一般，質感比較煙煙韌韌反而意粉就唔錯，味道還可以pizza 上的芝士好怪芝士味不濃，質地比較水水牛芝士果個pizza 味道更加怪好似食緊草咁....唔知咩味甜品方面都麻麻雪糕還可以，個蛋糕太甜另外友人叫左 蘋果花茶味道更加怪相而且價錢唔平

今晚同班朋友仔去左TST既Our Wonderland開餐除左可以讚佢有聖誕樹同埋decoration之外，我都諗唔到呢間野有乜好???今餐飯價值$447，今晚出得o黎食就預左呢個價錢，但係唔expect得咁既質素囉~我同朋友仔真係全程有彈無讚頭盤係海鮮，有蝦 / 帶子 / 翡翠螺 / 魷魚 : 全部淡到無朋友，好彩有舊檸檬姐，如果唔係真係以為自己無左味覺蟹肉粟米忌廉湯 :連碗湯都係淡既，平時唔會加pepper既我都要落埋一份blueberry & mushroom risotto莧菜芝士意大利雲吞d risotto好硬，不過朋友話o係意大利食既飯都係咁硬個雲吞直情唔想commentGrapefruit & Orange Sorbet--酸得o黎隻西柚味好假呀，好似藥水味咁Main course --Roasted Spring Chicken with Rosemary sauce--塊無骨雞又乾又"鞋"，咬到牙骹都軟埋，好似食緊香口膠咁唯一可以讚既係d薯蓉真係幾好食Dessert --榛子朱古力蛋糕--個樣就靚喇，但係甜到有糖尿病咁滯呢,食左一半真係頂唔順

openrice勁好評,又成日full booking, 以為真係唔錯啦!5個人share左個set for4龍蝦湯: 真係勁不知所謂!!!!!陣味又猩又奇怪!!!5個人都係飲左少少!!!!!直願飲紅湯.白湯!!!!!salad: 正常小食拼盆: 係熱辣辣,但偏咸,特別係炸芝士唔記得係咩pizza: 正常, 但好寡carbonara:係 好好食. 但唔知係因為真係好食,定因為食左咁多咁難食既野,所以覺得好食!甜品: 蛋糕同雪糕. 好味! 因為我地5個人,佢送多左個甜品俾我地!飲品: 跟餐竟然係好hea ge咖啡奶荼檸荼! +$10叫左其他, 我杯津子朱古力比較淡,我平時不太愛甜食都覺得淡!!懷住期待既心情入去,超失望咁走!真係好奇怪點解會有咁多個好評!而且入到去d位好迫,攪到個場好嘈,冇cafe既感覺(除左好暗既燈外)一定一定唔會再去!!同埋, d好評係咪..........