Orange Elephant Thai Restaurant (博文街) (已搬遷) 新店位置

食泰國菜梗係去九龍城啦 不過都幾唔就腳🧜‍♂️ 所以我搵左係奧運都有分店既 - 橙象 食飯 咁就方便又食到正宗泰國菜啦🧞‍♂️炭燒牛肋骨 好香炭燒味🧚‍♂️ 牛肋骨幾稔 燒得幾鬆軟 帶筋特別有牛香🧚‍♂️ 雖然$98 但份量都有七八塊 味道仲相當惹味🧞‍♂️點泰式酸辣汁 就有少少辣 但入口不減炭香味🧛‍♂️生蝦刺身都係我既favourite🧛‍♂️ 生菜絲墊係杯底 面頭有大大隻既生蝦 生蝦好稔口 好乾淨 生蝦個泰式醬連蒜頭一齊食 好醒神🧞‍♂️另一個吸引點係 餐廳每日都有一款$1既菜式 勁抵囉🧚‍♂️ 星期三係泰式明爐烏頭魚 最抵呢個！ 其他日子有黃咖哩雞 泰式炸蝦餅 都幾吸引🧞‍♂️泰式明爐烏頭魚好大條 不過有啲碎骨要小心 熱辣辣慶住食好滋味🧛‍♂️ 魚肉都好實肉 唔會霉 估唔到椰菜都咁甜 最啱吸啲湯食🧚‍♂️ 椰青好大個 好juicy 連椰肉都食哂 清甜解渴 食泰國菜必飲！🧞‍♂️至於朋友個泰式奶茶 佢話唔算太甜 茶膽都ok

好耐冇食泰國菜啦！今次同老公一齊帶埋奶奶食屋企附近嘅橙象～奶奶都表示興奮🙈我哋幾鍾意呢度嘅擺設，仲打算淘返幾隻類似嘅動物掛飾返嚟🙈一嚟就試咗個老公至愛嘅炭燒牛肋骨（$96），肉質好淋好入味，奶奶平時食嘢好腌尖架～但係佢都話呢個牛肋骨啲味教得幾惹味。咖哩海鮮脆包盅（$148）係我點嘅～食泰國嘢點可以唔叫呢味菜式呢？！個包好酥脆，點埋啲帶甜味嘅咖哩再夾埋入面嘅海鮮嚟食～真係好好食呀！！不可不提就係呢條泰式明爐烏頭魚（$1）冇打錯呀真係$1（原價$169）！！！餐廳做緊優惠～唔同日子會有唔同嘅$1優惠美食～本身以為賣得你$1應該好細條，點知原來係咁大條！仲要有咁多我最愛嘅蔥！！望返其他食客，原來枱枱都有點架（咁抵點會有人唔點？）重點係條魚真係好鮮甜肉厚！就係呢個$1餸已經夠料叫大家嚟試🙈食咗咁多肉同海鮮，我哋都叫返個粉絲雜菜煲嚟食（$72）～粉絲索晒啲汁好正，但味道又清清哋唔會太濃味，啱啱好可以平衡返～嘢飲方面當然一定要叫個椰青先（$42）老公話清甜到爆（我都有偷飲少少，真心正）果肉又好嫩～奶奶叫咗個珍多冰（$28）有得飲又有啲嘢𡁻吓，甜甜哋好好飲呀（奶奶話）我自己就叫咗杯芒果沙冰（$36）

大角咀，雖然地方不大，交通亦不方便，但卻臥龍藏虎，有不少有質素的食店。橙象，一間泰國餐廳，裝潢帶點文青咖啡店的感覺。當天，餐廳亦有一個優惠，就是可用一元，享用一款當天指定菜式，今天是星期四，指定菜式是黃咖哩雞。咖哩偏甜，帶椰香味，雞肉嫩口，下飯 或者蘸薄餅食亦可原隻菠蘿炒飯，104元，火喉略欠，但帶濃郁的熱帶風味。冬蔭公明爐烏頭，濃濃冬蔭公湯成為烏頭的魚汁，十分野味，烏頭新鮮度亦不差，另外會附上多一碗冬蔭公湯，客人可隨意加湯。泰國餐廳，必選飲料，一定是原隻椰青，這才是完美的一餐。Orange Elephant Thai Restaurant (大角咀)人均消費200元大角咀博文街42號本人以簡單的飲食隨筆為主，有興趣請follow我~緣食魔宮。

天涼涼吃泰國菜最好了！之前朋友推薦我這一間泰國菜Orange Elephant，由泰國人廚師用地道煮法去烹調正宗泰國菜， 而且每天都有$1菜式！好抵食！我當然要過來試試呀！是一間橙色裝潢設計嘅泰國餐廳我星期一來大角咀分店，剛剛好是我愛吃的炸蝦餅呀！星期一$1泰式炸蝦餅星期二$1酸辣去骨鳳爪沙律星期三$1泰式明爐烏頭魚星期四$1黃咖喱雞星期五$1飛天通菜星期六$1細支裝啤酒星期日$1泰式香茅炸豬扒進到餐廳，很溫馨，有很多可愛的靠枕整間餐廳都好香，趕緊來點餐！$1 泰式炸蝦餅！外皮酥脆，裡面的蝦肉彈牙 沾上泰式酸辣醬 酸酸甜甜好開味！ 黃咖哩牛腩煲是我最愛的泰國料理啦！黃咖哩充滿椰奶和香料的香氣，又不會辣！很好配飯呢！這裡的牛腩又燉煮得好軟嫩， 濃濃牛味搭配香濃咖哩香氣！再配上一塊薯仔， 入口即化軟綿綿的口感泰式臘腸蝦醬蛋炒飯吃了很多泰國料理，這是第一次吃到這種組合一上桌撲鼻的蝦醬和臘腸香氣蝦醬和臘腸意外配搭！ 再加上微微蛋的香氣，超好味！ 讓人一口接一口！飲品 我當然選擇了椰青！ 大大一顆，配泰式料理絕配！老公點了色彩繽紛的椰汁珍多冰椰奶很香濃！珍多質感爽滑味道清甜！橙象

大角咀一向食肆林立，而且價錢適中，很吸引年輕人！「椰青焗海鮮飯」用一整個椰青作為器皿的椰青焗海鮮飯，我已嚐過很多次，每一次都感到熟悉又驚喜。這家店的椰青飯特別香甜，外面的椰汁也很多，不怕吃到最底會很乾而且飯軟硬適中，也沒有油膩的感覺，就連配料例如提子乾和腰果也很香脆，海鮮份量足，即使到底部也是滿滿的海鮮，令人十分飽足。「芒果冰特飲」誠意推介！芒果特飲喝下去並不會像芒果汁加冰水，而是真芒果的口感，比較杰，而且很滑，喝得出是真材實料的芒果所做的，特別香濃「蛋網海鮮金邊粉」外表好像菠蘿包一樣，新奇有趣，外面有蛋炒成的網，蛋香配上金邊粉口感很特別海鮮也很新鮮，帶點微辣香甜的口感「咖哩雞」加一蚊換來的美食黃咖喱雞，份量不太多剛好適合每種食物都想是一試的人，不太辣，易入口，適合配上薄餅2個人（一男）吃這些已稍嫌太多，份量確實是很夠。如果2個女仔可以叫少一個主食，改為甜品更開心環境比一般泰菜小館寬闊時尚，現場所見頗受年青人歡迎。餐廳沒有刻意設立用餐時間，客人大可以暢快談天，一邊享受美食

前排同老公諗唔到食乜，所以就入咗呢間泰式餐廳度食，因為平時晏晝都會有機會食到，但係晏晝食嘅都只係粉面，所以今次夜晚就食下泰式菜啦，因為我超鍾意食明爐烏頭嘅關係，所以我哋就叫咗個冬陰公湯底嘅明爐烏頭魚，然後再叫左個好特別嘅海鮮咖喱，佢係用個包嚟裝住啲海鮮咖喱，所以基本上可以話係連個碗都食得，之後接着同我地講今日加多一蚊嘅話就可以叫多個小食，而今日個小食就係炸蝦餅，我同老公都鍾意食炸蝦餅，況且佢只係加一蚊，我哋都當然即刻話好啦，再睇返之後原來佢每日+1蚊嘅小食都係唔同款式，不過佢啲一蚊嘅小食都唔簡單，因為今日係星期一，所以一蚊嘅小食係炸蝦餅，而我見到星期三嘅1蚊小食竟然係明爐烏頭🙀🙀🙀🙀簡直係超級抵食，講返啲味道先，首先係個冬陰公湯底嘅明爐烏頭魚，冬陰公湯好好飲，都OK算正宗，唔會太酸泰勒，味道適中，條魚都比較大條多肉，亦都好新鮮，魚肉好軟身，好好味，然後就係個海鮮包咖喱，海鮮有青口魷魚蝦仁等等，再配合埋咖喱，好惹味，送飯或者薄餅一流，但係個包略嫌偏硬左少少，至於個一蚊小食嘅炸蝦餅，即叫即炸，因為你都熱辣辣吹波波，炸蝦餅分量亦都唔會少，味道好好，飲品就叫左椰汁冰同埋鹹檸七，味道都相當不錯，

朋友在附近一帶上班，這晚放工一同吃飯，選了泰國菜。餐廳十分光猛、闊落，空間感足，客人不用坐得太擠逼。餐牌的選擇挺多的，最後點了咖喱海鮮脆包盅、蛋網海鮮金邊粉及是日$1優惠--泰式鳳爪沙律。上菜速度挺快的，泰式鳳爪沙律很惹味，帶點辣勁；咖喱海鮮脆包盅如其名，上檯時仍保持其脆度；蛋網海鮮金邊粉的蛋網煎得金黃色，裡面的海鮮份量豐富，酸甜度適中，很不錯！飲品方面則點了椰汁三色冰及青檸冰，友人的椰汁三色冰很足料，椰味濃；自己點的青檸冰也很不錯呢。

呢間泰國嘢平時經過見到出面嘅poster寫住每日都有一款一蚊嘅菜式真係好吸引不過咁吸引就梗係好多人食啦所以今日特登六點已經嚟到食咁就唔駛拍隊啦入邊環境幾新淨座位闊落坐舒服星期四去到一蚊菜式係黃咖哩雞原價要$76呢度嘅黃咖哩質地比較稀食落味道唔會太濃啱啱好入面除咗有雞件仲有薯仔紅蘿蔔同埋洋蔥泰王咖哩炒大蝦(2隻) $182食泰國菜最期待就係佢個咖哩汁呢個咖哩汁完全冇令我失望就咁食都已經好好味用嚟送飯或者麵包一流有兩隻大蝦 食落幾彈牙配埋啲咖哩汁好正冬陰功湯底明爐烏頭魚 $169烏頭魚背keep住有個火熱住咁就唔驚條魚凍咗啦同埋好細心驚啲湯會蒸發曬會畀多碗冬陰功條魚都幾大條魚中間仲有好多唔同嘅香料所以食落香料味幾濃郁個冬陰功汁好香椰青 $42椰青好清甜仲可以刮到啲椰肉嚟食龍眼冰 $28龍眼冰都好好飲仲有好多粒龍眼

首先叫左個肉碎生菜包$76，肉碎炒得好夠味，又香又辣，配埋新鮮既生菜一齊食，fresh 得嚟又夠健康😎之後叫左個泰式明爐烏頭魚$168，原條烏頭上，份量十足👍🏻最鍾意佢下面有個爐加熱住，keep住食都係熱辣辣😆味道由於加左檸檬，所以酸酸甜甜咁，好開胃！另外我仲叫多左個咖喱海鮮脆包盅$148！作為一個麵包控，對於任何麵包類既野，真係無招架能力😂麵包外脆肉軟，咖哩惹味得嚟唔會辣，兩者加埋真心無得輸💪🏻最後加埋個清甜既椰青，呢餐飯好滿足呀❤️

一早聽聞過呢一間泰國菜每日都有$1蚊嘅餐單好抵食，日日唔同，所以一早已經想同朋友嚟試，今日終於有機會試下呢道既菜式。佢係位於大角咀油站對面嘅一個轉角位，佢嘅環境都幾靚，地方好大。 周圍仲有好多好有特色嘅泰國咕臣，好多金線同珠珠串成，好多咕𠱸都好靚，令我都忍唔住影咗張相~$45 椰青水嘢飲我叫咗個椰青水，椰青飲落好清甜，仲好多水，好似飲極都仲有咁，加上佢個啲肉係好"林"，全部都"筆"出嚟食， 啱曬鍾意食椰子肉嘅人。~$45 芒果沙冰特飲佢呢個芒果沙冰飲都幾清新，唔會太甜。$148 咖哩海鮮脆包盅 呢個係主菜之一，第一次食咖哩海鮮包，佢上菜果時啲汁仲好熱燙燙，就咁識咗一啖汁已經覺得好好食，估唔到個咖哩汁加埋啲包撈埋一齊食係咁好味，個包外脆內軟，夾埋熱辣辣嘅汁一齊食超正佢仲好足料，入面有兩隻青口，兩隻大蝦，仲有啲魷魚$1 泰式明爐烏頭星期三嘅一蚊菜式係明爐烏頭，佢係有少少似酸辣魚咁， 少少酸同少少辣，烏頭肉好鮮甜，肉質好滑，加上佢係明爐燒嘅一直都keep住啲好夠熱，食到最後都唔會凍左。 呢個價錢配咁高嘅質素真係冇得輸$104 椰青焗海鮮飯見佢椰青配海鮮飯咁特別就叫黎試下，一上菜我同朋友都估唔

相信有好多朋友就算未食過，都有聽過呢間「橙象」，皆因佢地一星期日日都有1蚊優惠菜式，有啲真係非常抵食，性價比高，所以都有好多人揀啱日子捧場。就好似我地咁，黎親都係星期三咁濟，因為星期三有1蚊明爐魚啊！餐廳面積都幾大，平日晚餐基本上都9成9滿座。有時大枱都要搭枱，我地今日等左一陣算好好彩。仲坐到梳化角落位，啱哂我地，今日一袋二袋。menu好多選擇，沙律、小食、準海鮮、咖喱、飯麵、甜品等泰國菜都有。至於一星期優惠，暫時我見到係咁：星期一係蝦餅；星期二係沙律；星期三明爐魚；星期四黃咖喱雞；星期五飛天通菜；星期六啤酒同星期日嘅香茅豬扒基本上眼見每枱都會點，就係1蚊換購泰式明爐烏頭魚(加1按原價計)，明爐魚好均真，同正價點嘅一樣，都係好大條架。上枱店員就會點火，到滾起就食得喇，仲附上少少酸辣汁，可以點魚肉食。魚肉都幾嫩，完全唔鞋口，少少辣辣地，又幾過癒癮，所以我一直都好鐘意食明爐魚蛋包海鮮炒飯份量不少，賣相幾靚。雞蛋包裹炒飯，增添口感，輕輕打開，炒飯冒煙，影兩張相急急腳食。炒飯入面都幾多料，有魚、蝦、魷魚等，我鐘意佢唔會炒到好濕，乾身唔油淋淋。我地就點都要點個菜食，西蘭花炒鮮魷味濃，魷魚略為老左

今次一行四人星期六下就嚟到食泰國菜，野食唔單止份量多，環境亦幾舒適，岩哂一班人黎聚會。酸辣去骨鳳爪酸味同辣味都幾夠, 配菜份量亦足, 但鳳爪就比較少。誰不知當我地食晒所有鳳爪之後, 侍應竟然行埋黎過俾錯左碟跟餐既鳳爪俾我地, 所以份量唔大, 仲即刻換左碟新既鳳爪。新果碟鳳爪份量多好多, 直頭多到食唔晒XD冬陰公湯個人都幾鍾意嗰陣味酸酸地，非常之開胃。豬頸肉肉質都幾嫩，配埋個外質又少少烤過既感覺，味道唔錯。蠔餅唔會加太多粉落去，個底仲加左樂多生芽菜，口感幾特別，唔會太過油膩。金邊粉比起平時食嘅金邊粉個人就覺得甜左少少，再加上四個人叫既嘢食比較多，所以最尾都食唔晒。

我哋12點去到，唔係好多人，唔使等位，地方都幾大，光猛同埋幾乾淨。其實佢係有lunch set，但係都係想試多啲唔同種類嘅菜，所以最後都係喺Menu度嗌。4個人叫咗5個餸，4杯嘢飲，好夠食，最後仲食唔哂。我哋嗌咗冬陰公（小），鐵板蠔餅，炒金邊粉，炭燒豬頸肉，酸辣鳳爪。酸辣鳳爪初初以為鳳爪份量不多，但食極都仲有，入味係不錯嘅開胃菜。冬陰公（小）四個人飲每人一碗啱啱好，唔會話好辣，但又好有椰汁味，啲蝦仲好鮮甜同彈牙，真係幾惹味。炭燒豬頸肉好有炭燒味，同埋豬頸肉都好肥美，好食飛天通菜即叫即炒，有鑊氣，泰式調味啱啱好鐵板蠔餅上菜時鐵板仲會「咋咋」聲，好多粒蠔仔，粉漿都唔會特別口，而且仲有好多芽菜叠底，清爽返口感。如果唔鍾意食芽菜嘅朋友，就可能會冇咁鍾意。炒金邊粉份量好多，但略嫌有少少甜同埋有啲濕，個人鍾意食乾身啲四杯嘢飲都好正宗，但青檸梳打真係好酸，泰式奶茶叫咗糖漿另上，因為普遍的泰式奶茶都好甜，唔鍾意食太甜嘅朋友都記得嗌糖漿另上。最後覺得班姐姐都好親切有善，應該真係泰國人。可能即叫即整，上菜速度有小小慢。

其實自己好小來到大角咀食野，今日見同事極力推介一間泰國餐廳，甘岩泰國菜係我既至愛, 就同幾位同事一齊過來吃晚飯。餐廳叫左”Orange elephant橙象”，非常有泰國味道。其實地點幾方便， 係奧運站樓下，如果係旺角行過來，大概10-15分鐘左右。來到餐廳，見到就來座無虛席，好彩我地唔使等位可以入座。打開餐牌，突然見到竟然有$1的菜式，我雙眼發光了！每天的$1菜式都不同的，分別有：星期一$1炸蝦餅星期二$1鳳爪沙律星期三$1明爐烏頭星期四$1黃咖喱雞星期五$1飛天通菜星期六$1細支裝啤酒星期日$1香茅炸豬扒因為今天係星期三，所以我地叫左泰式明爐烏頭，真係好抵！唔怪得吸引甘多食客過來！另外，我地叫左以下食物：泰式炸蝦餅(3件)餐廳十分細心，幫我地切開為6小份，可以4位分。醬汁酸酸甜甜的，很開胃！每件蝦餅份量都幾大，蝦味十足，很彈牙！因為是新鮮炸的，小心入口時燙口。鐵板蠔仔蛋呢個一定要趁熱食！係整個鐵板上的，上菜時鐵板熱辣辣還冒煙的。底下有好多生既芽菜，只需要一陣，芽菜就會慢慢熟了。上面的蛋口感很滑，蠔仔食得出十分新鮮，是半熟的口感。上面還有我至愛既芫茜，正！咖哩海鮮脆包盅呢個十分值得推

之前食過橙象喺九龍城嘅分店，覺得性價比唔錯，原來公司附近都有分店，於是放工就同幾位同事去食晚餐～泰式炸蝦餅$1同九龍城一樣，每日都有唔同嘅$1優惠菜式，適逢今日嘅菜式係泰式炸蝦餅，梗係要叫黎試試。咪以為$1就會俾d hea野你，蝦餅非常大件，一件已經等於出面食開兩件嘅size，食得出用左大量蝦蓉做餡，啖啖肉，非常爽滑彈牙，炸漿厚薄適中唔油膩，性價比超高。鐵板蠔仔蛋$92上枱時d蛋仲喺緊緊熟，入口滑溜，低下墊左大量芽菜，令到d蛋唔會因為直接掂到塊鐵板而過熟，芽菜加左少少牛油撈過特別香，蠔仔大隻鮮甜，加埋芫茜一齊食更加美味。咖喱海鮮脆包盅 $148好巨型嘅麵包盅！咖喱香濃惹味，濃稠度剛好，配埋烘到脆一脆嘅麵包黎食令人停唔到口！海鮮方面有青口、蝦、魷魚、魚柳等，其中青口同蝦都好新鮮，前者鮮甜後者彈牙。鹹肉椰菜苗$68平時食親椰菜苗都係蒜蓉味多，今次加埋鹹肉個層次又再豐富左，香口得黎唔算油膩。原個菠蘿海鮮焗飯$104個菠蘿焗飯好有驚喜，因為落左姜黃粉，令成件事唔會咁單調，多左一層香氣，配料好多，啖啖都食到菠蘿/海鮮/腰果/提子乾等，好滿足～