OPPA韓國燒肉店 (已結業)

今日同朋友一齊食韓燒~~~ 有人話呢間唔錯 所以就去左試試lu 🤣 我地今日好早就去左食 所以剛去到時冇咩人 仲可以同鋪頭d裝修影下相 好colourful 幾正 但6點左右就開始多人 所以要影就要早d到啦 去食韓燒常常覺得d位好迫 好唔通風咁 但呢間d位都坐得好舒服 同埋唔會好迫好唔舒服咁 去韓燒都是諗住同朋友吹下水傾下計 所以個人而言坐得舒服好重要🤣 韓燒就通常都會有韓國歌聽下~~ 呢間當然都有啦!!! 仲有三個大電視播韓國mv 我朋友一見到呢個Jimin MV就尖叫左出黎🤣 一路燒一路雙眼發光咁 韓國迷妹記得黎燒下😂同埋呢到Staff都好好服務 叫左的野食都上得好快!! 我地都好中意食韓式小菜 泡菜雞蛋等 而呢d小菜都是可以無限點!! 不停叫Staff幫我地加小菜 但佢地都唔會黑口黑臉咁 好快手就黎我地加 真係好贊!!有三款小菜~雞蛋!!!!! 真係好好食!!!! 因為出面食過d雞蛋會好浠咁 但呢個唔會!! 仲要好多泡菜粒 ! 當然啦 如果唔中意食泡菜的話 可以同staff講淨加蛋~ 絕對冇問題!! 基本烤肉醬料，鹽同辣椒都有提供。頭盤既牛肉種類非常多！有來自美國、澳洲、日本等地

今次走入大埔找朋友，朋友話佢哋一家成日都會去OPPA韓國燒肉店，問我有冇興趣去佢話係大埔舊墟直街個間燒肉店有任食和牛海鮮頭盤 ，個放題叫“弘大燒肉放題$ 238”頭盤和牛及日本和牛各一份 + 任食，送1罐冇酒精飲品，食完每人仲有雪糕一杯添。一坐底就馬上送上前菜小食，生菜，五花腩及和牛拼盤作頭盤，仲有醬油蝦送添，未order食物都已經咁豐富😁😁。頭盤:A4黑毛和牛肩胛A4黑毛和牛三角腩 澳洲和牛下腹腩澳洲和牛脷封門柳鹿兒島牛柳粒加拿大牛排骨無骨牛腩肉美國牛小排先燒五花腩其香無比，肥瘦很分明👍🏻😁 之後就逐一燒不同種類的牛肉，牛肉都好香，肉質都算嫩。之後再點一下雞翼，腸仔同午餐肉， 懷念一下韓式 罐頭食品，哈哈。🤣🤣🤣 再來 encore 鹿兒島牛柳粒。最吸引我嘅係個🧀芝士雞蛋🥚真係不得了，好滑而且仲好creamy, 似食緊燉蛋一樣奶味濃。😁😁😁最後最驚喜的是佢哋有Dreyers雪糕，仲要係有開心果雪糕🍧，雪糕不太甜，很香開心果味，而且仲有粒粒開心果肉，好好味我要加夠你💯，哈哈哈😁😁環境相當舒適很大位置，而且佈置都好有韓風，仲不停播放韓國歌曲👍🏻😆😆😆

一大班人黎食飯，個個都話想食燒肉，但又怕貴，之前都有聽過呢間餐廳佢哋喺旺角分店係單點收費，而佢地大埔係任食放題，精打牆細算既我地就緊係黎呢一間分店到食喇。而且佢地既飲唔品都係任飲，選擇夠哂多上菜速度都幾快，亦有上得足，而且佢地好多牛既選擇，如果係牛魔王既話，就峇岩岩哂喇。朋友仔都話佢地既牛雖然係任食，但質素都幾好，服務都好好。或暫者可能係你地會擔心會唔會好功勁油煙味，其實點都一定會有，不過唔係煙霧瀰漫

今日同屋企人食飯，老豆成日都話想食放題，就帶佢地去左大埔食韓式燒肉放題。有$268同$398嘅放題選擇，我地最後揀左$268嘅，因為都覺得食唔到咁多。由於我地早食，所以餐廳未有好多客人。每枱一早已經準備好生菜同韓式前菜，一坐底就可以食住啲前菜先。飲品放題要加多$30，唔太好嘅可以單點，非酒精飲品好似係$15一罐。另外餐廳提供水比食客，唔洗怕無野飲。上面係牛油粟米，下面係我最愛嘅芝士。芝士唔算好濃，但燒完啲野沾少少係唔錯。泡菜豆腐湯普普通通，不過連左蟹蓋個賣相好靚。呢隻牛好靚！呢個就係個頭盤，其實都幾多，一共有九款牛，呢到有部分可以再點，包括美國牛小排同、鹿兒島和牛粒同無骨牛肋骨。呢個A4黑毛和牛三角腩係最好食，好肥美但又唔膩。其他牛都好好食，都算係高質牛，有好香嘅牛味之餘，亦都好腍。呢個五花腩係好香好惹味，不過燒嘅時候要小心，因為都好彈油。五花腩配生菜好好味。鹿兒島和牛粒嘅紋好均勻，六邊燒哂係好好食，外面少少脆，入面嘅肉好腍好好食。小八爪魚、魷魚同好爽口好鮮味，燒完之後好香，岩哂好鐘意魷魚嘅我。雞腎老豆好捧場，佢話好好食。最普通嘅腸仔，但由於我好鐘意食所以我照嗌，其實燒左比淥好食好多，

今日家人想食韓國燒烤，於是選擇了在大埔舊墟的OPPA韓國燒肉店。原因是距離地鐵站10分鐘嘅路程，附近都有好多大巴士站，都是好方便。 我們點了弘大燒肉放題$238套餐，頭盤和牛及日本和牛各一份，及任食所有order 紙上的食物。 套餐沒有飲品，要另外order，可另加$30任飲汽水，加$40可飲指定生啤及韓式啤酒。有好多飲品選擇，韓式提子汁，梨水， 柑桔檸檬，忌廉，可樂，芬達，等等. 首先，店員很快就送到頭盤。頭盤用咗一隻牛嘅木碟盛載幾款不同部位的牛肉，唔同部位都擺咗label寫清楚牛肉名稱。服務員又奉上幾碟韓式前菜，及熟練地在烤盤上加雞蛋槳。 頭盤最令我期待就係入面有澳洲和牛同A4黑毛和牛。牛肉種類很多:1 無骨牛肋骨2 鹿兒島牛柳粒3 澳洲和牛舌4 加拿大牛排骨5 A4黑毛和牛肩肉6 澳洲和牛下腹腩7 美國牛小排8 封門柳9 A4黑毛和牛三角腩 總括來說，牛肉味道濃而且好滑，好鮮甜，啲肉好嫩，無經調味的肉燒烤真是原汁原味。 吃完頭盤後，我們再order 其他食物。韓式炸雞 -- 味道平平，多骨冇乜肉。真露蜆湯-- 有一啲韓國粉絲，湯幾清甜， 蜆肉好大件，若然胡椒粉少啲就更好，但是家人

味覺感到空虛，錢包更空虛 肉的質素就像是去大尾督燒烤那種冰鮮肉咁.. 但係你收我牛x 嘅價錢，真係多謝哂。 仲要有哋肉黎到時仲未解凍哂咁嘅樣，硬硬地咁， 真係情何以堪呀？

本身我和女朋友都是「食肉獸」，而烤是個輕易把肉味和醬汁味昇華的烹調方式。所以，我們就乘坐東鐵線去 OPPA 韓國燒肉店 (太和店B出口)。座位方面很寬敞，座位是空桶，可以掀開蓋子把東西放在入面，這貼心的設計避免了你的東西沾了油煙味。而每張桌子上面皆有抽油煙管，可以自由校調位置。然後就是食物方面，此家餐廳最大的賣點就是「江南海鮮燒肉放題」中任食的和牛，有 A4 系列的黑毛和牛肩肉和牛三角腩，亦有 M系列的澳洲和牛，頭盤更奉送深海虎蝦‧鮑魚和帶子。必須先讚揚的是和牛的薄切，很多人總是覺得厚切比較高性價比，但是越厚越難掌控本身的生熟程度，短時間醬汁的香味未能滲入肉身，長時間肉質變硬，難以吞嚥。薄切的話只要簡單翻兩下，拌一些燒汁就能吃了。味道方面，因為烤盆材料不錯，所以本身食材的鮮美能得到完美的體現。選擇方面也十分多，光牛肉也有超過十種不同的部位可以吃，比起專門的牛肉店不惶多讓。本身日本雞蛋可以生吃，所以烤蛋漿在半熟時就可以吃了，比起其他雞蛋有更豐富的維生素 E。而且蛋味滑而香濃，滲上點點燒烤的味道，也可以解油膩。最後，店家很貼心的提醒每人各有 Häagen-Dazs 或 Mövenpick

上次已經食過呢間韓式燒肉，但係冇得任食就真係唔係好夠喉，今次去呢間分店呢就有個＄268嘅仼食plan，本身都唔知，係咁啱睇佢分店資料嘅時候就好彩見到🤤距離地鐵站10分鐘嘅路程，附近都有好多大巴士站例如大埔中心巴士站，終於見到有好多錶位喺附近，睇嚟呢頭係呢區嘅美食集中地五點半去到已經見有五六台客，個個都食呢個放題plan呢個plan有一個頭盤，最令我期待就係入面有澳洲和牛同A4黑毛和牛🤤記得靚牛係唔可以燒得太耐，見佢啱啱熟或者變咗色就要即刻食！呢個頭盤塊塊牛都好多汁，啲肉好嫩🤤 特別鍾意無調味嘅肉，因為好原汁原味食韓燒又點少得豬肉呢？呢度火喉足夠，五花腩同豬頸肉慢慢燒得嚟唔怕燒韌咗，塊厚豬皮好黏好有咬口。另外都鍾意啲豬腸，無酥味而家又易燒咖哩牛肉拌麵再叫咗啲小食，呢個入面係拉麵嚟嘅，咖哩亦配有蘿白薯仔粒同牛肉粒，份量好大一個人食唔哂～泡菜豆腐湯幾好味，有少少泡菜嘅酸辣係入面，啲豆腐入哂味，個湯正到忍唔住用咖喱牛肉拌麵啲麵撈入去食🤣芝士燒好特別嘅前菜，之前食其他韓燒都無遇過，佢係有carbona嘅醬汁再撈咗啲芝士條，放係烤盤嘅角入面到煮，有啲熟咗嘅芝士會黏底，撩出嚟食會變芝士脆塊😍煮溶佢之

重遊舊地，我同老公相識就係大埔，所以今日早收工，我地就黎大埔睇下有咩野食，我地太耐冇黎以邊啦，原本既面貌已經唔同晒，多左好多唔同餐廳，間間都想食。見到OPPA $238韓國燒肉任食，仲有和牛，好吸引，而且7點唔算多人，唔駛等位，所以就同老公囡囡一齊去食。餐廳座位亦寬落，每一台都會有抽風機，抽風機可以拉上拉落，設計得好好，所以餐廳油煙唔大，食完唔會成身油煙味，而且餐廳一直播住韓國歌，好像置身於韓國一樣。套餐包一罐飲品，如果唔夠喉，可以加$30任飲，加$40指定生啤及韓式啤酒。侍應先幫忙倒蛋漿，因為侍應見有小朋友，所以幫我地走泡菜，蛋味香濃，添加了幾次。之後再奉上頭盤，有不同牛肉的部位，不同口感，重牛味，非常juicy ，點埋岩鹽食，真係非常美味。食完頭盤唔夠飽，有好多肉類選擇，有3款海鮮，亦有韓式料理。鹿兒島牛柳粒無限添加，入口即溶蔘雞湯真係好好飲，我地點了兩鍋，最緊要飲完唔會口渴。食埋個雪糕已經好飽啦！

之前食過一次呢間oppa 韓燒之後，岩岩又同fd 子尼食多次。呢日雖然係星期三，但竟然比我地想像中多人喔。一坐低，店員就熟手將泡菜蛋漿倒落爐邊位，泡菜份量非常多，口感好正。前菜有泡菜, 芽菜同紫菜，可以夾生菜食減少油膩感。醬料分別有辣椒+蒜，燒肉汁，豆瓣醬同粗鹽呢set 頭盤正呀，好大份牛肉拼盤，有晒唔同部位既牛肉，簡直係大滿足呀。呢條豬五花夠晒份量，成條放上爐燒，燒到咁上下就可以剪開尼食。豬頸肉肉汁夠多，燒耐左亦都唔會乾，私心推介之選!!!爐邊兩個三角形既地方係比你叫芝士仲有牛油粟米，芝士熱溶後點肉好好味架，粟米都好甜。宮廷炒年糕細細壺，但係都好辣吓，食得辣既不妨試吓。最後每人會有一杯雪糕，Dreyer's 呢個幾好味，裡面真係有粒粒開心果咬到。

由於父親節即將來臨,所以今日提早和爸爸慶祝父親節。爸爸最喜愛食韓式燒烤放題， 所以我一早就預訂左呢間韓式放題!門口光猛大體，店舖名立體之餘仲好有霸氣。 座位寬敞闊落，四邊也有電視提供，設計帶有韓國特色，噴畫精緻漂亮，氣派非凡。前菜當然唔少得有泡菜啦， 泡菜唔會太辣， 非常惹味。煎爐設計非常好， 旁邊可以放芝士蛋漿， 等它慢慢熟就可以食。 雞蛋好滑再配上濃郁嘅芝士味， 一啲都唔流簡直係絕配。 頭盤總共有9種唔同既牛肉，而當中主打有A4黑毛和牛肩胛，A4和牛三角腩，澳洲和牛脷和澳洲和牛腹腩，這4款牛必食的!隨意燒住幾款牛肉食住先牛肩胛肥瘦比例適中，輕輕煎一煎就已經好快熟透了。 肉質嫩滑多汁，新鮮之餘也沒有筋，還擁有香濃既牛肉味。額外叫了一碟韓式炸雞， 份量足夠，香脆粉薄， 雞件大細適中而且沒有雪藏味。 飲品選擇多， 果汁汽水任君選擇!雪糕竟然有驚喜， 有我摯愛嘅dreyer's開心果雪糕， 食完真係好滿足!肉類和其他配菜選擇多， 真係非常抵食

上次同女友試咗呢間嘢覺得好，咁啱有同事聚會，唔想又係雞煲，所以我極力推薦嚟呢度，一行8人一齊試三百幾蚊位嘅放題，汔水，啤酒，紅酒，白酒，甘露任飲，和牛任食，唔冼計住計住盡情叫。經埋同店員態度好好，手腳又快，我地一時叫下酒，一時又叫換板，一時又加order，佢地都微笑住做唔會西臉。同工友瘋狂係咁飲係咁食，大家都好滿意呢間嘅食物及服務。食到後段我已經出現飲大断片情况，無影其他嘢食相lu一大班大胃王、酒鬼去食自助餐，放題係容易控制到食幾錢，係好嘅。 韓燒放題又多咗啲互動好玩好多

韓燒真的是又罪惡但又好美味的食物，工作辛苦後點都要獎勵一下自己的！到達時已經俾佢的套餐大大吸引了！我和友人們都是牛魔王，立刻就決定「弘大燒肉放題」啦！頭盤附上多種不同部位的牛肉選擇，有不同口感，從來沒想過放題也可以有這高質選擇！其中最喜歡的是「A4黑毛和牛三角腩」，油脂豐形，入口牛味濃，輕輕烤一會，入口就溶化啦！一邊吃一邊烤，聽到「滋滋」作響的烤肉聲，真的是十分幸福！🤤用翠綠的蔬菜包在一起吃加上韓式辣醬，減低油膩罪惡感！除了牛肉外，五花腩同樣出色，很甘香，脂肪比例剛剛好！「真露蜆湯」除了烤肉外，還有韓國特色食物選擇！蜆肉很厚肉，吸收哂湯的精華，加埋粉絲真係一絕啦！「煎泡菜餅」有別一般煎餅，比較厚身，但一咬下去就很有驚喜，軟棉棉又有泡菜咬口！飲品選擇種類多，加$30起就可以一邊烤肉，一邊飲汽水，是完美的配合呀！烤肉後還可以每人選一杯雪糕🍦是飯後完美的結局呢！餐廳裝修充滿韓味，很有特色，好像就弘大烤肉一樣，真的很關注oppa國度呢！

上星期日經過大埔舊墟直街的一間韓式食店，心思思，十分掛住佢，於是今天晚上就去試試。餐廳設計很有韓國風味，還有不少得意的壁畫，好像身處韓國一樣！我們點了「弘大燒肉放題」；「頭盤」附送多類牛物，包括「A4黑毛和牛肩胛」、「A4黑毛和牛三角腩」、「澳洲和牛下腹腩」、「澳洲和牛脷」、「封門柳」、「鹿兒島牛柳粒」、「加拿大牛排骨」、「無骨牛肋肉」、「美國牛小排」及「1++韓牛頸脊」。各類牛物不是油花均勻，便是口感鬆化，或是連筯帶肉，更有肥嫩軟膄。「肉類」中的「五花腩」肥瘦適度，口感豐富，一點也沒有比牛肉遜色呢！我們從「韓式料理」內挑選數款；「煎泡菜餅」煎得又香又脆。「真露煮蜆」蜆味濃郁，大大隻呢！「蔘雞湯」蔘氣撲鼻，雞肉腍滑。「海鮮」的「小八爪魚」肉質結實，新鮮爽彈有嚼頭。「野菜」類必選「南瓜」和「洋蔥圈」，清淡素雅，可中和豐腴的肉感。「雪糕」有「Movenpick雲呢拿」、「Dreyer’s朱古力或開心果」或「Haagen-Dazs士多啤梨」選擇，我們各叫一杯，口味不同，完美終結。加$30便可以飲用汽水類飲品，很抵呢！若想嘗試韓式放題，大可考慮OPPA Korean Restaurant，既價

韓國任食燒烤已經吾係第一次去，但係今次去oppa依一間，一定係最高質素嘅一次。地方非常寬敞四五嗰一張枱都唔會覺得好迫夾。和牛拼盤：未食都已經好吸引，當中牛肩肉三角腩，牛脷都係我自己覺得最好味。本身全部都好重牛味，油份都好高，肥瘦分佈鮮明， 仲有入口即溶嘅感覺。食韓燒點可以少得五花腩，厚切嘅五花腩，肥度適中，燒到金香連埋生菜一齊食，罪惡感無咁大。熟食方便我叫咗一個好出名嘅韓國炸雞,外脆內軟，連埋秘製醬汁一齊食，好味。入面竟然有汁滲出嚟。每一次去到韓國餐廳必食嘅，韓國泡菜豆腐湯， 全部新鮮材料，辣度適中，如果冬天飲我相信會更加精彩。總括嚟講$268真係非常之抵,由和牛拼盤去到五花腩，加埋熟食，飲品，環境，服務質素全部都非常之高，好適合四五個一齊。揸車人士更加適合，因為出面有車位泊