Oneday

營業中

休息中

週末我哋柴娃娃走入長洲，原先諗住去一間打卡餐廳食晏，點知當日老闆話只得飲品☕️🍹冇其他食物供應，我哋只好飲完咖啡之後就過隔離搵食。見到一間餐廳裝修幾好，又歡迎狗狗入內，所以便坐低開始叫餐。我哋本來叫咗四個意粉兩個蛋餅，但係老闆娘（前Hotcha成員）出錯咗個Order除咗蜆肉意粉朋友話好食之外，其餘三個意粉都令人失望😰我哋都覺得好鹹，尤其是我個拿破崙意粉，簡直令人失望：只係好重口味嘅茄汁加一兩條切碎咗嘅細腸仔😓但係碟意粉成為$128，我朋友以為係一碟$78嘅意粉🙄另外朋友都覺得佢個蟹肉意粉超鹹雖然老闆娘為我碟拿破崙意粉再加白酒煮，但係仍然係好鹹😨不過可取之處就係地方坐得舒適又dog-friendly🐻‍❄️

👦🏻👧🏻趁放假去左長洲揾野食今次黎一直都無時間去嘅長洲小店 oneday 試下佢地出名既泡菜蛋餅😋🍳泡菜芝士蛋餅泡菜唔會過鹹 重口味反而有一種新鮮既感覺蛋餅一食落去夾雜住好濃厚既芝士香 係識得拉絲果種😍隻蛋煎得啱啱好 嫩得黎仲漏左d蛋汁出黎蛋餅係少少脆口同有麵粉香食物溫度係啱啱入到口果種微熱完全就係停唔到口💯(👦🏻👧🏻食完仲即刻叫多個辣煙肉蛋餅)🍳辣煙肉蛋餅最估唔到既係乾椒 辣椒油 同煙肉既搭配係咁match 煙肉煎得好香口呢一款嘅蛋餅相對就較有層次感 (食完先發現自己都冇影相📸️🤣😋)

住粉嶺嘅我一個月會嚟Oneday 至少2次，西灣嘅純樸加上Oneday老闆娘嘅認真係值得大家支持。入得嚟就預咗會hea 一個晏晝，所以可以好好放慢腳步，睇吓書放吓空。欣賞Regen對煮野食嘅執著同認真，每次都會問啲嘢食點，仲要唔係淨係問，係真係會聽意見而修改。而且menu每次都會有啲唔同，睇得出佢嘅創新。招牌蛋餅可以揀唔同料，最中意係泡上菜同煙肉。尤其係煙肉，估唔到加埋辣椒油同乾椒係咁夾。意粉又係另一個signature,硬度剛剛好，係有時調味方面要再捉摸一下。另外酸辣蝦撈麵又係好醒胃，而且用咗上海麵，口感非常好。炸香蕉皮薄脆卜卜，唔中意香蕉嘅我都覺得好好味。期待喺Oneday遇到更多更美好嘅食物💛

蛋餅質感好脆！平時出面食嗰啲都係濕粒粒或者好大陣麵粉味，但係佢個蛋餅係脆口同好香中間再加咗芝士同泡菜，面頭再加香草～個配搭超好味泡菜食落去感覺好新鮮，唔會有一陣雪藏味雖然食物款式唔多，但係泡菜蛋餅真係首推！開頭都諗住應該冇乜特別，食落又真係覺得：估佢唔到喎！特登入嚟長洲，再行過嚟西環幫襯都值得咁啱今日雖然係假期，但唔多人，舖頭又坐得舒服👍🏻 臨走嗰陣靚靚老闆娘，仲會問下覺得啲食物點～ So sweet！繼續支持💛💛💛💛💛

星期天早上大概11 点來到只order 了coffee, 凍朱古力, 凍柚子梳打.Coffee 65元, 以為咁嘅價錢會有水準，但係來到的是instant coffee（一包打開加水冲嗰D）全部噴晒出嚟！飲咗會對自己唔住。亞仔點了朱古力，70元。亞仔 （ 十歲）話好淡冇朱古力味但超甜，我試了一啖，立即知道係instant chocolate 冲的. 隻杯超級sticky , 懷疑佢哋跟本冇洗杯。亞女order 凍柚子梳打，78元。冇咁難飲，但絕對唔值78元囉！唔會有下次

雖然開鋪時間唔定，要留意佢IG 先知，不過環境味道一流，經過西灣或去西園露營可以黎試吓，我見大多數逢星期五至日都開，只係可能每日開嘅時間唔同，同埋每日嘅菜式都有不同，有新鮮感