Olive Cafe (已結業)

位置容易找到，在大型商場附近。裝修也不錯，頗有情調。但每張2人枱之間距離不夠闊，往往起身行出離座時，會踫到隔離枱的table stand，再踫跌水杯的話，就不得了。今餐沒有叫本身的set din, 而叫了main course, upgrade做餐。餐包 --- 軟熟，有麵包香。份量不多，2個人share食，唔會太飽，剛好。湯︰香蒜忌廉湯 --- 幾滑，唔會太蒜味，亦都飲唔到一粒粒蒜蓉。有D似蒜蓉味粟X燒。主菜︰炭燒鵝肝牛柳配菠菜薯蓉 --- 牛柳夠林，有肉汁。鵝肝略生，頗濕。薯蓉份量足，配鵝肝汁及牛柳汁同食，不錯。最後完成埋餐飲，熱檸茶，是一壺壺上的熱茶(英國早餐茶)。不喜的話，可以加錢轉其他款，>$10。是晚不是full house，約7成客，服務員人數充足，頻頻自動加水，服務亦很快，值得鼓勵。

今晚再要Olive Cafe帶住小魔怪!待應姐姐很妃好,抱起他座梳化見他還末夠高即刻取BB坐位給他!今次我們要了:麵包保持水準 , 湯是大忌廉湯煙三文鱼牛油果他 > 超级美麗D晝花勁靚真的不想整開吃!各材料極新鲜....10oz 肉眼扒伴焗薯 > 今次要了七成熟 , 很好....海鮮鮮茄汁天使麵 > 海鮮新鮮法式焦糖燉疍 > ok ar....士多啤梨雪糕窩夫 > 吃得出即製

朋友試過荃灣的Olive Cafe覺得不錯，今天到大埔逛街亦預先選這裡食lunch，雖然枱放得好密，但訂枱的好處是有卡位坐，所以都好舒服。每人一個set lunch，因為是日甜品是cream puff，興趣不大，所以只加$8要了餐湯及餐飲，無得試他們的意大利香草飽。是日餐湯只有一個選擇 - 雜菜湯：比較油，但味道不錯，唔太淡亦唔太酸。芝士菠菜焗石斑：雖然是set lunch，但份量十足，有兩條魚，味道很好，煎過的魚無用蛋漿，亦無雪味，讚。 只是唔太覺有芝士香煎紐西蘭肉眼扒：雖然落單時無問你要幾成熟，但serve給你的肉眼卻沒有過火，約八成半，唔會太老。是日精選 - 煙鴨胸：鴨胸很厚身，有成吋厚，不過食落口唔似煙，似煎多D，唔算香，而且配黑椒汁，唔係好match。未知是否因為主菜的份量較多而忽略配菜，選擇配薯角就只有4-5條。是否新店租比較貴，份量亦略為調整？幸好食物水準不變，這點已經很值得讚賞了，起碼餐飲唔係馬馬虎虎俾杯茶你，這裡提供的咖啡Lavazza就好正。美中不足的是餐湯未能配麵包一起品嚐，希望套餐的選擇可以改變。

之前已經食過一次所以今次又提議食哩間哩度的lunch set可以+$15就有湯,餐包, 甜品&drink, 我覺得好抵牙!餐包:上枱時暖暖地, 微脆, 個包同牛油都有d香草好香牙xp湯:一般我地食左香煎紐西蘭6oz肉眼扒配黑椒汁:幾好, 好嫩好有牛味雜海鮮忌廉汁意粉:都有幾多海鮮意粉亦都吾太腍, 我仲覺得個汁好好味吾知係米加左d白酒呢!澳洲黑椒牛肉漢堡配薯角&沙律:聽友人講個包幾脆同個牛肉好juicy, 仲有d薯角好食,甜品:blueberry cheese cakek la 不過真係太小喇Drink: d tea係twinings出品, 比其他餐廳特別喎我覺得哩間餐廳做的食物都做得幾細緻, 值得一讚佢d配菜都做得好好食架, 一d都吾馬虎仲記得我上次食, d意粉同配菜都食得出用牛油炒過, 吾係就甘烚下就算另外, d水都係暖暖地(係衣個時候就最適合不過啦xd)仲有檸檬味添------>愈來愈少見喇sosad

由餐湯開始已好!三文魚凱沙侓生菜很新鮮夠爽脆,夠芝士,麵包夠脆!澳州牛就較嚡.環境很舒服,服務也夠貼心一見無水即加。當日我們去到時大約兩點SET LUNCH 只得一款......

呢間餐廳既原址係係海寶花園, 舊陣時lunch 間唔使都會去食飯。舊舖樓底高，裝潢會舊式西化，食物質素都唔錯，所以有日見佢摺左個心都好失落。點知大半年後係超級城見返佢，即刻內心大叫Yes!!!早排終於有時間去試下菜，點知…我同朋友叫左兩個set dinner, 大蝦羊仔骨----隻大蝦好新鮮，伴仔骨剛剛好！海鮮意大利飯----唔知ｄ意大利飯發生咩事…煮到好似糊仔咁一pak pak...食左兩啖就放低…而最失望就係一 入去送既麵包，舊舖時會自動波俾埋黑醋，但係而家就無，搞到我地以為唔再供應所以乾啃麵包。

第一年出來工作,出糧決定帶家人食餐好既之前未來過,不過有時利街經過見到經理同班員工成日好認真咁開會,裝修又靚,同埋見荃灣果間食評幾好呀,所以試下啦!麵包新鮮熱辣,軟熟,點埋沙律醬正~黑松露菌蟹肉帶子意大利飯,好CREAMY,好RICH,足料~好味~~不過男仔食一碟應該唔夠飽~~芝士煙肉及菠菜焗美國石蠔~~好好味呀~~~煙三文魚牛油果!!!好靚呀!!!同碟面啲汁(有酒的味道~~~)撈埋一齊食啱啱好~~~~牛柳串燒西蘭花飯,OK~~~香草牛油鮮露筍,好鮮甜,好新鮮~不過因為同煙三文魚牛油果一齊食,有點淡,先吃露筍應該會好些~~~雜草莓乳酪特飲~好大杯一個人飲唔哂,不過可能我個人不喜歡酸野啦~~覺得有點酸~~不過可惜無影相~~~仲有肉眼扒~~侍應建議7成熟,真係好食啲~~~環境好好,睇得出班經理同員工好有HEART,希望可以生意愈來愈好~~~會再來

大埔開咗Olive，阿媽阿姨們食過話好味，剛好我星期六放假，於是就去試吓。一早打去訂位，一點多到達，全店滿座。安排坐卡位，尚算舒適。lunch 有burger, pasta, steak等。+$5 有飲品；+$8有湯同飲品；+$12有salad/soup + drink。我要了smoked salmon prawn cabonara + $8 要咗羅宋湯。羅宋湯好足料，好濃味。smoked salmon prawn cabonara 賣相...老實說，不好看，個carbonara勁多汁，望落好似湯咁。上面鋪滿碎晒嘅smoked salmon & onion，仲有d什菌。所謂嘅prawn 其實係雪藏嘅蝦仔，彈而唔鮮嗰隻。正所謂「人不可以貌相」，食物也一樣。雖然個樣唔得，但味道十分好！濃郁嘅忌廉汁，望落d汁好似好多，不過撈起上黎，又剛剛好！重點係佢加入了大量碎onion，所以味道十分香濃，味道跟其他店的有所不同！就是這一點點的配料，就能提升整體味道！食物質素真是不錯，但服務真係好唔得！個manager落單真係好輪盡，我地一共叫8個餐，其中要咗2個牛扒餐，2個魚柳餐。2個牛扒餐跟薯菜，一個魚

經過一個早上的忙碌, 是時候休息一下, 就跟文迪來了這家新店. 還記得這裡從前是連鎖甜品店, 想不到也會結業, 現在就變成這家店子. 見這裡的其他分店是有不少笑面, 看來是幾成功的.這裡環境是幾好的, 不過擺位就相當擠逼, 跟隔離檯的距離是很近. 午餐選擇不少, 就揀了兩款分吃.午餐加$5配餐飲, 文迪要的是凍奶茶, 我要的就是凍檸茶. 茶味比較淡.凱撒沙律配烤雞 $53: 7分, 菜是幾靚的, 不過就相當大塊, 其實切細一點會更方便客人. 巴馬芝士幾香, 但麵包粒就不夠脆口. 烤雞肉暖暖的, 烤得幾香口, 肉質也嫩滑.法式紅酒煨雞 $55: 6分, 紅酒汁不夠入味, 不太吃得出紅酒的味道, 但是用來撈飯還是幾開胃的. 雞肉實了點點, 煨得過了點火.雲石芝士餅 $30: 6分, 另外散叫了甜品. 第一選擇是日沒有供應, 就要了件雲石芝士餅. 芝士味道不太足夠, 蛋糕雪得比較實, 咬落口是偏硬. 雖然$30一客不算太貴, 不過水準就只是一般.在區內是比較少有的意菜店子, 水準是中上, 價位也是中上, 不知道日後在這裡能否取得足夠客源呢?

這一天，兩夫妻來到大埔，到了下午茶時間，又是找個地方歇腳的時候。在眾多的食肆中，選了這一間環境寧靜舒適的西餐廳作為我倆這頓下午茶的目的地。其實這一間 Olive Cafe 是元朗店的分店，在大埔區開業只有一段短日子，所以在 Openrice 中的食評也不多。這餐廳吸引我們在歇腳的主要原因在於它的環境。刻意的陳設佈置，著力營造悠閒的氣氛，從它牆上的特色裝飾、所播放的悠揚音樂以至店外擺放的人造花槽，都在在可以見到。店裡一身純黑制服的侍應與店中主調的純白色，帶來黑白相映的強烈對比，也讓人感到這店明顯地在顏色的運用上花過心思。這裡的下午茶不貴，二人份的英式下午茶才只不過 $118，其他下午茶價錢則由 $35 ~ $58 不等。沒有叫英式下午茶，只要了一個 Risotto 和一個 Pizza 兩夫妻一同分享。這天所叫的意大利飯是「牛肝菌蟹肉意大利飯」，薄餅則是「煙肉洋蔥薄餅」。先說薄餅。這「煙肉洋蔥薄餅」的材料就只有名字所示的煙肉和洋蔥，與及薄餅必備的芝士和蕃茄醬，十分簡單。味道方面，正正常常的，不算好，也不算差，可是就未夠熱，加上餅底較厚而韌，水準只是平平而已。「牛肝菌蟹肉意大利飯」則比較好

Olive喺大埔新開分店一段時間,想搵時間嚟好耐嘞.自從3R都冇埋之後大埔真係冇一間感覺似樣嘅西餐.禮拜六下晝真係好旺,已經過咗Lunch時間都爭啲冇位呢.睇餐牌...呢個所謂嘅午餐都唔係餐嚟嘅,要另外加5蚊先有嘢飲,我寧願佢將呢5蚊加埋喺裡面唔好分開計咁肉酸呢我連餐湯都唔記得咗係乜?!其實冇叫架,不過佢可能落咗單啦,咁嚟到就飲啦,唔錯嘅,不過就係嗰啲面目模糊嘅味道,所以只係隔咗兩日就完全忘記咗係咩湯不過多數係南瓜嘅呢個係豬扒,友人話好難食...我試咗一舊,又冇問題丫,個感覺仲好似燒腩仔咁好香口添我嘅五成熟牛扒,煎得剛好,成塊都好好味,75蚊呢個質素完全接受食物質數唔錯,但係感覺價錢小家,另外可能新開關係啦,落單各樣嘢都比較混亂喺大埔收得呢個價錢呢種錯誤有小小不能接受,不過整體都ok嘅希望下次去會有改善啦.