Oldish (已結業)

呢間餐廳我之前食過一次，今次經過上環又特登返去再食多次哈哈哈，因為我真係好鍾意佢嘅tiramisu ，佢好特別，超冰凍然後淋上濃郁嘅咖啡，食過咁多間餐廳嘅Tiramisu 都係呢間最特別🥰另外叫咗seafood risotto，我就一向都好鍾意食risotto ，佢嘅味道好好食，啲飯軟硬適中，不過我冇諗過原來佢都係辣辣，我自己唔食得辣，所以對我來講如果佢可以唔辣就更加好，我覺得佢都俾得好足料，都好多海鮮😛另外叫左all day breakfast ，哈哈好搞笑晚餐食呢個，但係就係突然間想食所以就叫咗，好豐富五顏六色，胃口大開🤪其實我都真係幾鍾意食

以前係中環番工都食過佢嘅Lunch，質素係幾好，今日同朋友慶祝食下佢嘅Dinner，夜晚去又係另一番風味🌛Deep Fried Camembert ($88)金文拔芝士就聽得多，食就好少，而且係炸嘅金文拔芝士真係第一次食！佢芝士味好重但又好容易入口，裏面係好軟嘅芝士，口感一流！佢係新鮮炸，所以外面熱辣辣，外面都炸得好脆！Grilled Spring Chicken ($168)佢呢個春雞都幾嫩，同埋佢有個辣辣地既汁點，然後又有蜜瓜去配埋春雞，口味好多變～佢有薯條所以唔驚唔飽！Thai Tom Yum Sauce Seafood Spaghetti ($168)佢冬陰功味好重，意粉都幾有口感，不過比較油，海鮮都好有好多款式，例如魷魚、青口、蜆！🌟 整體評分：4.312/5

香港Cafe開到成行成市，我最愛英倫懷舊風格，呢間位於上環既oldish 簡直令人好似穿越到英國橫街小巷—門口的牆用紅磚牆， 餐廳內充滿懷舊海報，木枱櫈營造復古的氛圍。前菜先來個，哈密瓜配parma ham，呢個配搭一定係絕配，parma ham 夠新鮮而哈密瓜爽甜多汁。Seafood Risotto唔好睇佢細細份，有齊帶子、青口、大蝦、墨魚同埋帶子，海鮮好足料！蕃茄醬濃郁，意大利飯好creamy 呢～Grill Spring Chicken (whole)燒春雞！全隻～啱曬我呢d大胃王。春雞肉質扎實，雖然經燒烤但火候恰好，不會太熱氣。雞肉中帶點香草味，使其味道更富層次咁。底下的粗身薯條，薯仔味濃郁，唔怕會餓親💕

位於上環東街的「Oldish」，係一間我bookmark咗好耐嘅英國菜餐廳🍴店內裝修以英國復古風為主調，別具特色餐牌上以英式小食、主菜、意粉及意大利飯為主，種類繁多Oldish Hot Wings生炸雞翼有六件，肥美又大隻，皮脆肉嫩，充滿肉汁。沾上醬汁後微辣惹味，好好食哦Chicken spaghetti with Spicy Tomato Sauce意粉軟硬適中，每條都掛滿香辣蕃茄醬，酸甜香辣又開胃👍🏻雞肉表面煎得香口，肉質鮮嫩，鮮雞味濃，正呀Oldish Four Cheese Beef Burger中間夾咗以巴馬臣芝士製作的脆片，令到漢堡包呈UFO狀，賣相獨特！牛肉漢堡扒厚厚的，肥瘦適中，口感香軟，牛肉味香濃，好高質！另配上四款芝士，份量十足，整體味道同口感都好豐富～包體比較特別，用咗提子包，當中提子乾嘅甜香有助減低漢堡扒及芝士嘅油膩感

餐廳位於上環太平山街與東街交界，呢度嘅特色小店猶如雨後春筍，近排越開越多，堪稱係文青嘅集中地，餐廳嘅環境走復古路線，有少少細個蒲美芝嘅時候嘅感覺。Oldish Hot Wing，最 Oldish 嘅 Hot Wing，自然就係經典嘅 Buffalo Wing 雞翼，呢個雞翼同水牛城嘅味道有九成相似，酸甜嘅味道配以香脆嘅外皮加上嫩滑嘅雞肉，非常開胃。Thai Style Prawn Salad，呢個泰式蝦沙律選料豐富，材料上乘，面頭為數十隻八隻新鮮嘅大蝦隻隻都爽口彈牙，沙律菜新鮮，沙律醬汁酸甜之餘都幾夠辣，嗜辣嘅我大快朵頤。Grill Spring Chicken (Whole)，燒雞香草味濃，皮脆肉嫩，配菜薯條香脆非常，最特別嘅係配菜之中有兩嚿哈密瓜，水果嘅爽甜用嚟配襯肉類其實係十分之夾。

好多人都會朝早/晏晝黎呢到食個toast或者all day breakfast，飲杯咖啡chill下，但我都唔知原來佢夜晚都會開，係睇左戀愛staycation先知呢到開夜晚🤣於是黎潮聖下.Menu上面都有all day breakfast，不過既然係夜晚，就嗌番啲平時係到冇嗌過既食野。我地嗌左個冬蔭公意粉同四重芝士漢堡。.首先講下個冬蔭公海鮮意粉，好香冬蔭公味，食落去好辣，但超正，未食過咁好味既冬蔭公產品🤣海鮮又甜甜地，雖然好辣，但食完一啖又想食第二啖，呢款一定會再encore!!.芝士burger塊芝士好有驚喜，大大塊，好脆又好重芝士味。塊牛肉勁juicy，薯條新鮮炸起，好好味🥹.最後仲嗌左佢地既signature tiramisu，果然冇令人失望中間有層雪糕，唔會好甜，咖啡勁香！.呢間超好味，一定會再黎幫襯😻

上環出去都有唔少隱世Cafe，小編希望可以住下上環附近，一落街就可以飲杯咖啡或者Chill下，試吓唔同品味嘅店舖😝小編想試好耐，終於同朋友可以試到，我同朋友都係牛肉控，今次就叫咗個牛扒配薯條，另外就叫咗個好出名嘅四重芝士牛肉漢堡都係配薯條🍟，芝士嘅朋友就一定要試吓啦牛扒就係肉眼扒，而且叫咗五成熟，肉質都好重，今次薯條比較驚訝，好厚身，仲炸得好乾身同脆卜卜，再配上沙律🥗，正！至於四重芝士漢堡包，外表已經好出眾，四重芝士整成薄脆，載着落牛肉漢堡包，味道層次感覺好出眾，而且好少喺出面嘅餐廳見到，牛肉漢堡都好大塊，充滿肉汁😚最後我哋就叫左依度好出名嘅Tiramisù，好適合打卡😝，而且佢外型好似一個bagel, 另外仲有 1 sort espresso, 可以淋係上面，超特別同好味，口感好似雪糕，再加上espresso，口感就更加強烈

呢間鋪頭真係可以用久仰大名黎形容🤣由talkfood 講佢嘅tiramisu 到 9bothew 講佢哋嘅burger開始就一直對佢哋虎視眈眈ಥ_ಥ今次終於唔洗望梅止渴（應該係咁用xd）鋪頭無論係鋪頭出面定入面嘅裝修都好有懷舊而且好舒適嘅感覺 好似冬天好凍入咗間好暖嘅餐廳feel😂lolOldish four cheese beef burger一黎到已經勁香 佢塊芝士脆片真係勁大塊 雖然唔係好似薯片咁脆 但都有口感同芝士咸香味一流 中間仲夾住半溶嘅車打芝士同水牛芝士～漢堡扒唔會太鬆散或者太實 都唔會煮得過熟！估唔到嘅係竟然係用提子包！可能想中和下芝士嘅膩～但估唔到又幾match！Ps圖三係男朋友催我快啲影好想食而唔知點解變成咁嘅相😂Oldish eggs Benedict Muffin唔會太硬～幾鬆軟～流心嘅eggs Benedict加埋荷蘭醬，再加煙三文魚同牛油果蓉～呢個配搭冇得輸～Oldish tiramisu黎到我最期待嘅甜品時間！佢係雪到好硬嘅雪糕黎～有杯espresso 比你加落去～食落去其實淨係食得出咖啡味～唔係好食得出酒味～但佢哋嘅咖啡唔會酸而且好香好nutty～夾埋真

多得Google大神嘅相片回顧，我同朋友特意去返三年前同一日到訪過嘅餐廳「Oldish」。相隔幾年，餐廳仍然人氣高企，不過而家幢大廈就啱啱裝修緊，無得喺門口打卡📸。估唔到餐廳星期一晚都咁爆場，亦難得嘅係佢喺上環區都算收得夜。店舖內充滿英式復古風嘅裝潢擺設🇬🇧，有好多木系傢具。我印象中餐牌好似無乜點變，餐廳主打西餐，例如有肉扒、意粉、漢堡包同全日早餐等🍽。價錢屬中等水平啦，如果可加設套餐優惠就好。Thai Tom Yum Sauce Seafood Spaghetti($168)，🍝泰式冬蔭功意粉好正，醬汁味道濃郁，惹味得嚟又唔會太辣，而且完全無格格不入嘅感覺，係好出色嘅Fusion菜。意粉口感彈牙，海鮮餸料豐富，包括青口、帶子、蝦同魷魚等。Grilled Spring Chicken($188/half)，🍗半隻燒春雞份量都唔少，外皮塗上燒烤醬，燒至微微脆、幾香口，肉質亦都算軟嫩。伴菜部份有驚喜，有沙律菜、蜜瓜同薯條🍟，手切薯條新鮮炸起，外脆內軟。Oldish Tiramisu($78)，我相信餐廳嘅首席招牌名物非提拉米蘇莫屬，基本上每台都有嗌。Tiramisu造型特別，以冬甩嘅形狀登

最近睇電視認識到上環既一間咖啡店平日Brunch 時段有Coffee 有All day夜晚時段 原來都有幾多選擇店內古英倫式裝修 👍🏻Caprese Salad芝士配合番茄 加甜羅勒製成再用鹽同埋橄欖油調味簡單 但味美🙆🏻‍♂️Oldish Four Cheese Beer Burger最Signature 係有大大塊香脆既Parmesan Cheese再加三種半溶流心芝士(Mozzarella + Ricotta + Cheddar Cheese)口感等特別同時芝士味亦相當濃郁而漢堡包包皮亦相當特別 混有提子乾 Grilled Spring Chicken可選擇半隻或一隻 外皮香乳脆 肉質鮮嫩 食完半隻既我會建議你食一隻

上環懷舊特式小店食物有水準主打其實係lunch or brunch.食下all day breakfast chill下。今晚同同事收工，決定黎食晚餐晚餐小店好有feel. 勁肚餓坐低食左個avocado tomato toast 超級無敵極力推介！！！唔知係因為肚餓得滯定點牛油果🥑配上黑胡椒再加上小小帶酸蕃茄好開胃，再加上多士，非常鬆軟牛油果睇得出極度新鮮！ 食落去好好味！ 主菜叫左蒜香燒春雞，非常之香。肉質都好嫩滑，叫左成隻一人一隻唔使爭有薯條嘅配菜，點埋茄汁食🥹 另外因為好肚餓嘅關係，叫咗一個芝士牛肉漢堡包！好有外國嘅風情，芝士超大塊。牛肉個人覺得不過不失，無咩根，好容易咬口，但如果大食嘅人可能會唔夠食。不過一樣配上左薯條同埋啲沙律唔記得咗講呢沙律配佢哋嘅汁超好食同埋感覺上健康好多🤣 結論呢一間英倫風嘅懷舊小店實在好值得一去，除咗去果陣條斜路有啲斜😂

今次呢間cafe，鍾意Tiramisu 既人一定唔可以錯過！Oldish Tiramisu ($7️⃣8️⃣)呢個Tiramisu 真係驚艷到我同我個friend，放入口嗰下忍唔住哇出聲，因為真係超級好食🥹，一定要試呢個！佢外形就係一個冬甩咁，拎上嚟嗰陣時覺得個樣有啲普通，但係當你淋晒啲咖啡上去之後就變得好吸引😍！佢外層係雪糕，入面係蛋糕，蛋糕唔會過份濕潤，啱啱好😚。佢既咖啡好nutty好香，唔酸，淋喺啲雪糕面一齊食口感好正🥹，必試！全隻燒春雞配薯條（$2️⃣3️⃣8️⃣）呢個份量十足，除咗有燒春雞，仲有薯條、沙律同埋哈密瓜！佢將啲雞已經切好一件件，食嗰時好方便。春雞肉質鮮嫩，點燒烤醬食啱啱好。薯條就外皮好脆，仲包住薯蓉。而且佢仲配搭埋沙律菜同埋哈密瓜，成個餐好豐富！冬蔭公海鮮意粉（$1️⃣6️⃣8️⃣）我個人幾中意佢個調味，少少辣，又唔會過酸，醬汁濃稠度啱啱好可以掛汁。佢配咗蝦、蜆、青口同埋魷魚，都幾多料，值得試下。今餐最重要係Tiramisu俾到驚喜我哋！真係覺得好surprised！我一定會為咗個tiramisu返去架，強烈推薦大家要試，一定唔會令你失望！

係上環半山有好多特色cafe 之前睇報導介紹過呢間嘅 #Triamisu 所以一於嚟朝吓聖🤣餐廳位於上斜大斜坡嘅盡頭 依家門口搭緊棚 所以好唔顯眼#ThaiTomYumSayceSeafoodSpaghetti $168#homemade 嘅 冬陰醬汁 海鮮有蜆 青口 帶子 蝦 #SeafoodRisotto $168#TomatoSauce 🍅 再配上唔同嘅海鮮 最後再係面灑上parmesan cheese 個sauce主要由茄膏調較 所以酸甜適宜食完 #main 當然到最期待嘅主角出場👏🏻👏🏻#OldishTiramisu $78做成冬甩外型嘅 #Tiramisu 連一short espresso Tiramisu整好後連碟放入冰櫃雪凍 所以將暖暖地嘅espresso 倒入冬甩中間底部稍微開始溶化由於雪到好凍 所以要用少少力先𢳂到入口好正🤤🤤 Tiramisu雪到好似雪糕咁 然後espresso 開始溶化緊佢 再加上espresso 嘅苦中和咗佢嘅甜有 #冰火二重奏 之妙🤭🤭#必食推介

上環有一間隱世打卡英倫風西餐廳，今晚結伴友人黎朝聖😊📍Four Cheese Burger芝士漢堡的外觀好特別，中間夾著一大片芝士脆片，食落香脆帶點鹹香味。牛肉漢堡充滿肉汁，沙律菜加左少少意大利黑醋汁，食落酸酸甜甜十分開胃。厚切薯條即叫即炸外脆內軟。📍Grilled Spring Chicken (Whole)一上枱時香味四溢，未食已經流哂口水🤤春雞雞皮燒得又香又脆，一刀切落去肉汁溢出而且雞肉好嫩，最值得一讚嘅係成隻雞都好入味，每一啖雞肉都充滿香草嘅味道，配上自家秘製辣辣地既醬汁，太美味了！❤️😇 另外伴碟嘅沙律菜同蜜瓜好新鮮好fresh，中和左燒雞嘅油膩感。📍Oldish Tiramisu 黎呢度必試既招牌Tiramisu！Tiramisu嘅外型好似一個冬甩咁好cute，呢個係半雪糕既tiramisu做法好特別，再配埋超濃咖啡味嘅black coffee加埋一齊食，甜同苦嘅味蕾衝擊！

好耐無去上環行街，今日一於坐叮叮車去到上環搵下有咩好食既野先，行左一輪上左個大斜坡，搵到一間好古早味既西餐廳，好有年代超正喔！-Black Truffle Eggs Benedict $158(Toast Bread, Avocado, Smoked salmon, Poached Egg, Hollandaise Sauce, Black Truffle, French Fries & Mixed Salad )見到咁多材料都吾洗估 一定超級豐富，呢間餐廳既Benedict都幾正，仲要有齊黑松露同煙三文魚，仲要有牛油果，超正喔！勁有富豪級早餐既感覺，仲要有最中意既薯條，加分加分-Seafood Risotto $158(Mussel, Scallop, Shrimp , Cuttlefish & Tomato Sauce)Risotto呢一家野就真係要慢慢啖，呢一家店既Risotto既味道比較淡口小，如果想重味小小可以加小小調味料，米粒既熟度岩岩好，配料上有好多好彈牙同大隻既大蝦蝦-Oldish Tiramisu $78Tiramisu 絕對係要食既飯後甜品，Oldish既 Tira