Ocio (東港城) (已結業)

一入到呢間舖見到裝修都幾靚，叫咗放牛油焗石斑柳配新薯忌廉蘑菇汁，同埋鐵板羊鞍配新薯雜菜。套餐仲配咗餐湯同嘢飲，飲品叫左玫瑰熱牛奶，冷泡四季春。餐湯係忌廉南瓜湯，唔係太杰，唔會太鹹，味道適中。個焗石斑柳煎得好香脆，有黑椒喺面吊味，非常惹味個汁好香濃好食。而且仲有啲青豆同埋紅蘿蔔做配菜，有菜又有肉好均衡。羊鞍都幾大塊，唔會好肥，用鐵板上，上菜嘅時候仲吱吱吱吱吱聲，食慾大增。啲肉質好軟熟，唔太膻。食完之後仲叫咗個甜品，朱古力窩夫配朱古力雪糕。個窩夫有啲朱古力味唔係太重，Brownie好好食，加埋個朱古力雪糕，成份甜得來又唔會好膩。埋單$400左右，幾抵食。

去左東港城既Ocio食晚飯。木色既裝修令人好舒服，地方好闊落唔洗擔心坐得好近，傾計都傾得開心d呀。打開Menu ，佢既野食好低食呀。除咗有一啲套餐之外，仲有好多甜品選擇。唔錯唔錯，今日食咗正餐先，下次再試吓甜品啦。水牛城雞鎚見有啲肚餓，先叫個頭盤先，等左一陣就有得食喇。顏色好靚，佢炸得好卜卜脆，辣得來又唔係太辣女仔都好啱食。另外，仲叫咗兩個晚餐，有餐湯同埋嘢飲包埋都幾好呀。西班牙辣肉腸海鮮焗飯估唔到有咁多海鮮，有青口、蝦同埋鮮魷。飯嘅軟硬度都唔錯，而且酸辣嘅味都配合得好好。牛油焗石斑柳配新薯忌廉蘑菇汁一嚟到我覺得好香噴噴呀，嘢食最緊要夠熱嘛。塊魚都幾大同好香口呀，食落都幾滑呀，再撈埋佢嘅忌廉蘑菇汁真係一流。另外，薯仔個面都整得好脆入邊鬆軟。可以值得一讚嘅，佢加咗好多有益嘅蔬菜，食埋豆同蘿蔔就啱啱好喇。今餐好滿足，係環境舒適嘅地方，同朋友傾下計，心情舒暢呀。

訂左時間去餐廳諗住兩老唔洗等位 齊人門口等位 但佢又冇安排叫我等一下之後就問我是否訂2:00 咁我心諗1:45 仲有15分鐘是否唔俾我入因為佢俾左另一個人入去先 而個人係未齊人 咁我見按下一張飛 就可以即刻入 當然立刻攞多張飛之後佢見到 先同我講話下張到我 又冇問我介唔介意搭枱 俾左張搭枱位我 咁其實我唔洗訂枱啦 直接walkin

Ocio出名食甜品，之前都幫襯過幾次。今次見到轉咗晚餐Menu，又入去試試，再食埋甜品。叫咗兩個set dinner，包餐湯同$33以下飲品。今日餐湯係南瓜湯，幾creamy。🍛西班牙辣肉腸海鮮焗飯 $158都幾多海鮮，有蝦、魷魚、青口、蜆肉，辣肉腸切得比較細粒，如果大粒啲口感會更好！飯嘅味道唔算太濃，口味比較清淡嘅人都可以試下。🥘鐵板羊鞍配焗新薯雜菜 $178汁係獨立分開，自己再淋落鐵板度，打卡一流😂 有3件羊鞍，用香草煎到好香口，都幾juicy，唔會有好大陣臊味。焗薯好好食，外脆內嫩。🧇朱古力布朗尼窩夫 $78朋友好鍾意食朱古力，見到就即刻話要叫呢個甜品。成個甜品都好靚，仲有隻蝴蝶打卡😍 有4塊朱古力窩夫，外脆內軟，brownie口感濕潤唔乾，好香朱古力味！配埋朱古力雪糕一齊食好正！朱古力🍫控必叫！呢間Cafe環境舒適，日系小清新嘅感覺，幾啱打卡同傾偈，食物都幾好，特別係甜品😋

放工去tko搵朋友，揀左呢間cafe，menu選擇頗多，特別係甜品🤤，咩都有得食。🔅餐湯是日餐湯係粟米湯，正常無咩特別。🔅鐵板美國封門柳伴薯條 ($189)因為減肥食封門柳最好，算係唔太肥既部位🤣，所以揀左呢個main。封門柳牛味濃，中間仲好粉嫩，整體份量都唔少，配埋熱辣辣既薯條無得輸👍🏻。🔅水牛城雞槌(5隻) ($48)小食揀左雞槌，水牛城個汁少少辣，幾惹味，個人覺得唔錯🥺。墊底仲有少少薯條滿足我呢個薯條控😎。🔅朱古力麻薯窩夫 ($78)食waffle點少得雪糕，所以加左個雪糕(+$10)😍。窩夫厚身，中間有麻糬，食落有口感，夠晒飽🤤。💬整體價錢合理，食物都唔錯，跟餐仲送$33以下飲品，2人份量啱啱好👍🏻。

同朋友兩個人，預早經Openrice訂台。所以當日可以直入，唔需要等位。餐廳裝修好日系，偽文青風格。好柔和好舒服，所以我同朋友都好想試呢間餐廳好耐。餐廳食物選擇都多，亦有甜品。不過，我只影了當晚晚餐Menu。甜品都好吸引!  呢到係部份甜品Menu由於我哋係兩個女仔嘅關係，食量又唔算超大。所以點咗兩份食物加兩杯飲品。(左) 蜜桃西柚乳酸梳打 $48 及 (右) 蜜桃冰茶 $48正正常常，唔會過份甜。我哋冇揀到晚餐Menu嘅套餐，散嗌咗兩份主食。奧斯特色炸物拼盤 $158，超正!! 熱辣辣，超脆口。我勁鍾意個炸雞翼，因為好脆好香口。另外再點咗份珍寶美式牛肉漢堡 $148牛肉厚切，仲要係兩塊，芝士都好正!! 牛肉好juicy，好香牛味!重芝士，鍾意食芝士就啱晒!!兩個女仔食，都超級飽呀!!所以，已經食唔到甜品啦。下次可能要下午茶嚟食甜品啦。

Score 總分: 65個湯幾好飲，正餐味道就一般啦～ 最突出就一定要講佢地嘅甜品! 有水準! 所以，如果大家去開這間餐廳，我提議只食甜品 好了。至於環境，就非常清靜，適合大家傾下計，坐得耐嘅人。性價比 就......甜品果方便算係咁，都係做街坊生意為主~

今日係東港城行街，去咗商場一間cafe 仔食dinner見到有dinner set 同有甜品咁就可以食完飯，再慢慢同朋友傾偈，食埋甜品🤤🤤🥩炭燒美國封門柳伴薯條 $189我地今次揀咗5成熟🥩係屬於牛橫膈膜嘅肌肉肉質相對都鬆軟唔會話好韌不過我覺得3成熟可能會更好食🙊🙊而薯條相對比較淋身🥘烤芝士肉丸伴自家制薯茸 $58Dinner set可以加$58我覺得份量好足夠 好大份好多蕃茄粒 配薯蓉真係一流👍🏻👍🏻👍🏻肉丸都有5-6粒 有肉汁好食👍🏻👍🏻👍🏻🍮🍮奧斯密瓜雪山熱香餅 $98上面有一球雪糕係面配搭暖暖地嘅熱香餅令到好似梳乎厘咁好軟熟下面仲有半個密瓜 而且仲好甜的確唔錯好好食👍🏻👍🏻

今次去嘅係將軍澳店，大圍旺角都有分店！正餐同甜品選擇都好多，例如窩夫、班戟、刨冰等。網上睇有關正餐嘅評論就褒貶不一，所以Christy 嚟嗰陣主要叫甜品🍮環境舒服乾淨，幾好坐，適合同朋友一齊享受Tea Time🫖期間限定🍍台灣鳳梨窩夫 $75見到100%台灣鳳梨使用😍Christy 即刻心心眼菠蘿嚟講食落去係清甜嘅❌唔會死甜，處理菠蘿亦好好，厚度同汁肉都飽滿🤤配雲呢拿雪糕、杏仁、糖漿每日限量12份咋，可以try try佢推薦指數：⭐️⭐️⭐️⭐️士多啤梨🍓鑄鐵鑊仔法式吐司 $68吐司超級厚身，比市面上餐廳嘅吐司更加厚，一個人食都幾飽🫢表面塗左一浸蜜糖更好食，吐司邊焗得脆脆❤️～浸喺士多啤梨醬入面嘅吐司軟軟哋，有布甸液喺包入面，整體嚟講係熱辣辣同埋外脆內軟，另外加＄8可以要埋雪糕(雲呢拿/朱古力🍫)推薦指數：⭐️⭐️⭐️⭐️🙋🏻‍♀️🙋🏻人均消費: $70-$150🪄餐廳設加一服務費

呢間甜品同主食物店都去過2,3次食🤭，點解？第一有強烈既視覺美效果！第二美食質素真係Keep住都係甘好！今次主要想試佢個安格斯牛肉芝士蕃茄蔬菜太陽蛋漢堡！其實漢堡包仲有鵝肝牛肉同芝士蛋煙肉漢堡都好正好想試！但係我見佢呢個安格斯牛肉特大！入料亦都十分足料！所以我建議去到一定要試咗呢個漢堡先！，食落口真係好有juicy感覺，番茄甜甜地太陽蛋好新鮮，再配上蔬菜健康又好食，重點係安格斯牛乾身得黎好入味！再加上麵包皮質感好柔軟人食落去口感好正！再配上炸薯條，非常之開胃！有一點我都覺得要讚！就係佢個茄汁好食唔太甜！之後再叫咗個甜品！覺得呢個非常特別，抹茶味道內籠有麻薯粒粒，配上清甜紅豆粒同紅豆蓉再加上雲呢拿雪糕窩夫，呢個真係激讚！從來未食過抹茶味咁重嘅窩夫！其實本人唔係咁鍾意食綠茶味道，但係呢個甜品令我對綠茶味改觀咗！都幾難忘！最後叫咗杯英式熱奶茶同甘菊熱茶中和飽肚感！呢間係價錢抵食好食份量又好足夠所以呢都幾次都冇所謂🤭次次都有唔同甜品可以欣賞視覺效果之餘又可以感受美食😍真係正ga！@ocio kitchen

東港城開了一間新餐廳，這間咖啡店在旺角也有分店今天去度人流都挺多的。鐵板日本北海道黑豚豬西冷扒配薯菜 +$33 以下飲品 +餐湯$128豬扒大小有一隻手掌🖐🏻豬味濃郁配有很多薯菜，包括紅蘿蔔及青豆，還有一對薯條性價比高，如果喜歡吃肉的朋友仔。這個有肉有菜有澱粉均衡的碗搭。奧斯漢堡扒全日早餐+餐湯+$33 餐湯 $118這個有沙律菜+¼件窩夫+腸仔+炒滑蛋+巴馬臣火腿+1/2 件蕃茄+一件大漢堡扒+薯菜+茄汁豆這個非常飽肚，而且樣都煮得很好食，特別一讚那件窩夫，配有蜜糖可以自己配搭🥹星期六日也有午市套餐是坑口咖啡廳與朋友聚會的好選擇☺️

放工和朋友相約在坑口東港城行街順便食個靚飯😎朋友帶左我食呢間Ocio打卡兼放鬆一下😌。餐廳主打日式木系裝修，環境乾淨闊絡，除了米黃色桌椅外，店內也加入不少綠色植物作裝潢，令人仿如置身森林之中，心曠神怡❤️我地除咗必點甜品熱香餅外，仲叫左兩個主食，性價比極高而且真心飽到上心口🥰經openrice 預早訂坐仲有85折🤤🤤非常抵食👍🧄🐓蒜香雞肉菠菜忌廉手工闊麵吃意粉最重要是意粉本身和所配搭的醬汁 ，這個雞肉忌廉闊麵在兩方面都做得很出色：醬汁garlicky又creamy；闊麵比傳統意粉更掛汁😍 香濃惹味👍🍳🐂奧斯牛肉漢堡扒全日早餐全日早餐除了打卡able之餘，味道也相當不錯，值得一試再試😋牛肉漢堡大塊肉厚，開汁水充足💦其他薯條、沙律、巴拿馬火腿等份量都好足，係冇諗過食全日早餐可以食到晚餐咁飽😂仲比我同我朋友解鎖到新嘅食法➡️只要我哋$10嗌多一球雲呢拿雪糕放響個格仔餅上面，就可以當做一個新嘅甜品 😍 🥞☕️鑊仔伯爵茶雪山熱香餅上網見好多人都推介食熱香餅，所以都嗌一款試吓，冇令我失望，上到枱賣相已經好靚，熱辣辣♨️同上面嘅雲呢拿雪糕有強烈嘅對比衝擊味蕾，令熱香餅嘅味道都有所昇華🤤熱香餅口感輕盈，入口

首先利申，我對甜品興趣不大，而OCIO的下午茶餐價錢亦不算低，份量遠遠不及一個午餐，但我都給了很高評價，尤其是窩夫。宇治抹茶紅豆窩夫配雲呢拿雪糕- 窩夫非常香口，外脆內煙韌，煙韌來至中間加了少少麻糬，完全是畫龍點睛的心思。醬汁配得非常好味，完全不用加楓糖漿。整體接近完美，雖然夠熱，但如果窩夫再熱些就更好。蒜蓉法包多士配牛油果他他- 法包香脆香口、牛油果他他醬酸忘廉好味、沙律菜材料高質。煙三文魚酸忌廉多士- 煙三魚好味唔鹹，法包香脆香口、牛油果他他醬酸忘廉好味、沙律菜材料高質。賣相精美。凍咖啡- 香味濃郁，自選擇奶及糖份量很讚。

餐廳以木系日式簡約設計，配合柔和燈光，感覺幾舒服同悠閑😎 今次點咗2個dinner set，可以係呢個舒適嘅氛圍下慢慢食🌱。-🥣是日餐湯新鮮蘑菇湯，粒粒蘑菇🍄足料濃郁。🇪🇸西班牙肉腸海鮮意大利飯 - 💸$158海鮮份量十足，有青口、魷魚、大蝦等🦐！焗飯唔會太乾，意大利飯粒粒分明，唔會太硬或軟，幾有咬口～但就唔係好食得出個汁係咩味道🤔。🥩炭燒美國封門柳伴薯條 - 💸$189外焦內嫩，肉味香濃🐮。原本唔知係鐵板上，所以點咗7成熟，建議點5成口感會更佳！🥞鑊仔麻糬雪山熱香餅 - 💸$89雖然食完main course已經好飽🤰🏼，但見到啲甜品賣相真係好吸引，最後都係忍唔住點咗份😋。甜品絕對係呢餐飯嘅亮點🌟！熱香餅好鬆軟，周邊嘅醬汁好重香蛋香味🥚，而裡面啲麻糬熱過後有少少拉絲效果。微熱嘅熱香餅加上熱的奶汁同冰凍雲尼拿雪糕一齊食，冰火交融超有層次，好好味😋

🤎Ocio🤎將軍澳向來都有「美食沙漠」之稱，但係呢幾排真係有好多唔同嘅小店進駐，今次為大家介紹位於坑口東港城嘅ocio。「Ocio」西班牙文的意思是「休閒」，今次同妹妹黎high tea，食左他地最出名嘅waffle！ocio的裝修採用了北歐設計風格，裡面有很多木質的傢俱和綠色植物，讓人感覺非常舒適和放鬆。ocio嘅環境清幽，可以等大家享受美食嘅同時，慢慢地品味生活。特別要稱讚呢一間咖啡室對於清潔嘅要求十分高，我哋入去嘅時候係晏晝4:00 ，店員會將所有嘅餐牌都清潔一次。雖然疫情已經慢慢過去，但係都睇得出呢一間咖啡室對衛生要求高👍🏻👍🏻🤍朱古力布朗尼窩夫🧇$78我們點了一份朱古力布朗尼窩夫，還有兩杯熱咖啡，非常適合冬天的天氣。呢一個甜品都係十分打卡able，Brownie十分香口👍🏻🤍Hot Cafe Latte $43🤍Hot Hazelnut Latte $45📍 Ocio (東港城) (將軍澳)將軍澳重華路8號東港城2樓238號舖⭐️師奶Tips：大家記得消費完入翻新地旗下The Points嘅分#boombu將軍澳#boombu文青cafe#boombu將軍澳不是美食沙漠————