Ocio (東港城) (已結業)

呢間位於東港城嘅cafe裝修好用心，坐得好舒服，喺坑口係比較少呢類型cafe~焗鑊仔綠茶班戟心太軟 $89呢度嘅甜品出色過主食🤣焗至香脆嘅班戟包住心太軟，一切開係一層綠茶蛋糕，再切綠茶熔岩就湧出黎了😍熱辣辣再配冰凍嘅綠茶雪糕，成個甜品不會過甜，綠茶味香濃而不苦澀，大推薦！❤️去骨BBQ 燒春雞伴黑松露薯蓉 $138燒春雞去左骨易食啲，加上甜甜酸酸嘅bbq醬幾開胃，黑松露薯蓉好香濃～芝士忌廉汁海鮮手打闊條麵 $128忌廉汁夠rich，海鮮唔hea，帶子同蝦都好新鮮

之前食過堂食，對呢個全日早餐All day breakfast 念念不忘，今晚突然好想再食，用OpenRice app訂外賣自取有七折就試吓啦，比預期中快咗15分鐘通知我已準備好可以隨時拎，去到店員就遞一袋外賣俾我，我一路行一路對吓袋上張單號碼，係我落嘅單Number，不過寫住欠奶昔，再望吓入面，真係爭杯奶昔，我行返轉頭問佢，呢個時候杯奶昔出嚟。。。明明堂食加上OpenRice 內既相呢個全日All day breakfast 都有兩條腸，點知外賣得一條。我都明白包好一盒嘢食，客人好難當場打開檢查係唔係自己落單要嘅嘢食，所以好靠廚房及店員嘅準成度。。。整體來講，仲有好大進步空間

之前行過幾次將軍澳坑口Ocio餐廳，都好多人等位，今日早少少來，好彩冇乜人，一於入去試吓😄入到去店員有禮貌招呼，餐廳裝修簡約，休閒，感覺清新🏖🏞餐牌種類繁多，諗咗好耐，選了香煎美國保濕豬鞍，睇落去份量唔細，食落口豬鞍肉質淋滑，又唔乾，入邊充滿肉汁，煎得恰到好處，配埋特製蘋果燒汁，好好食🐖😋甘筍湯，感覺清新又fresh🌱朋友叫了All day breakfast ，有雞扒，炒滑蛋，香腸，薯菜….份量非常足夠☺️最後還要了一個75%朱古力心太軟，外面脆內裏有流心朱古力，點少少雪糕一齊食，好食到呢……😇

約左妹妹去將軍澳東港城🍀🍀小清新西餐廳Ocio🍴🍴共晉晚餐，布置走年輕文青路線，舒適寫意。🍵🍵🥂將軍澳分店比其他分店更寬敞，適合與朋友享受輕鬆時光。✨✨✨🍽️晚市套餐會送一碗餐湯，及一杯33元以下飲品🥤👍🥩炭燒美國10oz肉眼伴紅酒燒汁 $1895成熟剛剛好，保留牛肉既嬌嫩粉紅色，無血水，濃郁牛味中帶炭香味。🔥🔥🐷香煎美國保濕豬鞍配蘋果燒汁 $168肉汁超霖，保留大量肉汁，果然做到保濕。💧💧帶少少肥肉既豬系最好食👍👍

好耐之前試過旺角分店，見坑口開左，openrice book位晚市都又有8折，就book左同屋企人提早慶祝父親節。一行三人，叫左一個燒汁春雞同海鮮闊條麵，再加兩個甜品。晚餐包湯同餐飲，好夠飽。燒汁好夠香，最正係黑松露薯蓉，好軟滑，好好食。闊條麵海鮮都幾多，意粉亦煮得岩岩好，唔會覺得硬，忌廉味都好足。甜品叫左75%心太軟同蜜瓜waffle，兩樣都好正，只係蜜瓜咁岩呢個唔甜，不過啲蜜糖星星可以補救到，值得一試。

Ocio既分店都食過幾次,原來最近都係坑口開左分店！而坑口呢間分店帶出木糸及原林簡約風而且空間又夠大,暫時我覺得係最靚既分店.冬陰公大蝦燴意大利飯意大利飯上有2隻大蝦已經相當吸引,流晒口水.大蝦肉身厚實爽彈亦都帶有蝦香.冬陰味道好濃,酸酸辣辣而且香茅味突出之餘亦食到少少青檸香.意大利飯唔會過硬無飯骨.意大利飯旁邊加上香辣蝦片令辣味更香.去骨BBQ燒春雞伴黑松露薯蓉去骨後既燒春雞可以無顧慮大啖大啖咁食.燒春雞肉香嫩入口更香,內裏以迷迭香醃過味道滲出一陣松香.底下黑松露薯蓉份量好滿足,入口帶住少少薯粒入口更香口,松露香香而不嗆.黑蜜紅豆刨冰配雲呢嗱雪糕夏天限定既刨冰最啱係咁熱既天氣下當飯後甜品,又降溫又相比其他甜品更低卡路里.刨冰山上加上一球雲呢嗱雪糕及忌廉.黑蜜帶出焦糖味,半溶化既冰混香黑糖令整體甜度唔會過高.紅豆同樣香甜帶點沙沙既口感.朱古力奶昔Creamy又帶濃香既朱古力味,入口質感夠厚重唔會水汪汪咁.

同媽咪行開東港城見有啲肚餓就去咗ocio 到食午餐，之前已經嚟過一次覺得餐廳環境風格非常清新，環境夠大令人坐得舒適。我同媽咪每人叫咗一個set lunch，呢度上菜非常之快，套餐包左一個湯，主菜同埋飲品。香煎盲曹魚伴海鮮鮮茄汁意粉盲曹魚有兩件大大件，魚皮表面煎到好香脆魚肉質地好滑一啲都唔鞋口，配埋啲小蕃茄非常開胃意大利粉煮到軟硬度適中，配上蕃茄汁令人食到唔停口。鮮蝦龍蝦汁意大利飯估到到都真係有好多蝦肉咬落爽口彈牙，飯粒咬感略為硬咗少少，粒粒飯粒都佈滿龍蝦汁索曬d味，非常好食。

🎈Ocio 🔍將軍澳坑口重華路8號東港城2樓238號舖-----木色嘅清新叢林風裝潢，舒適簡潔，作為星期五的放鬆的癲拿，感覺是個不錯的選擇。除咗散叫之外，晚市套餐有飲品，亦可以加配小食，整體價錢合理。🐥去骨BBQ燒春雞配黑松露薯蓉（$138）春雞食落比普通烤雞嘅雞肉份外嫩滑，雞油亦更豐腴，滴落下面嘅黑松露薯蓉當中，令本來就幼滑嘅薯蓉，更添滋味。🐟香草檸檬燒鱸魚（$148）呢個價錢，正常只會expect係切件魚柳，但呢度竟然係原條上，未食已經覺得餐廳誠意十足。鹹香鱸魚加上開胃嘅香草檸檬汁調味，食落鮮美。🥞蜂蜜雪山熱香餅（$79）雖說主菜味道不錯，但要說最喜愛的，還是要數這個熱辣辣又鬆軟嘅甜品。蜂蜜自蜂巢中緩緩流出，直接滴落熱香餅上，甜蜜蜜嘅軟綿口感，加埋凍冰冰嘅雪糕，實在係令人欲罷不能。-----👶🏻B仔整體評價：7.9/10個👍🏻👶🏻B仔抵食程度：8/10個👍🏻👶🏻B仔環境評分：7.5/10個👍🏻👶🏻B仔味道評分：8/10個👍🏻👶🏻B仔回頭機會：8/10個👍🏻-----

前排去開東港城，發覺多左好多唔同類型既餐廳，見到ocio 既甜品幾吸引，而且環境都幾舒服，所以試一試。Dinner set 都幾抵，包埋餐湯同飲品。menu 入面有幾款係每日限量20份，想食就可能要早啲黎。是日餐湯係粟米忌廉湯，飲落都幾濃郁，粟米粒仲打成粟米蓉，都幾足料！辣肉腸珍寶帶子手工意粉 $138見係自家製意粉，所以點都叫個意粉試下。意粉口感煙韌，帶子都幾大粒，煎得岩岩好，肉質鮮嫩，辣肉腸有啲鹹香味，配埋蘆筍同埋蘑菇感覺岩岩好。冬陰功大蝦燴意大利飯 $138一上枱已經聞到好香冬陰功味，食落酸酸辣辣好開胃，意大利飯偏淋身，吸收晒冬陰公汁，好味！大蝦鮮甜爽口，配料有車厘茄，蘑菇，仲有幾塊蝦片，好豐富！鑊仔士多啤梨雪山熱香餅 $79熱香餅都幾厚，食落似疏乎厘pancake, 口感鬆軟，唔會食緊空氣咁，配埋士多啤梨醬同雲呢拿雪糕，有冰火交融嘅感覺，全部夾埋一齊食好夾！

好食，全部味道都好清唔咸，岩健康嘅人，食到食物嘅原味。蛋好滑、waffle實心唔係空氣，但如果再熱返啲就好，同埋個湯嘅味假假地。份量對於大食嘅我，成份食哂都夠飽。但睇返同一份餐其他人嘅相係有兩條腸，點解得返一條😅

放假瞓到11點幾起身，梳洗完落樓下商場食午餐，可能因為未到12點，所以一到就啱啱好有位，餐廳風格日系帶文青feel，成間Cafe嘅感覺都好舒服，餐牌設計有好多公仔好可愛，假日午餐嘅選擇都幾多，款式都偏向All day breakfast同埋西餐豬肋骨有五條，BBQ醬好濃好惹味，而且啲肉好淋，唔會好乾，粗薯條薯仔味重，窩夫即製外脆內軟有蛋香，配上旁邊嘅楓糖漿十分夾，太陽蛋煎到燶邊值得一讚，沙律用黑醋十分開胃，用一個咁好嘅午餐開啟新嘅一天姐表示很滿意

終於可以去探朋友，去到唔熟路嘅坑口，以為咁山旮旯冇好嘢食，原來個商場好大，有好多嘢可以買同食。朋友仔帶我去Ocio ，原來佢有分店開係度仲好大間。之前喺佢旺角店食窩夫，依度晚餐有好多食品揀，我地就決定食扒。佢有餐湯，係忌廉蘑菇湯，食到有蘑菇粒粒。我鍾意食羊，就點咗紐西蘭羊架配露𢇁瑪莉燒汁兩件羊架份量唔錯，仲有薯菜同煎西葫蘆瓜，見到有棵rosemary 但個燒汁就冇乜香草味。朋友叫咗牛扒5成熟，但似乎熟咗D，炭燒美國10oz肉眼份量好大，一樣配有薯條同西葫蘆瓜，但個紅酒燒汁就同我嘅燒汁味道分別唔大。佢個餐仲有基本餐飲，坐得舒服，依個價錢可以啦。

餐廳裝修風格係東港城都幾吸睛，相信唔少用餐嘅人都係俾佢木系清新風格🍀吸引入黎(當正全世界都同小編一樣咁“膚淺”)😜🌟 芝士肉醬千層麵 ($138)千層麵整得好入味！食落好有口感同埋有濃濃嘅肉醬味 十分香口 同埋焗得啱啱好 唔會太硬！ 小編大推💛 🌟 冬陰功大蝦燴意大利飯 ($138)東南亞風味嘅risotto🥰個人覺得冬陰功味夠重 偏酸唔太辣 配料多之餘大蝦仲啖啖肉，好味！🌟 去骨BBQ春雞伴黑松露薯蓉 ($138)去咗骨嘅燒春雞本身已經好加分 啱曬小編呢啲懶人👍🏻👍🏻 外皮燒至微脆 肉質厚實 食落酸酸辣辣。不過講到呢道菜嘅賣點一定係個薯蓉🥔真係好creamy好香松露味啊😍🌟 香草檸檬原條鱸魚($148)鱸魚原條上真係有啲嚇親😸完全無expect會係cafe見到。賣相普通 但勝在肉多嫩口😙味道比較清淡 檸檬味都唔算太重。🌟 蜂蜜雪山熱香餅 ($79)佢唔係走梳芙厘果種空氣感路線🥞但口感一樣咁鬆軟。側邊配有一球雲呢拿雪糕同鮮忌廉🍨蜜糖就可以自己落🍯就唔會驚話太甜啦~🌟 焗鑊仔班戟心太軟 ($89)鑊仔pancake就試過啦，流心班戟就真係要try try佢😋雪糕配熱辣辣嘅流心班戟 幸福

星期六試下新餐廳😋以為會好多人等好耐，點知等左10分鐘就有枱～Set Lunch包一個餐湯同一杯$33或以下飲品😊餐湯係蘑菇忌廉湯🥣都幾濃郁，仲飲到一粒粒嘅蘑菇肉🍄👍🏻👍🏻🌟日式咖喱豬扒飯🐽吉列豬扒炸得好香脆乾身，份量都唔錯，男朋友話ok💁🏻‍♂️係個汁偏咸，濃左少少🌟卡邦尼意粉半溫泉蛋🍳卡邦尼汁唔係好杰好creamy嗰種，冇咁漏🙂不過真係好多好多好多煙肉🥓😂令到成個意粉有dd 偏咸～其實餐廳仲有好多好靚嘅甜品🤫不過價錢偏貴同食完正餐都好飽就冇食到當日都幾多家長帶小朋友黎食，環境有啲吵鬧，性價比唔係太高，未必會再黎😶

行開東港城，原來開咗間Ocio 係度，咁就入去食啦，呢度行小清新路線喎，好叢林feel，眼前一亮，又有吊燈做裝飾，夠光猛😍 🔸️餐湯🥣是日餐湯係磨菇湯，好濃郁，仲食到有磨菇茸 🔸️炭燒美國10oz 肉眼伴紅酒燒汁 $189🐮好香炭燒味，塊扒仲界咗花紋，肉質嫩滑有肉味，配上雙色翠肉瓜食落好多汁，仲跟埋粗薯條，好脆口😁 🔸️紐西蘭羊架配露絲瑪莉燒汁 $168 🐑有2塊好厚身既羊架，灑上香草，好嫩滑，帶少許脂肪，有油香，同樣都係配調咗味既雙色翠肉瓜，仲有幾條豆角同有皮薯仔😋 🔸️餐飲☕要咗橙汁同檸檬茶