Ocio (東港城) (已結業)

呢排做嘢壓力好大，經常出街食飯減壓😎今日去咗坑口，食呢間好似Cafe嘅餐廳，佢已經覺得好舒服，園林嘅風格設計，配上商場高嘅樓底，感覺好舒服枱與枱相隔好遠，地方好大，好似去咗Cafe咁，坐得好舒服，的確可以減壓😌食物方面比Cafe嘅好食得多🤩🍴 烤大蝦冬陰功意大利飯🍴$138呢間餐廳非常百變，由西式嘅豬手，到泰式嘅冬陰功飯都有，個大蝦都非常新鮮，加上蝦片，感覺真係好泰國😂個飯辣味好夠，食辣嘅朋友非常適合😋🍴脆皮德國鹹豬手配酸椰菜蜜糖芥末🍴$158個皮非常脆，唔算好油膩，但佢嘅肉都唔算焗到好乾，配合返咁趣嘅外皮，個豬手算係我食過嘅頭三名好食，而份量比想像中大，有少少美中不足嘅係薯條，薯條到上盤嘅時候已經凍左，但個豬手係非常好食😋🍴奧斯卡水牛城雞鎚🍴+$49相比起雞中翼，我比較鍾意食雞鎚，一見到有水牛城雞鎚，即刻叫！雞鎚係全炸嘅，再加上水牛城汁，唔算好辣，覺得比較偏向少少茄汁，都值得一試嘅🥸🍴甘筍忌廉湯🍴跟餐講吓個忌廉湯，個湯係唔似出邊飲嗰啲咁smooth ，佢係有啲渣嘅，冇咩奶味，好純正嘅甘筍湯，非常特別🤩總括來講，係好好食，份量好大份，性價比超級高，我哋兩個女仔食兩個主菜，都真係食唔晒。

好鍾意文清風嘅餐廳，有日同朋友去咗東港城，亂打亂撞行入呢間西餐廳食晚飯，平時經過都唔覺原來有一間木系簡約風餐廳。當日晚上8點去到，環境坐得闊落唔多人，幾適合傾偈Me Time一下。食Set dinner 最抵✌🏻有湯有嘢飲🤣❣️Ocio特選全日早餐🍴雞扒厚身，炒蛋嫩滑 有一塊窩夫，加埋蜜糖好正❣️芝士焗肉醬千層麵即叫即焗，等左起碼15分鐘，唔趕時間冇乜所謂。肉醬味道濃郁偏甜，蕃茄味道香濃，上面更鋪滿拉絲芝士，超級邪惡。見到啲甜品好吸引，但係我哋已經好飽，下次再試。📍Ocio 東港城

見到呢間Cafe最近好受歡迎，尤其係甜品，好吸引🤩 今日都特登慕名而來試下🤣🤣-鰻魚炒飯佐溫泉蛋 lunch set本身包左一份餐湯同一杯飲品，今日嘅餐湯係蘑菇湯，蘑菇湯🍄就不過不失，炒飯真係有粒粒鰻魚，加埋溫泉蛋撈勻食，真心正😋😋😋至於飲品就叫咗蘋果汁🧃-日式咖哩吉列雞扒飯🍛 餐湯同餐飲都一樣揀咗蘑菇湯同蘋果汁，至於主食，雞扒嘅肉質都算滑，而且粉唔會太厚，咬落好薄身好脆👍🏻👍🏻咖喱味好香，唔會辣，配飯食一流☺️-鑊仔伯爵茶雪山熱香餅🥞 終於食到最期待嘅甜品，食落口感好鬆軟，好似疏乎厘蛋糕咁，熱香餅面仲有一球雪糕，連埋伯爵茶醬同pan上溶咗嘅棉花糖一齊食，簡直有冰火嘅感覺😍仲有好多款甜品都好想試，下次試吓佢哋嘅窩夫🧇或者古早味蛋糕先🤤🤤

好耐冇去東港城啦，被Ocio嘅裝橫同甜品吸引左我入呢間餐聽，以為呢間係以甜品做主打嘅Cafe，估唔到鹹點選擇都有幾多，淨係晚餐都有11款選擇，另外主餐牌都有好多小食，我哋叫左兩個晚餐同一個甜品。晚餐跟是日餐湯同埋飲品，餐飲叫咗檸檬薑茶同凍鮮奶咖啡 (+$19)。晚餐仲可以加錢另配小食，不過我哋決定留返個quota食甜品。是日餐湯係蘑菇湯，味道香濃，每一啖都食到蘑菇醉，有驚喜。大頭蝦海鮮龍蝦汁手工意大利粉 （$158）一上枱望落去個賣相以為係龍蝦伊麵，望真啲原來係手工意大利粉，意粉口感煙韌，龍蝦汁香濃有鮮味，大頭蝦大大隻又彈牙，食得出呢個意粉係心機之作，唔怪得知每日只限定12份。香草酥羊架配新薯燒汁（$168）羊架賣相精美，肉質清爽彈牙，羊羶味唔會太過濃烈，伴菜有薯仔青瓜可以解膩。鑊仔抹茶紅豆雪山熱香餅（$79）用鑊仔上熱香餅可以完美保存溫度，熱香餅口感鬆軟，入面係比較濕潤帶點空氣感嗰隻質地，配埋雪糕同紅豆抹茶醬一齊食有冰火雙重口感，好滿足！如果抹茶味更濃郁就perfect ! 呢間環境、服務同食物質素都唔錯，見到隔離食豬手同窩夫都好吸引，下次會嚟再試吓!

將軍澳想搵間環境舒適嘅Cafe食嘢，海傍選擇好多不過有啲遠，近近地試吓坑口呢間主打西餐及甜品嘅Cafe！.Set Dinner包餐湯、主食及$33或以下飲品。.🍖 脆皮德國鹹豬手配酸菜蜜糖芥末 $158鹹豬手份量十足而且預先拆咗肉，食落更方便。外皮烤焗得鬆脆而帶點煙韌，肉質鹹香鮮嫩，就咁食已經好入味，亦可以蘸蜜糖芥末增添滋味。除薯條外，搭配了酸菜及沙律菜更解膩。.🍝 炸軟殼蟹黑松露雜菌手工闊麵 軟殼蟹炸得酥脆，肉身飽滿，灑上芝士絲更香口。手工闊麵充滿蛋香，軟硬適中口感不錯，掛滿濃稠嘅黑松露忌廉醬，啖啖黑松露獨特香氣。.🥣 跟餐餐湯南瓜湯清甜帶南瓜蓉。.🍹 跟餐餐飲熱檸檬薑蜜、凍檸茶。.🥞 鑊仔抹茶紅豆雪山熱香餅 $79厚厚的熱香餅用鑊仔盛載，熱辣辣質感鬆軟，口感綿密濕潤，抹茶甘苦味突出，搭配甜甜嘅紅豆一齊食，甜度啱啱好，加埋抹茶雪糕，雙重滿足！.總括而言：Cafe走木系小清新路線，空間寬敞舒適。食物選擇有不同主食、甜品及特飲，味道不錯份量足，定價唔算高幾抵食！將軍澳Cafe有多一個選擇(●'◡'●)

Another comfortable cafe with spacey seats for dinner choice in Hang Hau! Plating decorations still have room for improvement but the food is better than expected! 🐷overall: 8/10🍝Bolognese lasagnaAppearance of the dish is mouthwatering as you can see the filling tomato sauce, minced meat and cheese fully stuffed inside the stack of lasagna pasta sheets. Though the Lasagna pasta is not homemade by the cafe, it’s nicely baked to a moist yet chewy texture. You can fully enjoy another level of savor

好耐冇去坑口食野，冇去一排，已經多咗好多新食店，今次食完晚飯好想食甜品，經過東港城見到一間小清新餐廳，見到餐牌原來有Waffle食😍即刻捉埋老公陪我食啦！店舖原來都有其它菜式食，有手工意粉，飯類，小食，西式野……等我地當然選了甜品焦糖香蕉朱古力窩夫 $68呢個賣相好吸引😋開邊香蕉面上有一層薄焦糖，好香脆，配上朱古力雪糕同朱古力醬，味道更加突出🤤玖瓏蜜瓜窩夫 $68賣相好可愛，有糖星星雪糕，蜜瓜已經切好一粒粒方便食，不過蜜瓜唔算多汁又唔算甜呢度Waffle算大份同厚身，又多選擇👍

when the chocolate crave hits 🍫 and somewhere accessible is critical 🤤Miss the thick #waffle with caramelised banana we tried before there we come!!! .😍hard to pick one from the list, they’re all tempting .😋afterall, we picked the one with #brownie on top, the brownie is gluey warm with a glop of icecream and nicely paired with the not-too-sweet waffle !! Heavenly rewarding~ .😆first time seeing a not-too-tanned #porkribs and they come with the standard American BBQ sauce and crispy fries 🍟

平日下午最喜歡周圍試唔同嘅餐廳，今次嚟到將軍澳，呢度好多商場亦都有唔同嘅食肆餐廳。朋友帶咗我嚟呢間幾骨子，裝修帶點日系風格嘅西餐廳試吓下午茶牛肝菌餛飩$68呢個意大利式雲吞醬汁忌廉非常濃郁，上面一層博博嘅芝士配搭得好突出，將整個醬汁嘅味道提升。雲吞入邊餡料都算多，呢個食法好滋味，大愛。醬燒豬肋骨窩夫早餐$89呢個早餐可以做午餐下午茶，甚至晚餐都冇問題。因為材料多款式而且好大件，朱立骨煮得口感唔錯，醬汁味道剛剛好，唔會太鹹。另外窩夫未到好有蛋香味，加埋上面呢隻荷包蛋真係一絕啦。精選蛋糕另加$19今日係藍莓芝士蛋糕啊。奶茶和蘋果汁餐飲送嘅，唔使加錢呀

收工唔知食咩好，見到呢間嘅豬手好吸引，即刻決定食佢 位置有啲難搵，係譚仔三哥對面，好大間，座位好多，同埋枱與枱之間都隔得好開，唔會感覺好迫 兩個人嗌咗一個飯、一份豬手同一份薯條，豬手本身都跟咗啲薯條，如果細食嘅話，一個飯一份豬手已經好夠 是日餐湯係南瓜湯，好稀嘅南瓜湯，味道麻麻 豬手好脆，肉質都好滑，點埋個芥末醬仲正，薯條不過不失，仲有沙律菜同埋酸椰菜做伴碟，唔會太濟，果然冇令人失望，必試。 冬陰功大蝦燴意大利飯都好多人介紹，我好鍾意冬陰功，呢個飯都好夠冬陰功味，飯亦唔會太硬，大蝦唔算好好食，至少唔霉 黑松露薯條不過不失 芒果沙冰好甜，蜜桃冰茶好飲，仲有幾塊桃係入面 溫馨提示大家要早少少過嚟食，𝙾𝚙𝚎𝚗𝚁𝚒𝚌𝚎寫𝟸𝟸:𝟹𝟶關門，我哋𝟸𝟷:𝟶𝟶點坐低，𝟸𝟷:𝟷𝟻 已經𝙻𝚊𝚜𝚝 𝚘𝚛𝚍𝚎𝚛，𝟸𝟷:𝟹𝟶要埋單方便鋪頭埋數。我哋一邊食，店員係旁邊拖地清潔，我明白阻人收工係好缺德，我哋狂風掃落葉勁快掃晒枱上面嘅嘢，𝟸𝟷:𝟻𝟶閃人

晚上7:30 ，食完晚飯想食啲甜品，於是行入去，發現OpenRice食評勁高分，諗住有好嘢食。order香蕉朱古力Waffle了，賣相好靚，好大舊，似乎好好食，但一叉落去就知賴嘢，好淋，好似用微波爐叮左10秒嘅溫度，食面包咁，極度失望，完全唔合格！

早兩日約咗個fd食飯，係將軍澳行行吓見到呢間餐廳都幾吸引，餐廳環境燈光柔和，座位寬躺都幾舒服㗎🤩。🦀炸軟殼蟹黑松露雜菌手工闊麵賣相超級唔錯👍🏻👍🏻👍🏻，原隻軟殼蟹😍咬落去非常香脆，闊麵無overcook，配埋濃滑既黑松露汁，成件事好match😝。🥩炭燒10安士安格斯肉眼配薯條外層微微焦香入面medium岩岩好， 好多肉汁好juice🤤口感咁腍，筋腱不多🥳薯條重卜卜脆。🍈玖瓏蜜瓜窩夫超級推薦🌟賣相好吸引，本身以為個窩夫會好乾身，點知食落去係非常之鬆軟而且仲有淡淡的楓糖漿味，唔會太甜，唔覺唔覺就連唔係好食甜品既我都可以食得晒個窩夫🧇嚟到絕對要試下😝!!!!

今晚去咗坑口嘅ocio食晚餐，餐廳有唔少甜品同埋正餐嘅選擇。今次帶咗晚市套餐嘅all day breakfast。以All day breakfast 來講價錢算係合理，價錢連餐湯同埋飲品，餐湯係南瓜湯，多重口感，南瓜唔係打到完爛。食物種類算豐富，有沙律、茄汁豆、薯條、蕃茄、芝士腸、雞扒、窩夫，雞扒幾厚身，鮮嫩多汁，薯條炸得香脆，有蜜糖漿可以點窩夫同埋雞扒。另外加$49叫咗一個奧斯水牛城雞鎚，雞鎚炸得好脆，如果水牛城醬能夠覆蓋全隻雞鎚比較好。

Sunday Brunch time 🍴走到商場的一角 餐廳滿座 非常熱鬧 感覺有如茶樓飲茶😂兩個人點左兩個lunch set 加一件cake 1. 蕃茄拿玻崙辣肉腸意粉味道普通 辣肉腸偏硬 成個意粉既味唔太出2.南瓜鮮蝦意大利飯南瓜味鮮甜 意大利飯口感恰好 但蝦有好明顯既雪藏味整體來講 呢兩個菜式一般 可能要試ADB or dessert better 🤨

Ocio (東港城) (將軍澳)📍將軍澳坑口重華路8號東港城2樓238號舖📢小編逢星期一到將軍澳運動場跑步後都會四圍搵嘢食，今次嚟到東港城，呢間cafe 比大圍個間要大 ，坐得仲要更舒適，值得留意一點不同的分店都有不同的餐牌菜式奧斯晚餐時段👉🏻芝士忌廉大蝦手工闊麵$138值得既係中間有紅色的蕃茄乾，食既時候酸酸微微，開頭以為係杞子🤣問返職員原來係蕃茄乾，加入係芝士忌廉汁度確實係一大突破。闊面都幾飽肚同有咬感，有別於平時食既幼身意粉，值得一試👉🏻蜜瓜巴馬火腿跟餐加$68大大塊既咸咸巴馬火腿，包住鮮味甜度高既蜜瓜，層次分明咸咸甜甜，配菜也有沙津菜同蕃薯仔，食完十分開胃👉🏻熱情果梳打跟餐加$19熱情果味濃，最好飲前要攪均才好飲用👉🏻玖瓏蜜瓜雪山$98半個玖瓏蜜瓜切開，中間有個洞，內藏有一層軟綿綿嘅鬆餅蛋糕。切開一個蛋糕，發現有好多綠色粒粒狀既果凍，蛋糕上層有一舊雲呢嗱雪糕，頂層有幾粒蜜糖星星脆片。估唔到一個蜜瓜雪山都可以有咁豐富嘅材料，真系唔切開都唔知下邊有咁多驚喜😍😍😍