Ocio (積存街) (已結業)

周未去搵野食，今晚去到大圍火車站附近既舊街，見到依間叫Ocio既西餐廳，環境格調都相當不錯，於是就決左坐低食飯！叫左兩個晚餐，首先上既餐湯係忌廉蘑菇湯，好足料，飲到蘑菇碎，同埋個湯都好夠味，自行落多少少黑胡椒就梗加夾！然後上既係「香烤美國Prime肉眼扒配薯菜」，沙律菜都唔少，有少少芝麻醬，幾開胃，薯條新鮮炸，夠熱同脆，幾好味，五成熟肉眼扒(應該得4成），好鮮嫩多肉汁，本身唔太濃味，落得唔多鹽，但有附上自家制燒汁，非常之夾，肉眼扒唔算太肥美，點汁配薯條咁食就已經好好味！另外，叫左「香草鮮露芛花蚌炒扁意粉」，意粉炒得好入味，夠乾身，蒜片又掛到上意粉，幾惹味，最驚喜係「芛花蚌」，唔多聽過有依種蚌，味道似貴花蚌，好爽口，依個意粉不常見，但高水準！食完野，仲有杯熱英式奶茶同埋熱薑檸茶，敢氣涼涼地，飲完杯熱茶好舒服！滿足的一餐！

朋友帶我到住那邊附近的一帶逛逛，晚餐就在解決。位置蠻迫的，可能星期日的關係，特別多人，都坐滿了人。光是甜品已佔了餐牌半本的頁數，相片真是令人看得垂涎欲滴。套餐價錢較划算，主菜跟餐湯及餐飲。蘑菇湯味道香濃，令人開胃。香草鮮蘆筍花蚌炒扁意粉相比起加紅醬或白汁，個人更喜歡炒的意粉，尤其是經大蒜烹調。炒香的蒜粒及洋蔥味。蒜香味濃，意粉炒得乾身，惹味又不會膩。花蚌蠻多及大粒，其他配料還有些青黃紅椒、洋蔥及切條蘆筍。甜品那麼吸引，當然要點一點吧。抹茶控的我，點了這班戟。抹茶班戟心太軟班戟皮有別於柔軟那款，這款熱烘烘煎出來，外脆內軟。細滑冰凍的抹茶雪糕徐徐溶掉，跟下面那熱的脆餅皮一併吃時帶來多重口感且沖擊。

晚餐喺大圍食，見到OpenRice訂位有7折，覺得好抵就試吓！環境都唔錯適合傾偈，一入到去就可以即刻坐低嗌嘢食，食物都上得好快！啱哂放工肚餓既我！個黑松露帶子飯都幾推薦，creamy唔會乾身, 面頭啲帶子同啲煙肉串起都好夾好特別！

今日同朋友去車公廟後搵地方落腳食野就搵左呢間OCIO,朋友從未食過自己本身係旺角食過幾次 質素都ok大圍呢間位置都易搵到，係要行入啲店內既風格都幾寫意 只係坐椅位置較擠迫《香港真係吋金尺土》與友人點了:明太子醬配帶子意粉芝士龍蝦配窩夫set蒜蓉蜜糖雞翼雪糕咖啡焦糖咖啡brownie cheese cake因為lunch set有跟餐湯意粉味道很好食，沒有想像中明太子的咸咸感覺配有洋蔥少量燈籠椒 食落唔係油膩感龍蝦賣相幾好 不過味道普通配有窩夫薯條 醬有蜂糖漿，芝士至於雞翼炸到外脆內嫩 而且size都大份咖啡夠甜夠味 食物價錢合理

之前已經嚟過一次ocio, 係大圍站行過嚟都要大約10分鐘，但都唔會難搵～今次再同朋友嚟呢度食飯，因為印象中幾抵食又好味～餐牌有多款選擇，感覺上款款都唔錯，最後我地order咗兩個set同一個小食～Order咗個好吸引既醬燒柚子蜜豬仔骨，仲有蟹肉芝士焗大啡菇同薯菜，燒得唔錯嘅ribs，大啡菇多汁美味！另一個係刺身帶子墨魚汁海鮮扁意粉，海鮮煎得鮮味，扁意粉煮得幾有彈性～仲有一個小食，蜜糖蒜香炸雞翼，有5大隻，juicy又夠味，啖啖嫩肉，正！

今日去到大圍附近去買生日禮物送俾朋友，又無特別野做，而又聽聞有間黃店好出名野食高質，就去到哩間餐廳醫肚一行到餐廳門口，就發現原來係一間幾別緻嘅餐廳，而睇出面嘅menu，發覺菜式幾豐富，就快快手入餐廳餐廳內部裝潢同樣走西式風格，燈光柔和，俾人一種舒服自在嘅感覺，可以好輕鬆enojy好野食野食方面，我睇完個menu之後，眼見有個叫做三文魚卡邦尼意粉賣相好吸引，就二話不說叫左黎食。然而，果然係一間口碑好嘅餐廳，份量大同上菜快之餘，最驚喜嘅係意粉同汁嘅比例剛剛好，煙肉碎咸咸香香脆脆，三文魚又超大塊，真係食唔停走手另外栗米濃湯都值得一讚，濃郁之餘，栗米新鮮好甜，唔似其他餐廳整嘅罐頭湯，可見餐廳好俾心機去整每一份野食店員都非常好服務，眼見哩排轉天氣，就推介佢地嘅檸檬薑茶，暖一暖個胃，避免感冒唔舒服，實係貼心嘅舉動總括而言，哩間餐廳地方雖然唔算好大，但裝修獨特，野食一流，想舒舒服服食西餐嘅話，哩間餐廳可以係一個唔錯嘅選擇，感受一下輕鬆寧靜嘅氛圍，度過一個唔錯一日

👧🏻Wodafoodie in Tai Wai其實真係好少去大圍食野 今日踩完單車係大圍還車就係附近揾地方食dinner 估唔到揾到間幾正既西餐😋晚市套餐係揀一個主菜配餐湯、$33以下飲品 今日既餐湯係南瓜湯 好濃郁 幾creamy 好飲👍🏻😋🐮安格斯牛柳配鵝肝 $148本身諗住佢無寫薯菜就無 點知都有勁多粗薯條😍 牛柳煎得好香 好軟腍 叫7成都唔會韌 👍🏻 估唔到呢個價可以有牛仲有鵝肝食 一咬落去d油脂必曬出黎 正😆😝😋👍🏻👍🏻👍🏻🥰🍝煙三文魚卡邦尼扁意粉 $88呢碟意粉有三文魚 煙肉同洋蔥 扁意粉煮得岩岩好唔會過淋 個卡邦尼汁勁多勁creamy and juicy 🤩 每啖意粉都掛曬滿滿既汁 配埋三文魚好好食同時好邪惡🤣😋🥰見餐牌咁多甜品好吸引 所以臨尾叫左個🍠🍯自家製鮮紫薯蜂巢窩夫 $68一上碟忍唔住係咁影 個presentation好靚😝 窩夫配雪糕真係無得輸 窩夫入面都有紫薯架😋😍好正好滿足～～😚😚😚估唔到大圍都揾到高質西餐🤣🤣我見佢promote緊個鑊仔抹茶紅豆熱香餅都好吸引 下次一定要試下☺️📍 Ocio (積存街) (大圍)大圍積存街74-76號地下A舖

Dinner set （配餐湯+$33以下飲品）⠀餐湯：蘑菇湯🥣⠀(7.5/10)飲落唔會鹹，有淡淡嘅蘑菇香～⠀⠀🥓黑松露燴意大利飯配煙肉帶子串 🍛$108 （7.5/10）⠀一碟都幾大份，燴飯有洋蔥🧅、青瓜、蘆筍同菇。⠀食落有淡淡黑松露香，忌廉汁偏甜，我同朋友有少少唔習慣🤓。⠀第一次食帶子煙肉卷，依個配搭幾得意，咬落幾juicy，整得岩岩好。⠀⠀🐷醬燒柚子豬仔骨伴蟹肉芝士焗大啡菇及薯菜🍟 $138 （7/10）⠀豬仔骨嘅汁酸酸甜甜幾開胃，但肉比較韌同難咬，食得有啲狼狽。⠀大啡菇咬落多汁，整體調味唔多，比較淡味。⠀薯條配嘅茄汁應該佢地自己有調教過，味道比較酸同開胃～⠀

大圍一向多美食，今日我就去左ocio食lunch！環境舒適，食物性價比高，午餐有多款選擇🔅蘑菇湯大大碗，充滿菇味，好濃郁🔅忌廉菠菜蟹肉意大利飯依個好好食，啖啖都食到菠菜同蟹肉，蟹肉唔會剩係得面幾舊，而係成碗啖啖都有。佢雖然係risotto ，但d飯唔係傳統果d硬度，軟軟地岩我口味🔅黑松露蟹肉燴意大利飯黑松露味好濃好香，配有蟹肉、菇、三色椒，係好好食既。但係佢雖然有好多蟹肉，可惜因為黑松露味太搶，遮蓋晒蟹肉味🔅英式奶茶奶同糖水係分開上，可以俾人自己落返，唔錯🔅榛子咖啡濃濃嘅榛子味，甜度適中，好鐘意佢面頭幼滑既奶泡，打得好靚好綿🔅紐約芝士蛋糕食午餐+$19就可以配蛋糕，佢有5款芝士蛋糕供選擇（朱古力、藍莓、紐約、綠茶、brownie）。我揀左紐約芝士蛋糕，好滑，重芝士味，入口即溶。但係芝士蛋糕面頭配杏仁片我就麻麻地

今日同朋友去咗大圍打羽毛球 打到又熱又攰就想搵一間環境夠靜而且食物ok嘅餐廳慢慢坐下抖下 見到呢間餐廳評價好似幾高 所以就決定入去試下燒汁牛柳粒燴意大利飯 燒汁味道幾突出 而且牛柳粒亦都整得幾林 唔硬 意大利飯係都好正宗非常之多汁醬燒柚子蜜豬仔骨窩夫早餐 啲醬甜甜酸酸咁夠開胃 加上柚子蜜令到成個豬仔骨味道層次更上一層樓 而窩夫亦都幾脆口又唔太甜 唔錯唔錯整多杯香港人最鍾意嘅凍檸茶 茶底夠香而且唔澀 檸檬亦都份量足夠 成杯茶都幾好飲

今日喺大圍度做完嘢 同同事去咗呢間ocic度食午餐 餐廳外面用咗墨綠色 入面裝修好有文青嘅風格 卡位夠闊落坐得幾舒服餐湯係南瓜湯 質地杰身味道濃郁 幾香甜幼滑我就叫咗個醬燒柚子蜜豬仔骨窩夫早餐 冇諗過午餐份量都咁巨型豬肋骨分量唔大但勝在上面嘅bbq醬十分豪爽啖啖都有醬 肉質實在唔馬虎 仲有少少肉汁窩夫厚實 食落鬆化 有小小牛油味 上面煎蛋略嫌過熟沙律加咗芝麻醬夠清新 菜都幾新鮮 薯條炸得卜卜脆 外脆內軟唔錯叫咗杯cappuccino咖啡味香濃 而且好滑 有水準

很久沒到過這麼遠了，附近找家cafe吃頓晚餐吧。餐牌有單點菜式，另外還有一頁的晚餐套餐，選擇很多，還是直接點晚餐餐牌上的套餐吧。點餐後，店員隨即奉上燙熱的蘑菇蓉湯，滿滿的蘑菇蓉，還有粒粒蘑菇碎，很足料。湯頭濃稠，喝完很暖胃。煙三文魚卡邦尼扁意粉：整碟意粉上面鋪上煙燻三文魚，薄薄數片，芝士忌廉味香濃且不膩，另外還加入蘑菇、煙肉碎及洋蔥，加添油香及鹹味，不得不提就是生洋蔥，洋蔥味强烈但有助解膩。餐飲來杯熱檸檬水解解膩吧。

🕰️用餐時間：18:15-19:30 👥人數：3人訂了7時的座，但因提早太多到達就沒有了6折優惠😿Orzzz~餐廳裝潢雅致，就是桌與桌間空間狹窄；尤其當我們仨一坐下，就更覺擁擠了。😕我們分別點了香草鮮露笋花蚌炒扁意粉($88)、黑松露燴意大利飯配煙肉帶子串($108)和原隻魷魚龍蝦汁意大利飯($118)。跟餐配$33以下的飲品。香草鮮露笋花蚌炒扁意粉份量足、配料夠、炒得香🤩黑松露燴意大利飯配煙肉帶子串帶子串烤得不錯，很有BBQ的感覺😋 黑松露的味道挺濃，飯質有咬口原隻魷魚龍蝦汁意大利飯這個是真的原隻魷魚上碟喲~ 大家都嚇了一跳！🦑*設加一服務費

星期日打算同朋友去大圍踩單車，運動前要醫肚先，喺OpenRice search到呢間cafe原來大圍都有分店，之前喺旺角食過甜品唔錯，見set lunch幾抵入去試下。2點零都好full下，但好彩唔洗等位。睇menu都幾多唔同選擇，可惜2個人叫唔到太多，下次先食甜品。是日餐湯係粟米忌廉湯。主食叫咗龍蝦汁炸軟殼蟹燴意大利飯($68)，個炸軟殼蟹好大隻，外脆內軟，大滿足！而個飯既濕度硬度都啱啱好。另外朋友叫咗香煎原條龍脷配意粉($75)，龍脷柳唔會好油膩，醬汁好開胃，再多d就更好😆餐飲就揀咗凍奶茶同蜜桃冰茶(特飲要+$15)，凍奶味味道偏淡。整體上性價比高，假日呢個價錢包湯包餐飲真係抵到爛😂😂😂

💛 #大圍 #OCIO第二次食呢間OCIO啦~ 第一次食係母親節, 嗰時人頭湧湧, 今日經過見到竟然得小貓兩三隻, 就同朋友入咗去食啦☺️~~呢間餐廳係食西餐嘅, 食物質素唔錯, 坐得又舒服, 價錢都係百零蚊一個人🤩~我哋一人叫咗一個餐, 跟餐有餐湯同一杯$33或以下嘅飲品😚當日嘅餐湯係甘荀湯, 幾creamy唔錯~🐠🍝 煙三文魚卡邦尼意粉 ($88)呢個卡邦尼意粉幾出色! 個汁又香又濃郁😋 加埋啲煙肉增加口感同有少少鹹香味, 意粉質地煙韌好食~ 煙三文魚都係鹹鹹哋, 份量都算多🥰💕🐷🍄 醬燒柚子蜜豬仔骨伴蟹肉芝士焗大啡菇及薯菜 ($138)BBQ/蜜汁豬仔骨就試得多啦, 今次加埋柚子落去, 雖然又唔會食得出柚子嘅酸澀味, 但整體黎講又好似冇咁膩, 食落都唔覺邪惡😜 大啡菇有超多芝士! 好正~ 焗到軟淋淋, 😚不過蟹肉份量都可以多啲 (呢個價錢算唔話得!) 薯條即炸上黎係好食, 要襯熱食!總括黎講CP值都好高，平價西餐之選👍🏻