Nutmad (已搬遷) 新店位置

係呢一個工廈咖啡店林立嘅時代，要做到一間出色嘅咖啡店一定係要靠實力同埋口碑。有一日約咗朋友想去觀塘飲下咖啡，就問咗一個咖啡達人有咩好推介呢一間係其中一間。呢間咖啡店位置比較偏僻唔係太近APM或者開源道。不過行遠少少都係值得嘅。上到嚟，環境開揚有2-30個位。餐牌選擇都多，主食同埋甜品都有選擇。我揀咗一個意粉同埋一個多士。同埋買咗一杯熱嘅cappuccin，咖啡夠熱，豆香有層次偏nutty。奶都打得夠滑。意粉都夠香同好食，佢話係新式嘅carbonara。有誠意！香蕉多士個焦糖好脆好正！現今世代要搵一間咖啡同埋嘢食做得好嘅餐廳實在係好難，希望佢係觀塘捱得住。

我相信係廿一世紀生活既人類對 “工廈”哩個名字一d都唔陌生😌以前未咁普及就可能會覺得: d餐廳得唔得架？質素會點架？🤔而家如果搵岩係工廈既餐廳就會話: 好呀咁一定坐得幾鬆動呀！小店wor 要支持啦！😆今日就黎到觀塘搵食又同老表聚一聚舊晏奏2點幾過去岩岩仲有一張枱🤣😆餐牌好簡單，哩d都有好處呀 唔洗煩🤓等左一陣就有得食途中聽到老闆/經理同食客分享拒地既理念、交流大概就係open kitchen 的優勢吧真心推介 焦糖香蕉法式多士💚當時好想再encore 多個，但趕住睇戲無時間😿下次黎再食兩個😋👍🏻

呢間餐廳一直都放左響嗰WaitingList，成日響呢棟大廈行鋪頭都無去食！今日難得一個人下午未食嘢，經過九龍灣就特登過埋去牛頭角站搵佢！隱藏響工厦9樓C室，跟住字母就好快搵到。店鋪裝修簡單，行工業水泥風格🧐？下午三點幾四點，全場計埋我得2個客人，正！唔好期待精美餐牌，有的只有白紙黑字幾頁紙，種類也精簡～最適合我呢D選擇困難症人士！點了第一款🐷煙肉意粉，以為係普通意粉，點知材料係自己製，三款🐷煙肉口感唔同，配合起來就係一流！店員親切解釋餐類同埋材料，好認真！我聽到一頭霧水，只知道每樣材料都有來頭、製作認真！一個人食咁晏，好處係可以慢慢品嚐。但就試唔到其他種類，咁唯有下次再去食第二款啦！

煙三文魚黑芝麻醬意大利麵($98)芝麻醬沾滿每條意粉，仲有橙皮粒同提子乾，配搭新鮮好食阿！不過唔知係咪食開大家既福源芝麻醬手作食到嘴勺，覺得呢個芝麻醬唔夠香濃。慢煮雞胸 牛油果Sourdough($88)雞胸非常嫩滑，配上creamy既牛油果、風乾番茄、蛋香醬同烘至脆身既sourdough口感豐富好惹味，可惜面頭有大量芫荽苗.🤦🏼‍♀️焦糖香蕉雪糕法式多士($68)即叫即製上枱時熱辣辣，仲有烤過既香蕉配埋雪糕冰火交溶好正😂 多士沾上蛋漿一晚先煎，蛋香濃郁，口感軟綿似疏乎里，可惜外皮硬左少少。跟餐自家製Lemonade好好飲，酸酸甜甜，解膩一流，仲有好欣賞餐廳用環保既不銹鋼飲管！cafe 開揚舒適，仲有開放式廚房，前面設一列吧台。呢間隱工廈cafe一定會encore！

是日餐湯：椰菜花忌廉湯🔹蟹肉 魷魚 蕃茄醬 長通粉 $120好多蟹肉 雖然係配蕃茄醬 但兩者都平衡得幾好比起意粉其實我比較鐘意長通粉 可惜唔係太多地方有長通粉軟硬度都適中 魷魚都幾爽口彈牙 唔會好韌呢個份量係勁多😦😨 唔做大哂鬼食到成間鋪得返我地呢枱先食得哂😂🔹煙燻豬豬卡邦尼 $98（芝士脆片 豬面肉 煙腩片 意大利煙肉 蛋汁 意大利麵）No cream真正嘅Carbonara其實係唔落Cream嘅雖然餐牌選擇唔多 價錢都算中上 但食飯時間一定會爆滿 有心想食嘅可以book定位我最欣賞用環保飲筒嘅餐廳 不銹鋼定用紙飲筒都好啦🍴8/10

悠閒寫意的周末就是去一間坐得舒服的cafe飲下咖啡食下野傾下計 漫活一下😌我有好介紹💁🏻‍♀️不但食物質素不錯咖啡店員的服務態度亦非常好令整個午餐感覺非常舒服😊🍝煙三文魚黑芝麻醬意大利麵 | $98Smoked salmon, black sesame, spaghetti本身個自家研製黑芝麻醬味道不是太出但有橙皮碎就吊出味道來不過如果炒過芝麻應該會更香煙三文魚的鹹香亦剛好 個別食會有點鹹腥但同時與黑芝麻醬意粉食又balance到喎🤩特別要讚意粉軟硬度剛好👍🏻🍞法式多士 French toast | $68多士浸蛋漿浸過夜 order後即煎質感軟棉近乎蛋糕 蛋味非常濃郁新鮮煎出配雪糕一齊食冰火交溶超好食整體味道亦不會過甜 非常滿足

樓上舖又有實力小店開左，門外有大大幅壁畫夠搶眼，用上左全開放式廚房感覺更親近，甚至可以一路傾下計更有親切感。一上到去已經俾外面既呢幅壁畫吸引左，真係超色彩鮮艷又夠哂搶眼，入去就會見到有個好靚既招牌同埋有好多唔同客人既相。可以望到外面觀塘既街景同都夠哂光盔猛，入去就見到成個開放式既廚房，所以煮食過程都一目了然，另外吧枱位同廚房都好近。第一碟先上既係《蟹肉魷魚蕃茄醬長通粉》($120)，成碟都熱辣辣上，蕃茄醬唔會太酸，長通粉軟硬度適中，蟹肉真係勁多同埋都幾鮮。另一個係好多人叫既《煙燻豬豬卡邦尼》($98)，用左三種脆豬肉，包括豬面肉煙腩片同意大利煙肉，面頭放上自家製芝士脆片，意粉無用忌廉用上生雞蛋同芝士，每條意粉都俾蛋汁包滿左。肉食怪緊係唔少得叫肉，《慢煮黑毛豬》($148)個黑毛豬油脂豐富仲要超嫩身，呢個真係大推，配上左清新既蘋果醬汁，底層再配上蒜醬。餐飲有《Homemade Lemonade》，杯野飲都係佢地自家製，夏天飲酸酸地又冰涼真係舒哂熱氣。店名：Nutmad 地址：觀塘觀塘道396號毅力工業中心9樓C號舖餐牌:

觀塘工廈中有很多小餐廳，只要細心找找，就可以遇到一些非大眾餐廳。今天到了nutmad一試，覺得份外驚喜。幸好朋友預先訂座否則就無位食午餐餐廳座位不多，因較遲訂位，所以只能在坐bar枱位置。好多人會覺得坐這位置不好，但係可以望著廚師下廚，同廚師聊天，感覺很親切，食飯同時又放鬆心情午餐選擇也很多，我點了一個crabmeat penne套餐，包餐湯及餐飲。餐湯夠熱，味道正常今次我點的是蟹肉魷魚蕃茄醬長通粉，份量也不少，而我更是蕃茄控，所以真係覺得依個長通粉好好食，係出面既餐廳係食唔到！我絕對會因為依個長通粉再番來依間餐廳食繼續支持小小工廈餐廳！

已是第二次幫襯，第一次點了豬鞍，三文魚意粉，French toast . 食物意外地好吃，尤其是豬鞍及French toast ! 豬鞍好有彈性，煮得剛剛好，French toast 也是軟道適中。職員放低食物時，如果你是第一次食的話，會細心詳盡介紹那碟食物。第二次來，點了piggy carbonara, 意粉是al Dante, 棄用cream, 改用生雞蛋，沒有了油膩感。又用上三種不同煙肉，增加口感。Flat white 的溫度好夠熱。一句講哂，全部都令人滿意！

今次工廈搵食之旅又找到好店子，而且好近office，真好。所講是這間Nutmad。隔局屬cafe，一入門口便看見佔了全個餐廳三分一面積的開放式廚房。通常餐廳對自家出品有信心的才敢show晒煮食過程比顧客看，令我未吃已有期待。我好自然選坐吧台位，可方便同廚師交流也。午餐時段來到，看menu選擇唔算多，並沒有set lunch，而選擇有沙律、酸種麵包製的單片三文治、意粉、意大利飯、豬牛的特別推介各一，還有一些甜品。直覺話我知此店應屬貴精不貴多吧。首次來忽然好想食肉，便點了一個menu上特別推薦的慢煮黑毛豬.蘋果.蒜。擺盤特意弄得似森林似的，不俗。黑毛豬慢煮後再經煎焗，外脆內嫩，肉帶粉色，屬完美的狀態。值得一提的是那個蒜醬及蘋果醬，一鹹一甜，都能令肉的味道帶上另一層次，令我吃得開心，最後更用手吃骨邊肉，爽。難得在我面前的大廚亦報以欣賞的微笑。令我更欣賞的是伴隨豬扒的薯仔什菜也烤焗過，味道鮮，也不遜主角的肉呢！最後來一杯Latte埋尾，好順滑，奶味唔會太搶風頭，唔錯。這次在Nutmad看到隔離的食客吃西多士，好誘人。我看蛋漿滲入厚切麵包的顏色，問大廚是否把麵包放在蛋漿二十四小時，他說真的浸了一

星期六下午同朋友一齊試下觀塘樓上cafe，位置喺apm附近都算方便。雖然鋪面不算大，但坐得都舒服，採光唔錯又有d裝修。我同朋友坐二人枱對坐，後面有一字排開嘅bar枱，感覺有點似日式鐵板燒可以望住佢煮。我地兩個人分別點左一個open sandwich同carbonara。Open sandwich ($88) 味道唔錯，用料新鮮但carbonara ($98)就反而失色一上枱見到麵身有d乾，同平日食嘅好唔一樣，無嗰種好creamy嘅感覺。食落口直頭有小小似炒麵嘅感覺。之後再睇返menu至發現原來有寫明係”不含忌廉，但含有生雞蛋和芝士調配而成的新鮮蛋汁”。個人泥講，我覺得個carbonara嘅蛋汁太創新，亦都食唔到有芝士味，下次就唔會再試。最後，鼓起勇氣再叫一個passionfruit tart試。賣相同伴碟都唔錯，旁邊有d生果同hazelnut，上碟嗰時個tart仲係微暖開頭以為個tart會好硬，點知用叉吉落去嗰下有d cream吱出泥。味道好fresh，有好濃嘅passionfruit味！本身仲想叫野飲，但係drinks menu選擇不多，自己又唔飲咖啡，所以揀唔到飲d咩。大熱天時想飲

平時返一至五嘅我難得閒日放假，一於約咖啡友黎試試新cafe。朋友推介觀塘區有新店，摘日不如撞日，就今日去試試😋☕️新cafe位於觀塘同牛頭角地鐵站中間嘅工廈，由觀塘地鐵站出黎行走大約10分鐘就到，毅力工業中心呢座工廈無分單數雙數lift所以都幾容易搵。Cafe簡單嘅裝修見心思，灰泥色嘅牆配上藍色黃色椅同木枱令整體感覺大啲又充滿色彩繽紛氣氛，再加上開放式廚房拉近左客人同廚師嘅距離🎉🎊門口啡色部分S字原來係咖啡豆！此處亦有啡聞雜誌提供！隨啡附送☕️📖(啡聞嘅讀者Hi🙋🏻‍♀️)因為附近有寫字樓嘅關係所以有好多lunch booking，一共有大概30個位左右。我地去到時只有近廚房嘅bar枱坐(仲好！可以近距離睇人地煮嘢食😋)Cafe主打西式食物，有意粉、沙律、三文治等。午餐有餐湯附送，是日餐湯係薯仔湯嘢飲同甜品需另叫。我地叫左以下嘅嘢食😋：咖啡友同我最欣賞係法式多士，原來個多士係用蛋漿浸左一晚先煎，咬落鬆軟，充滿香濃嘅蛋味。香蕉上嘅焦糖係即叫即燒🔥配上焦糖香蕉+士多啤梨+雪糕=🤤😋如果覺得唔夠甜可以加糖漿。另外我地都好鍾意個冰滴咖啡櫻桃茶，果味清香，同時亦品賞到咖啡嘅味道🍒☕️呢度嘅食物水準👍🏻食

最近見觀塘新開了間cafe ,趁lunch 時間去試試本身都諗住食妟時間都要排隊，點知仲有窗邊位！點了蟹肉魷魚蕃茄長通粉$120口感豐富，多蟹肉，魷魚就無乜但通粉有咬口，味道剛好仲有木魚絲，幾夾原本想點法式多士，但話要等好耐所以無叫牛油果雞肉多士醬汁酸酸地，整體感覺清新另外餐會配上餐湯 是日餐湯雜菜湯味道尚可，材料好多餐飲都有幾款選擇，選了lemonade 餐廳食物味道好，擺盤亦有花心思略嫌lunch 的話價錢偏高

朋友推介呢間新cafe 😍 話咖啡超好飲，食物都好精緻👍🏻Cafe比較細，大概可以坐30人。佢係open kitchen可以睇到廚師煮野同埋整咖啡、拉花👍🏻佢每個月嘅餐牌都唔一樣，七月dinner set有海鮮手工意大利麵，美國雞胸同埋美國rib eye. 我哋四個女仔嗌左三個set，三個main course 都好大份，四個女仔都食唔晒。手工意大利麵好有咬口，配上番茄醬，青口、大蝦，鮮味好足好fresh~! 雞胸亦都唔會太韌，配上蕃紅花同埋番茄仔好好食。我最欣賞佢個rib eye，大概五成熟，配上蘑菇蓉同埋自製嘅牛油，帶出牛味👍🏻😋佢個甜品亦都好出眾，yogurt有啲似雪糕，配上新鮮芒果同士多啤梨，自製嘅士多啤梨雪糕，好有心思👍🏻

又黎到nutmad，今次食6月嘅餐牌，希望有新嘢可以試。我食煙三文魚黑芝麻醬意大利麵，成碟都係我鍾意食嘅嘢食。如果呢個有一樣你唔鍾意或感麻麻地嘅，我建議唔好點，你可能會覺得會伏。成碟我個人覺得獨立分開味道係ok，但係拼埋一齊就唔係好夾。煙三文魚唔錯，都算好味，唔會太熟。黑芝麻醬就濕左小小，其實係香口，不過始終同意粉唔多夾到。坦白講，唔知係咪多人食咗，廚師唔夠，明顯份量比起之前黎係少咗。同事叫我上次食嘅卡邦尼，但係個蛋汁無咁結同可口，有小小濕，味道就爭小小啦。之前上個月如果兩個人唔駛book位都有位，依家即日book都有機會無。如果真係想試嘅話都係早一日就去book，咁會穩陣啲。