Nunu燒 (已結業)

在中環shopping 後，朋友想到蘭桂坊飲酒，飲酒之前先去醫好肚子。今次去這間日本料理食晚餐，店內裝修簡潔舒適座位闊落，感覺舒適。餐牌食物種類有很多選擇, 而且用QR code 下單，非常方便。我們點了一些食物，上菜速度迅速。香脆內軟的軟殼蟹卷賣相非常吸引，中間夾着牛油果青瓜感覺清爽，再加上特製的辣味沙律醬十分惹味。雜錦天婦羅見到炸物做得咁出色，立即點了天婦羅試吓先，絕對冇令我失望，賣相一流非常吸引，一點都不會馬虎內有蝦丶茄子丶南瓜丶冬菇份量也不少，各樣炸物非常香脆， 絕不油膩。蒲燒鰻魚飯 鰻魚肥美食材非常新鮮juicy好味道，飯餐配一碗麵豉湯，滿足口感。離開前服務員會主動同客人溝通，了解當晚食物質素有什麼需要改善，這一點我非常欣賞這間餐廳，食物質素及服員質素一流👍🏻

朋友介紹中環有間丼飯幾抵食，所以喺英皇戲院睇完戲就行過黎食，行幾分鐘就到，都幾近幾方便。朋友果然無介紹錯，刺身丼非常抵食，由$118-$418不等，仲可以加$25轉定食同埋加錢叫小食我就揀左個北海道海鮮丼（$208)(+$25轉定食）定食有前菜、沙律、味噌湯、甜品北海道海鮮丼用料豐富，有海膽、三文魚籽、兩大隻帆立貝、大赤蝦等。刺身夠哂新鮮！蝦肉爽滑彈牙！跟餐+$20 香芋丸子$20有四粒，抵！丸子外脆內軟，勁多香芋餡！另外叫多兩個小食，質素都唔錯南瓜天婦羅（$78)味淋魚乾（$78)

想喺中環平平地食返餐一向都係難事！！今日竟然比我搵到間唔算貴既餐廳，而且呢間餐廳仲要係食日本菜既！呢間nunu 燒門口寫住五大精選，喺中環黎講價錢都幾合理。真正吸引到我既係後面既dinner menu 同埋刺身丼menu.Dinner 食咖喱飯或者溫泉蛋牛肉飯，八十幾蚊就有交易！刺身丼最平$118就有交易，令人難以相信呢度竟然係中環既日本菜餐廳。我就揀左個豐州直送海鮮丼（$168)(+$25 轉定食）加$25轉定食就有沙律、湯、小食同甜品，都幾抵！豐州直送海鮮丼，有海膽、三文魚籽、帆立貝、吞拿魚同埋兩款魚肉，非常豐富。刺身全部都非常新鮮，而且丼飯仲可以叫多飯，唔駛擔心唔夠飽！跟餐既甜品，係綠茶味。意猶未盡，所以叫多左個柚子雪芭（$50)價錢唔平但物有所值！！原個柚子個碗，入面有超濃柚子味既雪芭，酸酸甜甜，超正！

是晚來到中環的Nunu燒，唔好畀門口好細門面誤導，其實係內有乾坤，入邊仲有幾個小區域，幾有私隱度，如果情人節或平時都唔想有人騷擾，而想靜靜哋食餐飯，呢度都不失為一個好選擇。有紙板餐牌睇，但點菜都係當前做法，掃QR codr落單，因選擇都唔少，所以都用咗D時間先搞掂，總之唔好心急就ok 。嗌咗三文魚帶子丼，今日有D肚餓，選擇咗多飯，如果細食仲可以選擇少飯，保證不會浪費食物，三文魚和帶子都新鮮好味，份量都多，有6片三文魚和4粒帶子。廣島吉列蠔同忌廉蟹肉薯餅個表皮真係好香脆，而蠔亦鮮甜，薯餅內蟹肉唔算多，但個口感好柔軟，亦係上上之選。喜之次一夜干，有深海魚王之稱，外皮燒到微焦，鎖住魚汁，而內裏魚肉雪白，鮮嫩，喺疫症之時吃餐好嘢，感恩。

窮遊香港-中環良心日式居酒屋係四圍都冇口罩既時候可以係店面有得拎 一人一個.⭐️三文魚親子丼$118👍🏻三文魚望落色澤唔錯 幾厚身🤔好似唔係腩位 但都夠肥夠滑👍🏻壽司飯軟硬啱啱好 有醋香👌🏻魚籽就咁食幾咸 岩哂餸飯可以唔落醬油岩岩好旁邊有少少酸薑 蘿蔔.⭐️雙重芝士鰻魚飯$130（半條）溫泉蛋加$10👍🏻表面有一大層拉絲芝士👍🏻一上台果時趁熱仲可以拉絲👍🏻叫左半條 有3大舊 鰻魚勁厚身 好肥 有小小軟骨👍🏻有焦香 醬汁唔夠可以自己加👍🏻飯粒都做到粒粒分明 加埋溫泉蛋餸飯 一流呢個要再搵店做得好食過佢 有d難度5分好評.整體呢間店細心 用二維碼落單可以自己叫多飯 多汁 呢點加分中環黎講 呢個質素 好評.#Nunu燒 (中環)地址：中環和安里4-5號地舖.⭐️評分：味道：4.5/5環境：4.5/5服務：4/5抵食：4/5.

位於蘭桂芳隔離嘅和安里, 係中環人都會知嘅一條美食小街, 聚集左多國菜式小店, 今晚就黎到呢間日式居酒屋小店開餐選擇左 Bar 枱座位, 枱頭擺放左好多酒樽裝飾另外仲有廚師推介菜色三文魚刺身紅白魚紋非常清晰, 肉質嫩滑, 魚油豐富, 夠肥美軟殼蟹卷軟殼蟹係即叫即炸, 所以好香口脆身, 表面嘅蟹籽增加左唔少口感, 加埋帶點香辣嘅沙律醬, Yummy蒲燒鰻魚飯用上原條鰻魚, 鰻魚表面燒到微微焦脆, 散發陣陣甘香, 肉質夠厚身, 而且口感軟滑, 蒲燒汁份量適中, 味道香濃, 鰻魚嘅油香滲落飯上, 值得大推 !!

話說特登嚟為咗芝士鰻魚飯而來！完全滿足左我依啲芝士都可以撈飯食既人♥️If you are an eel lover, you must be excited to try the eel dipped in paramount cheese rice here! 完全滿足左我依啲芝士都可以撈飯食既人♥️Was really satisfied just looking at the bowl of rice! Generous portion of cheese is beautifully poured on top that none could resist! 中環蘭桂坊開咗依間串燒一段日子，性價比非常合理，特別推介牛舌、軟骨雞棒😍 牛舌爽口彈牙，分量都唔細！ 軟骨雞棒撈埋啲蛋漿食完全將成件事昇華🤩厚切牛舌 HK$108溫泉蛋豚肉蔥飯 HK$85雙重芝士火山燒鰻魚飯 HK$130軟骨雞棒 HK$80

黎到中環nunu燒 呢度裝修好靚好有居酒屋feel🏮前菜小食叫左松露拖羅 肉質肥美 松露有點睛作用之後仲有蜜汁牛舌甜甜蜜蜜好滋味份量好大 有成十幾件 肉質軟身無筋 底下的沙律好清新主菜梗係我最愛的蒲燒鰻魚飯有半份同全份鰻魚揀叫左半條鰻魚 有三串 兩個人share剛剛好 如果一個人叫全條鰻魚應該就太膩啦另外叫左薑蔥豚肉飯醬汁好好味 豚肉半肥瘦 送飯一流！^_^^_^整體有水準的日本餐廳 價錢合理 好多位 食物又多選擇 可以再訪喎！

之前食過呢間位於中環既Nunu燒 ，餐廳主打丼飯、串燒同炸物，亦有酒水提供，以中環地段來講價錢合理，作為晚飯係唔錯選擇。🐟 半條鰻魚飯 ($120)嚟到呢度梗係要叫佢哋嘅招牌鰻魚飯，分為一條/半條，因為有其他嘢食就叫左半條，半條嘅份量有三串鰻魚，鰻魚肉質肥美軟腍，烤得好香口，配埋飯簡直一流😋🐂黑松露溫泉蛋牛肉蔥飯($90)鍾意食黑松露嘅朋友唔好錯過，將黑松露、溫泉蛋同大量嘅蔥撈埋一齊，好惹味！唔夠鹹可以落少少醬油，如果牛肉既肉質可以在嫩滑啲就更加好啦🙂而呢度亦有壽司同刺身供應，價錢貴少少，試咗少量質素好好，如果銀包鬆動啲絕對可以試埋，值得推介👍🏻

去蘭桂坊飲酒之前, 就喺附近食野先, 見到間日本餐廳就入去食啦入去用電子手機嚟點餐, 都幾方便, 咁可以睇曬所有食品之餘, 價錢一應俱全, 咁就叫咗個青魚定食, 再加咗個蟹籽沙律, 同埋蟹棒手捲先食個蟹棒手捲, 最欣賞嘅就係佢嗰個紫菜非常之脆, 而蟹柳非常鮮甜, 個飯嗰個黏口度都啱啱好, 不錯不錯, 蟹子沙律, 鋪滿咗蟹子, 咬口爽脆, 再加埋酸酸甜甜嘅沙律, 非常識 開胃之後就食個青魚定食, 青魚嗰份量都幾大, 外皮煎到香脆, 最欣賞嘅就係佢肉質非常鮮嫩, 連埋魚油非常之香, 感覺不錯, 送飯一流呀

出開中環飲嘢，飲嘢之前當然食返啲嘢先啦。今次就去咗喺蘭桂坊附近嘅日本餐廳度食。以為係得蘭桂坊價錢會好貴，但係呢一間相對來講比較合理，亦有好多價錢相宜嘅魚生，壽司同埋定食。炙燒左口魚裙邊壽司燒得好香口但係亦都唔會令到成塊魚生乾晒，相當唔錯。油甘魚腩魚生每塊都係厚切魚生，食落非常有質感，而且食材新鮮，一啲都唔腥，值得一讚。芝士鵝肝石鍋飯三塊非常厚嘅鵝肝加上芝士放喺石鍋飯上面，基本上淨係鵝肝嘅size都已經值回票價，食落外脆內軟，自助餐嘅鵝肝根本冇得比，強烈推薦要試吓呢個。食完total三百零蚊，已地點同埋食材嚟計，性價比都相當高。

之前已經成日lunch 來食超多蔥溫泉蛋牛肉飯，今日見佢搬左大鋪，所以同同事去食下Dinner ! 新鋪比之前大咗，坐得較為適服，很有日本feel。我們叫左2個set 🥢半條鰻魚飯$120呢個只得半條鰻魚，但有三串，份量其實OK，而且厚身。鰻魚好厚肉，爽口結實，配上甜甜的鰻魚汁，同日本飯做個完美的結合。佢地好中意落大量的青蔥來調味，亦係我愛呢間餐廳的其中一個原因。特選壽司定食(10貫）$188有前菜，沙律，味增湯，所以價錢起級值！沙律落日式芝麻醬，所以很好味份量剛剛好10款壽司我最愛三文魚和甜蝦好新鮮肥美，帶子好大粒！蟹子好多每件壽司都大大件，但絕對不是只有飯，超足料！現在新店可以坐更多人，而且又舒適！好耐去蘭桂坊飲酒之前食下飯！

在中環一條小巷中找到這間居酒屋，內裏空間尚算寬闊，有吧枱同埋普通嘅枱。我同朋友坐咗喺吧枱附近，感覺幾舒適。我哋叫咗唔同類型嘅食物包括左蟹籽沙律、火炙壽司、同埋兩個丼飯套餐。丼飯套餐包括左麵豉湯、前菜、同埋沙律，感覺幾豐富。另外叫左一個蟹籽沙律，椰菜作為主要嘅蔬菜，感覺清新。麵豉湯相當特別，入邊有唔少嘅三文魚皮同埋三文魚肉，更有鮮味。三文魚同埋三文魚腩嘅火炙壽司實在太好食啦🤪賣相一流，燒過後氣味好吸引。個三文魚肉新鮮，而且有口感，配上肥腩同埋魚油，簡直要想再食多碟。溫泉蛋豚肉薑蔥飯分量相當大，有好多飯配上豚肉汁，非常惹未。另外配上生嘅蔥令到個飯辣辣地，再撈埋溫泉蛋蛋汁，口感唔錯。雙重芝士火山咖喱飯分量又係好大，芝士鋪到成個面都係😂咖喱汁就一般般，其實都唔辣，因為日式咖喱黎。兩個人食咗三百零蚊，都食咗好多嘢。最後加埋一個綠茶菓子作為甜品，係食得幾豐富同埋滿足嘅一餐☺️

今日約左F在中環shopping兼食lunch, 我地專登行去安和里睇吓有乜好食，安和里雖然係一條小巷，但卻不時揾到令人驚喜的食肆，就好像今天遇到的Nunu燒，絕對是一處不錯食Saturday lunch的選擇！細看Lunch menu, 有原條或半條鰻魚丼，咖哩系列，辣蕃茄系列，另外還有人氣定食，鵝肝石鍋飯，溫泉蛋蔥飯和16款刺身丼，真係樣樣都想試下，最後我地揀左一個北海道海鮮丼和黑松露溫泉蛋豚肉蔥飯，午市套餐另加$25就可以有埋味噌湯，前菜和沙律。前菜是茄子漬，又腍入味，正！沙律是由生菜，車厘茄，青瓜配以胡麻醬，清新又開胃。味噌湯配料豐富，有豆腐，葱，海帶和有少許三文魚腩，味道鮮甜而濃郁，美味！北海道海鮮丼$188~由帶子，三文魚籽，海膽，油甘魚腩和牡丹蝦組成的北海道海鮮丼非常新鮮抵食，刺身質素很不錯。帶子肉質嫩滑鮮甜，三文魚籽粒粒卜卜脆，帶點咸鮮，好正！海膽質感綿密細嫩，鮮甜回甘，好好味呀！油甘魚腩厚切，油脂豐富，魚味濃郁，口感油滑幼細，令人回味無窮！牡丹蝦爽甜彈牙，好美味。黑松露溫泉蛋豚肉蔥飯$135~豚肉帶少許腩肉令口感爽中帶腍，温泉蛋再混和大量的葱粒，洋葱和黑松露令整個丼飯

new location@Nunu燒 (中環)地址：中環和安里4-5號地舖網址: 如果去開CENTRAL LKF 想食日本口味就會來這間了, 呢間價位偏中上架, 所以都是簡單食幾樣...不然會食到破產SEAFOOD 比較出名有質素,仲有SUSHI等$98 日式炒雜菜, 有椰菜幾爽口清甜明太子雞翼 $68 FOR 2, 鐘意中間塞了明太子, 微辣一粒粒口感幾好架, 同埋燒完都仲好JUICY~細細隻中間又起了骨, 食得有儀態一些啦~~$98 黑松露帶子SALAD, 帶子是用刺身的帶子煎香, 上點點綴了黑松露醬 但汁太多，醋蓋了松露香湯足料但唔熱，只是微暖食完其實比較推薦燒物, 因即燒是最美味, 熱騰騰的肉香四溢, 之後會再和朋友去喝東西啦~