Noren (已結業)

個豚肉飯d汁同飯都唔錯.........個呢.........我自己好少食倒出面整既豚肉會過熟....今次係第一次....不過可能廚師失手啦....滿懷希望黎呢度食...第一次食就咁...希望老闆會留意下呢個問題啦.咖哩漢堡扒飯係bf叫.我都有食過下.係日本甜咖哩.個漢堡扒都唔錯架.店肉有個日本人.唔知係咪老闆呢.佢都會落手落腳架.不過佢應該就唔識講廣東話.但識唔識聽就唔知勒.下次想試下個薯仔沙律

是咁的！近期大熱的食店首推中環和安里的拉麵店豚王，試過的確不俗，但原來尖沙嘴都有豚肉高手，就是這間由日本人經營的NOREN。其實這天和兩位朋友本來想去赫德道的川燒食串燒（極掛住佢的牛脷），但因為唔記得訂位，所以去到爆場無得食，而朋友就提議試下對面的新店。這間日本小店NOREN，以定食形式登場，加入小量如薯仔沙律的小食，招牌作就係鹿兒島出產的幸福麥豚製作的豚肉飯，配合青森縣產的米飯，味道真不錯，飯夠香軟，我就最鍾意佢個醬汁，送飯確實一流，個招牌豬肉口感好好，肥瘦適中，食晒三塊其實都好夠飽了。朋友揀選的北海道咖喱漢堡飯都好正，朋友話個咖哩汁做得十分好，不過唔記得影相，下次可以試埋。

見OPENRICE咁多好評, 我又好LIKE食日本野, 所以放工一早去試, 去到無咩人, 即刻有位坐, 叫左最多人叫既豚肉飯同咖哩漢堡扒飯~~~麵豉湯 + 前菜----> 一般, 不過用大根同埋洋蔥做前菜幾特別豚肉飯 ---> 個肉既肉質幾好, 唔會太瘦, 不過個汁好似淡左d, 同唔夠汁撈飯~~~咖哩漢堡扒飯 --->不愧都覺得日本咖哩太甜, 唔係咁鐘意食, 不過呢度d 咖哩出奇香濃, 個漢堡扒好juicy, 比豚肉飯出色!

地方頗偏僻且裝修餐具簡單沒半點和風色彩 - 除了老闆，典型日式招待，有笑容有禮。午餐約六十元送汽水（甚港式！）。豚肉，老實說是沒想像中和openrice 中說的非常好吃 - 算是普通好吃吧。說非常好吃的豚肉（不是說叉燒或豬扒），我會想起和幸（香港燒肉嗰間，唔係日本炸野嗰間）的味噌伊達豚（好像現在餐牌沒了，但問侍應還是有的）。咖哩，日式的，普通的，沒有甚麽好說。上面放左塊芝士，好港式。漢堡，豬肉製，頗特別，有大大的豬肉粒有咬口，我很喜歡。飯，超級好食！是日本米，只拌醬汁都已經覺得好好食那種。記憶中有咁好食既飯，就只有doraya。就係因為呢碗飯，我會再去。

之前去過全日本數一數二食豚肉飯出名的 帶廣 食炭燒豚肉飯, 實在回味無窮今次見到雜誌介紹尖沙咀有呢間日本人開既豚肉飯專門店所以特登去試試~~~大約7pm到達, 間店都幾隱蔽, 坐位唔多, 約有十張枱(~20人), 唔洗等位, 坐底就即叫個1號餐 - $68 豚肉飯定食約3分鐘就送上,有麵豉湯, 大根沙律, 酸薑, 當然仲有主菜既豚肉飯.先試個麵豉湯, 用料足, 味道都good, 仲有D秀珍菇, 好好. 再來試下個好似蘿蔔沙律, 呢個就好清, 但唔太特別到主菜豚肉飯, 有3大片, 比較簿身, 肉質當然冇帶廣既豚肉食落咁爽同彈. (可能因為佢既做法唔係炭燒, 始終冇咁香口) 醬汁就有7成似, 幾好. 最欣賞係佢用真正日本青森出既米, 從日本米專門店"俵屋"來貨, 食落都有番D日本feel 賣單$68加一 = $75整體來講可以話有帶廣既6成水準啦. (但一定比起另一間叫自己做"十勝豚X", 其實係用美國豬既好好多)日後行經開都可以再食既~ For Ref:

這間位於食肆林立的赫德道中的日式小店，自從被多位食家發掘，並加以推介後，已經廣為愛吃人士所知。還記得這店初開業不久往試，已覺得這店誠意十足，食物水準甚高，價錢又不算很貴，是一間值得一去再去的店子。這店唯一最大的缺點，個人認為就是這店奉行「貴精不貴多的」策略，店中主打的食物除了香港堪稱只此一家的美味「豚肉飯」和幾款「日式咖喱飯」外，就只有一些沙律和小吃，使客人不能在光顧時點選不同的食物，而只能在有限的選擇中選取想吃的東西。始終，人是愛嘗新的，總不成客人每次來都只是吃「豚肉飯」和吃「薯仔沙律」吧！所以，即使愛吃這裡的「豚肉飯」和「薯仔沙律」如我，都只是在上次來過之後，隔了半年才來再訪，重溫這裡的美味。作為餐前小吃的「薯仔沙律」我覺得是必叫的。這裡的「薯仔沙律」以日本薯仔為材料，自家搗成，不像別的地方般切得那麼整齊，略帶粗糙的質感，猶如薯茸般的「薯仔沙律」，點些蛋黃沙律醬汁同吃，實在十分好味道。招牌「豚肉飯」就更是沒話說。以它所收的價錢，帶來的是非一般的享受。三件切得厚薄適中的日本幸福麥豚里脊肉，肉味濃郁，邊邊部分帶有一點的脂肪，加上店家自製，以味醂、砂糖、醬油煮成的甜醬汁，撈在日本產的精米

之前也說過,在香港吃日本料理,貴價的味道當然有保証,但非人人也負擔得來,就算想縮骨一點,中午去高級壽司店,充一充大頭鬼,也要二,三百一個人.平價的日本料理,放題,就是用來破地獄,整個進食過程,是可以上Discovery Channel的獵奇式飲食節目.想平一點,不用一百塊錢一個頭,在晚上吃日本料理,似乎是拉麵,或者是牛肉飯,咖喱飯之類.在赫德道的日式小店"Noren",就是其中一間,比較平民的日式小店.雖然此赫德道不算很長,但已有好幾間日本料理,見城的不說,對面的萬豚屋,長期門外也有條人龍在,反觀此間店子只能坐不到二十人,兩個人在周六晚上來,還是即刻有位.由日本店長親自招呼,如今無論大,中,小型日本料理,由日本人主理是基本要求.水準是否一定比本地人好,又不是絕對.但出事的比率是少很多.店自慢是汁煑豚肉飯定食,差不多人人都點此味,沒有理由兩個也是點同一款,於是我另外點了個咖喱漢堡扒飯,再叫多個薯仔沙律.光顧之前也聽過身邊眾多人,大讚此店的薯仔沙律.三十幾塊錢一客薯仔沙律,有兩球份量.試罷之後,只覺得沒有特別之處,薯仔並不是全部打成蓉,吃下去還有薯仔肉在內.無錯是有質感,薯味則不算強烈,配

名過其實的一間店放工出尖嘴，唔知食乜好，梗係立刻上openrice睇下最近30日的好評十強啦。意外地發現呢間鋪。以為好評十強，一定有番咁上下水準。結果，只係一般。夜晚，七點幾八點，suppose係晚飯時間既peak hour....一去到門口，望見對面既萬豚屋，人頭湧湧，有廿幾人排緊隊，而呢間鋪，無人排隊。確係有d驚驚地，唔理lu，照入去，發現呢個時間都係得一半full，er。。。確係有種唔知點咁既感覺。唔理lu~入到去，發現老闆應該係正宗的日本人~所以，裝修呀果d，都好日本feel~叫左前人推介的$69豚肉飯同埋$79咖哩漢堡扒飯。兩個set都有麵豉湯同埋前菜....先講個麵豉湯，唔錯，好少見既煮法。唔係我地一般見到既蜆呀，海草呀果d，而係豆腐同埋菇。而前菜係一個冷盤，類似沙律，係大根同埋洋蔥~簡簡單單得黎又幾好食。但男朋友先生就唔鐘意，男仔多數都唔食生洋蔥同埋大根既。但明白既。所以，我就食左兩份好好味沙律啦。yum到個主角豚肉飯啦，米睇少飯上面果粒小辣椒。完全唔辣，好清甜，好正。估佢唔到。但一碗飯得果三片豚肉，確係有d少。d豚肉有d太乾身。。。。個汁甜甜地，幾好味。而個飯底唔錯，食

十月十六日﹙土﹚香港日食店開得盛行盛巿，但在香港要吃正宗的日本料理往往要花上數百甚至千元吃一頓，不是一般人所能經常吃到。我一直覺得香港所缺乏的就是我們平日在日劇最常見到的一類平民小店，這裏的出現可算是達成了我的願望。一直想著過來試吃，但一直也未有機會和時間，剛剛是考試後的假期，有著出街逛逛吃吃的衝動，一早起來就相約食友到此一試，看看這人氣小店是否真的名乎其實，做出個願望來。選擇來個LATE LUNCH，由於已經二時，門口等位的人潮已經完全消化，步入店內日本籍老闆與我們打過招呼說一句正宗發音的「いらっしゃいませ」，這才是歡迎嘛，絕不是一般港式日食店所說的「二拉三乜四」。這兒餐牌一看就知是貴精不貴多，是我最樂於看到的模式，簡單一張餐牌只有數款食物供應。其實來之前已選好要吃甚麼，看餐牌只是遁例動作而己，按原定計劃與食友各要了一個「豚ロース丼定食」。另外加點一個評價不錯的薯仔沙律。薯仔沙律先是另點的薯仔沙律，薯仔配上沙律醬，索價三十多元，雖然份量稱不上多，但也足夠與食友各分一半。薯仔沙律平日吃不少，但這裏吃到的較不同，清楚吃到薯仔的顆粒，相比起一般常吃到的漿糊式薯蓉，這薯仔沙律有薯仔質感得多。

懷着些盼望來到這間人氣長期高企的豚肉飯小店。吃了過後，熱情倒是冷卻了不少....煞有介事很早的抵達，再加上只是一個人，真的不愁沒法找到個舒服的位置坐下來。當正想下單之際，忽聽到一陣的嘈吵聲，原來是日籍老闆跟應是來自菲國的廚房人員吵起架上來，甚至有少許輕微身體碰撞。不禁有點吃驚，此時登時想到一點 ---- 食店內僱主與僱員之關係差勁乃是尋常之事，但若讓此惡劣關係"浮面"，進而影響了食客的心情，那就有點太過了....立定心神，要了招牌的汁煑豚肉飯定食。前菜是平常較少見的切條蘿蔔沙律。味道十分的清淡，蘿蔔色澤很透徹，咬落嗦嗦聲的，十分爽脆，但平常蘿蔔應有的甜味卻是跡近全無的。徒具一個爽字，又有何用 ?另一前吃薯蓉的而且確甚滑，味道平實不花巧。如果牛油香再濃些就更好.....可能是好吃的關係，就連照也忘了拍....麵豉湯味甚清，喝後不會太咯喉。配料雖只是得葱粒及荳腐，但這樣簡簡單單的，反而惹人好感....身為主角的豚肉切得甚薄身，驟眼看去好像一塊片薄了的豬扒一般。肉質是沒有想像中的滑溜，不過也不至於全然咬不動的；邊位是帶少許脂肪的，咬落帶點爽，算是挽回了些許面子，但整體來說，亦只是普通豚肉一塊

今晚閒日,應該冇乜人等位~!!真係唔洗等,入到去得一台客~一試人氣日式定食店, 點知不外如是~一入到去,老闆好熱情咁招呼我地,員工也是~用日文MEUN都是日文的~叫左個豚肉定食+一個CURRY飯定食個豚肉定食得果3塊,汁又少~CURRY係勁濃味, 好似係10蚊店買一包包即食CURRY果D咁~中間夾雜左D肉碎,配料個芝士都幾香~唔怪得要配,大根沙拉~個大根沙拉先呃$,羅白絲, 仲有個薑片,係壽司店果隻來最可取係個麵鼓湯, 料夠多又夠味~咁就收人68,真係賺死佢~!!不過服務堅係好既~!!!D Waiter/waitress好有禮貌, 不時同人斟茶即使食完都會斟茶, 唔會趕人走的感覺同埋出餐速度超快~!!叫左之後10分鐘內即送上~!!Conclusion, OK既~

華仔請食飯, 見飲食男女介紹過, 就黎試下, 叫左: 稻庭烏冬 $53 連薯蓉 - 烏冬夠滑。 豚肉飯定食 $68 - 值得推介, 豚肉有質感又入味, 醬汁濃。 咖哩豚肉漢堡飯定食 $78 - 豚肉漢堡份量略少, 不過咖哩好味, 漢堡上面仲有兩塊焗芝士tim, 味道濃郁。唯一不太滿意的, 就係店子小, 坐位都是近近的, 坐得唔舒服, 店員亦好趕咁, 未完全食晒, 見客人略為停止進食, 就黎收碗......有加一, 埋單$219。都會為豚肉再黎。

是晚到紅館跨時代, 之前就來這裡吃晚飯. 六點來到, 當然不用等位. 參考各方好友的貼圖, 加上這裡的選擇其實不多, 就一客豚肉飯, 一客咖哩, 再加個薯仔沙律, 應該夠吧.Potato salad $39: 8分, 先來的是薯仔沙律. 簡簡單單, 兩大舊薯仔, 夠薯仔香, 加上帶點酸的蛋黃醬, 好吃.Roast pork set $68: 8分, 當然要一客名物豚肉飯.豚肉燒得幾香, 肉質不算是好靚, 不過瘦中帶肥, 加上帶點甜的燒汁, 是相當適合送飯. 店方用上日本米, 更是匹配. 至於其他配菜方面包括大根沙律, 蘿蔔絲切得幼幼的, 相當清新, 但吃吃下還是覺得帶點辣.Grilled curry shrimp fry set $78: 8分, 咖哩下了不少芝士, 幾濃, 是日式的, 當然不會有辣的感覺, 但也是好好下飯的.咖哩份量好大, 甚至比飯的份量還多, 吃吃下覺得飯不夠. 蝦大大隻, 也算新鮮.整體食物有水準, 沒有甚麼令人失望. 簡單的日式晚飯, 是值得支持的小店.

特意來試一試這人氣名店的虛實，非常滿意的午餐 店員有禮地介紹食物，看我三心兩意，推介我選豚肉+薯仔沙律，一次過滿足兩個願望大愛這裡日本運來的豚肉，不韌但很有咬口薯仔沙律口感一流，配上蛋黃醬，正到冇朋友>3<LUNCH SET包DRINKS，可惜飽到吃不完。最後走之前和日本老闆說好吃，可愛的他就說下次一定要再來，呵呵，那是當然的!很欣賞這种有心小店，食物選擇雖不多但精，老闆店員親切有禮，請繼續努力 =)

難得大伙兒共聚，多會試一些人多才試得出廚功的中菜館，當然小貓一兩隻要開餐時，簡單的家常料理已能一探店子的水準，某日與老弟談起物有所值的課題，就二話不說來到近期人氣急升的豚肉料理店。豚肉不作調味以白灼方式烹調，主理人對肉質有一定信心，肉略粗但不韌，吃得出最原始肉味。更多靚豚分享@http://foodxfile.blogspot.com/2010/09/noren.html